~日本．中部 (靜岡)．伊豆半島 (河津、伊東溫泉、修善寺溫泉、熱海)．桜花溫泉 4 天之旅~
日期: 3/3/2023 - 6/3/2023
日期: 3/3/2023 - 6/3/2023
回應返上一個2020年2月泉州國際馬拉松既 post, 估唔倒因為影響全球既 COVID-19, 令到大家足足3年冇得去旅行... 直至2022年尾, 世界各地陸續通關, 咁我就睇定啲先, 待情況真的穩定下來, 最後係2023年3月見工作冇咁忙, 都出關來一個日本溫泉之旅啦！
冇去旅行3年, 感覺連 plan 行程都好似有啲困難咁 :p 諗下日本3月有咩睇, 真正既櫻花期未到, 但靜岡縣既河津係全日本最早開花既地方, 每年既櫻花期係2月尾至3月頭... 另外, 之前都未去過伊豆半島, 咁今次就鎖定靜岡縣既伊豆半島為目的地... 但由於伊豆半島好大, 最理想就梗係環島自駕遊, 但我一個人去租車真的唔化算... 最後搜集過資料, 決定都係鐵道遊, 但去既景點就冇咁多喇...
[伊豆半島]
靜岡縣的伊豆半島以海灘、溫泉及水上活動馳名，也是熱海、伊東及下田等知名濱海城市的所在之處。城崎海岸、石廊崎，以及位於半島南側和西側的小型城鎮，也越來越受歡迎。伊豆半島與富士山相鄰，也是富士箱根伊豆國家公園的一部分。(撰自日本國家旅遊局)
Day 1: 東京 --> 河津 --> 河津桜まつり --> 大室山 --> 伊東溫泉
Day 2: 伊東溫泉 --> 伊豆パノラマパーク (伊豆全景公園) --> 修善寺溫泉
Day 3: 修善寺溫泉 --> 熱海 --> 東京
Day 4: 東京 --> 香港
後記
相隔3年終於可以飛喇, 雖然我冇其他人覺得咁痛苦 (好多人一通關已急不及待即刻飛), 但可以出走幾天去日本浸個溫泉, 賞下櫻花, 對平時工作超級忙碌既我黎講確係興奮... 今次旅程首次踏足靜岡縣既伊豆半島, 正如 plan 行程時已估計到, 唔自駕的話真係花左好多時間係交通上, 尤其要去修善寺溫泉... 不過一個人揹住行理, 放慢腳步遊走伊豆半島, 欣賞下河津櫻、遠處觀望富士山、到訪伊豆出名既伊東同修善寺2個溫泉鄉、大嘆久違了既溫泉大餐, 真係非常享受。
香港 --> 成田空港 --> 河津駅--> 河津桜まつり --> 大室山 --> 伊東温泉
01:25 am
坐國泰航空 CX 524 飛往東京...
9:00 am
由於路途遙遠, 第一站會直接由東京駅坐火車到河津駅... 走到東京駅既 JR 東日本旅行服務中心買 JR Tokyo Wide Pass (JR 東京廣域周遊券)... 太耐冇黎, 黎到見到條人龍, 啲記憶就出現係腦海喇... 對上一次黎呢度買 JR Tokyo Wide Pass 就係 2019年4月既北關東粉蝶紫藤芝櫻花見之旅...
10:00 am
如果已經安排好哂所有行程, 買 JR Tokyo Wide Pass 時可以請職員預約定之後要坐既火車架... 我就通知職員我要立刻出發往河津, 咁職員就幫我 check 下火車既 schedule, 然後就幫我預留左於 10:00 am 由東京駅出發直達河津駅既「Odoriko 踊子號」既指定席...
由東京駅坐踊子號列車, 可以直達河津駅, 全程不用轉車, 約需2.5小時, 好方便...
12:30 pm
到達河津駅...
到達河津駅...
河津櫻是東京近郊最早盛開的知名櫻花之一，多達8,000棵河津櫻在當地形成了相當壯觀的景致, 花期約為每年2月下旬到3月初, 較東京既櫻花期早。每逢櫻花盛開時，河津町都會舉辦「河津桜まつり」(河津櫻花祭)。其實 plan 行程時睇過2023年第33回河津桜まつり既舉行日期, 真的很幸運, 櫻花祭原本係由1/2到28/2, 但官網顯示祭典會延長至5/3, 嘩, 咁我3/3去就岩岩趕到睇河津櫻既尾班車...
其實從車站走出來，便馬上看到櫻花...
從車站開始，慢慢走到櫻花祭會場, 全長4公里既「河津川沿桜並木」...
在會場買點小吃做午餐...
2:06 pm
慢慢沿會場走回河津駅, 乘伊豆急行線到伊豆高原駅...
3:00 pm
再轉巴士到大室山...
大室山作為伊豆高原的象徵，其圓圓的形狀就如同一個倒轉的碗，十分可愛又引人注目。這裡設有前往山頂的纜車供遊客乘坐。從山頂可以眺望到富士山、以及浮在海上的伊豆大島等景觀，360度全景絕美而壯觀。大室山在約5000年前是一座火山，因保佑曾經以打漁為生的伊豆人民行船安全、漁業豐收，而被人們奉為神山。山的中心部分形狀有如研磨碗的巨大火山口。周圍設有環繞火山口的遠足路線，在如此高海拔的地區遠足，非常刺激。(撰自IKIDANE旅遊網頁)
乘登山吊椅登上山頂...
上到山頂, 可以繞山頂走一圈, 不過當日好大風好鬼凍, 照行啦...
點解成個山頭都好似被火燒過咁？其實每年2月既第2個週日, 呢度都會舉行為伊豆報春既大室山燒山儀式...
伊豆的報春活動「燒山儀式」是具有700年以上歷史的傳統活動。過去，茅草曾是人們生活中不可或缺的作物，當初舉辦目的為透過燒山，以重新種出優質茅草並驅除害蟲。如今則意在傳承燒山儀式技術，作為報春的觀光活動而辦。大室山的燒山儀式分成兩次，分別是焚燒火山口內側的「燒缽」，以及從山麓放火焚燒整座山的「燒全山」。從山麓放火後，火勢會在瞬間往山上延燒，僅需約40分鐘就會燒光整座大室山的植被。(撰自大室山官網)
4:30 pm
乘巴士到伊東駅...
5:10 pm
黎到伊東駅本來想逛下 JR 火車駅附近既商店或溫泉街, 但唔知點解突然好凍, 凍到手到僵埋果隻, 只係好想快啲到溫泉酒店浸溫泉...
5:40 pm
黎到今晚入住既伊東溫泉酒店 Seven Seas Hotel Ito...
6:00 pm
又凍又餓, check in 時問我幾點食溫泉晚餐, 我話返房放低行理就去食 :p
7:45 pm
食到好飽, 休息一下就去浸溫泉...
~Day 2~
4/3/2023 (Saturday) 晴
伊東温泉 --> 伊豆パノラマパーク (伊豆全景公園) --> 修善寺溫泉
7:30 am
黎到臨海既伊東溫泉最正就梗係一早起床沿海晨跑啦, 不過天氣真係好凍, 放棄了 >.< 不過浸溫泉既指定動作就照舊 :p...
8:00 am
食早餐...
食早餐...
9:40 am
今日會由伊東溫泉出發往修善寺溫泉, 中途會先去長岡溫泉既伊豆全景公園探下富士山...
坐巴士到修善駅, 車程大約一小時...
10:45 am
到達修善寺駅... 一般人會係呢度再轉巴士入修善寺溫泉, 但我就轉車去長岡溫泉駅...
11:22 am
日本啲交通一般好準時, 但呢架去長岡溫泉既巴士 (望落似旅行團果啲大巴) 就真係遲到, 我仲好鬼驚以為自已 miss 左呢架車, 好彩後來等下等下架車就到了...
11:44 am
到達長岡溫泉, 走到伊豆パノラマパーク (伊豆全景公園)...
伊豆長岡溫泉附近的「伊豆全景公園」是靜岡縣知名的人氣觀光景點，不僅可以遠眺富士山，更可將駿河灣的美麗弧線盡收眼底，若要選富士山拍照打卡聖地，這裏絕對當之無愧的必踩景點。
坐纜車上山頂...
很舒適的戶外空間, 係呢度可以一邊嘆咖啡一邊飽覽富士山既迷人景色 (我真係太喜愛富士山了)...
1:30 pm
離開伊豆全景公園, 搭巴士回伊豆長岡駅, 等車時隨便買些麵包做午餐...
1:40 pm
轉乘伊豆箱根鐵道駿豆線到修善寺駅...
2:00 pm
上面既後記已經提及過, 去修善寺既交通係較不便, 如果唔係自駕遊就一定要坐伊豆箱根鐵道黎到修善寺駅再轉巴士...
2:20 pm
大約坐左20分鐘巴士就到左修善寺溫泉區, 拖著行理黎到今晚入住既溫泉酒店 - 湯めぐりの宿 修善寺温泉 桂川。
[修善寺溫泉]
修善寺位於伊豆半島北部，是個古色古香的溫泉小鎮，也是伊豆區最悠久的溫泉鄉，還曾獲選為米其林旅遊指南二星景點。
3:00 pm
check in 後就漫步溫泉區...
修禪寺
修禪寺位於溫泉區的中心，是修善寺溫泉的發祥之寺，據說為空海於 807 年所創。寺廟境內的寶物殿「瑞寶藏」展示有空海開鑿靈泉的金銅獨鈷杵等修禪寺代代相傳的寶物。2014 年 9 月在修復山門的同時亦新設仁王堂，擺置金剛力士像。
日枝神社
指月殿
竹林小徑
「竹林小徑」與流經修善寺溫泉鄉市中心的桂川相鄰，以「獨鈷之湯」旁的道路為起點，經過塗有美麗朱漆的「桂橋」及「楓橋」，以居於上流的「瀧下橋」為終點，路途共約 300 公尺。沿途有著壯觀的竹林與美麗的石板路，是非常熱門的觀光景點。
楓橋
修善寺最有名的獨鈷之湯
獨鈷之湯是修善寺溫泉鄉的其中一座溫泉，也是伊豆最古老的溫泉。傳說西元 807 年，高僧空海造訪此地時深受一名少年的孝心所感動，以獨鈷杵（佛具）敲打河川的岩石，遂湧出此泉。目前獨鈷之湯禁止入浴，僅開放參觀與浸泡手腳。
河原湯
5:00 pm
行完溫泉區趁未夠鐘食飯就跑個步...
6:00 pm
浸溫泉...
7:30 pm
食 dinner 喇...
~Day 3~
5/3/2023 (Sunday) 雨
修善寺温泉 --> 熱海 --> 東京
7:30 am
一早又去浸溫泉, 再嘆個豐富早餐...
7:30 am
一早又去浸溫泉, 再嘆個豐富早餐...
9:40 am
執好行理就 check out 喇... 今日會離開修善寺溫泉, 回東京前會順道遊覽一下熱海。拖著行理走到修善寺溫泉駅乘巴士回修善寺駅...
10:06 am
轉乘伊豆箱根鐵道駿豆線到三島駅, 之後再轉東海道本線到熱海駅...
11:10 am
到了人來人往既熱海駅, 先坐巴士到熱海城... 其實今早已經轉了很多次車, 坐呢架巴士又細又多人, 真係坐到有點頭暈 :p...
[熱海]
熱海是位於神奈川縣旁的靜岡縣內的溫泉地。這裏是臨海的溫泉地區，充滿度假氣息，吸引了來自日本全國各地的遊客來訪。同時，從東京搭乘新幹線前往此地只需50分鐘，搭乘普通列車則只要2個小時就能到達。因此這裏也是關東近郊人們的周末旅行首選觀光景區之一。[選自 MATCHA 旅遊網]
11:30 am
到達熱海城...
[熱海城]
熱海城的海拔高 120 公尺，且「看起來」歷史悠久。熱海城是在 1959 年以安土桃山時代 (1568-1600) 的城堡為靈感興建而成，是日本歷史較短的城堡之一。 不過從城堡頂層能欣賞到壯麗的景色，且亦能在此地進行許多有趣的活動。
不同於其它的日本城堡，熱海城並非真實重現早期建築。事實上，它是在 1959 年為了搭配熱海的觀光熱潮而建造，純粹作為觀光使用的設施。 不過熱海城是以安土桃山時代的建築為原型，因此您可能會發現建築外觀看起來與相同年代的其它建築很類似，例如大阪城 。[撰自日本國家旅遊局]
從城堡頂樓眺望相模灣的美景...
12:50 pm
天開始黑起來, 等巴士回熱海駅...
回到熱海駅先到JR綠色窗口買定今晚回東京既車票...
逛逛熱海市最熱鬧既溫泉街
掃街...
3:08 pm
4:30 pm
回到東京, 目標已再不是伊勢丹 shopping, 今次打算去位於銀座既 Yamaha 旗艦店朝聖一下...
呢間 Yamaha 銀座旗艦店氣勢好強, 是一座複合式音樂大廈，內有辦公室、演奏廳、音樂教室等, 經過看會以為是賣 Hermès 之類的名店...
淨係琴書同精品都有排睇...
最後買左呢個...
6:16 pm
從銀座走到新橋駅, 乘 ゆりかもめ 到豐洲駅。
到酒店附近既 supermarket 買 dinner.
7:30 pm
到達今晚入住既酒店 - 三井ガーデンホテル豊洲プレミア check in...
浸溫泉, 然後食晚餐...
~Day 4~
6/3/2023 (Monday) 日本 --- 晴
東京 --> 成田空港 --> 香港
7:30 am
好快又到左旅程既最後一日, 梗係要去浸個溫泉食個豐富早餐先走...
7:30 am
好快又到左旅程既最後一日, 梗係要去浸個溫泉食個豐富早餐先走...
10:40 am
終於黎到位於 SHIBUYA SCRAMBLE SQUARE 上方既 SHIBUYA SKY 入口處, 其實黎之前都知呢度好多遊客, 但諗住今日係平日斷估應該有位掛... 點知... 黎到真係 Full 左 >.< 吃閉門羹了... 唔緊要啦, 下次我一定會再黎架...
11:15 am
乘 Narita Express 到成田空港...
12:30 pm
check in 後爭取最後時間掃貨...
check in 後爭取最後時間掃貨...
2:20 pm
乘搭國泰航空 CX 527 航班飛往香港...
乘搭國泰航空 CX 527 航班飛往香港...
5041
(以下轉香港時間)
6:14 pm
話咁快 4 天既日本靜岡．伊豆半島．桜花溫泉之旅已經完滿結束喇, 希望大家身體健康，繼續周圍去玩啦。
沒有留言:
張貼留言