2019 May 台灣．台北、台中 (阿里山、日月潭、清境、合歡山)．修學生日暨母親節 4 天之旅

~台灣．台北、台中 (阿里山、日月潭、清境、合歡山)．修學生日暨母親節 4 天之旅~

日期: 10/5/2019 - 13/5/2019

今次呢個旅程好特別, 話說讀左日文好多年, 到左今年2月終於畢業 (當然只係完成左學校既 N1 課程, 並不是真的考到 N1 啊, 哈...), 老師提議大家一齊去一趟台北修學旅行, 暫定日子係 10/5-13/5, 問左班上同學意見, 最後有兩位同學話會參加... 但呢段日子對我黎講意義重大, 有咩咁大呢？就係我一年一度既生日加上難得既生日遇上母親節啊, 本身我都諗緊點樣慶祝既... 諗下諗下, 其實慶祝不外乎都係食飯或者去旅行, 咁不如就與老師同學佢地一齊去, 咁呢個簡單既4日之旅就變得格外特別喇, 既是修學旅行, 又是生日暨母親節之旅 ^.^! 真係越諗越興奮, 不過我未問老師同學們是否介意與我媽媽同行喎, 即管問下, 好快就話冇問題 ^.^ 於是, 這個修學旅行團就由高橋老師、兩位同學 (ラーさんとあきとさん）加埋我與媽媽總共5人組成...

決定左成行, 我就在腦海中諗下行程, 諗下諗下, 又上網睇下啲 blog, 見台中啲景點好似好吸引咁喎, 跟當地3日團已可以走遍台中既主要景點, 又唔駛自已 plan... 其實台北已去過好多次, 反而台中我係好想去但一直都未有機會去, 突然諗今次可以去台中喎... 於是我就提議不如先去台北, 待老師探完朋友, 我地就往台中參加當地既 local tour... 老師與同學們看過台中既 local tour 後, 都贊成改去台中, 好野, 我終於可以去阿里山同清境喇！

最後落實左既行程係第一日先飛台北, 第二日一早搭高鐵往台中, 參加當地一個3日團 [阿里山日月潭清境農場合歡山超值豐富三日遊], 最後由台中飛返香港。同學們好好, らーさん幫忙買香港至台北機票, あきとさん就負責訂 local tour, 而我就負責訂台北酒店同買台中至香港機票。一切準備就緒, 等待出發！

地圖上看行程

在較大的地圖上查看2019 台灣．台北、台中 (阿里山、日月潭、清境、合歡山)．修學生日暨母親節 4 天之旅

~Day 1~

10/5/2019 (Friday) 香港 --- 晴, 台北 --- 陰天

香港 --> 桃園國際機場 --> 台北101大樓 --> 饒河街夜市 --> 西門町 --> 洛碁大飯店花華館

6:00 am
4:45 am 起床 >.< 晨咁早就出發往機場, 在機場與高橋老師、らーさん、あきとさん會合後一起往 check in 然後過關...

8:10 am
CI 922 飛往台北航班準時起飛...

9:52 am
飛台北真係快過出九龍, 食完個餐已經準備降落了...

到達桃園國際機場, 超多人排隊辦理入境手續, 搞掂哂去搭機場捷運已差不多十一點半...

12:45 pm
先到台北今晚入住既洛碁大飯店花華館 check in...

休息一會我地就開始台北一日遊...

1:00 pm
先去買明早去台中嘉義的高鐵火車票, 然後就搭捷運到台北101既鼎泰豐食 lunch...

3:15 pm
之後上台北101大樓...

5:25 pm
呢個時候老師先行離隊去探桃園的朋友, 我地就去饒河街夜市掃街...

目標只有一個, 我最愛既胡椒餅 :p

6:25 pm
行完饒河街夜市就到松山火車站搭火車回台北, 咁樣會比搭捷運快好多...

回到台北火車站之後, あきとさん又約左朋友, 咁我同媽、ラーさん繼續去西門町掃街...

又有指定目標, 我最愛既阿宗麵線 :p

9:15 pm
回酒店休息...

~Day 2~

11/5/2019 (Saturday) 台中 --- 晴

台北 --> 嘉義高鐵站 --> 奮起湖車站 --> 阿里山森林遊樂區 --> 螢火蟲 Tour --> 阿里山閣大飯店 B 棟

5:30 am
5:00 am 起床 >.< 一早 check out, 因為要搭第一班高鐵到台中既嘉義...

在7-11買早餐...

6:30 am
第一次搭台灣的高鐵, 很舒適, 有點像日本的新幹線...

7:45 am
到左嘉義高鐵站, 走到1樓3號出口集合, 旅行社派了專人來接我們到旅行社。

9:00 am
到了旅行社, 職員好詳細咁講解整個 tour 的流程和我們要注意的地方, 辦好哂手續後就可以出發囉...

台中既阿里山日月潭清境農場合歡山超值豐富三日遊正式出發...

10:00 am
到達第一個目的地﹕奮起湖...

奮起湖, 阿里山森林鐵路的中繼站, 被譽為南台灣的九份。早年以老街、便當和四方竹聞名。這座海拔1403公尺的山城, 屬於嘉義縣竹崎鄉中和村。「湖」為閩南語中低窪地之意, 當地實際上並無湖泊。因東、西、北三面環山, 地勢低窪, 中間低平, 形如畚箕, 雲霧環擁如湖, 故而舊稱畚箕湖, 後因名不雅, 而改為「奮起湖」, 畚奮同音、箕改起則用意奮發圖強。[撰自阿里山國家風景區]

奮起湖車站...

逛逛老街, 有人稱它是阿里山的九份, 或是阿里山的悲情城市。

老街有很多美食同特色商店...

正要離開時剛巧有火車到達啊...

12:10 pm
到達今晚入住的阿里山閣大飯店B棟...

這個是奮起湖便當, tour 包左每人一份...

2:30 pm
出發去阿里山森林遊樂區...

一般俗稱的阿里山, 係指以沼平為中心的阿里山森林遊樂區。事實上, 翻開地圖來看, 沒有一座山叫做阿里山, 正確的說法是阿里山由十八座大山組成, 涵蓋了阿里山山脈的主要山系。若以地形來說, 阿里山山脈屬於玉山山脈的支脈, 在塔塔加鞍部以楠梓仙溪、沙里仙溪和玉山群峰區隔。日治時期, 阿里山森林鐵路林場支線延伸至今之塔塔加一帶; 1991年新中橫公路通車後, 阿里山森林遊樂區便與玉山國家公園串連而成。[撰自阿里山國家風景區]

集合地點就在酒店門外, 很是方便...

行到攰要抖抖... 試左個愛玉子同炒山豬肉, 好味...

繼續行...

5:30 pm
呢個導遊一啲都唔 hea, 帶我地行足三個鐘, 佢就全程講足三個鐘...

6:00 pm
到阿里山旅客中心附近的一所餐廳食 dinner... 晚餐都是 tour 包埋的, 味道也可以...

餐廳對面的郵局, 話係全台灣海拔最高的一間郵局...

7:00 pm
食完晚餐就出發去看螢火蟲... 這個是自費節目, 每年只有4-6月有得睇咁就當然要去啦...

天氣好, 真的看到很多螢火蟲, 但都影唔倒呢 >.<

9:15 pm
回到酒店, 又要盡早休息, 因為明天又要超早起床...

~Day 3~

12/5/2019 (Sunday) 晴

酒店 --> 沼平車站 --> 阿里山小火車 --> 祝山觀日樓 (阿里山日出) --> 日月潭風景區 --> 清境 --> 清境普羅旺斯玫瑰莊園

4:20 am
3:45 起床 >.< 今日係我一年一度生日既大日子, 再加上生日遇上母親節, 我同媽媽會係阿里山同清境度過... 而家就由台中絕景阿里山日出來迎接呢個咁特別既一天啦...

去台中當然唔可以唔去睇阿里山日出, 要看阿里山日出有兩個好地方﹕祝山同玉山... tour 俾我地任選其中之一, 如果要去祝山的話, 費用已包阿里山小火車車票, 如果要去玉山呢, 就包車送我地去... 我地想坐小火車, 所以就揀左祝山喇...

我地酒店就在沼平車站旁邊, 超方便, 但小火車是由阿里山車站開來, 每朝有三班, 第一班車來到時已滿, 我地要等第二班車先上到... 車程大約半小時就會到達終點站祝山...

下車後就直接在車站這裡的觀景台等日出, 想要視野好一點, 可以步行10分鐘前往小笠原山觀景台...

5:25 am
真的很感恩, 這裡的人都說阿里山已連續下了十天雨, 就在我們昨天來到時才剛轉天晴, 今早還可以看到好靚既蛋黃呀... 在生日這天看到漂亮的阿里山日出, 是意味今年行大運嗎？嘻嘻...

6:30 am
回酒店食早餐...

8:30 am
check out 後往阿里山旅客中心...

9:00 am
出發往信義鄉農會梅子夢工廠...

12:30 pm
到達日月潭風景區...

日月潭位在台灣中部的南投縣, 於民國八十九年一月正式升格為「日月潭國家風景區」, 以日月潭中的山水美景及邵族文化特色為主題, 打造成國際級的度假勝地。日月潭是全台灣最大的天然內陸湖泊, 海拔高度七百六十公尺, 周圍層層山巒環繞, 湖面碧波粼粼, 晨曦與夕陽景致更是迷人, 壯麗景色美不勝收,「雙潭秋月」更為台灣早期的八景之一。現今還可乘坐遊艇環遊湖中, 潭裡更蘊藏多種美味的鮮魚, 日月潭國家風景區也不定期舉辦各項觀光活動, 增添多元化的觀光資源。

在水社碼頭上船, 遊日月潭...

到達玄水碼頭, 食了隻茶葉蛋...

玄光寺...

Lunch 掃街...

山豬肉大刈包...

雞翅包飯...

2:30 pm
離開日月潭風景區...

3:40 pm
文武廟... 我都許番個願先 :p...

4:10 pm
出發往清境...

5:30 pm
到達清境普羅旺斯玫瑰莊園...

6:00 pm
tour 包了簡單的晚餐, 就是每人一客意粉, 我加了錢轉吃牛扒...

7:30 pm
逛逛清境農場7-11形象商圈, 之後便休息了 (明早又... 倒塔咁早起身 >.<)...

~Day 4~

13/5/2019 (Monday) 晴

酒店 --> 合歡山 (日出) --> 小瑞士花園 --> 清境農場青青草原 --> 埔里酒廠 --> 台中國際機場 --> 香港

3:45 am
3:15 am 起床 >.<

去台中姐, 搞乜黎4日4日都晨咁早起身架, 第一日因為早機 4:45 am, 第二日由台北搭高鐵去台中 5:00 am, 第三日阿里山日出 3:45 am, 今日最後一日合歡山日出就 3:45 am... 真係仲辛苦過番工, 不過睇埋今日個合歡山蛋黃先啦, 真係唔訓都要黎呀...

3:45 am 出發, 由於天氣非常好, 導遊會帶我地去觀星先, 睇到好多星星, 但影唔倒 >.<

之後就去標高3200米既合歡山, 等日出時真係凍到騰騰震呀...

5:10 am
太陽升起喇, 可能天氣比昨天還好, 也可能是阿里山太多人, 今日的合歡山日出比昨天的阿里山日出還漂亮啊！

武嶺...

7:30 am
回酒店吃早餐... 雖然有好多食物, 但我仍然係多士+蛋 :p...

10:00 am
check out 後寄存行理在酒店, 出發往清境小瑞士花園...

11:30 am
逛逛清境農場...

清境農場成立於民國50年2月20日, 座落於中橫公路台14甲線霧社北端8公里處, 空氣清新、林木蒼鬱、繁花遍野、具北歐風光, 有「霧上桃源」之稱。此地海拔1750公尺, 每年5~9月份平均氣溫15度C至23度C左右, 遠離城市酷熱, 投身期間, 居高眺遠, 其茂盛之草原, 綠茵如氈, 令人留連忘返。[撰自清境農場官網]

清境農場青青草原...