日期: 8/4/2010 - 11/4/2010
今年既復活節假期足足有 11 天咁多, 要休息之餘, 仲要諗下阿明既 birthday trip 去邊好, 喜愛日本的我們, 好自然就諗起日本喇, 但係今年既公眾假期撞正日本既櫻花期, 唔知係咪好多香港人都選擇去日本, 搞到 d 機票好鬼貴, 有個朋友話訂個 cx package (又係 cx >.<) 去大阪要成八千幾蚊 ...... >.< >.< >.< 我心諗, 唔係掛, 上年復活節去白川鄉、立山黑部成個 trip 每個人都係用左八千幾蚊咋喎, 咁貴, 唔去！
其實放假都有學校既野做, 咁去近 d 啦, 最後決定去台灣南面既高雄市同墾丁, 一於 relax 一下！立刻打去萬福 book 機票, 即時 confirm, 快靚正！由於時間比較緊迫, 好遲先 confirm 呢次既旅程, 所以要立刻仲要極速咁 plan 野, 不過應該難唔倒我, 呵呵！相對去日本, 比較麻煩的應該係 book 酒店, 因為怕香港人放飛機, 台灣多要先收錢才會幫你留房。
