日期: 24/12/2009 - 29/12/2009
今年 9 月開學後, 工作實在太忙, 一星期七天都在工作, 捱到十月尾已經有點透不過氣來, 而獎勵自已的最佳辦法就是安排一個聖誕外遊啦, 哈哈!
礙於美元兌換日元正處於歷史性高位, 成 90 咁濟, 去日本已經唔駛諗, 加上聖誕假又唔係好長, 正好可以開始我想左好耐但又遲遲未能實行既中國之旅喇!
我地向中國出發既第一站係九寨溝, 其實原先都有幾個選擇, 而十二月又是去九寨溝既淡季來, 但最後都作左呢個決定, 因為我地中國之行都係為左睇景, 而冬天既九寨溝亦都好出名, 加上淡季少 d 遊客, 影相仲方便 d tim...... (不過後來我地才知為何十二月是到九寨溝的淡季, 看看後面的遊記便會清楚了 >.<)
我地到旅行社搜集資料, 最後選了永安旅遊一個六天豪華團, 團號為 CDF06XB, 行程可參考旅行章程。
因為工作實在太忙, 加上去呢 d 地方交通比較麻煩, 所以最好都係跟團。同埋上網睇 d 人既意見, 話自由行為左慳錢, 搵 d 平酒店, 果 d 酒店就算係冬天, 天氣凍到得零下十幾度都好, 都未必有熱水供應 >.< 所以都係 join 個豪華團算, 最後揀永安係因為佢保證入住九寨天堂洲際大飯店, 呢趟真係要豪一豪佢, 呵呵!
準備
|
備註
|
報團
|
參加永安旅遊九寨溝六天豪華團, 團費 $4799。
|
購買保險
|
於保誠購買旅行保險。
|
行程表
住宿
|
||
香港 --> 成都機場 --> 成都
|
世紀城假日大酒店(西樓)
|
|
成都 --> 成都機場 --> 九寨黃龍機場 --> 九寨溝
|
九寨天堂洲際大飯店
|
|
九寨溝
|
九寨天堂洲際大飯店
|
|
九寨溝 --> 九寨黃龍機場 --> 成都機場 --> 樂山大佛 --> 峨嵋山市
|
天頤溫泉度假大飯店
|
|
峨嵋山市 --> 峨嵋山 --> 成都
|
世紀城假日大酒店(西樓)
|
|
成都 --> 成都機場 --> 香港
|
~Day
1~
24/12/2009
(Thursday) 香港 --- 晴,成都 --- 大霧
香港 --> 成都機場 --> 寬窄巷子文化保護區 --> 酒店
7:00 am
|
一早懷著興奮的心情起床梳洗, 然後拖著行理到達香港國際機場。去到機場搵領隊, 收到個壞消息, 就係成都果面好大霧, 班機要 delay...... >.< 咁咪落去食早餐先囉, 落到下面, 又係果 d 野食, 都唔知食咩好之際, 反正仲有大把時間, 今次過去 T 2 搵食啦。過到 T 2, 餐廳多 d, 行過潮樓, 見到佢話飲茶十二點鐘前埋單有六折, 咁就入去啦, 咁多時間, 慢慢飲, 哈哈。
|
兩個人叫唔倒幾多野食, 加上有折, 最後埋單都係六十幾蚊, 仲平過食出面 food court d 野, 抵!
|
|
11:00 am
|
飲完茶都係十一點, 周圍行下, 差不多成個 T 2 都行完喇, 個領隊都冇電話到, 咁打去問下啦, 佢話仲係冇消息, 而家可以做的就是繼續等。 慘!連機場相都要 post 係度, 免得冇相睇咁悶啦。
|
2:00 pm
|
差不多成兩點鐘, 收到領隊電話, 話飛機鐵定下午 4:40 pm 起飛, 於是我地就出境喇。入左離境大堂, 去食 lunch, 又食 >.<
|
4:30 pm
|
大概四點半左右, 我地就去登機閘口搵番個領隊報到, 準備出發了。原本朝早 11:10 am 起飛的航班, 最後因為成都那邊很大霧, 不能安全降落, 最終 delay 到下午 6:00 pm 才起飛。這是我們有史以來, 第一次遇到那麼嚴重的飛機 delay 事件。
|
8:30 pm
|
晚上八點半左右到達成都機場, 導遊已在等我們了, 其實佢都慘, 係個機場度等左我地成日。佢話帶左團咁耐, 都未試過好似我地咁, 班機 delay 左成七個鐘!由於我地係機場度呆左成日, 又岩岩係飛機上面食左飛機餐, 所以導遊提議唔去食飯, 立刻去行街, 我地成團人都舉腳贊成囉, 咁導遊就帶左我地去 "寬窄巷子文化保護區" 。這個是成都三大歷史文化保護區之一, 很有古息古香既味道!
|
9:40 pm
|
今晚係平安夜, 遊人算多, 但聖誕氣氛不及香港。
|
看看成都有幾大霧!害我們一整天都要在機場等候呢!
|
|
11:30 pm
|
今晚入住成都世紀城假日大酒店, 屬五星級, 非常唔錯!
|
~Day 2~
25/12/2009
(Friday) 大霧
成都 -->
成都機場 --> 九寨黃龍機場 --> 酒店
7:30 am
|
7:30 am morning call, 然後落酒店餐廳食自助早餐, 不愧為五星級酒店, 個早餐好鬼正。
|
9:00 am
|
食完早餐上旅遊巴, 準備搭內陸機到九寨黃龍機場。導遊說要做定心理準備, 成都仍然好大霧, 航班很大機會會 delay...... 我心諗, 唔好喇掛......
|
9:30 am
|
好快到左機場, 望一望先......基本上大霧到睇唔倒野, OMG!
|
不幸的消息終於來臨, 航班真的要 delay, 我地原本搭 10:10 am 飛往九黃的航班, 但原來濟留在機場的人, 是原本搭朝早七點的航班啊, 慘!即是說, 天氣太差, 沒有飛機能升降。
|
|
1:00 pm
|
等到差不多下午一點, 還沒有消息, 只是說濟留在機場的旅客可憑登機證去取飯盒。等候期間玩到部 notebook 都冇晒電, 食飯啦......一看, 賣相很差啊......都要食啦, 食落又 ok 喎。
|
4:00 pm
|
食完飯, 陸陸續續有航班登機喇, 不過成日咁多飛機 delay, 要排隊起飛都有排等......到左差不多四點, 終於宣佈我們可以出發喇, 你看, 連四川熊貓都很興奮呢!
|
5:00 pm
|
五點終於起飛了, 又 delay 左七個鐘......第二天又在機場內渡過, 覺得自已係度玩緊 left 4 dead 咁, 哈哈!
而家終於明白點解冬季是九寨溝的旅遊淡季, 根本都飛唔倒去, 想唔淡就假。
原本黃龍已經去唔倒 (因為冬季封左山), 咁行程就安排左兩日入九寨溝, 點知人算不如天算, 而家又係得番一日, 我地好擔心聽日唔夠時間去影相 >.<
|
5:50 pm
|
大約五十分鐘就到左九黃機場喇, 一落機.....嘩左一聲, 連我這個出名不怕冷的人都忍唔住講: 好凍呀!拎完行理, 即刻係個 "?" 度拎 d 冷帽同手套出黎先。
|
6:10 pm
|
出發往酒店, 今次係入住九寨溝內最豪華既九寨天堂洲際大飯店, 靚係好靚, 不過......凍到唔想欣賞, 因為冇暖氣 >.<
|
7:30 pm
|
於酒店內餐廳食晚餐, 味道好好。呢餐可算是旅行團包的第一餐, 因為之前都是飛機餐, 哈哈!
|
9:30 pm
|
食完飯番房休息一下, 然後去浸溫泉喇...... 係咁凍既天氣下浸溫泉, 真係人生一大享受啊!
|
10:45 pm
|
浸完溫泉, 阿明提議再落去影下個酒店大堂, 因為真係好靚, 同埋咁多燈飾, 可以用下個星光鏡, 咁就去啦....不過一路影, 一路係度震, 凍到呢......
|
12:30 am
|
訓覺喇, 準備明天遊覽世界自然遺產 --- 九寨溝!
|
~Day 3~
26/12/2009
(Saturday) 晴
酒店 --> 九寨溝 --> 探訪藏族家庭
--> 藏羌風情晚會歌舞表演
--> 酒店
6:30 am
|
六點半就 morning call, 於酒店餐廳吃早餐。雖然九寨天堂係五星級酒店, 但九寨溝始終都係山區, 個早餐都係麻麻地, 同埋成間酒店都冇暖氣, 零下十幾度咁食, 都幾辛苦下 >.<
|
8:10 am
|
出發到第一行程重點 --- 世界自然遺產 --- 九寨溝! 上左旅遊車, 導遊說, 今朝既氣溫係零下十五度, OMG! 一路坐車, 一路係度震, 好凍! 不過係個機場度逗留左兩日, 今日心情特別興奮!
|
8:45 am
|
好快就到左期待以久既九寨溝入口, 公共汽車係唔可以駛入溝內的, 溝內只有環保車行走 (其實都是 van 仔來), 淡季來的好處就係唔駛等車, 多數都會有位坐。
|
9:35 am
|
九寨溝的第一個景點﹕箭竹海。
|
10:00 am
|
接著是﹕熊貓海。
|
10:30 am
|
五花海
|
11:00 am
|
珍珠灘瀑布
|
12:15 pm
|
係時候去食飯, 我地到左溝內既諾日朗餐廳, 永安是豪華團, 安排左包廂房, 食物味道非常好, 唔錯唔錯。
順帶一提, 這回四川之旅還令我愛上吃麻辣呢!番到黎香港去食譚仔可以叫中辣......:p
食完野等上車時, 去睇下 d 手信舖。
|
2:05 pm
|
長海
|
2:25 pm
|
五彩池
|
3:15 pm
|
諾日朗瀑布
|
3:45 pm
|
老虎海 --> 樹正群海瀑布 --> 水磨房 --> 樹正群海 --> 盆景灘
|
4:45 pm
|
遊覽完九寨溝喇, 對於喜愛攝影既我地, 一日時間真係唔多夠, 仲要成日俾個導遊叫我地行快 d, 唔好掛住影相 >.< 加上天氣好凍, 但我覺得, 九寨溝真係好靚, 係非常值得去既地方!
|
5:10 pm
|
離開九寨溝之後, 就係跟團既例牌節目, 去探訪藏族家庭。都係食下野, 講下笑咁, 真係好例牌, 不過體驗一下都好過帶你去購物既。
|
6:10 pm
|
去市內一間餐廳食晚餐, 味道普通。
|
7:30 pm
|
食完飯有一個自費節目, 係藏羌風情晚會歌舞表演, 有 d 團友話個表演唔好睇, 我就覺得......唔係唔好睇, 不過...個會場係冇暖氣囉, 咁凍, 想人覺得好睇都難啦......
|
9:00 pm
|
睇完表演就回酒店, 睇下電視然後睡覺。
|
~Day
4~
27/12/2009
(Sunday) 晴
酒店 --> 九寨黃龍機場 --> 峨嵋山市 --> 樂山大佛 --> 酒店
6:45 am
|
6:45 am morning call, 到酒店餐廳吃早餐。
|
8:15 am
|
今天會離開九寨溝回成都, 再搭車到峨嵋山市。到機場之前, 又要去一 d 例牌既地方, 就係藏羌民族工藝店, 即係賣珠寶首飾果 d 舖頭。不過多數都冇人會買野架啦, d 團友仲同個領隊講: 不如早 d 走啦, 勁! 其實冬季黎九寨溝除左遊客少之外, 仲有另一個好處, 就係凍到大部份既舖頭都唔開, 作為跟團既我梗係開心啦, 不過當地導遊就少左收入, 所以好多當地既導遊到左冬季就去其他地方做野, 話呢度少好多團帶咁話。
|
10:15 am
|
出發往機場, 今趟航班應該不用再 delay 吧。
|
12:15 pm
|
航班準時起飛, 45 分鐘就番到成都機場喇。番到成都, d 霧散晒, 天朗氣清, 仲有 d 熱熱地咁 >.<
|
1:45 pm
|
上旅遊巴, 去食 lunch。 今次這間餐廳名叫巴國布衣, 在國內都算有名氣架, 我地去食飯時, 剛有人在擺結婚酒呢!
|
3:00 pm
|
食完野, 準備再搭長途車到峨嵋山市, 車程大概二個鐘啦。
|
5:00 pm
|
訓醒一覺終於都到左, 第一站會坐船去睇樂山大佛。呢個佛就真係夠大, 唔用 wide 鏡都影唔晒。 當船駛番埋岸時, 導遊又叫我地再望一望回去, 看看那個 "睡佛", 你地睇得出嗎?
|
6:15 pm
|
睇完樂山大佛, 再到附近既報國寺、聖積晚鐘、天下第一銅鐘同天下第一牌坊, 睇睇下太陽都落山, 越黎越黑, 影唔倒相喇。
|
7:15 pm
|
之後搭車到今晚入住既 "天頤溫泉度假大飯店", 於酒店內吃晚餐, 都係包廂, 味道又係唔錯。
|
8:30 pm
|
食完飯上房休息一會, 之後到酒店浸溫泉。這個天頤森林硫磺溫泉同九寨天堂那個比較, 設施簡陋得多, 更衣室還有點污糟呢 >.< 不過論溫泉的質素, 明顯又好一點, 正宗一點, 咁話晒佢都叫硫磺溫泉....九寨天堂那個溫泉, 有點像在浸熱水呢 :p
|
11:45 pm
|
浸完溫泉回房間休息, 睇下電視就訓覺。
|
~Day 5~
28/12/2009
(Monday) 晴
酒店 --> 峨嵋山 --> 錦里仿古一條街 --> 川戲變臉表演 --> 酒店
5:45 am
|
今日 5:45 am morning call, 係, 大家冇睇錯, 係 5:45 am, 因為今日要出發到第二行程重點 --- 世界自然及文化雙遺產 --- 峨嵋山!勁!
|
6:30 am
|
食早餐, 呢個早餐一般, 不過有碗麻辣米線整得好好味。
|
7:00 am
|
七點鐘出發, 我地先坐永安既旅遊巴, 到左一個好大既中轉站, 都算係一個遊客服務中心, 然後再轉乘上峨嵋山既環保專車, 其實所謂的環保專車就是小巴來。
架小巴一路上, 見到既雪景就越黎越多, 去到中途有個位, 架小巴停下來, 俾在路邊既工作人員幫架小巴加上鐵鏈, 以防行雪地時打滑。
|
9:00 am
|
坐左差不多兩個鐘, 終於到左峨嵋山山腳, 雷洞坪車站喇, 要落車起程了。落車前, 導遊要我地每人加一對厚襪係對鞋出面, 以防行雪地時滑倒, 我起初有點懷疑這是否有用, 但試過後, 原來真係有效喎, 好神奇。
落車後, 痛苦的事情發生了, 勁怕污糟既我, 好想去洗手間, 咁點呢, 而家先開始上山, 有排都冇得去, 唉, 唯有硬著頭皮去啦, 嘩...... 呢個洗手間係我有生以來最恐怖的一個, 冇計啦, 係大陸, 仲要係山區......
去完, 開始上山!一路行, 風景好靚, 當見到雲海的那一刻, 有點想叫出來的感覺, 簡直人間仙境一樣。
|
10:00 am
|
好不容易行到纜車站, 坐高空纜車上金頂。呢度雖然海拔高, 又有雪, 但冇九寨溝咁凍喎, 同埋峨嵋山係冇高山症既。
|
10:45 am
|
到左金頂, 呢度見到既雲海仲靚, 覺得自已拍緊武俠片咁 >.<
|
11:45 am
|
離開金頂, 行回頭路落山, 因為雪地好滑, 落山都唔易過上山好多。 沿途見到有猴子出沒, 小心佢地會搶你 d 食物。
|
12:00 pm
|
番到之前既山腳, 係一間餐廳食左 lunch 先, 可能因為都係山區, 味道都係一般, 不過行左咁耐, 又凍又餓, 食乜都好啦。
|
1:15 pm
|
上車喇, 搭小巴落番去遊客服務中心, 再轉搭番永安那架旅遊巴, 然後直駛回成都。
|
5:00 pm
|
番到成都, 首先到錦里仿古一條街, 呢條街都幾古色古香, 有好多地道小食賣, 不過我地唔多岩食, 冇買到。最開心見到 starbucks, 即刻入去借洗手間, 哈哈。呢度既 starbucks, 價錢同香港差不多一樣, 但這裡人民收入少很多, 唔知佢係咪只係諗住做遊客生意呢!
|
6:45 pm
|
行完之後去一間叫 "味典" 既餐廳吃晚飯, 這餐有成都地道菜宮寶雞丁、紅油抄手、麻婆豆腐、膽膽麵等等, 岩我地食之餘, 仲要好好味呀, 正!真係冇跟錯永安呢個豪華團, 食同住都一流, 唔錯唔錯!
|
8:00 pm
|
食完飯去欣賞另一自費節目, 四川國粹川戲變臉表演, 相比於九寨溝看的那個歌舞表演, 我想這個好看得多了, 至少不用在零下十幾度的氣溫下欣賞呢!
|
9:15 pm
|
睇完表演番酒店, 今晚會入住番第一晚既成都世紀城假日大酒店, 聽朝又可以食果個好正既自助早餐喇......:p
執好行理, 訓覺喇。
|
~Day 6~
29/12/2009
(Tuesday) 晴
酒店 --> 大熊貓繁殖基地 --> 成都機場 --> 香港
6:45 am
|
今日係行程既最後一天, 一早起來執好行理, 落去食早餐。
|
8:15 am
|
今朝早會先去參觀大熊貓繁殖基地, 其實熊貓都睇過好多次, 但今次都有個意外收獲, 就係以往睇既熊貓, 多數都係懶洋洋, 唔郁咁, 但今次睇既, 好活潑, 爬黎爬去, 好可愛。
|
10:00 am
|
睇完熊貓, 又係 d 不可缺少既例牌行程 --- 購物喇。不過今次去既寶樹堂係 ok 既, 佢 d 產品幾好用架, 之前去北京買過佢 d 燙火膏, 幾好用, 不過今次我地又係冇幫襯 >.<
|
12:00 pm
|
d 團友買完野, 就去食呢個 trip 既最後一餐, 最後一餐係去食韓國燒烤......無錯, 係同香港一模一樣既韓燒......我地食左好耐, 大家一路燒, 一路傾, 好開心咁, d 團友仲係度交換 email, facebook tim......食左差唔多兩個鐘, 原本仲有一個行程架, 就係去絲綢館, 咁 d 團友話, 反正都唔會買野, 不如唔好去啦, 咁個領隊話如果大家都冇問題的話就直接去機場喇。
|
1:50 pm
|
開車出發往機場。
|
4:15 pm
|
航班準時起飛, 六點左右就到香港喇, 今趟聖誕九寨溝、峨嵋山 6 天之旅到此完滿結束。
|
沒有留言:
張貼留言