2017 Aug 中國．青島西海岸夜間國際馬拉松 5 天之旅

~中國．青島西海岸夜間國際馬拉松 5 天之旅~

日期: 26/8/2017 - 30/8/2017

今年確係去左唔少旅行, 五月去過北海道睇芝櫻, 七月又岩岩去完北海道睇薰衣草, 黎緊九月會去德國跑柏林馬拉松, 十一月就快閃福岡馬拉松, 八月本身係冇計劃的... 就係呢個時候, 有班跑友計劃八月尾去青島跑半馬, 問我有冇興趣... 本身行程真係太密, 七月同九月都要放長假, 我驚老細唔俾我再放八月啦... 不過諗諗下, 我本身未去過青島喎, 其實都想去好耐既, 加上番大陸跑馬又真係要搵人陪, 我自已係唔會去架嘛, 於是就試下同老細請假啦, 老細又好好人肯放喎... 就係咁, 今次好開心可以同一大班跑友一齊去跑馬拉松兼暢遊青島喇...

後記

今次真係超開心, 可以同一大班跑友去玩, 最最最緊要既係, 今次唔駛我自已去 plan 丫嘛... 今次既行程, book 酒店包車同每日既午餐同晚餐, 都係由一位跑友東哥一手包辦, 我就好似跟團咁, 只需帶個人去就 ok 喇, 嘻嘻！

第一次番大陸跑, 仲要係夜晚跑, 感覺都不錯, 啤酒節會場好熱鬧, 跑道佈置漂亮, 青島人普遍有禮, 等起跑到開跑都冇你推我撞既情況... 至於青島市, 整個城市保留著很多歐式建築, 歷史價值豐富, 街道整潔, 風景怡人, 係沙灘晨跑時仲差點以為自已係日本, 確係不錯的一個中國城市, 值得一去！不過今次去既景點不多, 希望下次再去時可以慢慢欣賞呢個咁漂亮既海港城市！

~Day 1~

26/8/2017 (Saturday) 香港 --- 晴, 青島 --- 晴

香港 --> 青島流亭國際機場 --> 黃島 --> 領取選手包 --> 青島．西海岸夜間國際馬拉松 --> 青島文海國際酒店

8:00 am
一早收到個 msg 話飛機會 delay (因乜原因飛大陸既機成日 delay 既呢...), 但啲跑友穩陣個個都已出發, 咁我都照去機場先啦...

到左機場 check in 後, 仲有大把時間, 同跑友去飲茶, 話時話第一次係機場美心飲茶...

12:35 pm
原定 10:25 am 起飛既港龍航班 KA 950 最後遲左成兩個鐘先起飛, 再 delay 落去真係好驚會重現俄羅斯馬拉松既驚險情況 >.<

3:35 pm
到左青島喇, 冬哥已預先安排好車直接送我地去攞選手包...

5:45 pm
係大陸塞車係常識, 急都冇用... 最後都趕得切去會場攞選手包喇...

6:30 pm
今晚入住位於青島市黃島區既青島文海國際酒店... 房間超級大, 分兩層, 下面係客廳, 上面係睡房...

青島半馬既選手包, 一定冇日本馬咁多禮品, 不過件跑 tee 幾 sharp...

7:30 pm
放低行理休息過後, 要出去食 dinner 喇... 我地一行18人走到酒店附近一間小店食蘭州拉麵...

9:00 pm
食完飯番酒店換衫, 然後就步行到啤酒節會場...

青島．西海岸夜間國際馬拉松, 又名 Sundown Marathon Qingdao, 顧名思義, 呢個夜間國際馬拉松係黎自新加坡既 Sundown Marathon Singapore...

新加坡的夜間 “尚道國際馬拉松” 作為目前亞洲最知名的夜間馬拉松赛事, 創辦於2008年, 曾兩度在國際知名運動獎項評比中被提名 “最有創意” 獎, 已成為全世界跑者最喜爱的創意赛事之一。Sundown 係一系列開創無眠之夜, 迎接日出到來既馬拉松賽事。

(以下圖片取自互聯網)

新加坡尚道 (Sundown) 馬拉松组委會携手心同步, 與中國大陸打造首個夜間起跑、迎接日出的國際馬拉松, 亦是青島十幾年來第一個全程國際馬拉松 - 青島．西海岸夜間國際馬拉松。就係咁, 中國大陸第一個夜間馬拉松就於青島西海岸舉行了, 衝刺賽道設置在啤酒節主會場内的星光大道。

[2017 青島．西海岸夜間國際馬拉松]

主辦單位﹕青島市黄島區人民政府、青島市體育局、青島市體育總會
比賽會場﹕青島市西海岸啤酒節主會場
比賽項目﹕全馬、半馬及5公里歡樂體驗跑

路線﹕啤酒節主會場 (起點) —— 嘉陵江東路—— 漓江西路—— 理工大學 ——唐島灣滨海公園 —— 海上嘉年華 —— 東方影都 (半程折返點) —— 城市陽台 (全程折返点) —— 啤酒節主會場 (终點)

啤酒節會場佈置漂亮, 非常熱鬧...

11:00 pm
全程馬拉松於 10:00 pm 起跑, 我地跑半馬就要等到 11:00 pm 起步...

頭 10K 開得太快, 之後太熱, 10K 後開始跌速, pb 冇望...

01:15 am
呢個唔止係中國大陸第一個夜間馬拉松, 亦都係我第一個夜間半馬喎... 最後以 2:13:21 衝線, 未能 pb, 成績中規中矩啦...

最终, 中國選手李偉以2小時32分55秒的成績奪得全馬男子组第一名, 中國選手焦安静以2小時55分3秒的成績奪得全馬女子组第一名。來自肯尼亞的選手Ezekiel Kiprop Koech, 以1小時6分42秒14的成績奪得半馬男子组第一名, 同樣是來自肯尼亞的選手Ruth Chebitok, 以1小時16分24秒的成績奪得半馬女子组第一名。

衝刺後繼續沿住五光十色既星光大道去領取完走獎牌...

02:15 am
等埋其他跑友返到終點就一齊番酒店沖涼訓覺喇...

~Day 2~

27/8/2017 (Sunday) 青島 --- 晴

青島文海國際酒店 --> 匯泉灣 --> 匯泉王朝大飯店

8:20 am
琴日凌晨先跑完個半馬, 竟然起倒身去食早餐...

11:15 am
出發往曉港碼頭, 冬哥已安排了豐富海鮮午餐...

12:10 pm
呢餐都唔駛多介紹, 睇相就知係平靚正... 特別一提, 其實仲有啲餸冇 post 到, 因為實在太多, 好跨張...

2:45 pm
跑左個半馬, 但岩岩都唔知食左幾多個全馬, 今日仲要係第二日咋喎 >.<...

到達之後會入住三晚既匯泉王朝大飯店 Huiquan Dynasty Hotel...

預先訂左既青島特產, 到左酒店就有喇...

係酒店放低行理安頓好之後, 有感悠閒既青島之旅開始了...

[青島介紹]

青島位於山東半島的南部, 三面環海, 是中國東部沿海地區重要的交通樞紐與旅遊城市。市區內「紅瓦綠樹, 碧海藍天」, 再加上海濱浴場環繞城區, 優美既景色使青島有「東方瑞士」之稱。

青島三面環海, 有好多海水浴場, 呢間酒店就正正座落係風景秀麗既匯泉灣畔, 一行出酒店就係一望無際既「第一海水浴場」, 想係度跑步又得, 游水又得...

7:20 pm
行完靚靚沙灘就去食晚餐, 今晚去北方水餃館食餃子...

9:30 pm
回酒店休息了。

~Day 3~

28/8/2017 (Monday) 青島 --- 雨

匯泉王朝大飯店 --> 嶗山風景區 --> 青島舊城區散策 --> 聖彌愛爾大教堂 --> 匯泉王朝大飯店

7:00 am
走到酒店頂層的旋轉餐廳食早餐...

10:00 am
今早會到嶗山風景區...

嶗山位於黃海之濱的嶗山素有「海上第一名山」之稱, 是中國海岸線上的第一高峰, 也是青島最佳賞日出的地方。嶗山拔海而立, 山海相連, 山上奇石怪洞, 清泉流瀑, 峰迴路轉, 自古亦被稱爲「神仙窟宅」、「靈異之府」。據說昔日秦始皇和漢武帝都曾登臨此山尋找仙丹, 而唐明皇也曾派人進嶗山煉藥, 丘長春、張三豐也都曾在此修道, 眾多的歷史文人名士都曾在此留下遊蹤, 因此也被稱為「道教全真天下第二叢林」。全盛時有九宮、八觀、七十二庵, 嶗山道士更是聞名遐邇。

上山喇, 天氣頗潮濕, 好快就出哂汗 >.<...

上到頂仲落起大雨來, 被困山頂 >.<...

11:50 am
Lunch 食嶗山農家漁宴...

1:00 pm
由於天氣不穩, 食完 lunch 就回酒店了...

3:45 pm
休息過後再出發, 逛逛青島市區, 探訪一下那些在德國佔領時期建造的美麗建築物...

青島舊城區...

聖彌愛爾大教堂...

聖彌愛爾大教堂, 又稱浙江路天主教堂, 是天主教青島教區的天主教主教座堂。大教堂坐落於青島舊城區浙江路的高坡上, 始建於德國租借時期。1934年德國人維昌祿任青島教區首任主教期間新建了今天的這座大教堂。磚石雙塔建築, 鐘樓高55米, 曾經長期是青島最高的建築物。

6:30 pm
因為琴晚餐餃子餐太好味, 所以今晚又 encore :p...

8:20 pm
搭地鐵回酒店。

~Day 4~

29/8/2017 (Tuesday) 青島 --- 晴

匯泉王朝大飯店 --> 小魚山 --> 康有為故居 --> 匯泉王朝大飯店

7:00 am

又嘆靚景早餐... 我又係包, 蛋...

8:45 am

同跑友去旅行嘛, 晨跑+沙灘體能自然係少不了既行程黎啦 :p... 不過沿住海邊跑確係好舒服, 仲見到人拍婚紗相 tim...

12:30 pm

中午到萬鑫餐廳食 lunch... 平時梗係 post 風景多, 但我發覺呢個遊記既相大部分都係同食有關的 :p...

3:00 pm
休息一會又再出發...

小魚山...

小魚山座落於青島市的南端, 因靠近魚山路而得名, 海拔約60多公尺, 山勢不高, 卻是眺望青島舊城區的最佳景點。「覽潮閣」為小魚山的主體建築, 為高18公尺三層八角閣樓。閣樓內有螺旋式樓梯, 外有護欄平臺。往前觀望可以看到整個海灣, 第一海水浴場、小青島與棧橋等景觀盡收眼底, 海灘上悠閒漫步的人們正顯現出青島的樂活生活。往山的方向望去, 則可看到許多青島的著名建築, 如信號山、山東電視塔、迎賓館…等。其中迎賓館, 外觀以不對襯的建築風格著稱, 是德國總督在統治中國時所使用的官邸。登上小魚山, 除了飽覽「碧海藍天、紅瓦綠樹」青島市獨特的夢幻景致, 以海為主題、充滿古典風格的山頭園林公園裡, 還有大型彩繪壁畫《蒲松齡宇宙》和《八仙過海》可供欣賞。自然的美景搭配人為的藝術, 讓小魚山在大自然的恩寵下, 更增添了些許的藝術氛圍。(轉載山東旅遊網)

4:40 pm
康有為故居...

中國近代歷史名人「康有為」因「戊戍政變」廣為人知, 晚年居住於青島, 住處位在青島著名的旅遊景點小魚山山腳, 樓高三層, 背山面海。故居為磚木結構的德國式建築, 原是1899年至1900年所建的德國總督副官官邸, 1923年康有為遷居青島後不久, 便購入自已名下, 取名「天游園」, 不過1927年康有為病逝於此, 之後此地亦稱為「康有為故居」。(轉載山東旅遊網)

6:00 pm
晚餐到春和樓食魯菜...

提起「春和樓」, 青島人憶起的不僅僅是那正宗獨特的魯菜味道, 還有其伴隨着青島建置而起的一張張餐飲「名片」。「春和樓」坐落於青島中山路商業街, 係青島唯一百年餐飲企業、山東歷史最久的魯菜飯店、中國十大餐飲老字號, 嘩, 睇個來頭真不少... 兩層古老的飯店門頭頂部鑲嵌着康有為題寫的「春和樓」和「1891」年號, 昭示着其歷經百年滄桑而又延續至今, 究其原因, 不僅有「春和樓」幾代人的不懈努力, 還有「誠信傳承百年，質量贏得顧客」的經營之道。