[2013 柬埔寨．吳哥窟] Day 3 世界文化遺產吳哥窟

2013年12月27日星期五

[2013 柬埔寨．吳哥窟] Day 3 世界文化遺產吳哥窟

~Day 3~

27/12/2013 (Friday) 晴

暹粒 --> 吳哥窟．南大門 --> 吳哥古城 (大吳哥) --> 巴戎廟 (高棉微笑) --> 比粒塔 --> 女皇廟 --> 吳哥窟遺跡 (小吳哥)

7:00 am

酒店食早餐...

8:00 am

今日既行程算係整個 trip 既焦點, 因為會參觀古跡吳哥窟。係介紹吳哥窟之前, 先講下暹粒呢個城市先... 暹粒 (Siem Reap) 係柬埔寨暹粒省既省府, 位於金邊北方約 311 公里, 距離泰國邊界只有 152 公里。與金邊呢個大城市相比, 暹粒比較寧靜同安全, 近年因為世界文化遺產吳哥窟而熱鬧起來。

吳哥其實係對吳哥古跡群既一個統稱, 係一個由宮殿、寺廟、花園同城堡組成既城市, 古高棉王國既首都, 總面積達四萬平方米。我地成日提到吳哥窟 (Angkor Wat), 吳哥窟其實係指吳哥入面既一座廟宇, 又稱小吳哥。公元 802 年, 國王闍耶跋摩二世統一了高棉王國, 係洞里薩湖北岸興建首都, 定名為 "吳哥"。歷代國王大興土木, 建造宮殿與寺廟, 使吳哥逐漸成為整個高棉人既宗教以及精神中心。公元 1431 年, 泰國人入侵高棉, 高棉人被迫離開吳哥, 係金邊建立了新既首都, 自此吳哥就被世人遺忘。直到 1860 年, 法國植物學家亨利．莫哈特為左收集植物標本來到暹粒, 吳哥城才得以重見天日。於 1992 年, 吳哥窟 (小吳哥) 更被聯合國教科文組織列為世界文化遺產。

正式進入吳哥古城喇, 如果自由行的話先係入口處買門票啦, 門票分為一日、三日同七日票。雖然吳哥古城都幾大, 但我覺得三日都 ok 夠, 我地跟團都只係行兩日, 但重點既遺跡都有去架。

拎住個 pass 就到左通往古城既一座城門 - 南大門 (Thommanom)。

9:00 am

穿過南大門就進入左吳哥古城 (Angkor Thom), 又稱大吳哥既範圍。大吳哥城由 1181 年登基既加亞華爾曼七世 (Jayavarman VII) 所建, 呢位國王係一位虔誠既佛教徒, 他所留下既吳哥都城遺址緊臨著小吳哥, 係一處被長達十二公里城池所包圍既城市。

9:10 am

再走到整個吳哥古城既中心 - 巴戎廟 (Bayon)。巴戎廟正門朝向東方, 迎接日出, 象徵新生與希望, 事實上吳哥入面所有既廟宇幾乎都係面向東面興建的。

巴戎廟由 54 座大小不一既寶塔組成, 每一座寶塔上都刻有面帶著笑容既四面佛。總共 216 尊面帶神秘笑容既佛像, 分別朝向東南西北四個方向, 呢個就係我地經常聽到既「高棉的微笑」。

10:40 am

下一個目的地係比粒塔 (Ta Keo)... 比粒塔建於公元 961 年, 寺中供奉三大天神之濕婆神。

12:00 pm

再到距離大吳哥較遠既女皇廟 (Banteay Srei)... 女皇廟位於大吳哥東北面 21 公里, 建於公元 967 年。

女皇廟內壁畫既雕工係所有吳哥古蹟中最精緻細美的, 其中最令人讚賞的是創作者竟能將原是堅硬的石塊, 如雕刻木頭般琢磨出層次分明、線條柔纖既精細作品, 不論門楣或石壁, 都刻鏤得一絲不筍、巧奪天工而妙不可言, 是吳哥所有寺廟中石雕作品最上乘之作, 也是柬埔寨雕刻藝術的顛峰之作, 故又有「吳哥藝術之鑽」(Jewel in Angkor Art) 既美譽。

現在主要既遺跡寺廟群已被圍起, 位於西面素有東方蒙娜麗莎之稱既仙女雕像亦都無法近看。

1:30 pm

行左成朝, 終於食 lunch 喇... 今次食柬埔寨菜...

3:00 pm

食飽飽又再出發, 終於輪到參觀吳哥窟 (小吳哥) 喇。

吳哥窟 (Angkor Wat) 實際上是吳哥古城入面一座印度教寺廟, 為左容易識別, 吳哥古城被稱為大吳哥, 吳哥窟則被稱為小吳哥。吳哥窟建於公元十二世紀蘇耶跋摩二世 (Suryavarman II) 王朝, 可以說是整個吳哥遺跡群既精華, 於 1992 年被列為世界文化遺產加以保護。吳哥窟佔地極廣, 東西長一千多公尺, 南北寬約八百多公尺, 周圍有一條寬達二百公尺既護城河環繞著。吳哥窟既正門在西面, 是廣大吳哥遺址中, 唯一正門面對西方既神廟。