2011 Dec 中國．上海、杭州、蘇州 4 天遊

~中國．上海、杭州、蘇州四天遊~

日期: 24/12/2011 - 27/12/2011

今年聖誕有四天假期，不用請假便可去一個短 trip 玩下，想食好野又想看風景，最後決定去上海同附近既杭州蘇州。

上海可以去食本幫菜、生煎飽同小籠包，yummy！至於風景就厲害了，先到杭州看看西湖的美，再到蘇州欣賞園林拙政園、獅子林同寒山寺。

記得上一次去上海已是十年前的事，印象都很模糊了。今次再踏足這個地方，感覺中國真的進步了不少。人們坐地鐵時，都會讓下車的人先走。於景點買票時，都會自覺地排隊。當然，總是會有一些人插隊的，但都不是太離譜，還可以接受，哈哈！

2011 Oct 日本．信州．紅葉 9 天自駕遊

~日本．信州．紅葉九天自駕遊~

日期: 15/10/2011 - 23/10/2011

去日本睇紅葉一直以來都係我既夢想，雖然成日都去日本旅行，但睇紅葉既季節總是不能請假，今年終於有機會了，所以諗都唔駛諗梗係去睇左先。

今次既旅程同以往有 d 唔同，十月唔係旅遊旺季，所以都唔駛一早買定機票，只是出發前以亞洲萬里通換左名古屋入東京走既機票。不過太近出發日子既關係，得番商務客位有得換，咁就一於坐商務客位嘆一嘆佢啦。

今次既旅程會深入日本既信州睇紅葉，浸溫泉同埋食和牛，全部都係我地既至愛，超期待呀！

信州即是日本既長野縣，位於本州中部。我地先飛往中部既名古屋作為起點，走遍長野縣既松本、乘鞍高原、白骨溫泉、上高地、白馬、戶隱、妙高高原、長野同埋輕井澤，最後係東京飛返香港。

整個旅程都可以欣賞到開滿紅葉既景色，又食左好好味既信州和牛，唯一美中不足既係 d 日元實在太貴了，買野都真係要諗過先。

2011 April 越南．河內、下龍灣、陸龍灣 5 天遊

~越南北部．河內、下龍灣、陸龍灣五天遊~

日期: 28/4/2011 - 2/5/2011

農曆新年剛去完北海道睇雪祭，黎緊既五一黃金週有三日假，想去一個短 trip 看看風景，最後選了較冷門的北越五天團。

雖是五天團，實際得三天玩，名符其實的夜機去早機返 >.< 好處是只需請一天假。

聽落好似好少時間咁，但我地去左超多地方，除左越南首都河內市，仲去左欣賞兩大風景區兼係世界自然遺產既下龍灣同陸龍灣，詳情可參考旅行社的章程。

2011 Feb 日本．北海道．冬．道央 (札幌、小樽、旭川) + 道東 (釧路、川湯、阿寒湖、網走、知床、層雲峽) 雪祭 10 天遊

 ~日本．北海道．道央 (札幌、小樽、旭川) + 道東 (釧路、川湯、阿寒湖、網走、知床、層雲峽)．冬．雪祭十天遊~

日期: 1/2/2011 - 10/2/2011

諗左幾年既道東雪祭之旅，一直都未能實行，皆因農曆年去旅行一向都好貴，加上雪祭舉行日期要撞上我們香港的假期才可，故一直都係得個諗字。

直至 2011 年農曆新年，剛剛好遇上札幌第 62 屆雪祭，我地決定向北海道一連串既雪祭典進發。

一年前已開始籌備這個雪祭之旅，先用亞洲萬里通換取香港至札幌來回機票，然後再慢慢計劃行程和預訂酒店等等。

這個雪祭之旅走訪了北海道道央以及道東既多個地方，重點必定是欣賞各個城市舉行既雪祭啦。

欣賞左既雪祭依次序包括﹕阿寒湖 --- 冬華美、知床斜里 --- 激光匯演、層雲峽 --- 第 36 屆冰爆祭、小樽 --- 雪燈之路以及札幌 --- 第 62 屆雪祭。

除此之外，我地亦安排了一些特色既行程﹕欣賞日本國寶 --- 釧路既丹頂鶴、乘搭冬天限定既觀光火車 (SL冬之濕原號、流冰 Norokko 號、流冰特急鄂霍次克之風號)、於摩周湖睇星星同影星軌、坐破冰船睇流冰以及去旭山動物園睇企鵝巡遊等等。

雖然今次只是去左短短的十天，但行程相當豐富，我地仲係第一次遇到落雪，直到而家我地仲好回味 tim...！