日期: 29/6/2007 - 2/7/2007
今次既台北之旅, 其實唔係一早計劃的。呢個時間又唔係聖誕節, 又唔係復活節, 暑假又未到, 照理我都要番工, 點解會去左台北四天既呢？
事原阿明係 26/6 要去台北做野, 咁我睇睇個 calendar, 咦, 今年七一係星期日, 即係 2/7 星期一會補假, 咁連埋星期六、日我咪有四日假, 於是我就決定 29/6 過去 join 埋佢一齊係台北玩四天喇。
而呢個遊記我就由 29/6 開始寫到 2/7 啦。
其實我地係 2005 年暑假都去過一次台北, 果次都去左好多大路既地方, 好似市林夜市, 饒河街夜市, 淡水, 野柳, 九份等等......所以今次 plan 左好多其他有特色既地方。
事前準備
準備
|
備註
|
申請台灣旅遊簽証
|
於網上申請, 再到香港國際機場領取, 費用 $55
|
購買機票
|
於萬福旅行社購買香港至台北來回機票一張
|
訂酒店
|
於網上預約
|
購買旅遊保險
|
於保誠保險購買, 有八折
|
換台幣
|
於台北桃園中正機場換購
|
行程表
~Day
1~
29/6/2007
(Friday) 晴
香港 -->
台北桃園中正機場 --> 西門町 --> 台北
1:15 pm
|
今日番半晝, 十二點半就可以放工喇。呢幾日香港都不停咁落雨, 仲要係好大果隻。我預約左架的士入機場, 沿途都係落大雨, 大到連條路都睇唔清楚, 直至去到東涌, d 雨先停落黎。
|
2:00 pm
|
大概兩點鐘去到機場, 先到中華旅行社既 counter 取台証, 都等左差唔多二十分鐘。見應該冇時間食野, 於是買左個飽食住先。取台証後, 已經兩點幾, 於是飛奔去華航既 counter check in, 嘩, 好鬼多人, 打晒蛇餅......
check in 完都差唔多要入閘了, 因為登機閘口都幾遠, 要搭接駁車的。
|
3:35 pm
|
飛機遲左少少起飛, 不過唔緊要, 華航 d 空姐超有禮貌, d service 好好。都話國泰 d service 差, 都唔明點解 d 人咁鐘意搭國泰, d 空姐串到死。
不過華航又真係成日有意外, 係衰 d 既。
|
5:15 pm
|
飛機到達台北後, 獨自一人辦理入境手續, 因為冇行理寄倉, 所以好快就離開禁區了。
出到接機大堂, 先去換台幣, 需要 20 元手續費。跟住就去買國光巴士既飛出台北車站了, 費用 NT$125。
|
6:00 pm
|
國光巴士大概六點鐘出發, 原本預計 45 分鐘已可出台北車站, 怎知中途大塞車。呢個時候拎個電話出黎諗住通知阿明啦, 點知......收唔倒既......大鑊......
岩岩轉左 3 g 台, 以前唔駛申請就自動有漫遊服務架嘛, 3 點做生意架？通知唔倒佢, 心諗佢會唔會等我架？......差唔多七點半, 終於到達台北火車站, 落車後, 見倒阿明已經企左係度等我了, 放下心頭大石。
|
8:30 pm
|
番酒店放低 d 行理, 休息一陣, 就準備出西門町掃街喇。落到捷運站, 我先去買左一張悠遊卡, NT$500, 一張好似八達通既卡, 遊客又可以買, 用完又可以隨時退番錢, 真係 good 呀。買完卡就可以搭捷運去西門喇。
|
因為好肚餓既原故, 我地即刻飛奔去食超正既 "阿宗麵線"。冇黎兩年, 呢度仍然係咁多人, 冇計啦, 阿宗麵線真係好鬼好食呀。點好食法？唔識形容, 總之係好好食啦。我地叫左一碗大既, 免得食得太飽, 食唔倒其他野。食阿宗麵線, 記住落佢地 d 辣椒油, 好好味。
|
|
    |
|
食完麵繼續行, 西門町好似旺角, 好熱鬧。我地一路行, 見到街頭好多小食, 我地買左一條 "糯米腸" 食, 一條好似腸但係入面有好多飯咁既野。
買完之後發覺呢 d 都係冇牌小販, 係呢個時候好似有人黎捉佢地, 佢地就推住架車係咁走, 其實都幾危險。
我地走遍西門町既每一個角落, 見倒好多旅遊書都有介紹既舖頭, 我地再買左一塊雞排食, 都差唔多飽了, 其他唔食既都影番 d 相啦。
最後我地去左誠品書店, 呢間唔係開 24 小時的, 我係度睇旅遊書, 因為七月既日本之旅我仲未準備好, 哈哈！睇到人地都要關門了, 我地就搭捷運番回台北車站。
|
|
      |
|
11:00 pm
|
雖然只係行左一晚, 但都已經好累, 沖完涼好快就休息了。
|
~Day
2~
30/6/2007
(Saturday) 晴
台北 -->
烏來 --> 深坑豆腐街 --> 台北 101 --> 台北
10:00 am
|
今日十點鐘起身, 執好行理 check out。然後搭的士去今晚會入住既 "萬事達旅店", 黎呢 d 地方旅行就有咁既好處, 消費平, 嫌麻煩就搭的士, 幾方便。
唔知係咪呢幾日好多香港人黎旅行呢？好多香港人熟悉既酒店, 好似天成, 東龍, 長虹等都 book 唔倒, 於是我就自已上網 book 左呢間都係係西門既 "萬事達旅店" 喇。呢間酒店係新開的, 暫時好似冇咩香港人識咁, 都唔錯, 房入面有 LCD 大電視, 雪櫃仲有汽水同小食送俾你, 唔收錢。不過我諗可能呢間野新開想吸引多 d 人黎, 口啤好緊要的, 遲 d 多人識黎佢唔知仲會唔會送免費汽水呢？
講左咁多, 其實咁早都未入得房, 我地只係可以叫酒店幫我地 keep 住 d 行理咋。
|
11:05 am
|
放低 d 行理, 就到隔離既 Mos Burger 食早餐先, 幾好食。
 |
11:45 am
|
食完野發覺時間不早了, 於是趕去搭捷運。我地首先要到烏來, 頗遠的。先要搭捷運到中正紀念堂站, 再轉線到捷運新店站, 然後再係新店站轉搭公車。
|
  |
|
12:20 pm
|
去到新店, 見到有好多人係度等公車到烏來。公車站隔離就有好多的士司機係度搵生意, 說到烏來每人只需 NT$100。搭公車每人 NT$40, 我地原先都冇打算搭的士。不過等呀等, 等左好耐都未有車, 加上時間又唔早, 所以我地就叫埋前面果對男女一齊搭的士喇, 佢地都 ok 話一齊搭。架的士唔知係咪想做多幾程生意, 開得好快, 12:45 pm 就來到烏來了。
|
12:45 pm
|
黎到烏來, 梗係要去欣賞烏來既瀑布啦。呢度原本有一架小火車係俾 d 遊客坐住黎欣賞瀑布架, 不過好可惜, 咁岩撞正佢維修冇得坐。於是就要辛苦 d 咁行入去睇洛。沿住瀑布路行, 好好天, 不過好熱, 聽聞香港仍然係落緊大雨啊！行到去瀑布區, 見到有幾個香港人, 大家仲幫對方影相 tim。欣賞完瀑布就沿路走返出烏來老街喇。
|
        |
|
2:20 pm
|
烏來老街有好多食肆同商舖, 呢度出名既美食就係 "菜" 喇, 我地去左旅遊書介紹既 "泰雅婆婆美食店" 食 lunch。我地叫左一碟 "空心菜", 似係香港既通菜, 超好味呀, 我地食完呢碟菜, 之後番到香港出街食飯, 每次都要叫番碟通菜食。另外叫左一碟炸雞, 一個竹筒飯, 都係好好食, 旅遊書真係冇介紹錯。
|
    |
|
3:30 pm
|
食完野就搭公車去另一個好遠既地方 --- 深坑喇。我地先搭公車到捷運新店站, 再搭捷運到景美站, 最後要再轉 666 號公車到深坑。
|
    |
|
5:30 pm
|
我地係深坑老街落車, 一落車已經見到好多人係度排隊買臭豆腐食。呢度成條街都係賣豆腐既, 所以亦叫 "深坑豆腐街"。我好鍾意食臭豆腐, 所以我又買黎試下, 佢 d 臭豆腐同香港果 d 好唔同, 入面有好多菜, d 醬汁亦都唔同, 我就鍾意食香港果 d 多 d。
深坑老街兩邊間間舖頭都係賣豆腐既, 好有特色, 不過我諗係多人熱鬧啦, 如果條街冇乜人冷清清咁可能會覺得冇咩野睇。經過一間叫 "兜福工場" 既舖頭, 係賣豆腐味雪糕既, 好多人買黎食。之前係香港都試過豆腐味雪糕, 覺得唔好食, 可能佢整得難食啦, 黎到呢度諗住試下啦, 點知又幾好味喎, 呢度不愧係賣豆腐既地方呀！
|
      |
|
6:00 pm
|
行完街, 最後選左 "六嬸婆" 餐廳來品嚐一下呢度 d 地道豆腐菜。好彩我地都好鍾意食豆腐, 如果唔係都冇乜好食, 哈哈。
|
      |
|
食完野經過老街走回巴士站, 準備搭車到市政府。
|
|
  |
|
7:10 pm
|
就係呢個時候, 發生左一件好令人憤怒既事。因為我地下一個目的地係台北既 101 大樓, 呢度有一架公車係去市政府的, 睇下個公車站時間表, 要七點半先有車, 都要等好耐, 但我地諗住唔駛轉車, 方便 d, 於是就照等啦。等左好耐, 終於有車黎喇, 隔離有班人見有車黎到, 突然飛撲出黎, 塞住左個上車既門口, 佢地問左司機一 d 野, 應該係問下呢架車岩唔岩, 去唔去到佢地要去既地方之類既問題, 問完之後, 佢地似乎唔係要搭呢架車, 於是就退後唔上車, 咁我地就上車啦, 點知係呢個時候, 個司機居然關上車門, 仲以九秒九極速既時間開車走左, 我地呆晒, 唔知做咩好......係呢一刻, 真係無言, 等左咁耐先有車, 居然俾呢班人搞到上唔倒車, O 晒咀......
唉, 當黑, 下一班去市政府既車要等好耐, 咁我地就只好搭番 666 號公車出捷運木柵站, 然後再轉捷運到復興站喇。
|
8:20 pm
|
係捷運復興站有免費接駁公車到台北 101 大樓, 我地好快就到左喇。去到先行下個大商場, 最後先上展望塔。
|
9:00 pm
|
九點鐘買飛上展望塔, 每人 NT$350, 都不便宜呀。去到有好多人排緊隊, 準備搭那部堪稱世界最快速電梯上去最頂的觀賞台, 當中有好多係日本人啊！部電梯又係幾快喎, 唔記得過左幾多秒就上到去頂層了。
|
      |
|
10:30 pm
|
搭接駁公車返回復興站, 再搭捷運回西門。因為太早食晚飯 (其實只是豆腐餐), 所以大家都有點餓, 於是就近近地走去食番碗阿宗麵線喇。點解食極都咁好味架？
|
11:30 pm
|
番到萬事達旅店, 取回行理上房了。
|
  |
~Day 3~
1/7/2007
(Sunday) 晴
台北 -->
孔廟 --> 忠烈祠 --> 士林官邸 --> 陽明山 --> 大忠館 --> 陽明書屋 (中興賓館) --> 天母 --> 公館 --> 台北
9:00 am
|
今日一早起身, 因為酒店包埋早餐, 雖然呢度既早餐比不上大酒店, 但味道都 ok 啦。
|
10:30 am
|
我地首先會去參觀孔廟, 由西門搭捷運去圓山, 出站後行十分鐘就到喇。
孔廟係紀念孔夫子的, 去到有好多似係日本黎既旅行團。
|
      |
|
11:30 am
|
參觀完孔廟, 我地就搭的士去忠烈祠。忠烈祠離孔廟唔係好遠, 呢度搭的士又平, 所以都費事等公車了。
台灣既的士司機大多好好人, 一聽你講野就知你唔係台灣人。難聽 d 講, 即係香港人 d 國語唔掂囉, 不過佢地又話唔係, 佢地話係 d 口音唔同姐。知你香港黎, 佢地又會介紹好多台灣既地方俾你, 叫你去淡水呀, 野柳呀, 九份呀咁, 我地話呢 d 地方都已經去過了, 個司機就話, 咁都差唔多喇, 你地下次可以去下台中同台南玩, 其實我都好想去花蓮同墾丁架。
去到忠烈祠, 梗係要睇埋個換班儀式啦, 睇見 d 軍人係咁熱既天氣底下, 唔郁得咁企係度曬, 會唔會中暑架？
|
       |
|
12:30 pm
|
離開忠烈祠既時候, 正值中午, 好鬼熱, 我地又搭的士去士林官邸, 唔駛十分鐘就到喇。我地原先以為可以入屋參觀, 但原來只係可以參觀個花園, 同埋宋美齡以前架車。
|
    |
|
1:25 pm
|
一口氣參觀完孔廟、忠烈祠同士林官邸, 雖然對政治既野唔係太熟悉, 但都可以話俾人聽去過台灣了。另外仲有一定要去既國父紀念館同中正紀念堂我地兩年前已經去過了。之後我地就搭皇家客運上陽明山, 參觀陽明書屋。
|
1:45 pm
|
搭皇家客運係書屋站落車, 之後還要行多十分鐘才可到陽明書屋的。我地沿住車路一路行, 一路欣賞陽明山既景色。經過一間叫 "大忠館" 既台灣文化博物館, 見係免費入場, 咁就入去睇下啦。
|
 |
|
2:45 pm
|
之後走到去陽明書屋喇, "陽明書屋" 原名 "中興賓館",
興建於民國 58 年至 59 年間, 昔為先總統 蔣公接待國內外貴賓及夏日避暑之處, 現已成為陽明山國家公園重要人文史蹟建築物之一。蔣公逝世後,
於民國 68 年中國國民黨中央黨史委員會遷此辦公並將草屯、青潭的史料, 連同大溪資料室、芝山書屋「總裁史料」, 全部集中此地。自此, 中興賓館改稱為「陽明書屋」。
想知多 d 關於陽明書屋既野, 可以 join 佢地既專人導覽解說, 每人 NT$50, 需時約一個鐘。呢個服務有時間場次限制, 好好彩, 我地去到既時候, 岩岩有一班開始左, 佢仲比我地入去。講解既老師講得好詳細, 可惜我地既國語有限, 只聽倒五成。
從中興賓館望出去, 風景好靚, 好似置身半山區一樣, 不過可能會有好多蚊。
|
      |
|
4:00 pm
|
個 tour 完左之後, 我地就等車去下一站 --- 天母了。陽明山風景係靚, 不過呢度既交通就認真麻麻, 我地等左好耐先有車出番去士林站, 然後再轉搭 285 號公車到天母區。
|
5:15 pm
|
天母係一個高尚住宅區, 令人有一種好舒服既感覺。黎到天母區, 突然醒覺原來今日仲未食 lunch, 唔怪得咁肚餓啦, 於是就去 kfc 醫一醫肚先。我地兩人只叫左一個餐, 唔敢食太飽, 因為我地今晚仲要去食一早 book 左位既麻辣火鍋呀。
|
    |
|
食完野就周圍行, 自遊行就有呢個好處, 唔駛淨係去 d 大路既地方, 其實人地既國家真係有好多值得一去既地方既。
|
|
7:00 pm
|
行到七點鐘, 就係新光三越搭免費接駁巴士到捷運芝山站, 然後再搭捷運到公館。到站既時候, 發覺好多人係呢個站落車, 出到站, 咦, 乜咁多人既, 原來公館都好旺, 有 d 似旺角喎。
|
8:00 pm
|
我地好快就搵到呢間 "馬辣鴛鴦火鍋專賣" 餐廳喇, 呢度唔見有香港人黎食, 因為旅遊書冇介紹過, 所以應該冇乜香港人識黎, 我都係一個係台灣做野既 fd 介紹我黎架, 佢仲幫我 book 埋位 tim。
呢度真係好正呀, 首先夠平, 每人只需 NT$399 另加一服務費, 計落都係大約一百蚊港紙。仲要係任食, 有蝦, 有蜆, 有靚肥牛, 仲有汽水任飲, Haagen-Dazs 雪糕任食 tim。唔好以為平就一定唔好, 佢 d 料好新鮮架, d 野食好味, 全部任食, 但 d 靚野好似肥牛咁, 就要落 order 等佢拎黎, 但你食完可以再叫。我仲飲左三支可樂同食左兩杯雪糕 tim。香港打個邊爐閒閒地都要百幾二百蚊, d 料靚 d 既都未必得, 仲要冇野飲 tim。
|
      |
|
11:00 pm
|
食飽飽後就搭捷運番西門, 執野準備聽日番香港了。
|
~Day
4~
2/7/2007
(Monday) 晴
台北 -->
鼎泰豐 --> 台北桃園中正機場 --> 香港
9:30 am
|
今日得番一個朝早, 因為搭晏晝機番香港, 早 d 都好既, 因為聽日又要番工 lu。決定去鼎泰豐食野 (黎台灣冇理由唔去啊), 所以唔食酒店 d 早餐了。
|
10:00 am
|
check out 後, 搭的士到永康街鼎泰豐, 十五分鐘就到。因為時間尚早, 唔駛等位, 建議大家唔好係正 lunch 時間去食, 因為會好多人的。
|
10:15 am
|
冇黎兩年, 呢度裝修左, 個 toilet 變左日式, 証明呢度太多日本人黎喇。記得兩年前, 食完野找數既時候, 個收銀用日文向我收錢, 我笑笑口冇篤爆佢, 哈哈。
我地叫左一個小籠包, 一個雲吞, 一盅雞湯同一碗排骨麵。
|
    |
|
11:15 am
|
食完野就搭的士, 先去西門既老天祿買 d 鴨舌俾阿媽, 上次阿媽話買得少, 今次買多 d 啦。買完鴨舌, 仲要去退番張悠遊卡, 拎番錢, 然後番酒店取行理。
|
11:45 am
|
拖著行理, 係酒店門外搭的士到台北火車站。然後買飛乘搭國光客運到機場, 由於我搭華航回港, 而阿明就搭港龍, 而呢兩間航空公司一個係 terminal 1, 一個係 terminal 2, 激死, 所以係呢個時候我地就要分開了。
|
1:40 pm
|
我落車後, 獨自一人去辦理登機手續, 拿到登機證後, 就去買些手信。話時話, 黎左幾日, 都冇乜野買過, 其實要買既野係機場都有晒, 都係維格鳳梨酥、峰蜜芝士蛋糕、太陽餅之類既野咁啦。我買齊晒呢 d 野之後, 就去將 d 台幣換番做港幣, 然後就出境了。
|
2:25 pm
|
飛機準時起飛, 大概四點鐘就番到香港喇。
係台灣幾日都好好天, 一番到黎香港就落雨, 好似話呢幾日都不停咁落 tim。搭巴士番屋企時, d 雨大到睇唔倒條路, 同我搭的士去機場時一樣, 真係首尾呼應啊, 哈哈！
|
沒有留言:
張貼留言