2017 July 日本．北海道 (道央、道東) 薰衣草花見 8 天自駕遊 - 行程規劃

~日本．北海道 (札幌、小樽、富良野、美瑛、層雲峽、道東三湖、網走、知床)．薰衣草花見八天自駕遊~

日期: 22/7/2017 - 29/7/2017

一年一度既家族之旅又黎喇, 繼上年10月既東京立山黑部之旅後, 今年決定帶屋企人去北海道睇薰衣草... 計劃行程時, 我就梗係想去啲未去過的地方, 但家人未去過, 咁冇理由唔去札幌小樽架, 景點就實會重覆, 睇下點取捨啦... 諗番2006年既夏の北海道花見之旅, 當時去了道央加道南, 完成富良野美瑛花見後就殺落登別同函館... 至於2011年既冬の北海道雪祭之旅就去了首央加道東, 由札幌、層雲峽、川湯一路到知床... 今次就將呢兩個 trip 既行程混合埋一齊, 互補其短... 由於雪祭之旅主要睇雪祭, 未能真正享受夏天既道東美景, 所以今次既行程就由札幌玩到道央既富良野美瑛, 睇完花花之後就向道東既層雲峽、道東三湖同知床半島進發, 好好咁欣賞夏の北海道限定既大自然景色！

行程由札幌小樽開始, 在札幌小樽市散策, 睇過時計台、小樽運河後, 租車前往道央開始2天既花見之旅。由町營薰衣草園、富田農場到四季彩之丘, 一大片既薰衣草園同七色花田都不斷令人謀殺菲林, 好彩而家唔駛一定要曬相姐 :p... 完成上半部道央既花見之旅後, 就展開下半部道東既大自然之旅, 由層雲峽大雪山, 經過道東三湖 (阿寒湖、屈斜路湖、摩周湖), 再去網走以及世界自然遺產知床半島。最後在女滿別空港還車乘內陸機回札幌。

後記
第四次去北海道, 北海道確係有它的魅力, 一年四季各具特色, 幾時去都咁正... 首次同屋企人去8日既 long trip, 行程安排鬆動, 屋企人欣賞到靚靚薰衣草同七色花田, 又睇到道東三湖同知床半島既絕美景色, 真係只得一個字形容﹕正！其實呢個 trip 駛費不少, 但屋企人開心就好了。

➪ 相片集

地圖上看行程

在較大的地圖上查看2017 日本．北海道 (道央、道東) 薰衣草花見自駕遊8天

事前準備

準備	備註
申請日本旅遊簽証	免簽証
購買機票	購買香港至札幌來回機票三套﹕ 1. 國泰航空 (Cathay Pacific Airlines) 香港至大阪, 日本航空 (Japan Airlines) 大阪至札幌; 2. 日本航空女滿別至札幌, 國泰航空札幌至香港
購買旅遊保險	於美亞保險香港有限公司購買旅遊保險
訂酒店、車	於網上預約
國際駕駛執照	未到期, 不用申請
換日元	於恆生銀行換購

行程表

		住宿
Day 1	香港 --> 關西國際空港 --> 新千歲空港 --> 札幌	ホテル 京阪札幌
Day 2	札幌 --> 白い恋人パーク --> 小樽 --> 札幌	ホテル 京阪札幌
Day 3	札幌 --> 富良野．果醬園、芝士工房、彩香の里、町營薰衣草園 --> 美馬牛	旅の宿 Mr. GNU
Day 4	美馬牛 --> 富田農場 --> 日之出公園 --> 美瑛．全景之路、四季彩之丘、青い池、拼布之路 --> 層雲峽	層雲峽．朝陽亭
Day 5	層雲峽 --> 黑岳五/七合目 --> 阿寒湖	あかん 遊久の里鶴雅
Day 6	阿寒湖 --> 砂湯 --> 硫磺山 --> 摩周湖 --> 知床	知床グランド ホテル 北こぶし
Day 7	知床 --> 知床五湖 --> 知床峠 --> 網走監獄 --> 佐呂間湖	船長の家
Day 8	佐呂間湖 --> 女滿別空港 --> 新千歲空港 --> Rera Chitose Outlet Mall -->  新千歲空港 --> 香港

整個旅程所需費用 (一人計)

整個 trip 開支最大就係機票同酒店, HK$6.9 : JPY$100...

機票、酒店、交通	約 $15000
食	約 $900
手信	約 $1500
娛樂	約 $400
其他	約 $100
總計	約 $17900

如果想知我地每日去左邊就要逐日睇喇. 仲有相睇 tim.