[2024 珀斯．夢幻粉紅湖波浪岩] Day 3-5 The Pinnacles 尖峰石陣 x Hutt Lagoon 粉紅湖 x Nature's Window 自然之窗

~Day 3~
13/5/2024 (Monday) 晴

酒店 --> 3-Day Local Tour --> 蘭斯林沙丘 (Lancelin Sand Dunes) --> 賽凡提斯 (Cervantes) --> 南邦國家公園 (Nambung National Park) --> 尖峰石陣 (Pinnacles) --> 傑拉爾頓 (Geraldton) --> Best Western Hospitality Inn

7:30 am

要睇靚景, 當然唔可以淨係待在珀斯, 但獨自出行又唔想租車, 所以 plan 行程時已決定 join 當地既 Local Tour, 務求深入西澳唔同既地方... 今日我就會 join 一個 3天既 Local Tour, 探索一下珀斯北面既大自然奇觀...

朝早在酒店寄存行理, 然後就在酒店門外等 Tour 既司機兼導遊 Cindy 開車黎接我... 可能我住既酒店有少少偏離市中心, 我係第一個上車, 之後 Cindy 繼續去接埋其他團友...

8:20 am

待所有團友都上哂車, 就正式出發喇...

10:00 am

大約個半鐘之後到左第一個目的地 - Lancelin Sand Dunes (蘭斯林沙丘)...

蘭斯林沙丘位於西澳大利亞州西部海岸沿海小鎮蘭斯林 (Lancelin), 是西澳州最大既沙丘，高50米左右，斜度超過45度。顧名思義, 黎到呢度就梗係要體驗滑沙啦, 但係我望住咁高又咁斜既沙丘, 其實心裡面都有啲驚驚地, 但又係果句, 山長水遠黎到冇理由唔玩架, 於是乎就拎住塊滑沙板徒步爬上坡頂...

其實拎住塊板行到上頂已經好攰 :p, 再企係沙丘頂望返落去, 真係唔敢起動... 睇住啲人滑落去, 睇左好耐, 得個睇字 >.<... 最後見有個團友玩完又玩, 佢話一啲都唔驚, 咁我就去啦, 一 Sir 就好順利咁 Sir 左落去, 真係唔駛驚, 哈哈...

12:00 pm

體驗完滑沙就出發往 Cervantes 既 Lobster Shack 食龍蝦午餐...

通常跟 Tour 啲餐飲都一般, 但呢個龍蝦餐又幾正, 龍蝦好大隻啊...

1:40 pm

之後去左一個 Salt Lake, 但由於冇聽書 (掛住同團友傾計 :p), 我唔知呢個 Salt Lake 既名稱, 哈哈...

2:20 pm

睇完 Salt Lake 之後就開始進入 Nambung National Parks (南邦國家公園) 參觀行程其中一個重要景點 Pinnacles (尖峰石陣)...

記得之前去過澳洲中部既 Ayers Rock (艾爾斯岩), 印象中除左景色靚之外, 就係好多烏蠅, 估唔到西澳呢面既情況仲惡劣, 一落車啲烏蠅已經飛埋黎 >.<...

沿住小徑進入國家公園, 一路行一路撥烏蠅 >.<...

尖峯石陣 (Pinnacles) 位於西澳大利亞珀斯北面 260 公里，是南邦國家公園 (Nambung National Park) 的一部份，也是南邦國家公園乃至整個西澳大利亞州知名度最高的旅遊景點之一。公園內奇形怪狀的石柱遍佈在沙漠中，形成獨特的景觀。在平坦的沙丘中，四處都矗立着石灰岩尖塔式的石筍，有數以千計可高達 5 公尺的石灰岩柱，小的只有手指頭那樣大，確實蔚為奇觀。這個沙漠中的奇異活化石原始森林，看上去就像古戰場的佈陣，所以被稱為 “尖峯石陣”。[百度百科]

彷如外太空既尖峰石陣確實係一個令人驚嘆既大自然地質奇觀, 但係一路影相一路撥烏蠅都幾令人煩躁... 由於明天仲要去另一個國家公園 (Kalbarri), 臨走時係遊客中心買左一頂防蒼蠅帽...

6:30 pm

完成左 Day 1 既行程, 今晚會入住位於 Geraldton (傑拉爾頓) 既酒店... 先去吃 dinner, 今晚吃西餐, 味道唔錯...

7:40 pm

吃完 dinner 去左 supermarket 買啲生果、水同乾糧...

8:00 pm

到左呢兩晚入住既酒店 Best Western Hospitality Inn... 嚴格來說, 呢度都唔算係酒店, 似 Motel 吧, 但乾淨企理既...

~Day 4~
14/5/2024 (Tuesday) 晴

酒店 --> 粉紅湖 (Hutt Lagoon) --> 卡爾巴里國家公園 (Kalbarri National Park) --> Natural Bridge & Castle Cove --> 自然之窗 (Nature's Window) --> Skywalk --> Best Western Hospitality Inn

7:30 am
到酒店餐廳吃早餐, 款式很少, 只有多士, ham, Yogurt, 咖啡, 冇熱食... 幸好味道算不錯...

吃完早餐還有時間, 出外影下相...

8:30 am
開始 Day 2 既行程, 首先會去行程既第二個重要景點 - Hutt Lagoon (赫特潟湖)... 唔止係呢個 Tour 既重要景點, 粉紅湖可說是去西澳旅行都必須要去既一個景點, 甚至乎可以話係為左去粉紅湖才決定到西澳旅行...

10:00 am

終於黎到今趟西澳之旅既夢幻景點 - 粉紅湖！

[Hutt Lagoon (赫特潟湖)]

Hutt Lagoon 是一個位於澳大利亞西部印度洋海岸附近的海水鹽湖, 以其令人驚嘆的粉紅色而聞名, 加上周杰倫都黎呢度拍 MV, 更加令呢個粉紅湖火速成為爆紅既旅遊熱點。不過要一睹呢個粉紅湖既風采都唔係咁容易, 單單由珀斯開車過黎都要5-6個小時, 加上粉紅湖附近都冇咩其他野睇, 所以跟 Local Tour 都係一個唔錯既選擇呀。

呢個粉紅湖因為鹽度高於海洋，加上含有豐富藻類會釋出紅蘿波素，所以形成了如此不可思議的景色。但睇唔睇到湖上瑰麗既顏色, 就要視乎季節、時間和雲層分布, 一般來說, 每年4月至11月中係欣賞粉紅湖既最佳季節, 此外亦建議於早上中段或日落前到訪。

11:30 am

欣賞完粉紅湖, 向 Kalbarri National Park (卡爾巴里國家公園) 進發。前往國家公園內既 Natural Bridge (天然橋) 同 Castle Cove (城堡灣)...

12:30 pm

話就話係秋天, 但中午天氣都相當熱, 係時候去食 lunch 兼休息下...

2:00 pm

食飽飽就出發往行程既第三個重要景點喇...

Nature's Window (自然之窗) 位於西北澳 Kalbarri 國家公園內的一個小景點。由於長年風化, 形成像是一道窗戶, 所以被稱為「自然之窗」, 可以說是西澳自然景觀代表性之一！

下車後沿著山路走好快就到左自然之窗... 鍾意睇大自然景既我, 黎到呢度應該會超興奮, 不停影相啦, 但由於呢度既烏蠅真係多不勝數, 多到根本無心情影相, 事關一定下來擺個 pose 啲烏蠅就痴滿成個人, 哈... 所以最後極速在 Nature's Window 前影左一堆唔知質素係點既相就回程...

3:00 pm

最後去埋 Kalbarri Skywalk...

5:30 pm

之後欣賞埋日落...

6:00 pm

成個 Tour 都係華人, 應該都知道係時候要食"飯"... 今晚既 dinner 係食中餐, 真係好好味, 食左一大碗白飯 :p...

7:10 pm

食飽飽就回酒店休息了。

~Day 5~

15/5/2024 (Wednesday) 晴

酒店 --> 皇家海軍悉尼2號戰艦紀念碑 (H.M.A.S. Syndey II Memorial) --> Leaning Tree --> Greenough --> 朱里恩灣 (Jurien Bay) --> 珀斯 (Perth) --> 伊莉莎白碼頭 (Elizabeth Quay) --> Hyatt Regency Perth

7:15 am

又到酒店吃早餐...