日期: 24/7/2010 - 5/8/2010
暑假又到了, 今年決定要到一到人生都必應去一次的埃及, 去睇睇偉大的金字塔、獅身人面像...
其實去這趟旅行都需要一點勇氣, 因為這個絕對是辛苦團, 那邊天氣當真非常熱, 中午的氣溫都有四十多度, 冬天去會比較舒適。
我地到旅行社搜集資料, 最後選了永安旅遊一個埃及、約旦的十三天團, 團號為 ZCA13U, 行程可參考旅行章程。 咁辛苦仲去十三日？無錯, 正正因為辛苦, 我相信埃及是一個一生人必要去的地方, 但亦很大機會是只去一次的地方, 所以就去埋鄰近的約旦吧, 而且萬多元團費可以一次暢遊兩個國家也非常超值呢！
出發前非常期待, 因為今次會走遍埃及、約旦既唔同地方﹕埃及既開羅 (Cario)、洪加達 (Hurghada)、樂蜀 (Luxor)、亞斯旺 (Aswan)、約旦既安曼 (Amman)、佩特拉 (Petra)、哲拉希 (Jerash)、死海 (Dead Sea) , 為求去探訪一下世界七大奇景之一的埃及金字塔、獅身人面像、水清沙幼既紅海、埃及神廟群、阿布辛貝神殿、約旦既古蹟名勝佩特拉古城、玫瑰古城、哲拉希城、瓦地倫山谷、尼波山以及死海等等既名勝古蹟, 希望可以擴闊視野之餘, 亦可以體驗一下當地既文化！
事前準備
準備
|
備註
|
報團
|
參加永安旅遊埃及、約旦十三天團, 團費 $13999。
|
購買保險
|
於蘇黎世購買旅行保險。
|
行程表
住宿
|
||
香港 --> 泰國曼谷機場 --> 約旦安曼機場
|
航機上
|
|
約旦安曼機場 --> 埃及開羅機場 --> 開羅 --> 洪加達
|
洪加達 Sun Rise Holidays
|
|
洪加達
|
洪加達 Sun Rise Holidays
|
|
洪加達 --> 樂蜀
|
尼羅河 Nile Vision 郵船
|
|
樂蜀
|
尼羅河 Nile Vision 郵船
|
|
樂蜀 --> 亞斯旺
|
尼羅河 Nile Vision 郵船
|
|
亞斯旺 --> 阿布辛貝神殿 --> 亞斯旺
|
火車上
|
|
亞斯旺 --> 開羅 --> 埃及開羅機場 --> 約旦安曼機場 --> 安曼
|
安曼 Amman Cham Palace
|
|
安曼 -->
瓦地倫山谷 --> 佩特拉
|
佩特拉 Petra Panorama Hotel
|
|
佩特拉 --> 死海
|
死海 Dead Sea Holiday Inn
|
|
死海 --> 哲拉希 --> 安曼
|
安曼 Amman Cham Palace
|
|
安曼 --> 約旦安曼機場
|
航機上
|
|
約旦安曼機場 --> 泰國曼谷機場 --> 香港
|
~Day
1~
24/7/2010
(Saturday) 晴
香港 -->
泰國曼谷機場 --> 約旦安曼機場
7:00 pm
|
期待左好耐既埃及 + 約旦之旅終於正式展開, 我地約晚上七點鐘到達機場, 先到約旦皇家航空櫃位會合領隊, 然後就辦理 check in 手續及寄行理。
|
9:35 pm
|
航班於晚上 9:35 pm 起飛, 先飛往中途站曼谷, 停留二小時, 再飛往約旦首都安曼。到達曼谷後, 我地係唔可以落機的, 要係機上等。於曼谷落機的旅客離開後, 一班泰國人上機進行清潔, 而我地就係度睇住佢地清潔 >.<
|
  |
|
(曼谷時間)
2:00 am
|
曼谷時間凌晨二點, 航機再次起飛, 向安曼進發, 呢程需時八個鐘, 係時候要好好咁訓一覺。
|
其實第一天的行程, 就只是搭飛機 >.<
|
~Day 2~
25/7/2010
(Sunday) 晴
約旦安曼機場 --> 埃及開羅機場 --> 埃及博物館 --> 洪加達
(安曼時間)
5:30 am |
安曼時間慢香港五小時, 航機於安曼早上五點半到達安曼機場, 終於可以離開已經逗留了超過十二小時的機艙, 鬆鬆筋骨了。
|
飛往埃及開羅既航班要等多三小時才起飛, 做咩好呢？阿明就拎部 notebook 出黎上網, 我就搵左排空椅子再訓過, 哈哈！
|
|
  |
|
8:45 am
|
8:45 am 飛機準時起飛, 今次只需坐個半鐘, 我地就會到達埃及開羅喇...
|
  |
|
10:15 am
|
好快就到左開羅, 落機後團友都各自取行理, 換埃磅, 搽太陽油...準備出發。
|
  |
|
11:00 am
|
離開開羅機場, 登上旅遊車, 埃及之旅正式展開。我地第一個目的地係埃及博物館。
|
12:00 pm
|
車程大約一小時, 到左埃及博物館, 非常多遊客。
埃及博物館位於埃及首都開羅的解放廣場，是一座具有 3000 多年悠久歷史的古代埃及文明的遺物寶庫。 這裡收藏的各種文物有 30 多萬件, 陳列展出的只有 6.3 萬件, 約佔全部文物的五分之一。因這座博物館以廣為收藏法老時期的文物為主, 埃及人又習慣地稱之為“法老博物館”。
陳列中最為突出的有第 18 代法老王朝圖坦卡門陵墓中出土的 1700 餘件文物, 其中有金質御座、黃金面具、黃金棺、黃金飾物, 圖坦卡門及王后的精美淺浮雕像, 法老的輦車, 兵車和狩獵用彎弓, 鑲嵌象牙和彩色玻璃的家具, 王后的珠寶首飾和衣箱等。在木乃伊專題陳列中有埃及歷代一些法老及其后妃們的木乃伊, 其中保存最完好的是第 19 王朝法老拉美西斯二世的遺體。不過要睇呢 d 木乃伊, 要另外俾錢入, 我地都冇睇到。
係館內都逗留左個幾鐘, 館內係冇冷氣的, 人又多, 都係快快趣睇完出去影相算。
|
    |
|
2:00 pm
|
成兩點先離開去食 lunch, 一到步, 心諗, 唔係掛, 冇冷氣既...不過後來已經習慣了, 因為之後經常都係流住汗黎食飯 >.<
|
        |
|
3:30 pm
|
食完晏又要坐長途車, 我地會離開開羅, 向埃及中部既洪加達進發。坐車最好就係訓覺啦, 訓左四個鐘, 架車到左中途休息站, 係時候落車去洗手間同買下野飲咁。埃及洗手間要收費的, 每人一埃及磅。至於飲品, 係埃及係需要大量既礦泉水, 基本上領隊每日派的都唔夠, 要另外買, 而天氣太熱時, 就需要買我地至愛既可口可樂喇, 哈哈！
休息完畢, 架車繼續行駛, 唔知係咪司機開得好小心, 車速太慢定真係路途遙遠, 最後成十一點先到達洪加達既酒店。
|
    |
|
11:30 pm
|
晚上十一點半食晚餐...冇錯, 係十一點半去酒店餐廳食晚餐, 跟團真係好, 真係唔駛驚冇飯食架！團友都拿拿臨去食 dinner, 然後上房休息了。
|
1:00 am
|
回房間洗澡, 執拾明天去紅海的用品, 然後便睡覺了。
|
~Day
3~
26/7/2010
(Monday) 晴
洪加達 --> 紅海 (自費活動) --> 洪加達市集
7:15 am
|
今天是旅程第三天, 第一天只是搭飛機, 第二天都只是參觀了埃及博物館, 然後搭了差不多八小時的車來到洪加達, 而今天終於不需再周車勞動, 可以留在洪加達暢遊, 所以今天很興奮, 對紅海浮潛遊非常期待呢！
|
8:00 am
|
到酒店餐廳食早餐, 食飽飽後就要出海了。我地係酒店搭車到碼頭, 印象中車程只是數分鐘而已。
|
9:00 am
|
上船前要借用浮潛用具, 包括呼吸用的吸管, 蛙鞋...然後便上船了。我地成團唔計領隊導遊, 只得十四人, 唔夠人包一隻船, 其他既遊客大部分都是鬼佬黎既, 船都未開, 佢地已經換晒泳衣係度曬太陽...
|
我地要坐大約 40 分鐘船, 才到紅海的中心, 一 d 比較接近珊瑚礁的地方, 船開行時, 領隊就教我地點用 d 吸管同蛙鞋...
|
|
   |
|
10:00 am
|
大約十點鐘, 可以落水喇...
我地落左水一陣, 發覺著住蛙鞋反而好難控制隻腳喎, 上番船除左對蛙鞋再落水...感覺仲好左, 不過唔著蛙鞋就係驚對腳會撞到 d 珊瑚礁, 驚整親姐...
|
紅海 d 水清到不得了, 望落水底見到好多魚同珊瑚礁, 水底世界真係好靚！不過要影相就有 d 難度, 我地用 d 麭飽黎吸引 d 魚走埋黎, 不過 d 魚係咁游埋黎又驚喎, 哈哈！
|
|
七月算係埃及最熱既月份, 但係岩岩落水果下都有少少凍, 如果怕熱冬天來, 就應該落唔倒水了, 有點可惜！
|
|
    |
|
12:00 pm
|
玩完浮潛, 中午於船上午餐, 味道一般。
|
 |
|
1:00 pm
|
之後是自由活動時間, 團友們會上岸, 大家可於島上沙灘曬太陽同游水。不過係沙灘上, 曬太陽的都是鬼佬, 你係唔會見到有香港人曬太陽的, 香港人只會拎住把傘係度行, 行一陣就會搵 d 唔曬既地方坐等集合...
|
        |
|
2:30 pm
|
回程了, 我地要坐船回碼頭, 再回酒店梳洗。
|
  |
|
5:00 pm
|
番酒店沖個涼之後, 我地就出去洪加達市集逛逛, 雖然時間已是五點鐘, 不過太陽一樣猛烈, 行一陣都出晒汗...
|
        |
|
7:00 pm
|
回酒店餐廳吃自助晚餐, 其實係埃及食野, 不論 lunch 定 dinner, 九成都係自助餐來...
|
  |
|
11:00 pm
|
洪加達不愧為渡假天堂, 紅海水清沙幼, 可以玩浮潛或潛水, 要逛街買手信的洪加達市集也不錯, 今天總算盡興, 是時候休息了。
|
~Day
4~
27/7/2010
(Tuesday) 晴
洪加達 --> 樂蜀 --> 帝皇谷 -->
哈普蘇特女皇大殿
-->
萬農神殿
-->
卡納克神廟
-->
樂蜀神廟
5:15 am
|
冇睇錯, 今天的確係 5:15 am 要起身, 因為我地一早又要搭四個鐘車由洪加達落到埃及既樂蜀。
|
6:00 am
|
由於要爭取時間參觀遊覽, 酒店安排了早餐餐盒於車上享用, 餐盒全是麭包蛋糕來。
|
去到中途休息站, 領隊話食唔晒既食物可以拎落車俾 d 埃及人, 估唔倒一落車, 有 d 細路真的在等我們... 俾食物唔緊要, 但係佢地已經被灌輸了一種唔好既意識, 就係有食物才可與他們合照 >.<
|
|
  |
|
10:30 am
|
大約十點半, 終於黎到樂蜀既帝皇谷。埃及既神廟群都集中係樂蜀於尼羅河東西兩岸, 我地今日就會主要參觀呢 d 神廟, 而今日亦會是整個十三天行程中最辛苦的一天, 因為我地要係最熱最曬既時候, 在烈日當空下不停咁走路...早上會先到西岸神廟群, 下午就會到西岸神廟群...第一個目的地是帝皇谷。
|
帝皇谷是埋葬古埃及法老王的墓地。內部情況大家都差不多, 牆上有壁畫, 中央放置著石棺, 棺內有陪葬品, 不過我地睇得既都被人盜了。陵墓內空氣非常唔流通, 我地參觀了三個陵墓, 已經差不多中暑了...
|
|
  |
|
12:15 pm
|
下一個目的地是哈普蘇特女皇大殿。哈普蘇特女皇大殿是埃及唯一的女法老王神殿, 坐落在帝王谷的東側數公里處, 面向尼羅河, 氣勢雄偉, 規模浩大。
哈普蘇特女王（ Hatshepsut ）是埃及第十八王朝法老圖特摩斯一世的女兒, 以太陽神之女自稱, 是埃及的第一位女王。在其夫圖特摩斯二世死後, 她作為太后為年幼的圖特摩斯三世處理朝政, 之後自立為女王。
|
        |
|
1:15 pm
|
之後再到萬農神殿。其實應該叫萬農神像比較合適, 因為呢個殿已經冇左, 得番兩個像係度, 我地都只係落車影一影相吧了。
|
萬農神像是一對高約18米的破爛石像, 這是十八王朝阿邁諾非斯三世祭殿前的國王雕像。 祭殿倒塌了, 石像也在大地震中震裂, 每當強風吹過, 石像便發出嗚嗚的聲響。在希臘人統治埃及的時候, 兩座石像被認為是特洛伊芳戰爭中陣亡的希臘英雄曼農和他母親的化身, 嗚嗚的聲響是母子倆的哭泣, 而石像的名字也變成了萬農神像。
|
|
  |
|
2:00 pm
|
一口氣參觀了三個地方, 終於係時候食 lunch 了。我地會坐船由尼羅河既西面到佢既東面, 今次又係冇冷氣地食自助餐...
|
3:00 pm
|
食完飯, 繼續艱辛既旅程, 下一站係卡納克神廟。
卡納克神廟是底比斯 (上埃及古城) 最為古老的廟宇, 經很長時間陸續建造起來, 由磚牆隔成三部分。卡納克神廟因為其浩大的規模而揚名世界, 它是地球上最大的用柱子支撐的寺廟。卡納克神廟的大柱廳, 約5000多平方米, 廳內樹有134棵石柱, 分16行排列, 中央兩排特別粗大, 每根高達21米, 直徑3.57米, 可容納100個人在上面站立。
|
        |
|
4:35 pm
|
之後到樂蜀神廟。是樂蜀神廟, 位於市中心, 建於公元前第十八王朝驍勇善戰的法老王圖特穆斯三世( Tuthmose III) 統治時期 (1479 - 1425 BC), 供奉當時底比斯 (Thebes) 的主神阿蒙、祂的妻子禿鷲之神繆特(Mut)和祂們的兒子月神康士( Khensu)。
|
    |
|
6:00 pm
|
好熱好熱, 行左成日, 係咁曬住, 唔夠水飲真係會中暑呢...
完成今日既行程, 我地會入住尼羅河遊船, 係船上會住三晚。 遊船會由樂蜀慢慢駛往埃及南部既阿斯旺, 每到景點區, 船就會靠岸停一停讓我們落船參觀。
|
我地住既遊船好新, 好靚, 同酒店都冇乜分別...聽領隊說, 今次上船的, 好似只有廿幾人, 而我地個團都十幾啦, 咁少人幫襯, 架船有錢賺咩？
|
|
  |
|
7:30 pm
|
遊船啟航, 原本話有個 party, 唔知係咪客少, 都唔覺有咩搞過...
於船上晚餐, 都係自助餐...其實呢三日既早、午、晚餐都會係船上既自助餐, 而食物一般, 我最記得餐餐都係...
|
  |
|
11:15 pm
|
休息。
|
~Day
5~
28/7/2010
(Wednesday) 晴
樂蜀 --> 艾德夫鷹神廟
-->
金安寶 --> 鱷魚鷹神廟
7:30 am
|
起身食早餐...
|
8:15 am
|
昨天辛苦到暈, 今日就非常輕鬆, 只有兩個行程, 早上會到樂蜀既艾德夫鷹神廟, 然後再上船, 下午會到金安寶既鱷魚鷹神廟。
船泊埋岸, 我地就落船, 然後搭馬車去艾德夫鷹神廟。d 馬好鬼臭, 馬伕又成日叫人俾貼士...
|
 |
|
8:45 am
|
艾德夫鷹神廟又稱為荷力斯神廟或老鷹神廟。主要是祭祀古埃及代表正義的鷹神 …荷力斯 (Horus)... 這座神殿蓋了近300年才完成...其規模在埃及僅次於卡納克神廟!
|
      |
|
10:00 am
|
參觀完鷹神廟, 坐馬車回碼頭, 再次上船。船再次開行, 我地第一時間番房沖涼, 然後等食 lunch。
|
1:00 pm
|
一點鐘食 lunch, 又係自助餐...又係...
下午四點鐘會有下午茶, 我地食完 lunch 就番房訓晏覺...
我覺得係遊船住既呢幾日係非常之嘆, 去完一個景點就可以番上船休息, 我地又可以沖涼, 又可以訓覺, 唔駛係室外曝曬, 冇咁辛苦...正常旅行梗係想去多 d 地方, 不過埃及實在太熱, 中午時份真係唔適宜出外參觀...
|
4:00 pm
|
訓完晏覺, 諗住上甲板食 tea, 點知因為天氣太熱改番係船內進行, 都係一 d 好簡單既茶點同咖啡奶茶...
|
    |
|
5:30 pm
|
大約五點半, 船到了金安寶停駛了, 我地可以落船去今日既第二個景點 ---
鱷魚鷹神廟。呢個景點非常近碼頭, 落船行一陣就到了, 加上已經係五點幾, 雖然太陽伯伯未番屋企, 但係相比中午時間, 已經算係舒服好多了。
|
鱷魚鷹神廟是埃及唯一一座對稱的雙座神殿, 左殿獻給正義之神 --- 鷹神荷力斯 (Horus)；右殿則是兇猛的鱷魚神(Sobek), 祂是萬物創造之神, 但也代表了邪惡。可惜的是這座神殿保存得並不好, 現存的遺跡已無法讓人辨識這是座雙座神殿, 僅能欣賞牆上雕刻。
|
|
      |
|
7:30 pm
|
參觀完鱷魚鷹神廟, 於神廟附近的市集逛逛, 買左 d 水, 然後就上番船。我地先番房沖涼, 然後去食晚餐。
|
8:00 pm
|
八點鐘食 dinner...又係自助餐, 又係 chicken...
|
  |
|
9:00 pm
|
遊船原定晚上有一個"埃及之夜遊船派對", 我地落去睇睇, 冇人 >.<
遊客已經唔多, 仲要有一半都係香港人, 搵鬼去玩咩...
|
11:30 pm
|
冇 party 開, 團友上左去甲板游水, 咁我地上去坐下, 吹下水...之後就番房休息了。
|
~Day
6~
29/7/2010
(Thursday) 晴
金安寶 --> 阿斯旺 --> 方尖石碑 -->
亞斯旺大水壩
--> 亞斯旺市集 --> 馬車遊亞斯旺、尼羅河帆船暢遊 (自費活動)
8:30 am
|
到餐廳食早餐。
|
9:30 am
|
遊船已經到左埃及南部既阿斯旺, 我地今日第一個目的地係方尖石碑。
方尖碑是古埃及的另一件傑作, 也是除金字塔以外, 古埃及文明最富有特色的象徵。方尖碑是古埃及人崇拜太陽的紀念碑。方尖碑外形呈尖頂方柱狀, 由下而上逐漸縮小, 頂端形似金字塔尖。以金、銅或金銀合金包裹, 當旭日東昇照到碑尖時, 它像耀眼的太陽一樣閃閃發光。
|
    |
|
11:00 am
|
下一個目的地是阿斯旺大水壩。
亞斯旺水壩 (Aswan Dam), 分為亞斯旺低壩和亞斯旺高壩, 亞斯旺是位於埃及的尼羅河第一瀑布下的城市, 兩座大壩在此跨過尼羅河, 由於舊壩的設計不足以控制洪水, 興建新的高壩來保護沿河居住的人口、農田及棉田。
|
    |
|
11:30 am
|
睇完水壩, 黎緊係旅行團既指定動作 --- 參觀香薰油館。店員介紹下有咩味既香水啦, 俾你試下啦, 講下搽左有咩好處啦, 最後...都係冇團友幫襯...
|
  |
|
12:30 pm
|
搭車回碼頭, 番上船食 lunch。
|
2:00 pm
|
為左避開最熱的中午, 領導安排的馬車遊同帆船遊尼羅河要五點才會出發, 我地決定先訓晏覺, 然後約好團友四點鐘出去逛一逛亞斯旺市集。
|
4:00 pm
|
我地自行到碼頭對面既市集逛街, 其實都行得幾辛苦, 因為天氣實在太熱, 不過去得旅行, 唔應該怕辛苦, 應該多點去唔同地方, 尤其呢 d 市集大都是當地既舖頭, 係當地人常去既地方, 就好似我地既街市咁, 所以係非常值得去看看。
|
      |
|
5:00 pm
|
回遊船集合, 之後有兩個自費活動, 首先會坐馬車遊亞斯旺, 然後就坐帆船遊尼羅河睇日落, 我地成團人都參加呢！
|
6:30 pm
|
坐馬車會包一杯飲品, 領隊推介當地的庶汁, 不過我本身唔鍾意飲, 都係飲可樂算。另外我地仲可以試一試吸食當地人好鍾意既水煙喎, 不過冇團友試, 個導遊就係咁吸...
|
      |
|
7:00 pm
|
之後就坐帆船遊尼羅河, 係船度不停同團友擺 pose 影相, 好鬼搞笑！
|
  |
|
8:15 pm
|
最後一天在遊船食晚餐了...
|
9:30 pm
|
晚上有一個 "盧比亞之夜", 係一 d 表演節目黎, 梗係去睇啦...點知俾人拉左出去跳舞 >.<
|
  |
|
11:30 pm
|
聽日一早要去阿布辛布神殿, 執好行理就休息了。
|
~Day
7~
30/7/2010
(Friday) 晴
阿斯旺 --> 阿布辛貝神廟 (自費活動) -->
亞斯旺市集 --> 火車 (往開羅)
3:30 am
|
無睇錯, 係 3:30 am morning call, 因為 4:30 am 要準時出發往阿布辛貝神廟。
|
4:30 am
|
遊船都係安排早餐餐盒, 等我地上左車先食早餐, 不過我一上車, 第一時間係訓覺, 因為車程要三至四個鐘, 正好彌補睡眠既不足。差不多七點鐘, 訓醒左先食個餐盒, 食完就差不多到了。
|
  |
|
8:00 am
|
阿布辛貝神廟 (Temple of Abu Simbel), 又稱為 Temple of Ramesses II, 顧名思義, 為拉美西斯二世所建。神廟依山崖而建, 古時面向尼羅河, 對著南方的盧比亞 (Nubia), 用以炫耀拉美西斯二世的偉大。進入神廟後是一個柱廊大廳, 四周刻滿壁畫, 描述拉美西斯二世的戰績。
現今的神廟已不是面對著尼羅河, 而是因亞斯旺水壩的興建、蓄水而成的納瑟湖 (Lake Nasser)。當年興建水霸時, 為免神廟被水淹沒而把神廟切開後, 再在高位依原貌重建。神廟已經夠大, 起都唔容易, 仲話要將佢切開幾百份再砌番埋, 真係勁！
|
      |
|
10:00 am
|
逗留兩個鐘, 又要回程了。參觀阿布辛貝神廟係一個自費活動黎, 仲要唔平, 成百幾蚊美金架, 朝早四點幾起身, 搭成三個半鐘頭車, 即來回都已經七個鐘, 去到只係逗留兩個鐘, 值唔值得去, 就見仁見智了。
回程時, 因為天氣太熱, 途中見到海市蜃樓...
|
  |
|
1:30 pm
|
返回遊船, 食午餐, 呢餐係船上既最後一餐了, 食完野我地就要執行理離開住了三晚的遊船。
|
2:00 pm
|
我地今晚會搭七點鐘火車, 由亞斯旺回開羅, 咁晏晝呢幾個鐘做咩呢, 旅行社就安排左一間好普通既酒店俾我地, 可以休息一下同埋沖涼, 因為今晚上左火車就冇得沖涼架喇...領隊分好房間, 說六點鐘集合。
|
3:00 pm
|
我地見有咁多個鐘, 又唔想訓覺, 於是又出去火車站附近既市集逛逛, 不過呢個時候天氣真係好熱, d 太陽曬落 d 皮膚度都有少少"辣"肉...
我地經過一個賣沙樽既檔, 那個賣沙樽的人係咁同我地講國語"你好, 你好", 佢仲貼左張用中文寫既宣傳單張, 叫人幫襯佢, 後來有 d 日本人黎到, 佢又識講幾句日文喎, 仲逗得 d 日本妹妹仔好鬼開心 tim, 勁...！
|
    |
|
4:30 pm
|
番酒店沖涼, 呢間酒店真係好鬼簡陋, 開頭個花灑冇乜水出, 好似塞住左咁, 後來要叫人來換...
通常住呢 d 地方既都係 d 周圍去既自由行, 以鬼佬為主...
|
6:00 pm
|
集合了, 領隊帶我們走到火車站, 我地同團友係火車站附近既市集, 買左 pizza 同燒雞上火車食...之前上網見倒很多人都話火車上的食物好難食, 所以都會到市集買燒雞...於是乎我地又去買囉...食完之後, 發覺又唔係話真係咁好食, 而且冇食到火車上面果個晚餐, 我仲覺得有 d 浪費 tim...
|
      |
|
7:00 pm
|
火車從亞斯旺出發了, 開車後, 我地同團友就開餐, 然後悶悶地就玩 bridge...
唔記得左幾點鐘, 我地仲係度玩緊 bridge, 玩到興高采烈之際, 架火車突然漆黑一片, d 燈熄晒...應該係有人用電用得勁得濟, 跳左掣 >.<
初時我地都繼續玩, 後來因為冇左冷氣開始焗了, 我地都企晒係走廊度傾計算...
|
10:00 pm
|
等左好耐, 架火車都仲係冇電... 架火車已經又舊又落後架啦, 估唔到 d 人整咁耐都係搞唔掂, 好辛苦...
架火車到左樂蜀喇, 因為係大站, 所以架火車會係呢度停留一陣, 我忍唔住落左火車去買汽水飲...
又唔記得大約幾點, 架火車終於有番電, 當火車著番燈之際, d 人都開心到歡呼起來, 冷氣亦有番...
|
  |
|
11:30 pm
|
我地都梳洗, 準備休息了。
|
~Day
8~
31/7/2010
(Saturday) 晴
開羅 --> 金字塔 -->
獅身人面像 --> 埃及開羅機場 --> 約旦安曼機場 --> 安曼
7:30 am
|
朝早車長會黎拍門叫醒你, 起身梳洗後佢就會俾埋個早餐你, 個早餐又係包同蛋糕。
|
8:30 am
|
火車到左開羅喇, 經過左八日既旅程, 我地先由開羅, 去到洪加達暢遊紅海, 再到樂蜀參觀神廟群, 然後去到最南部既亞斯旺, 而家搭火車上番黎開羅, 今日會去參觀期待左好耐既埃及重點項目﹕金字塔、獅身人面像...
|
  |
|
9:30 am
|
先去參觀祖孫三代金字塔。
它們是大金字塔 (也稱胡夫金字塔)、海夫拉金字塔和門卡烏拉金字塔, 與其周圍眾多的小金字塔形成金字塔群, 為埃及金字塔建築藝術的頂峰。
|
大金字塔是埃及現存規模最大的金字塔, 被喻為“世界古代七大奇觀之一”。它建於埃及第四王朝第二位法老胡夫統治時期 (約公元前 2670 年), 原高 146.59 米, 因頂端剝落, 現高 136.5 米, 塔的 4 個斜面正對東南西北四個方向, 塔基呈正方形, 每邊長約 230 多米, 佔地面積 5.29 萬平方米。
第二大金字塔是古埃及第四王朝 (約公元前 2575 年至公元前 2465 年) 的第四位法老海夫拉的陵墓, 因此被稱為海夫拉金字塔, 塔高 143.5 米。
門卡烏拉金字塔的底邊邊長 108.5 米, 塔高 66.5 米。1839 年, 一名英國探險家首次打開這座金字塔, 在墓室中發現一具花崗岩石棺及法老木乃伊。但裝運這些文物的船在返回英國途中遭遇意外, 石棺和木乃伊都沉入大西洋。
|
|
    |
|
11:00 am
|
騎駱駝漫遊沙漠地區。原來騎駱駝都幾驚, 坐左上去之後, 好驚會跌落黎...
|
    |
|
12:00 pm
|
睇完金字塔, 再去參觀非常宏偉的獅身人面像。
獅身人面像是埃及著名古跡, 與金字塔同為古埃及文明最有代表性的遺跡。像高 21 米, 長 57 米, 耳朵就有 2 米長。除了前伸達 15 米的獅爪是用大石塊鑲砌外, 整座像是在一塊含有貝殼之類雜質的巨石上雕成。面部是古埃及第四王朝法老海夫拉的臉型。相傳西元前 2611 年, 海夫拉到此巡視自己的陵墓 --- 海夫拉金字塔工程時, 吩咐為自己雕鑿石像。工匠別出心裁地雕鑿了一頭獅身, 而以這位法老的面像作為獅子的頭。在古埃及, 獅子是力量的象徵, 獅身人面像實際上是古埃及法老的寫照。雕像坐西向東, 蹲伏在哈夫拉的陵墓旁。
|
   |
|
1:15 pm
|
又到食 lunch 既時候...
|
  |
|
2:45 pm
|
食完 lunch 去參觀梯形金字塔。
|
這是埃及第一座金字塔, 建於公元前 2650 年。
梯形金字塔位於開羅南部 30 多公里的薩卡拉, 是由多個金字塔和廟宇組成的建築群, 梯形金字塔是其中最有名, 也是保存得最完好的一座。
|
|
    |
|
3:25 pm
|
之後去參觀宰相貴族墓, 這墓內畫滿了壁畫, 講述當時埃及人的生活情況。
|
  |
|
4:00 pm
|
上次去完香薰油商店, 今次就去賣紙沙畫既商店, 當然都係冇幫襯啦 :p
|
5:40 pm
|
今晚會搭夜機到約旦喇, 離開埃及前, 領隊帶我們到埃及最大既商場 Stars Centre 逛逛同埋食飯。黎到呢個商場, 你會發現原來埃及都一樣係貧富懸殊, 呢度賣既野同香港一樣咁貴, 與我們之前遊埃及所見到的好唔同。
|
7:00 pm
|
我地係 food court 食香港人既至愛 Burger King, 終於唔駛再食自助餐...
|
  |
|
7:30 pm
|
離開商場出發到埃及開羅機場, 準備向約旦進發。等待上機, 係 Starbucks 上網。
|
  |
|
10:00 pm
|
飛機起飛了, 機程大約個半鐘, 機上與團友傾計打發時間。
|
11:30 pm
|
到達約旦安曼機場, 這裡的人做事是很慢的, 我地等左好耐先等到行理出來, 差不多一個鐘才離開機場。
|
12:30 am
|
乘旅遊巴到安曼既酒店
Amman Cham Palace。
|
1:30 am
|
到達酒店已是凌晨一點半...>.< 我地都想快 d 回房間洗澡, 早點休息, 所以大家都唔等酒店既服務員, 自已拖行理上房算。
|
  |
|
2:30 am
|
睡覺。
|
~Day
9~
1/8/2010
(Sunday) 晴
安曼 --> 瓦地倫山谷
--> 佩特拉
7:45 am
|
7:45 am morning call, 雖然琴晚 2:30 am 先訓, 但訓得幾好, 唔錯！
|
8:30 am
|
於酒店吃自助早餐, 食物都幾好味。
|
  |
|
9:00 am
|
出發往瓦地倫山谷, 車程需時三小時。
|
1:00 pm
|
終於到達了, 因為時間已是中午, 到步後先是食 lunch, 又是滴住汗咁食自助餐。
|
  |
|
2:00 pm
|
食過 lunch 後, 就坐沙漠四驅車飛馳沙漠兼欣賞這個瓦地倫山谷。
瓦地倫係阿拉伯語, 又名「月谷」
, 是約旦西南部的一處山谷, 著名景點。其名阿拉伯語意為「酒紅色山谷」, 因其紅色砂地在日落時顯示出如紅酒般顏色而得名。
|
        |
|
4:00 pm
|
離開瓦地倫, 向佩特拉進發, 車程又要兩小時。
|
6:00 pm
|
係約旦旅行, 每天花在坐車的時間不少, 到達佩特拉已是六點, 團友可以休息一會, 或去泳池游水。
|
  |
|
7:30 pm
|
到餐廳吃晚餐, 之後都沒有什麼可以做。
|
  |
|
11:30 pm
|
睡覺。
|
~Day
10~
2/8/2010
(Monday) 晴
佩特拉 --> 佩特拉古城 --> 死海
5:30 am
|
又倒塌咁早 morning call...
|
6:30 am
|
吃早餐...
|
7:15 am
|
今天會到佩特拉古城, 這個景點離酒店非常近, 只需坐十五分鐘車就到了。
|
7:30 am
|
佩特拉是約旦的一座古城, 位於安曼南 250 公里處, 隱藏在阿拉伯谷東側的一條狹窄的峽谷內。佩特拉一詞源於希臘文「岩石」。
於售票處進入古城, 我地先騎馬, 大約走八百米, 就會到達古城山谷口 "蛇道"。其實唔騎馬, 行路都得, 不過我地當然不會錯過這個體驗吧！
|
      |
|
佩特拉古城幾乎全在岩石上雕刻而成, 周圍懸崖絕壁環繞, 入口是一條長約 1.5 公里的狹窄峽谷通道, 名為「蛇道」。
古城核心是一個大廣場, 廣場正面是鑿在陡岩上宏偉的卡茲尼神殿。入口有羅馬柱, 殿內有聖母像和壁畫。另有一座能容納兩千多人的羅馬式的露天劇場, 舞台和觀眾席都是從岩石中雕鑿出來。城中還有許多寺院、住宅、浴室、墓窟等, 大多鑿山而建。
|
|
            |
|
12:15 pm
|
參觀左差不多四個鐘, 因為地方大, 天氣又熱, 走左很多路, 都好累了。之後去食 lunch, 記得已經熱到冇乜胃口。
|
1:00 pm
|
離開佩特拉, 向死海進發, 車程又需要三個鐘, 係時候上車訓覺抖一抖。
|
4:30 pm
|
到達死海 Dead Sea Holiday Inn, 好靚！一入房, 間房靚唔駛講, 仲有部 LCD 電視兼電腦, 畫面仲有你個名既 welcome message, very good！不過好搞笑既係, 佢將我個名最後一個字當做姓囉...
|
    |
|
6:00 pm
|
我地休息一下, 等到六點鐘, 待陽光冇咁猛烈就出動, 準備跳落死海喇。
死海既浮力果然驚人, 個人輕輕訓係度已經浮起。海底仲有好多死海泥, 可以順便做埋死海面膜。不過死海唔浸得好耐的, 因為鹽分高, 有些人可能會覺得好"那"。
|
7:00 pm
|
浸完死海都未夠, 同團友去左酒店既泳池游水。
|
    |
|
8:15 pm
|
好肚餓喇, 游完水回房間沖涼, 然後就到酒店餐廳食 dinner。呢餐我認為是全個旅程最好的一餐, 味道好, 仲難得有好味既牛扒食。
|
    |
|
11:30 pm
|
睡覺。
|
~Day
11~
3/8/2010
(Tuesday) 晴
死海 --> 哲拉希 --> 哲拉希城 --> 安曼
9:00 am
|
悠閒的死海假期, 九點才起床...
|
9:30 am
|
吃早餐...
|
12:00 pm
|
整個早上都是逗留在死海這間豪華的酒店內, 團友可以再到死海, 亦可到泳池游水。中午十二點鐘集合, 乘旅遊巴離開死海了。
|
 |
|
1:00 pm
|
吃午餐...
|
1:40 pm
|
到達哲拉希城。
哲拉希城的規模僅次於意大利的龐貝古城, 城內有月亮神殿、廣場神殿、宙斯神殿、 羅馬浴場、列柱銜市場、 橢圓形廣場等。 從中能體會到昔日羅馬人古城之浩瀚及先進。
|
              |
|
5:15 pm
|
離開哲拉希城, 坐車回安曼。
|
6:00 pm
|
今晚會到一間安曼當地人很喜歡光顧的餐廳, 食正宗中東菜。
|
      |
|
7:40 pm
|
又回到第一晚於安曼住的酒店
Amman Cham Palace。
|
11:30 pm
|
睡覺。
|
~Day
12~
4/8/2010
(Wednesday) 晴
安曼 --> 安費城堡 --> 尼波山 --> 美達巴聖城 --> 約旦安曼機場
9:00 am
|
又是不需特別早起的一天...領隊說這天會比較晏才吃午餐, 所以都提議我們晏一點才吃早餐。
|
9:20 am
|
吃早餐...
|
12:30 pm
|
早上沒有行程, 於酒店休息, 待下午會到安費城堡參觀。
|
1:00 pm
|
安費城堡乃羅馬時代的城堡, 當中有大力士神殿遺物, 更可鳥瞰整個安曼城的景色。
|
          |
|
2:30 pm
|
到羅馬劇場, 其實羅馬劇場是指羅馬時期的建築, 而不是一個地方, 所以很多景點都會有羅馬劇場的。
|
 |
|
3:45 pm
|
差不多四點才吃午餐...
|
4:30 pm
|
尼波山及摩西辭世之地, 亦是遠眺死海及耶路撒冷的好地方。
|
    |
|
5:15 pm
|
美達巴聖成又稱馬賽克之城, 因為城內發現大量石砌畫 (馬賽克) 之遺跡, 其中最有名的是一幅馳名國際的 "聖城地圖", 地圖由 230 萬塊各種色彩碎石鑲嵌而成, 細緻地展現出地中海、巴勒斯坦一帶地形, 仔細無遺。
|
      |
|
7:00 pm
|
又是等夜機離開安曼, 所以領隊安排了九點才吃晚飯, 之前到商場 City Mall kill time...這個商場與埃及那個相比, 規模小得很...
|
  |
|
9:00 pm
|
整個旅程最後一餐晚餐了, 今餐會到一間台北餐廳食中國菜, 味道當然麻麻地, 不過咁多日冇食中國菜, 都算唔錯啦。
|
  |
|
10:30 pm
|
到達安曼機場, 正當團友都在執拾行理時, 我發現了一個壞消息, 就是預定凌晨一點起飛既航班, delay 到四點多呢... OMG！
|
要等成五個鐘, 真慘！又玩 bridge 囉, 傾計囉, 食野囉...
|
~Day
13~
5/8/2010
(Thursday) 晴
約旦安曼機場 --> 泰國曼谷機場 --> 香港
4:10 am
|
飛機終於起飛了, 上機後要好好睡一覺。
|
(曼谷時間)
7:15 pm
|
到達曼谷, 與去程時一樣, 飛機會於曼谷停留, 讓乘客上落, 不過我地唔可以落機的。
|
8:00 pm
|
飛機再次起飛, 直飛香港。
|
(香港時間)
10:45 pm
|
終於到達香港了, 埃及約旦十三天古國之旅正式完滿結束。取行理後, 便乘巴士回家了。
|
沒有留言:
張貼留言