2012 Aug 澳洲．悉尼、黃金海岸、開恩茲探索之旅 11 天遊

~澳洲．悉尼、黃金海岸、開恩茲探索之旅十一天遊~

日期: 24/8/2012 - 3/9/2012

每年暑假都係熱門外遊既季節，大多去東南亞或歐洲，至於大洋洲呢，就因為仲係冬天所以比較少人去。對於怕熱既我就岩晒喇，淡季少人 D 酒店都平 D 架。八月尾一於向南半球進發，黎個東澳洲探索之旅。

決定左去澳洲之後，先以亞洲萬里通換左兩套機票﹕香港 --> 悉尼 (CX)、布里斯本 --> 開恩茲 (Qantas)、開恩茲 --> 香港 (CX)，另外再自行買左兩張由悉尼飛往黃金海岸既內陸機票 (Tiger Airways)。最後就上網 book 酒店同計劃行程喇。

整個行程主要玩澳洲既東部，由悉尼 (Sydney) 玩上昆士蘭既黃金海岸 (Gold Coast)，再到布里斯本 (Brisbane)，最後就是位於東北部既開恩茲 (Cairns) 喇。

我地先往悉尼 (Sydney) 睇睇歌劇院、港灣大橋等地標以及世界自然遺產 - 藍山國家公園 (Blue Mountains National Park)。然後走到黃金海岸 (Gold Coast) 衝浪者天堂 (Surfers Paradise) 滑滑浪、華納兄弟電影世界 (Warner Bros Movie World) 探翠兒，又到左全球最大既砂島 Fraser Island，再係布里斯本抱一抱得意既樹熊。最後再到戶外活動愛好者既渡假天堂開恩茲 (Cairns) 喇，我地去左世界自然遺產大堡礁 (Great Barrier Reef) 潛水、Kuranda 熱帶雨林，又玩左激流同 Skydive... 嘩，從未試過咁精彩...！！！Cairns 絕對係一個渡假天堂，喜愛水上活動的朋友真的不能錯過！

澳洲天氣真係非常好，日日都係藍天白雲，野食又好味，唯一缺點就係現時澳元處於高位，消費真的不便宜。

2012 April 土耳其．世界遺產 9 天之旅

~ 土耳其世界遺產之旅九天 ~

日期: 2/4/2012 - 10/4/2012

Easter 假期又到了, 又係出外走走擴闊眼界既時候 :p 農曆新年剛去完北歐這個先進既國家, 今次決定去睇 d 舊野, 最後一致決定去土耳其, 雖然土耳其都係屬於歐洲國家, 但土耳其有好多世界自然/文化遺產, 絕對值得一去！加上之前暑假去埃及熱到死, 今次四月去土耳其天氣頂好, 唔凍唔熱, 少少涼涼地咁, 正呀！

土耳其係一個非常大既國家, 景點分散, 車程十分長, 所以都係跟團方便 d, 很快就報了永安旅遊一個直航土耳其既九天團, 團號為 ZMT09N, 詳細行程可參考旅行章程。

土耳其真是十分大, 我地去九天也只是集中玩左土耳其既西面﹕包括土耳其最大城市伊斯坦堡 、世界文化遺產特洛伊古城 (木馬屠城記)、位於古薩達斯既以弗所古城、世界自然及文化雙遺產既棉花堡同奇石林。

去土耳其玩主要係睇自然風景, 棉花堡同奇石林真係值得一去, 其次就是睇 d 古羅馬時期既遺跡。總括黎講, 土耳其治安非常好, 土耳其人又十分 nice, 唔似埃及那些常常要遊客俾 tips, 在這裡旅遊可安心欣賞靚景同體驗一下當地既文化, 絕對是值得一去既國家！

2012 Jan 北歐．倫敦、芬蘭、斯德哥爾摩、塔林．破冰船 10 天之旅

~北歐．倫敦、芬蘭、斯德哥爾摩、塔林．破冰船十天之旅~

日期: 22/1/2012 - 31/1/2012

農曆新年又黎喇，今年決定去北歐既芬蘭，嘩哈哈！

其實今次呢個 trip 都有 d 即興架，以往去旅行好多時係一早諗左想去邊，但今次就冇。臨到新年前大約一個月，我話想去旅行，咁農曆新年去旅行不嬲都係超貴架嘛，睇黎睇去好似得歐洲相對抵去，因為天氣凍歐洲係淡季。不過亦都因為係淡季，去歐洲又好似唔係好岩季節咁喎，再上網睇下 d 人去邊啦，有人話去芬蘭睇北極光，我地就好似俾人 "叮" 醒左咁，呢個時候去芬蘭岩晒喎，一於去芬蘭。即刻 plan 行程同 book 野，又酒店又船又火車咁，我都覺得自已越黎越勁，定係越黎越求其？ >.< 不過客觀 d 講，plan 去歐洲係易過日本好多，淨係去東京大阪等大城市另計。

講番呢個芬蘭 trip，雖然天氣係凍 d (實際上唔係凍 d，係好好好凍先岩)，但呢個 trip 真係好精彩。

我地除左去到芬蘭北部既拉普蘭 (Lapland) 地區睇北極光、坐左全球唯一觀光破冰船三寶號 (Sampo)，仲去左聖誕老人村 (Santa Claus Village) 探聖誕老人同坐鹿車 (Reindeer Safaris) tim。除左芬蘭，我地亦有順道遊覽埋瑞典首都斯德哥爾摩 (stockholm) 同愛沙尼亞首都塔林 (Tallinn)。斯德哥爾摩有北方威尼斯之稱，亦有說是北歐最美麗既城市，我地只係短短逗留左兩日一夜，希望將來有機會可以再去慢慢欣賞呢個咁靚既城市。

今次係我地第一次踏足北歐既土地，俾我一個好好既印象。北歐治安好好，人民教育程度高，大都能講英語，仲肯熱心幫人。話說我地夜晚成九點鐘凍冰冰咁拖住行理去到赫爾辛基預先 book 左既 hostel，點知去到話冇我地紀錄又話已經冇晒房 >.< 我地當堂唔知點好，好彩最後有個芬蘭人幫我地，詳情容後再講。

總括黎講，呢個 trip 真係好精彩，快 d click 入去睇下啦！