2009年12月24日 星期四

2009 Dec 中國.四川.冬.成都、九寨溝、峨嵋山 6 天遊

中國四川‧冬‧成都、九寨溝、峨嵋山六天遊 ~ 中國.四川.冬.成都、九寨溝、峨嵋山六天遊 ~
日期: 24/12/2009 - 29/12/2009

今年 9 月開學後, 工作實在太忙, 一星期七天都在工作, 捱到十月尾已經有點透不過氣來, 而獎勵自已的最佳辦法就是安排一個聖誕外遊啦, 哈哈!
礙於美元兌換日元正處於歷史性高位, 成 90 咁濟, 去日本已經唔駛諗, 加上聖誕假又唔係好長, 正好可以開始我想左好耐但又遲遲未能實行既中國之旅喇!
我地向中國出發既第一站係九寨溝, 其實原先都有幾個選擇, 而十二月又是去九寨溝既淡季來, 但最後都作左呢個決定, 因為我地中國之行都係為左睇景, 而冬天既九寨溝亦都好出名, 加上淡季少 d 遊客, 影相仲方便 d tim...... (不過後來我地才知為何十二月是到九寨溝的淡季, 看看後面的遊記便會清楚了 >.<)
我地到旅行社搜集資料, 最後選了永安旅遊一個六天豪華團, 團號為 CDF06XB, 行程可參考旅行章程
因為工作實在太忙, 加上去呢 d 地方交通比較麻煩, 所以最好都係跟團。同埋上網睇 d 人既意見, 話自由行為左慳錢, 搵 d 平酒店, 果 d 酒店就算係冬天, 天氣凍到得零下十幾度都好, 都未必有熱水供應 >.< 所以都係 join 個豪華團算, 最後揀永安係因為佢保證入住九寨天堂洲際大飯店, 呢趟真係要豪一豪佢, 呵呵!
報左團後就自已做下功課, 準備走訪這次行程的兩大重點﹕世界自然遺產 "九寨溝" 以及世界自然及文化雙遺產 "峨嵋山" 了