[2024 台北．淡水九份十分] 地道美食家族悠閒 4 天遊

~Day 1~

14/8/2024 (Wednesday) 香港 --- 晴, 台北 --- 雨

香港 --> 桃園國際機場 --> 林東芳牛肉麵 --> 淡水區 --> 淡水老街 --> 漁人碼頭 --> 饒河街夜市 (胡椒餅) --> 象山 --> 台北君悅酒店

6:00 am

期待左好耐既全家族暑假之旅出發喇, 我地預早2小時係機場集合...

到了機場就去 check in, 可能都係暑假尾聲, 唔算太多人, 好快就辦好 check in 同寄行李既手續... 寄好哂行李就過海關, 出境...

8:30 am
國泰航空 CX 564 航班準時起飛...

10:28 am
好快就到左台北... 完成左入境手續就取行李同唱錢...

11:45 am

由於係家族旅行, 全體5大1細, 加幾件大型行李, 所以我預先book左車由機場接送我地到呢幾日入住既酒店...

一出入境大堂, 已經見到有人舉牌, 示意黎接我地既... 上車前, 我地好快過去隔離抽獎, 呢段時間台灣做緊旅遊推廣, 只要在到達台灣前預先在"遊台灣金福氣"既網站上登記, 到步就可以玩大抽獎, 不過可惜, 我地6個人都抽唔中獎, 哈哈...

12:45 pm

到左位於信義區既台北君悅酒店 Grand Hyatt Taipei...

台北君悅酒店 (Grand Hyatt Taipei) 為坐落於台北市信義商圈的國際五星級飯店, 毗鄰台北101、台北市市政大樓、台北世界貿易中心、眾多百貨商場、旅館、豪宅及企業總部, 為台北市最為國際化的地段。由新加坡豐隆集團出資, 委託凱悅國際酒店集團經營管理, 自1990年9月21日正式開幕至今。台北君悅酒店設有全台灣最多的850間客房及套房, 提供各種餐飲服務和休閒設施, 包含健身房、戶外溫水游泳池、無柱宴會大禮堂、多樣的會議空間及多間餐廳與酒吧, 提供中式、台式、歐陸、及日本料理等餐飲服務。屋頂設有直升機停機坪。[維基百科]

同屋企人去旅行, 酒店係唔慳得, 大家住得舒服啲, 早餐美味, 小朋友又有泳池游下水...

1:30 pm

check in 完上房放低行李, 就即刻出發去搵食... 美食之旅既首站係2017年台北馬拉松之旅同媽媽妹妹到過既林東芳牛肉麵... 事隔幾年, 佢同其他出左名要排隊既人氣名店一樣, 由一間開在路邊既小店變成整潔濶落既新店... 位置亦搬到八德路二段...

[林東芳牛肉麵]
地址﹕104台灣台北市中山區八德路二段322號
電話﹕+886 2 2752 2556
營業時間﹕週一至週日﹕11:00-02:30

不愧為米之蓮必比登推介, 屋企人都大讚呢碗牛肉麵好好味...

3:00 pm

食緊麵既時候外面下大雨, 仲行埋雷 >.< 到食完啲雨細左啲, 我哋糾結緊去唔去淡水好... 一路行到南京復興站, 決定按原定計劃出發... 我地先搭捷運松山新店線到中山站, 再轉淡水信義線就可以直達淡水...

台灣啲天氣都幾變幻莫測, 食緊 lunch 時落勁大雨, 但係搭緊車去淡水時, 天氣開始好轉, 幸好我地都堅持出發去淡水...

4:00 pm

到左淡水區, 我地由捷運車站走到淡水老街...

[淡水老街]

淡水, 是一個充滿歷史的小鎮, 亦是台北市一個人氣極高既知名景點。一般所說的淡水老街, 泛指中正路一帶 (從渡船碼頭附近到與中山路交會口路段), 含其周圍鄰接之三民街、重建街等。老街上零星可見一些局部保留舊建築趣味的屋舍, 加上古董藝品店林立, 更顯其古樸風味。沿街可欣賞精雕細琢的石藝, 木雕作品, 店家細心收藏多年的古董文物, 飄逸優雅的詩詞字畫, 以及各色裝飾藝品。

5:20 pm

由於媽媽有點累, 我地係淡水老街 call Uber 到漁人碼頭... 嘩, 黎到漁人碼頭呢度個天氣變得越黎越好, 出太陽, 有啲涼風, 風景又超正...

[淡水漁人碼頭]

淡水漁人碼頭, 法定名稱淡水第二漁港, 是一個位於中華民國臺灣省新北市淡水區西端具有觀光景點的漁港, 位在淡水河出海口東岸, 是臺灣省島北部早期重要的漁業港口, 鄰近沙崙海水浴場。[維基百科]

6:45 pm

之後返回淡水老街買手信...

7:30 pm

走回捷運淡水站, 乘淡水信義線到台北101/世貿站...

8:30 pm

由於第一日到步, 坐完飛機又走左一日路, 媽媽話好攰, 於是我地先送媽媽回酒店, 然後再出發往美食之旅第二站-饒河街夜市掃街...

9:15 pm

基本上每次黎台北都一定會去饒河街夜市, 因為我太鍾意食佢既胡椒餅喇...

[饒河街觀光夜市]
地址﹕105台灣台北市松山區饒河街
電話﹕+886-2-25505220
營業時間﹕週一至週日﹕17:00-00:00

饒河街觀光夜市, 又稱饒河街夜市、饒河夜市。位於台灣臺北市松山區饒河街, 為臺北市的一個觀光夜市, 也是臺灣繼華西街觀光夜市後第二座觀光夜市。[維基百科]

[福州世祖胡椒餅]

饒河街夜市全長只有約600米, 我地行到中間就順道去埋附近既彩虹橋...

之後又繼續掃街...

[陳董藥燉排骨]

食飽飽, 晴晴又玩左攤位遊戲, 係時候返去休息喇... 點知係呢個時候, 我細佬話驚之後天氣又唔好, 想襯好天上埋象山... 好啦, 難得呢位團友咁投入呢次既旅程, 我地冇理由唔去架... 咁我地兵分兩路, 媽媽、晴晴媽同晴晴回酒店, 我同細佬、妹就征戰象山...

10:50 pm

其實我都唔係成日行山, 7月去富士山先話第一次行夜山, 點知咁快就黎第二次, 哈哈... 不過呢個象山唔係啲難行既山, 唔駛開頭燈既 :p...

[象山]

象山位於台北市信義區, 位於台北盆地東緣的南港山系西側, 因山形似象而得名, 與鄰近的獅山、虎山、豹山合稱為四獸山。山頂海拔184公尺, 高度雖然不高, 但因臨近台北市區, 交通方便, 視野良好, 成為台北市民眾重要的休閒場所。[維基百科]

象山海拔184公尺，步道全長1450公尺, 都算係一條合家歡步道黎... 到左登山步道既入口, 上山喇...

行到超爆熱, 好彩係饒河街夜市買左杯珍珠奶茶, 真係靠佢先捱得住... 終於到觀景台, 台北101既夜景又真係幾靚...

由象山峰下山, 天氣又濕又熱, 平時唔多做運動既細妹都成功完成夜登象山呢個壯舉, 我地真係俾左十個讚佢, 叻！

00:00 am

終於返到酒店, 洗白白後就休息喇！

~Day 2~

15/8/2024 (Thursday) 台北 --- 雨

酒店 --> 臺北市立動物園 --> 馬辣頂級麻辣鴛鴦火鍋台北信義店 --> 台北 101 --> 基隆路 --> 台北君悅酒店

10:00 am
第一日既行程已經緊湊到咩咁, 由到步台北開始, 一路玩到夜晚上埋象山最後零晨先訓, 所以今日俾大家訓晏啲...

我地係酒店附近搵食, 最後找了一間小店食蛋餅早餐...

11:00 am
今日行程相對輕鬆, 只安排參觀動物園...

[臺北市立動物園]
臺北市立動物園是中華民國臺灣臺北市的一座公立動物園, 隸屬於臺北市政府教育局。1914年創立於圓山地區, 舊稱「圓山動物園」, 與臺北市立兒童育樂中心相鄰。1986年, 因圓山原址無法擴建, 而遷至木柵區, 因此成為臺灣民眾現在所熟悉的「木柵動物園」。[維基百科]

整個動物園範圍十分大, 有8個戶外區 [臺灣動物區、兒童動物區、熱帶雨林區、非洲動物區、溫帶動物區、澳洲動物區、沙漠動物區、鳥園] 同6個室內館 [昆蟲館、企鵝館、無尾熊館、兩棲爬蟲動物館、新光特展館(大貓熊館)、熱帶雨林室內館(穿山甲館)]...

動物園網站內有好多行程建議, 大家可因應自已既喜好去 plan 行程, 例如一日、半日、孩童同遊、長者同遊既行程建議, 總有一款岩大家...

遊園地圖 [臺北市立動物園網站提供]

入園後, 我地先去參觀在入口附近的大貓熊館...

參觀完大貓熊館之後就在動物園車站搭乘動物園遊客列車到鳥園車站...

12:00 pm

到左鳥園站, 就先去參觀非洲動物區... 參觀左一陣, 睇完大象之際, 又開始落雨, 仲越落越大 >.<

啲雨大到行唔到, 我地就順便食埋個 lunch...

1:15 pm

等左差唔多一個鐘, 都未肯停雨, 睇天氣報告話會落到黃昏 >.< 咁就無理由等幾個鐘, 見啲雨細左啲就繼續行...

再繼續走到溫帶動物區既企鵝館, 貪佢室內順便避下雨...

4:40 pm

原本我地仲打算搭埋貓空纜車既, 而家連貓空纜車都停駛埋 >.< 睇完企鵝館我地決定早啲回程返酒店, 係酒店附近行下再去食火鍋...

走回鳥園車站, 搭動物園遊客列車到動物園車站...

離開動物園, 乘捷運回酒店...

5:08 pm

回到台北101/世貿站, 剛出閘不久突然感到個身企唔穩咁, 然後電話就收到地震警報 >.< 原來台灣既東北地區發生地震, 台北呢度都感受到輕微搖晃...

5:20 pm

回到酒店, 晴晴去左兒童遊戲室玩左一陣, 然後我地就出發去食 dinner...

6:30 pm

美食之旅既第三站, 亦係家人好期待既一餐, 就係台灣必吃既火鍋放題, 即係任食打邊邊啦... 今次我會帶大家去返我好多年前已經幫襯既馬辣頂級麻辣鴛鴦火鍋...

好多年前已去過馬辣, 佢食材新鮮, 重點係 Haagen Dazs 同 Movenpick 雪糕任食, 價錢唔太貴, 食多幾個 Movenpick 既雪糕球都回本啦... 想家人食好啲, 叫左個特上和牛放題套餐, 啲牛好正, 媽媽同晴晴食到好開心, 梗係啦, 仲攞正牌狂食雪糕喎, 哈哈...

[馬辣頂級麻辣鴛鴦火鍋台北信義店]

地址﹕台北市信義區松壽路22號3樓
電話﹕02-2720-5726
營業時間﹕11:30-00:00
網址﹕https://www.mala.com.tw/Home/StoreInformation?verificationCode=5F3863B104D33FAF3A27B2A7F4E7183D

食到好飽, 要去散下步, 趕唔切上台北101, 就在台北101下影下夜景...

10:00 pm

影完夜景, 細佬意猶未盡, 話要去基隆路再影過, 佢真係好投入呢次既旅程丫 ^.^... 咁我地又送媽媽、晴晴媽同晴晴回酒店休息先, 之後我、細佬同細妹3人就一齊走到基隆路...

點解要去基隆路？原來信義路同基隆路交叉口係拍攝台北101夜景+車軌既熱門兼最佳位置, 尤其攝影新手就更加合適...

11:10 pm

呢次旅程真係夠哂特別, 夜上象山睇101夜景, 又去左學人影101+車軌夜景... 影完相就返回酒店休息喇...

~Day 3~

16/8/2024 (Friday) 台北 --- 晴

酒店 --> 陰陽海 --> 黃金瀑布 --> 九份老街 (賴阿婆芋圓) --> 十分瀑布 --> 十分天灯祈福 --> 基隆夜市 (魯肉飯) --> 西門町 --> 阿宗麵線 --> 幸福堂 --> 台北君悅酒店

7:36 am

雖然第二日去動物園再加火鍋晚餐既行程唔太辛苦, 但我、細佬同細妹仲去左影夜景, 於是第三日又要輕鬆返啲, 大家可以訓晏少少... 就係我仲訓緊覺之際, 突然又感到張床搖下搖下咁, 之後好似昨天咁, 電話又收到地震警報 >.<...

8:30 am

大家都震醒左, 不過最緊要係平安冇事... 打電話問下酒店泳池開唔開, 酒店話如常, 似乎地震在台灣都唔係新奇事, 咁我地就到酒店既泳池游下水... 一黎唔好浪費左酒店個泳池, 二黎晴晴鍾意玩水...

11:00 am

游完水就準備出發展開今日九份十分既行程... 黎台北玩除左夜市掃街, 周邊仲有好多郊區景點非常值得去, 好似九份十分呢啲都係必去既人氣景點... 我好多年前就已經去過九份, 反而近年人氣高企既十分我未去過, 今次一於安排一個九份十分一天遊...

由於九份同十分離台北都幾遠, 我事先於網上預約左台北1日遊包車行程, 包一架9人車連司機, 仲可以自訂行程, 咁大家就唔駛咁辛苦... 我參考左網上既推薦行程, 決定包車8小時, 時間由早上 11 時至晚上 7 時, 行程如下: 酒店出發 --> 陰陽海 --> 黃金瀑布 --> 九份老街 --> 十分瀑布 --> 十分天灯祈福 --> 基隆夜市 --> 酒店解散。

司機好準時到左酒店接我地...

大約40分鐘就到左第一個景點 - 陰陽海...

[陰陽海]

位於新北市瑞芳區水湳洞聚落北側的陰陽海，以其獨特金黃色與蔚藍色海水著名，是台灣東北角濱海地區的特殊地理景觀。因附近的金瓜石山上富有大量的黃鐵礦，在風化後形成銅、鐵離子，並融入水中形成氫氧化鐵吸附泥沙而成黃褐色懸浮物，才有陰陽海的黃藍漸層獨特美景。海灣中的海水顏色因為天然礦物呈現黃褐色，與外海方向的藍色海水形成鮮明對比，堪稱天然調色盤呢！[撰自新北市觀光旅遊網]

12:00 pm

之後去到下一個景點 - 黃金瀑布...

[黃金瀑布]

黃金瀑布位於新北市瑞芳區的水湳洞金水公路旁，從洞頂路進入金水公路，沿途溪畔皆可以見到染得金黃的岩石，慢慢走到黃金瀑布，映入眼簾的是湍波流水經金黃岩石向下流竄的景象。黃金瀑布的跟陰陽海一樣，都是大自然細膩的傑作。九份地區因多雨，讓這些堆積礦石所含的「硫化鐵礦物」曝露或是隨著雨水融入了地層中，時而隨著充沛的水源匯集流出，在流經的地方氧化，蓋上一層厚厚的鐵鏽沉澱，成為金瓜石地區的著名景觀。而在瀑布一旁有大金剛山，也可以遠眺陰陽海的美景。[撰自新北市觀光旅遊網]

12:20 pm

其實陰陽海同黃金瀑布都係去九份會途經而加入係行程中既景點, 主菜當然就係九份啦...

黎到九份老街, 司機俾兩小時我地參觀同食 lunch...

[九份老街]

早期盛產金礦的九份，有「黃金山城」的美稱，聚落因採金人潮湧入而繁華，後隨淘金沒落而寧靜。1980年代末，電影《悲情城市》來到九份取景，九份的山海之美、復古建築與獨特的坡地景觀躍上大螢幕，成為令國內外旅客著迷的唯美山城。[撰自新北市觀光旅遊網]

首先我地食左九份必食既魚丸湯...

然後就慢慢逛逛九份老街... 沿山坡緩緩向上的九份老街，狹小街道匯聚各式店舖... 感覺同十幾廿年前黎好唔同, 以前既九份老街都係賣鳯梨酥的, 而家九份既店舖主要都係賣經典小吃、富台灣特色既紀念品等等...

再去品嚐九份另一樣必吃既美食, 亦都係我既至愛芋圓呀... 九份有兩間出名既芋圓, 就係《阿柑姨芋圓》同《賴阿婆芋圓》, 我地選了《賴阿婆芋圓》...《賴阿婆芋圓》位於九份老街中間點，就順著老街一路往上走就會看到了，門口有大大燈籠寫著九份芋圓的就是《賴阿婆芋圓》。

食完芋圓就繼續走, 走到老街盡頭就折返...

返回九份老街既入口處, 見到有李儀分店, 咁我地就順便買左啲鳯梨酥同太陽餅... 之後就回停車場會合司機出發往下一個景點...

3:15 pm

到達十分瀑布...

[十分瀑布]

十分瀑布位於臺灣新北市平溪區, 為臺鐵支線平溪線的著名景點, 當地稱為六份漈。地處基隆河上游瀑布群。十分瀑布落差高度約20公尺、寬度約40公尺, 壯麗的水瀑、磅礡的氣勢, 為臺灣最大的簾幕式瀑布。上游觀瀑吊橋下的「眼鏡洞瀑布」, 因洞如眼鏡而得名。日治時期被稱為霹靂瀧, 由時任總督田健治郎命名。[維基百科]

下車後先經過觀瀑吊橋, 再走到十分瀑布景區...