日期: 15/10/2011 - 23/10/2011
去日本睇紅葉一直以來都係我既夢想，雖然成日都去日本旅行，但睇紅葉既季節總是不能請假，今年終於有機會了，所以諗都唔駛諗梗係去睇左先。
今次既旅程同以往有 d 唔同，十月唔係旅遊旺季，所以都唔駛一早買定機票，只是出發前以亞洲萬里通換左名古屋入東京走既機票。不過太近出發日子既關係，得番商務客位有得換，咁就一於坐商務客位嘆一嘆佢啦。
今次既旅程會深入日本既信州睇紅葉，浸溫泉同埋食和牛，全部都係我地既至愛，超期待呀！
信州即是日本既長野縣，位於本州中部。我地先飛往中部既名古屋作為起點，走遍長野縣既松本、乘鞍高原、白骨溫泉、上高地、白馬、戶隱、妙高高原、長野同埋輕井澤，最後係東京飛返香港。
整個旅程都可以欣賞到開滿紅葉既景色，又食左好好味既信州和牛，唯一美中不足既係 d 日元實在太貴了，買野都真係要諗過先。
