日期: 1/2/2011 - 10/2/2011
諗左幾年既道東雪祭之旅，一直都未能實行，皆因農曆年去旅行一向都好貴，加上雪祭舉行日期要撞上我們香港的假期才可，故一直都係得個諗字。
直至 2011 年農曆新年，剛剛好遇上札幌第 62 屆雪祭，我地決定向北海道一連串既雪祭典進發。
一年前已開始籌備這個雪祭之旅，先用亞洲萬里通換取香港至札幌來回機票，然後再慢慢計劃行程和預訂酒店等等。
這個雪祭之旅走訪了北海道道央以及道東既多個地方，重點必定是欣賞各個城市舉行既雪祭啦。
欣賞左既雪祭依次序包括﹕阿寒湖 --- 冬華美、知床斜里 --- 激光匯演、層雲峽 --- 第 36 屆冰爆祭、小樽 --- 雪燈之路以及札幌 --- 第 62 屆雪祭。
除此之外，我地亦安排了一些特色既行程﹕欣賞日本國寶 --- 釧路既丹頂鶴、乘搭冬天限定既觀光火車 (SL冬之濕原號、流冰 Norokko 號、流冰特急鄂霍次克之風號)、於摩周湖睇星星同影星軌、坐破冰船睇流冰以及去旭山動物園睇企鵝巡遊等等。
事前準備
準備
|
備註
|
申請日本旅遊簽証
|
免簽証
|
申請國際車牌
|
不用申請 (因上年復活節假到台灣高雄申請的國際車牌還沒到期，可以再用)
|
購買機票, 訂酒店
|
用亞洲萬里通免費換取 JAL 日本航空香港至東京, 東京至札幌來回機票兩張
|
購買旅遊保險
|
於保誠購買旅遊保險
|
訂民宿, 酒店
|
於網上預約
|
換日元
|
於恆生銀行換購
|
行程表
住宿
|
||
香港 --> 東京羽田空港
|
東京羽田機場第二 Toyoko-inn
|
|
東京羽田空港 --> 札幌新千歲空港 --> 札幌 --> 釧路
|
釧路十字街 Toyoko-inn
|
|
釧路 --> 鶴見台 --> 阿寒湖．冬華美
|
阿寒遊久之里鶴雅
|
|
阿寒湖 --> 釧路 --> SL冬之濕原號 --> 屈斜路湖 --> 摩周湖．摩周湖星紀行 --> 川湯溫泉
|
名湯之森
HOTEL KITAFUKUROU
|
|
川湯溫泉 --> 網走 --> 破冰船 --> 知床斜里．激光匯演
|
知床 Hotel
|
|
知床斜里 --> 流冰 Norokko 號 --> 網走 --> 流冰特急鄂霍次克之風號 --> 層雲峽．冰爆祭
|
層雲閣
|
|
層雲峽 --> 旭川 --> 旭山動物園 --> 札幌
|
札幌北口 Toyoko-inn
|
|
札幌 --> 小樽．雪燈之路 --> 札幌
|
札幌北口 Toyoko-inn
|
|
札幌 --> 札幌‧雪祭
|
札幌北口 Toyoko-inn
|
|
札幌新千歲空港 --> 東京成田空港 --> 香港
|
~Day
1~
1/2/2011
(Tuesday) 晴
香港 -->
東京羽田空港 --> 東京羽田機場第二 Toyoko-inn
2:00 pm
|
2011 年度北海道雪祭之旅終於展開喇, 懷住極度興奮既心情到達機場。 check in 後, 到 priority pass 機場貴賓室食野, 特登留肚架, 呵呵！
|
3:45 pm
|
我地將會乘搭日航 JL 028 班機, 可能冇香港旅行團既關係, 機上大部份都係日本人, 而航班亦貫徹日本人做事既原則, 非常之準時地起飛了。要特別一提的是, 唔知係咪 priority pass 既會員關係, 我地被輕輕 upgrade 到前面既 premium economy class... 個位大 d, 坐得舒服 d 咁姐, 其餘同 ecnonmy 冇分別...
|
 |
|
(以下轉日本時間)
8:05 pm
|
終於都到左東京既羽田機場喇, 我地都係 2006 年由函館落東京轉機番香港時黎過羽田一次咁多...以前呢個機場只係辦國內線, 而家就開埋國際線, 原因好似話係成田太多機升降, 負荷太大了。
|
由於我地驚買唔倒 "SL冬之濕原號" 既車飛 (因全車指定席, 上網睇其他網友話試過買唔倒), 所以落左機拎左行李就立刻去左遊客中心 book 車飛喇... 買完車飛之後就放心晒, 係機場搵食喇。
|
|
 
|
|
9:20 pm
|
呢個機場有 d 似名古屋機場, 我地係食肆果層行左一個圈, 最後決定食 sushi...
|
 
|
|
9:55 pm
|
食完 sushi 飽飽, 跟住就要搭 shuttle bus 去我地既東橫 inn 酒店喇。呢下比較麻煩, 我地要先搭機場 shuttle bus 由國際線 terminal 去到國內線 terminal, 再係國內線 terminal 等東橫 inn 既無料送迎巴士。
|
10:20 pm
|
東橫 inn 既車開出, 駛左二十分鐘終於到左我地住既 "羽田機場第二東橫 inn" >.< 相對中部國際空港東橫 inn, 呢間東橫 inn 真係有點名不符實, 一 d 都唔近機場囉...
|
|
|
12:15 am
|
休息了, 明天一早飛上札幌。
|
~Day
2~
2/2/2011
(Wednesday) 晴
東京羽田空港 -->
札幌新千歲空港 --> 札幌 --> 北海道大學、時計台、電視塔 --> 釧路 --> 幣舞橋 --> 釧路十字街 Toyoko-inn
7:30 am
|
wake up...今天向北海道進發！
|
8:30 am
|
趕快食個東橫 inn 飯團早餐, 然後就要搭 shuttle bus 返回羽田機場喇。
|
8:45 am
|
無料送迎巴士每十五分鐘一班, 車程又是二十分鐘, 很準時。
|
9:05 am
|
又番到黎羽田機場, check in...航班 JL 517 又好準時咁於 10:15am 起飛喇。
|
|
|
11:45 am
|
大約個半鐘就到左札幌既上空, 我地係飛機上望出窗口, 已經見到下面遍地白雪, 心情好興奮。
|
|
|
日本人既效率真係好高, 亦由於國內線比較少寄倉行理吧, 好快就拎埋行理走得。 拖住行理去到 JR 綠色窗口買埋之後係北海道要搭既火車飛, 免得之後趕時間之餘仲要顧住買飛先上得車。
|
|
 
 
|
|
1:04 pm
|
搭 JR 出札幌, 車程只需 35 分鐘。火車一路行, 我就一路欣賞住車外既雪景, 白濛濛一片, 冬天既北海道真是好漂亮。
|
1:40 pm
|
到達札幌, 係火車站內搵 locker 放低兩件大行理先, 然後就到站外既 "味之時計台" 食 lunch。
|
 
|
|
2:35 pm
|
食飽飽就開始今天既札幌徒步之旅。首先我地要去買 Nikon 新出既相機袋。我地係網上面搜集左資料, 係札幌有一間 Nikon Service Center, 雖然聽落好似唔多似會有野賣, 但都走去睇睇啦...呢間 Service Center 好近 JR 站, 好快就找到啦, 入到去見到有齊晒網上面 show 出黎既新款袋喎, 當然都有我地想買果個啦, 買左！
|
|
|
買完相機袋就繼續行, 其實 2006 年已經行過一次, 今次可以再影過各個景點既雪景洛。先走回 JR 站, 見到我地將會搭果三架觀光列車既 poster...然後就出發往北海道大學, 之後去左雪印食牛奶味雪糕。最後再走回札幌地標時計台和電視塔。
|
|
 
 
|
|
5:00 pm
|
走回 JR 站, 取回行李, 準備搭火車去釧路。 因為冇買指定席車飛, 而車程又差不多成四個鐘, 所以我地提早左半個鐘去排隊。
|
|
|
5:57 pm
|
火車準時開出, 向釧路進發。車程成四個鐘, 最好既節目都係訓覺 >.<
|
|
|
9:43 pm
|
終於都到左釧路, 可以落車鬆鬆筋骨喇...一落火車, 呼...好凍呀...我地仲要捱住凍, 係雪地上拖住行理走到今晚入住既東橫 inn...其實路程唔係好遠, 但好似行左好耐咁。去到東橫 inn, 好快咁辦理入住手續, 然後拿拿聲上房放低行理, 就再出發去搵食。
|
|
|
10:15 pm
|
黎到釧路梗係要食爐端燒, 我地已經一早搵左目標, 就係呢間 "ABURI 家" 喇。成十點幾, 個肚已經打晒鼓, 我地叫左成十樣野, 有魚、蝦、帶子、雞、牛舌等等既燒物... 黎之前我地以為爐端燒係自已燒的, 原來唔係, 有師傅燒埋俾你。叫左咁多野食埋單都係五千幾 yen...即係五百幾蚊港紙啦, 我地又係度話, 以前對六只係三百幾蚊咋 >.<
|
 
|
|
11:00 pm
|
食飽飽後去幣舞橋影夜景, 一路行一路震, 夜晚既釧路真係好凍呀...影左一陣, 頂唔順, 凍到想死, 走喇。
|
|
|
12:30 am
|
睡覺。
|
~Day
3~
3/2/2011
(Thursday) 晴
釧路 -->
幣舞橋 --> 和商市場 --> 鶴見台 --> 阿寒湖 --> 愛奴民族村 --> 冬華美 --> 阿寒遊久之里鶴雅
8:00 am
|
起身, check out...放低行理, 然後是但拎左個飯團就走...
|
8:30 am
|
首先去幣舞橋影番個日景..由酒店行去都係幾百米姐, 好近！.
|
|
|
9:30 am
|
然後去釧路既魚市場 "和商市場", 呢度有車仔飯食。首先去買個白飯, 然後去揀你想食既魚生, 逐件計錢的。
|
|
|
10:25 am
|
食完自製魚生飯, 我地走到 JR 站隔離既巴士站, 準備搭巴士去鶴見台睇日本國寶丹頂鶴！因面對絕種既危機, 丹頂鶴已被列入為受保護動物, 飼養係釧路呢個城市。為左睇咁罕有既丹頂鶴, 我地專登搭成個鐘頭巴士去睇架。
觀賞丹頂鶴既最佳時間係下午, 好似係兩點鐘, 因為那時會有工作人員餵野食俾佢地食, 咁 d 丹頂鶴就會走出黎, 影相都會靚好多...不過我地當然等唔倒啦...
|
|
|
12:08 pm
|
搭巴士回釧路, 要先回東橫 inn 取行理。差不多到 JR 終點站前, 我地想早一點落車, 睇下會唔會近 d 酒店, 咁就唔駛由 JR 站行番轉頭。當我地想落車時, 車長先生問我們要去那裏, 我地話東橫 inn (幸好我 d 日文還可 :p), 佢居然將架車駛到東橫 inn 門口讓我們下車...我覺得好驚訝, 因為日本人係好好, 但亦好講原則, 冇站就唔會俾你落, 今次真係好！拎番 d 行理, 又走回釧路火車站。
|
|
|
1:30 pm
|
已經冇時間食 lunch 喇, 咁我地就係車站買左兩個便當, 等陣拎上鶴雅既 shuttle bus 度食。
|
|
|
2:00 pm
|
鶴雅既 shuttle bus 到站, 其實這是阿寒湖巴士來的, 只不過是鶴雅幫我地俾錢咁解...梗係啦, 成千幾蚊一晚咁貴 >.<
上車食便當, 然後訓覺...
|
|
|
3:45 pm
|
終於到左今晚入住既 "阿寒遊久之里鶴雅", 這間酒店在阿寒湖相當有名, 吸引倒很多香港人幫襯...當然啦, 香港人要食好住好, 這裡既 buffet dinner 相當唔錯。
|
|
|
4:15 pm
|
放低行理, 稍為休息一下, 之後就到左酒店對出既愛奴民族村逛逛...
|
|
|
4:55 pm
|
再到結晒冰既阿寒湖玩冰上電單車, 好驚架車行行下 d 冰會裂開晒, 哈哈！
|
|
|
6:00 pm
|
番回酒店食 dinner, 係 buffet 來的, 有好多野食, 我就主力魚生同和牛...
|
|
|
7:30 pm
|
食飽飽再次出發去冬華美會場, 會場就是下午去玩 snow mobile 果度, 其實這個冬華美沒有什麼好看, 大家都是等睇煙花吧！我地用 300 yen 買左一張證明書, 一杯熱牛奶同一杯熱 sake...
|
|
|
8:10 pm
|
等到 8:10pm 終於放煙花喇, 不過好似只係放左五至十分鐘就完喇, 煙花放完, d 遊客陸續散去...
|
|
|
9:15 pm
|
番回酒店浸溫泉...都係日本浸過好幾次溫泉既我們, 好熟練地換衫, 執野, 浸溫泉, 去大浴場沖涼...
|
12:00 am
|
返回房間睇下電視就訓覺喇。
|
~Day
4~
4/2/2011
(Friday) 晴
阿寒湖 --> 釧路 -->
SL 冬之濕原號 --> 標茶 --> 屈斜路湖 --> 摩周湖 --> 川湯溫泉 --> 摩周湖星紀行 --> 川湯名湯之森溫泉酒店
6:15 am
|
一早起床, 因為想浸多次溫泉啊...到左朝早, 男女既大浴場已經調轉左喇...夜晚浸一次, 朝早浸一次, 就兩個溫泉都浸晒喇...
|
7:00 am
|
於酒店食自助早餐。
|
8:10 am
|
為左乘搭 11:09am 於釧路開出既蒸氣火車 "SL 冬之濕原號", 我地一早就要搭阿寒巴士返回釧路喇。鶴雅原本係有免費 shuttle bus 的, 但時間太晏了, 趕不及搭 SL冬之濕原號, 所以要忍痛自費搭巴士。
9:05am 巴士駛到一個道之站, 我地可以落車休息去下洗手間咁...行遠少少仲有一個丹頂之里, 入面都有丹頂鶴, 不過就要買飛先可以入去睇, 係出面係睇唔倒既...如果自駕既朋友都可以順道欣賞下丹頂鶴呢！
10:40am 到達釧路。
|
|
|
11:09 am
|
返回釧路站就去搭 SL 冬之濕原號喇。
SL 即是蒸氣火車, 由釧路行駛至標茶。整列火車共四個車廂, 由蒸氣火車頭驅動, 行走時火車頭會噴出濃濃黑煙, 嗚嗚聲響個不停, 空氣裏充斥著煤炭味道, 雖不甚環保, 但懷舊十足。SL 冬之濕原號的車廂以釧路濕原的代表 --- 日本國鳥丹頂鶴作裝飾, 此外還有特別的紀念印章可蓋印留念, 乘客還可以穿上免費制服扮車長拍照！由標茶至釧路的車程大約個多小時, 車廂最特別是設有炭爐, 售賣乾魷魚、香腸等給乘客燒烤, 炭爐又兼保曖功能, 大家一齊烘烘手、談談笑, 十分寫意。
火車開動之前, 乘客都爭相到車頭拍照, 直至聽到火車響起嗚嗚聲, 大家都乖乖上車了。
|
|
|
12:24 pm
|
SL 冬之濕原號列車到達標茶站, 不幸的事發生了。我地原本計劃下車後立刻轉乘 12:28pm 於標茶開出的列車往川湯溫泉站, 再轉 1:55pm 既屈斜路巴士去屈斜路湖。怎料火車時間表作出了改動, 列車要 1:10pm 才會到達標茶, 於 1:50pm 才到川湯溫泉站。一睇到個新既時間表, 心諗, 咁大鑊, 得五分鐘仲要拖住個點夠時間轉巴士呢？不過擔心都冇用, 時間表已經改左, 咁我地唯有希望趕得切轉屈斜路巴士啦。
既然火車未到, 就周圍影下相。
|
|
|
1:10 pm
|
前往川湯溫泉既列車到達標茶站, 我地好擔心架火車唔準時遲左到川湯溫泉站呀。係火車上, 我地諗好計仔, 當火車一到站, 阿明就負責拖住兩個?, 我就跑出去搵巴士, 然後請巴士司機等埋我地先好開車, 哈哈！
|
1:55 pm
|
到達川湯溫泉, 我地依計行事, 我先下車去找巴士。很幸運地, 因川湯溫泉站是一個很細小的車站, 一落火車就出閘, 又唔駛落樓梯, 所以我好快就走左出火車站, 仲見到我地要搭果架屈斜路巴士停左係站外面 tim... 我即刻走過去, 問司機叔叔是否到屈斜路湖同硫磺山, 佢話係, 仲幫我地拎埋行李上車 tim...成功左, 真係抹一把汗呢！
|
2:00 pm
|
呢架屈斜路巴士由川湯溫泉站開出, 會途經硫磺山, 再到屈斜路湖, 每個景點會停留十五分鐘, 最後再返回川湯溫泉站, 可說是一架觀光巴士來。
我地首先到左硫磺山, 然後再到屈斜路湖睇砂湯同天鵝浴。
|
|
|
3:15 pm
|
離開屈斜路湖, 架車繼續行駛, 我地到左摩周站就落車, 轉乘摩周湖巴士上摩周湖第一展望台。摩周站係一個好細既 JR 站, 可能就係因為細, 冇 locker, 亦因為呢度係遊客區, 呢個站居然幫人 keep 行理, 咁我地就放低左兩件大型行李喇。
|
|
|
3:35 pm
|
摩周湖巴士開出, 3:55 pm 準時到達摩周湖第一展望台。好難得咁睇到摩周湖既面貌, 因為摩周湖很多時都被大霧籠罩, 只見霧不見湖。
遊覽過阿寒湖、屈斜路湖同摩周湖, 就即係去過道東三湖喇, yeah!
|
|
|
4:35 pm
|
搭摩周湖巴士返回摩周站, 於站內取回寄存行理就等火車回川湯溫泉。
|
5:22 pm
|
我地係香港 book 川湯溫泉酒店時, 已 send email 希望佢地渣車出來接我地, 果然我地一落車, 就見到酒店架車停左係度喇, 真係要讚...不過...太早讚係唔得既, 因為...睇埋聽日先講...
酒店離火車站唔算太遠, 車程都只係五至十分鐘左右。
|
6:00 pm
|
check in 後稍為休息一下就食 dinner。
|
|
|
7:30 pm
|
川湯溫泉相對阿寒湖、層雲峽呢
d 溫泉區, 比較少人來...好多人都係遊完摩周湖就離開向網走進發。我地選擇係呢度留一晚, 係因為我地要去摩周湖觀星。我地一早已 book
左個 tour "摩周湖星紀行",
夜晚由川湯溫泉出發再到摩周湖睇星星！
夜晚既摩周湖真係超多星星, 唔怪得呢度有睇星團啦...真係睇到我眼都唔眨...我地仲嘗試影星軌, 但係時間實在太少喇, 得半個鐘...最後都叫做有一張可以睇得下既作品掛, 失禮失禮！
|
|
|
9:10 pm
|
返回酒店, 又去浸溫泉喇...
|
11:30 pm
|
明天又要早起, 所以早點睡覺。
|
~Day
5~
5/2/2011
(Saturday) 大雪
川湯 --> 網走 -->
破冰船 --> 網走監獄 --> 知床斜里 --> 激光匯演 --> 知床溫泉酒店
6:30 am
|
今日起程出發往網走, 所以要早點起床...原本想浸多次溫泉啦, 但呢間酒店規模比較細, 男女溫泉又不會調轉, 所以都冇浸... 訓多陣好過, 然後去食早餐。
|
7:30 am
|
好喇, 去網走路途遙路, 而火車又唔係密, 咁我地要搭 7:46 am 由川湯溫泉站開出既火車... 我地好似黎既時候咁, 同樣 book 定車接我地走啦, 琴日 check in 時個 staff 仲叫我地記住唔好遲, 7:30 am 要準時 check out...
check out 時, 個 staff 換左另一人, 我地話約左車走, 但冇車係度喎, 個 staff 又話唔知咩事...咁點呀？仲有十五分鐘咋...架火車走左就大鑊啦...情急之下都冇計, 我用盡我所識既日文同佢講, 話俾佢知我地 request 左你地既車送我地去火車站, 而火車又就黎到喇, 咁佢打左個電話之後就明白了, 隔左一陣, 琴晚果個司機就渣住架車黎到酒店門口喇...果時都應該差唔多係 7:40 am 架喇...我同個司機講, 火車 7:46 am 走, 佢話 ok ok...
|
7:46 am
|
幸好車程真係好短, 好快就到左川湯溫泉站, 同司機講拜拜就等火車黎喇。
|
|
|
9:18 am
|
到達網走, 望出車窗外, 咦...咁似落雪既...望真 d, 真係落雪啊, 呵呵！黎左北海道第五日, 終於都落雪喇...好興奮呀, 哈哈！
|
10:00 am
|
在火車站附近影下相, 放低行理, 十點鐘走到網走巴士站搭巴士去破冰船碼頭。唔駛十分鐘就到左碼頭, 我地之前已經 book 左船飛, 黎到講個 booking number 就可以買飛喇。睇下個 notice, 佢話今日有流冰, yeah ~~~
|
|
|
11:00 am
|
我地搭十一點鐘出發既破冰船... 鄂霍次克海既流冰都是從俄羅斯的黑龍江出海口流向北海道既網走, 出海睇流冰已經是冬日遊北海道道東既重點節目了。睇流冰既同時, 你會感受到全球暖化的問題已越來越嚴重。早幾年的情況是出海不久已可看到很多流冰, 現在的情況是, 破冰船都要走到海中心才開始有流冰, 而流冰數目亦越來越少...
幸好, 我地今日都見到不少流冰, 而且仲有破冰的效果, 哈哈！
|
|
|
12:16 pm
|
睇完流冰落番船, 此時雪越下越大, 成件雪褸都布滿雪了。接著搭巴士, 去參觀網走監獄。入去參觀之前, 趕快到售票處隔離既餐廳食個拉麵當午餐, 味道都 ok 喎...
|
|
|
1:00 pm
|
食飽飽就去買飛, 進入這個布滿雪既網走監獄喇...其實這個網走監獄都幾大, 大家最好預留多點時間參觀。
|
|
|
2:51 pm
|
行左唔夠兩個鐘就要搭車走喇, 因為要趕住入知床呀。返回網走站, 取回行李, 就等知床溫泉酒店既 shuttle bus, 同鶴雅一樣, 都是巴士, 不過免費而已。
|
|
|
3:40 pm
|
車到了, 車上已坐了很多乘客, 可能今天是星期六, 所以日本人都入知床渡假呢！
|
5:15 pm
|
車子到達知床斜里溫泉區, 第一間途經的酒店就是我們今晚入住的酒店。我們一下車, 就有酒店既 staff 黎幫我地拎行理, 然後帶左我地去到酒店既一個 corner 坐低, 仲有熱毛巾同熱茶飲...我地心諗, d service 好成咁既...之後都唔駛郁, 有專人幫我地辦理 check in 手續, 我地只係坐係度等...
d 人話鶴雅好, 其實我覺得呢間酒店仲好, 景靚(有錢 book 海景房, 可以望到鄂霍次克海)、 房靚(又靚又大)、 又新(我覺得鶴雅有點舊)、service 十個好, 仲細心到俾個好靚既藤籃你去浸溫泉, 晚餐亦同鶴雅不相伯仲, 價錢又平過鶴雅...頂級推介！
|
|
|
5:45 pm
|
先食 dinner, 亦是主攻魚生及和牛...呢度仲有長腳蟹 tim... 隔離不遠處坐左一個香港旅行團, 佢地講野真係好大聲...好討厭呀。
|
|
|
7:30 pm
|
食完 dinner 就到酒店大堂買飛去睇知床激光 show...酒店好近激光 show 會場, 離開酒店行一陣, 再經過一條隧道就到了。去到會場入口處, 各人都好有秩序咁排隊給工作人員檢查門票...進入會場後, 亦跟隨工作人員指示到指定的位子上企好等表演開始...
|
|
|
8:00 pm
|
激光 show 開始, 首先有一個女仔表演唱歌, 唔知係咪 D 新入行既歌手呢, 係會場仲有佢既 CD 賣架喎...呢個 show 其實好似香港幻彩詠香江既改良版咁, 雖然只係睇激光, 但就覺得日本人既誠意十足！
|
|
|
9:30 pm
|
睇完激光表演回酒店, 又要讚下呢間溫泉酒店, 我地一回去, 酒店已有人在準備熱茶給我們呢, 讚！飲熱茶期間於大堂發現了網走監獄割引卷, 不過我地已經去完 >.<
然後就去浸溫泉...
|
|
|
12:00 am
|
睡覺。
|
~Day
6~
6/2/2011
(Sunday) 晴
知床 --> 流冰 Norokko 號 -->
網走 --> 流冰特急鄂霍次克之風號 --> 層雲峽 --> 冰瀑祭 --> 層雲閣
7:30 am
|
今日可以訓晏 D, 七點半起床, 起床後望出窗外, 見到酒店的員工一字排開咁送客, 真好禮... 然後再去浸溫泉...
|
|
|
8:20 am
|
酒店食自助早餐, 同鶴雅一樣, 好正！食完早餐就返房執行理喇...
|
9:20 am
|
check out...趁仲有少少時間, 再番上去餐廳, 影低餐廳望出去既鄂霍次克海景色, 好靚呀！之後就搭酒店既 shuttle bus 到 JR 知床斜里站。
|
|
|
10:30 am
|
因為落雪既關係, 黎日本之前好擔心巴士會唔準時, 但今次呢個 TRIP 都好順利, 所有巴士都準時開出準時到達...十點半到左知床斜里站。之前預約左流冰 Norokko 號海側席既車飛,我地到火車站售票處同職員講, 原來佢已經準備好車票...日本人既服務真的要讚！
買左車票, 再周圍影下相咁...
|
|
|
11:57 am
|
這架流冰 Norokko 號人氣不及 SL 冬之濕原號, 遊客不多...上車後還發覺不用買指定席, 因為還有很多空位...列車由知床斜里開出, 沿途經過鄂霍次克海, 可欣賞雪景同流冰, 終點站為網走。
|
|
|
12:31 pm
|
列車於中途到達北冰站, 會停留七分鐘, 俾遊客落車影相, D 人仲會係北冰站入面留低自已張車票或咭片...
|
|
|
12:53 pm
|
到左終點站網走, 我地走到車頭幫 Norokko 號影相。
跟住要搭 JR 到北見站, 為左搭埋第三架觀光火車 "流冰特急鄂霍次克之風號", 我地特登等下一班開往札幌既火車...有一個鐘頭食 LUNCH, 我地想食 "鮨勝" sushi, 但時間唔夠, 因為間野都幾遠, 起碼要行三、四個字, 點算好呢？最後決定派阿明去買外賣, 我係火車站等佢。自已一個人坐係火車站, 等到差唔多二點都未見人, 唔通行錯路？個心開始急喇, 車都開喇...差不多二點三, 終於見到阿明拎住袋外賣番黎喇, 原來佢話言語不通, 佢又唔識日文, 老闆又唔識英文, 咁搞左大半個鐘先買到咋...最後我都要俾番個叻佢！
|
|
|
2:17 pm
|
上車喇, 話就話係觀光火車, 其實呢架車係冇乜特別架, 只係車頂係玻璃黎, 塊玻璃仲好污糟 tim... 不過我地要完美 d, 搭左冬之濕原號同流冰 Norokko 號就搭埋呢架啦, 因為我地要儲火車個蓋印嘛...
車程都唔夠一個鐘, 要食岩岩買番黎既 sushi, 好好味呀！
|
|
|
3:06 pm
|
到左北見站, 呢個站唔係遊客區, 只有另一對男女同我地一齊落車, 佢地應該是台灣人來的。我地要係呢個站度等一個鐘, 然後就搭層雲峽酒店層雲閣既送迎巴士。我地於站外影下相, 然後走入了一個遊客中心, 入面有兩個人, 一個是典型既日本人, 即是不會說英語, 另一個應該是曾到外國留學吧, 英文非常好, 但她說不能幫客人 keep 行理...因為佢英文好好, 係咁同我地傾計, 可能平時冇乜機會啦, 佢話呢度冇乜香港遊客, 就算有都係大陸或台灣...傾下傾下, 佢知我地等緊巴士, 就話可以幫我地睇住行理一陣, oh, 真的太好人了...
咁我地就可以去遠少少既百貨公司行行喇...雖然今日係星期日, 但百貨公司都係冇乜人...行到差不多時間就番去取回行理, 去等車喇。
|
|
|
4:15 pm
|
去到百貨公司隔離既巴士站, 同站內既工作人員說明我地已預訂了去層雲閣既巴士, 職員一聽就說 ok 了, 因為酒店俾左我地既名佢地喇。
|
|
|
6:15 pm
|
巴士到了層雲峽, 還經過了冰爆祭既會場, 最後到了一個巴士站停下來叫我們落車, 原來我地要在這裡落車, 再等層雲閣的職員來接我們。除左我地, 仲有剛才在北見站一起離開火車的台灣男女和一對日本中年夫婦。係咁凍既天氣下, 夜媽媽企係呢個巴士站度呆等都咪話唔凍, 等左一陣層雲閣既車終於黎喇... 好快我地就到左酒店喇。
|
|
|
6:45 pm
|
check in 後放低行理就去食晚餐...這裡與鶴雅和知床酒店相比, 質素明顯差一點...
|
|
|
7:30 pm
|
食飽飽又出發到冰爆祭會場喇, 會場距離酒店不遠, 但天氣寒冷加上雪地, 行起上黎都有 d 吃力...
冰爆祭已是第 36 屆了, 會場內有很多由當地石狩川河水打造而成的冰雪城堡, 還布滿大型冰柱、冰洞及冰屋, 這些都全是利用河水在框架建築上自然凝結冰封而成的。
8:30 pm 有花火表演, 冰爆祭不是每日都有花火看的, 要看那年的時間表, 多是星期六/日才有呢！
|
|
|
9:30 pm
|
離開冰爆祭會場, 返回酒店。回房換上和衣, 浸溫泉去...層雲閣室內和露天的溫泉是分開兩個地方的, 這樣比較少見, 亦好唔方便啊, 我地先到室內的浸一浸, 著回衣服後再到露天的溫泉浸一浸, 最後才洗澡。
|
11:30 pm
|
睡覺了。
|
~Day
7~
7/2/2011
(Monday) 大雪
層雲峽 --> 旭川 -->
旭山動物園 --> 札幌
7:45 am
|
起床梳洗後, 再浸溫泉, 精神晒...
|
8:30 am
|
8:30 am 才去食早餐, 餐廳只剩下好少客人...
|
10:00 am
|
搭酒店提供的 shuttle bus 到旭川, 沿途都很大雪, 但日本人的駕駛都蠻安全的, 應該不用擔心吧！
|
|
|
11:25 am
|
到左旭川, 好大雪啊...可以說得上是大風雪...>.< 拖住行理走到旭川 JR 站亦有 d 困難, 搞到成身雪都未到 >.<
到左火車站搵到一個大 locker 可以放晒我地兩個大行理, 600 yen...然後去便利店買麵包做我地既午餐。
|
|
|
12:10 pm
|
搭巴士到旭山動物園, 車程要 40 分鐘。
|
|
|
12:50 pm
|
巴士直達旭山動物園, 入場費 800 yen。 旭山動物園有好多動物睇, 但最受歡迎的一定是企鵝巡遊喇...未夠鐘 d 人已經企晒係巡遊路線度等 d 企鵝出黎...
|
|
|
3:30 pm
|
搭巴士返回旭川站, 於站內蓋印, 然後就去食梅光軒拉麵。 記得 2006 年來旭川已經想食梅光軒, 但那次搵黎搵去都搵唔倒 (可睇番 2006 年之遊記), 今次終於搵到喇...因為拉麵店是在商場地庫的, 我們想之前找不到的原因, 可能是時間太夜了, 拉麵店已經關了門 >.<
未到五點, 於周圍逛逛...
|
|
|
5:00 pm
|
過了五點鐘便走回梅光軒, 此時已有很多日本人在內光顧了... 芽菜是即炒的, 湯底亦很特別, 好味！
|
|
|
6:00 pm
|
吃過梅光軒趕快走回旭川站, 取回行理, 然後買火車飛回札幌。
|
|
|
7:30 pm
|
回到札幌先到酒店 check in, 我地會住札幌站北口既東橫 inn, 連住三晚。
然後再出動, 搭地鐵到薄野站去食蝦蟹合戰。我地唔係叫任食, 只是叫 set, 都夠食了。
|
|
|
10:45 pm
|
搭地鐵回酒店, 已經很累了, 趕快洗澡睡覺。
|
~Day
8~
8/2/2011
(Tuesday) 晴
札幌 --> 羊之丘展望台
-->
麵屋彩未 --> 小樽築港站 --> Wing Bay Mall --> 小樽．雪燈之路 --> 札幌
7:15 am
|
一早起來, 又要準備開始今日精彩既行程。 趕快吃早餐, 出發。
|
7:50 am
|
首先我地會到札幌郊外既羊之丘展望台, 要由札幌搭地鐵到福住站, 再轉巴士。未夠九點已經到左羊之丘展望台, 遊客中心都未有人番工 >.<
因為正值札幌雪祭期間, 每天頭五十個入園既遊客都可以有一隻公仔送, 呵呵, 我地等展覽館開門就入去換左喇。
其實點解我地要咁早走黎呢度？ 係因為我地想去小樽前, 去食一食日本超人氣拉麵麵屋彩未！
|
|
|
9:34 am
|
搭巴士返回福住站, 再搭地鐵到美園站, 一個沒有遊客的地方。去到都只是十一點, 諗住岩岩開門唔駛等, 點知...原來已經入晒頭一輪, 另外亦排左一條人龍了 >.< 估唔到咁多日本人黎食...
|
|
|
11:10 am
|
等左十分鐘就有得食喇, 呢度既招牌拉麵係味噌拉麵, 嘩, 不愧為日本人氣拉麵, 真係好好味呀, 好味過旅遊書介紹的多多聲... 我想這碗拉麵應是我在日本吃過最好味的味僧拉麵！
|
|
|
11:45 am
|
食飽飽就搭地鐵回札幌, 再轉火車到小樽築港站。
|
|
|
12:50 pm
|
來小樽築港站的目的是要逛一逛 Wing Bay Mall...
|
|
|
2:02 pm
|
逛完 Wing Bay Mall, 搭火車到南小樽站, 開始小樽徒步之旅...
|
|
|
2:30 pm
|
走到小樽界町通, 找到銀之鐘一號館, 上去飲杯咖啡兼買埋隻 Hello Kitty 咖啡杯...
|
|
|
4:15 pm
|
差不多走到小樽運河, 霸個靚位影小樽運河既日落景色...美！
|
|
|
5:15 pm
|
此時天已開始黑, 雪燈之路亦已開始喇！雪燈之路真係好靚呀, 有些影相位仲有工作人員幫遊客渣機的。
|
|
|
6:00 pm
|
再到雪燈之路手宮線會場, 繼續影影影！
|
|
|
6:34 pm
|
係小樽行左一整天, 隻腳都凍到僵左 >.< 搭火車返回札幌喇...
|
|
|
7:05 pm
|
到左札幌, 再搭地鐵到薄野, 今晚去食我地至愛既 shabu shabu...
|
|
|
9:40 pm
|
食到好飽...周圍逛逛當減肥, 然後搭地鐵回酒店...
|
12:15 am
|
這是今天於羊之丘展望台送的公仔呢！影完相就訓覺覺！
|
|
~Day
9~
9/2/2011
(Wednesday) 晴
札幌 --> 札幌．雪祭
--> 札幌
9:30 am
|
今天主要的節目是留在札幌欣賞第 62 屆既札幌雪祭, 所以可以晏 d 起身。
|
10:25 am
|
到札幌站內既 Mister Donut 買 donut 食, 然後就再逛一逛札幌既時計台、電視塔等既札幌地標, 之後就進入大通公園既雪祭會場。
|
|
|
1:20 pm
|
行到點幾鐘就去食 lunch, 今次既目標係大通站附近既味之三平。味之三平位於大通站中央區 1 西 3 大丸藤井大廈既 4 樓, 去到亦係大排長龍...這間味之三平亦有港人幫襯, 但人數不多...
|
|
|
2:40 pm
|
食飽飽後繼續欣賞雪祭...
|
|
|
4:35 pm
|
逛到狸小路, 買一些白之戀人手信啦！
|
|
|
5:45 pm
|
走回電視塔, 登上電視塔, 目的是要影大通公園既夜景呢！
|
|
|
7:25 pm
|
最後走到薄野會場...
|
|
|
8:00 pm
|
逛了一整天真的很累, 搭地鐵回札幌站去吃牛角... 等到差不多九點才有位...記得很多年前去東京的牛角, 那時還未為港人熟悉, 今次來, 坐在周圍的都已是香港人了...
|
|
|
11:00 pm
|
食左兩個鐘, 慢慢走回東橫 inn...
|
12:00 am
|
睡覺。
|
|
~Day
10~
10/2/2011
(Thursday) 晴
札幌 --> 札幌新千歲空港
-->
千歲 Rera Outlet --> 札幌新千歲空港 --> 東京成田空港 --> 香港
7:20 am
|
今天是雪祭之旅既最後一天了, 好唔興奮咁起床同食早餐...>.<
|
8:10 am
|
check out 喇, 拖住行理走到札幌站, 搭火車到札幌新千歲空港, 辦理登機手續, 寄埋行理...
|
9:45 am
|
然後就搭機場 shuttle bus 到千歲 Rera Outlet 作最後努力...
|
 
 
|
|
11:40 am
|
係 outlet 內既 foodcourt 食 lunch 先, 味道都 ok 啦...
|
|
|
12:05 pm
|
繼續行, 我地最後都係一如以往, 唔係買左好多野, 主要都係 edwin, lee 同兩對跑鞋...
|
1:05 pm
|
搭 shuttle bus 回機場...
|
2:10 pm
|
JL 3042 班機準時起飛, 4:00 pm 到達成田機場...
|
 
|
|
4:00 pm
|
又要等六點幾機返香港, 去左機場貴賓室坐坐...這個貴賓室真係差過香港果個好多呢...冇野食, 野飲只得橙汁, 但每人可叫一罐啤酒...
|
6:25 pm
|
我地搭 JL 735 班機回港, 10:15 pm 到達香港, 十天既北海道雪祭之旅亦已完滿結束！
|
沒有留言:
張貼留言