~ 土耳其世界遺產之旅九天 ~
日期: 2/4/2012 - 10/4/2012
Easter 假期又到了, 又係出外走走擴闊眼界既時候 :p 農曆新年剛去完北歐這個先進既國家, 今次決定去睇 d 舊野, 最後一致決定去土耳其, 雖然土耳其都係屬於歐洲國家, 但土耳其有好多世界自然/文化遺產, 絕對值得一去！加上之前暑假去埃及熱到死, 今次四月去土耳其天氣頂好, 唔凍唔熱, 少少涼涼地咁, 正呀！
土耳其係一個非常大既國家, 景點分散, 車程十分長, 所以都係跟團方便 d, 很快就報了永安旅遊一個直航土耳其既九天團, 團號為 ZMT09N, 詳細行程可參考旅行章程。
土耳其真是十分大, 我地去九天也只是集中玩左土耳其既西面﹕包括土耳其最大城市伊斯坦堡 、世界文化遺產特洛伊古城 (木馬屠城記)、位於古薩達斯既以弗所古城、世界自然及文化雙遺產既棉花堡同奇石林。
去土耳其玩主要係睇自然風景, 棉花堡同奇石林真係值得一去, 其次就是睇 d 古羅馬時期既遺跡。總括黎講, 土耳其治安非常好, 土耳其人又十分 nice, 唔似埃及那些常常要遊客俾 tips, 在這裡旅遊可安心欣賞靚景同體驗一下當地既文化, 絕對是值得一去既國家！
在較大的地圖上查看2012 土耳其 9 天
事前準備
準備
|
備註
|
報團
|
參加永安旅遊土耳其九天團, 團費 $10999。
|
購買保險
|
於恆生銀行購買旅行保險。
|
換美元
|
於恆生銀行換購。
|
行程表
住宿
|
||
香港 --> 伊斯坦堡 Ataturk 國際機場
|
航機上
|
|
伊斯坦堡 (Istanbul) --> 加歷奇 (Canakkale)
|
Iris Hotel
|
|
加歷奇 --> 特洛伊古城 --> 巴格門古城 --> 古薩達斯 (Kusadasi)
|
Tatlises Hotel
|
|
古薩達斯 --> 以弗所古城 --> 棉花堡 (Pamukkale)
|
Pam Hotel
|
|
棉花堡 --> 加柏都斯亞 (Cappadocia)
|
Vera Hotel Tassaray
|
|
加柏都斯亞 --> 奇石林
|
Vera Hotel Tassaray
|
|
加柏都斯亞 --> 安哥拉 (Ankara)
|
Asal Hotel
|
|
安哥拉 --> 伊斯坦堡 --> 伊斯坦堡 Ataturk 國際機場
|
航機上
|
|
伊斯坦堡 Ataturk 國際機場 --> 香港
|
~Day
1~
2/4/2012
(Monday) 晴
香港 -->
伊斯坦堡 Ataturk 國際機場
9:30 pm
|
土耳其之旅今日出發喇, 不過今日仲要番工 >.< 放工後先回家, 食埋飯沖埋涼, 再出發往機場。到左機場土耳其航空 counter 會合領隊, 再辦 check in 及寄行理手續。
|
11:25 pm
|
今次搭土耳其航空 TK071 直飛伊斯坦堡既航班, 土航既機仲出乎意料地好坐。上機派完晚餐後, 就每人派一份牙刷、眼罩、耳塞同襪... d 位又 ok 闊落, 我食完晚餐戴住個眼罩, 一覺就訓到大天光... 直至我感到有人拍我膊頭話: 派早餐喇... 我先起身啊！
|
|
~Day
2~
3/4/2012
(Tuesday) 晴
伊斯坦堡 Ataturk 國際機場 --> 藍色清真寺 --> 聖蘇菲亞大教堂 --> 杜馬伯爵水晶皇宮 (自費活動) --> 加歷奇
(土耳其時間)
6:30 am |
土耳其夏令時間慢香港五小時, 同其他歐洲國家一樣, 係機上訓一晚醒來, 就是當地既一大清早, 時間相當好用架！朝早約六點半, 我地到達土耳其最大城市伊斯坦堡, 隨即展開今日既行程。
|
7:15 am
|
首先乘旅遊巴到達伊斯坦堡 (Istanbul) 市中心既蘇丹阿荷密特廣場 (Sultanahmet Meydani), 伊斯坦堡既主要景點都集中在此附近。
|
 
|
|
9:00 am
|
出發往今天第一個景點, 藍色清真寺 (Blue Mosque)。由於廟內舖滿了數萬件藍色磚塊, 所以亦叫藍廟。 藍廟可說是伊斯坦堡既地標, 廟外有六座拜望塔, 是鄂圖曼帝國 (Ottoman Empire) 最輝煌時期興建的, 十分具代表性既一個景點。
|
 |
|
10:15 am
|
離開藍廟走到聖蘇菲亞大教堂 (Hagia Sophia), 此大教堂與土耳其一樣, 多次經歷改朝換代, 不斷受著東、西方文化的衝擊。它原為基督教會興建, 後來伊斯蘭教取代了基督教之地位, 此大教堂亦變為了伊斯蘭教廟宇, 。
聖蘇菲亞大教堂係一座拜占庭式既建築物, 圓頂、室內無柱既設計都予人一種非常宏偉之感。
|
 
|
|
睇完大教堂好鬼肚餓, 行出黎見到有 D 土耳其地道小食, 即刻買黎食下先...
|
|
|
|
12:00 pm
|
之後再到杜馬伯爵水晶皇宮 (Dolmabahce Palace), 入場費需 60 美元。此皇宮乃土耳其最有價值既皇宮, 參觀後亦覺得此皇宮確實華麗不凡, 令人嘆為觀止。 皇宮內每個房間都是由黃金、銀建成, 還有全世界最大之水晶吊燈, 可惜的是皇宮內不准拍照, 聽說是以前 D 遊客爭相拍那盞水晶吊燈, 趕極都唔走, 哈哈。睇唔倒皇宮入面唔緊要, 就算是皇宮外既花園, 開滿鮮花, 都一樣咁靚！
|
 
|
|
1:45 pm
|
一連參觀左三個著明景點就去食飯... 味道不錯！
|
|
|
2:30 pm
|
然後坐車到達加利波利市 (Galipoi), 由於車程頗長, 途中會經過休息站, 我地係休息站就率先試左土耳其好出名既蘋果茶, 好好味！ 到左加利波利市, 我地就連人帶車上船橫過達達尼海峽 (Dardanelles) 到達位於土耳其最西面既加歷奇 (Canakkale)。達達尼海峽係一條位於瑪爾瑪拉海與海琴海之間既海峽, 而加歷奇就是在第一次世界大戰中發生"加利波利戰役" 既城市。 |
|
|
8:30 pm
|
到左酒店後就食自助晚餐, 味道尚可。
|
10:00 pm
|
回房間洗澡, 然後便睡覺了。
|
~Day
3~
4/4/2012
(Wednesday) 晴
加歷奇 --> 特洛伊古城 --> 巴格門古城 --> 古薩達斯
6:45 am
|
在酒店舒舒服服地睡一覺, 今日終於成個醒晒！
|
7:30 am
|
到酒店餐廳食早餐, 食飽飽後就要出發了。
|
8:45 am
|
我地第一個景點係特洛伊古城, 即是木馬屠城記既起源地, 重點當然是那隻木馬。不過往特洛伊之前, 導遊帶左我地去加歷奇市, 睇左另一隻木馬。呢隻木馬正是由 Brad Pitt 主演既電影 Troy 入面果隻木馬黎, 拍完戲就放左係呢個 CITY 度喇...
|
|
|
9:35 am
|
到達世界文化遺產 "特洛伊古城" (Troy)...
其實特洛伊係一個希臘既神話, 若說 "木馬屠城記", 應該無人不曉啦？傳說希臘士兵躲進一隻巨型木馬入面, 特洛伊士兵開左特洛伊城既城門讓木馬進入, 咁希臘士兵就成功進城把所有特洛伊人殺死, 最後希臘人得到了勝利, 結束左維持了十年既戰爭。
今天既特洛伊古城風景美麗, 不過留下來既建築物已不多, 其實可以話冇咩野睇 >.< 我覺得這裡似遺跡多過古城啊！
|
 
|
|
10:45 am
|
離開特洛伊古城, 出發往巴格門古城, 車程需時三個多小時。 係呢度都分享一下土耳其旅遊既交通情況, 由於土耳其呢個國家十分大, 主要既景點都分得好散, 所以每天都要搭好多長途車, 三四個鐘係等閒事。不過大家唔駛俾佢既車程嚇怕左, 皆因車程中途必會有休息站, 讓你下車去一去洗手間同鬆鬆筋骨, 其實都不會太辛苦。
|
12:30 pm
|
車行左差不多兩個鐘, 就停左係一個休息站喇, 我地就可以去洗手間同買下手信咁。琴日係休息站飲左土耳其蘋果茶, 今次就飲土耳其咖啡啦。
|
|
|
2:00 pm
|
再搭多約一個鐘頭車, 約下午兩點, 終於都到左巴格門古城附近了, 我地先食 Lunch。
|
3:15 pm
|
食完午餐就出發往巴格門古城 (Pergamon), 巴格門曾經是古希臘最繁盛既古城之一。古城裏有神殿、寺廟等遺跡, 亦有美麗既風景。臨走時仲試左當地新鮮榨出來既石榴汁...
|
 
|
|
4:45 pm
|
遊覽完巴格門古城, 就向古薩達斯 (Kusadasi) 進發, 車程大約兩小時。
|
6:30 pm
|
到左位於土耳其西端既海邊渡假勝地古薩達斯, 呢度面臨愛琴海, 可以感受到土耳其休閒渡假風情, 仲可以係呢度坐船去希臘架。我地稍為休息一下, 再到酒店吃自助晚餐。
|
11:00 pm
|
洗澡睡覺了。
|
~Day
4~
5/4/2012
(Thursday) 晴
古薩達斯 --> 以弗所古城 --> 棉花堡
6:45 am
|
一早醒來, 先欣賞一下酒店房外既景色先, 我地間房望到愛琴海架。
|
|
|
7:30 am
|
到酒店餐廳食早餐。今日主要有兩個大景點, 第一個是以弗所古城, 第二個係棉花堡。食飽飽後就先向以弗所古城進發。
|
10:30 am
|
以弗所古城 (Ephesus) 是古代一個商業及宗教重鎮, 曾是中亞細亞的羅馬省市首都。雖然以弗所都曾經歷過地震, 但到目前為止, 仍然保存著十分完整既羅馬古蹟。以弗所以建築宏偉、工程龐大見稱, 內有能容納二萬五千人既露天劇場, 足以證明古代建築學既驚人成就。
|
|
|
哈德良神廟 (The Temple of Hadrian)
|
|
 
|
|
塞爾瑟斯圖書館 ( Library of Celsus), 以弗所古城中最高的建築物, 據說昔日藏書量達一萬二千多冊, 建築精美, 氣勢宏偉。
|
|
|
|
大劇院 (The Great Theater), 屬希臘羅馬式建築, 可容納二萬五千人的啊！
|
|
 |
|
12:15 pm
|
以弗所古城比起特洛伊及巴格門古城, 確實宏偉得多, 看到眼前既遺跡, 可想像它昔日是多麼的繁榮和美麗, 真是非常值得來一看！
離開以弗所古城食 Lunch 去。
|
2:00 pm
|
食完飯, 繼續今日既旅程, 下一站係需時三個鐘車程才到既棉花堡 (Pamukkale)。
|
5:00 pm
|
當望到不遠處一大座白雪雪既山時, 我地就知道終於都黎到期待已久既世界自然及文化雙遺產棉花堡喇。
棉花堡因地底長年累月都有溫泉水湧出, 由於含有豐富礦物質如石灰, 經長時間聚結而形成棉花狀之岩石, 層層疊疊, 最後形成非常壯觀既岩石群和水池, 就演變成而家眼前既棉花堡喇。
大家可以去浸下 d 溫泉水, 但係唔可以著鞋架...
|
|
|
7:00 pm
|
此個公園 (Pamukkale Natural Park) 可以欣賞到整個棉花堡既自然奇景...
|
|
|
7:30 pm
|
今晚會入住棉花堡溫泉酒店, 放低行理就先去食晚飯。
食飽飽後休息一陣, 就落去浸溫泉喇... 這裡不像日本, 浸溫泉可以著泳衣, 浴池就像是游泳池一樣 >.< 領隊說這是鬼佬溫泉... 我都係鍾意去日本浸呀 >.<
|
 |
|
11:00 pm
|
休息。
|
~Day
5~
6/4/2012
(Friday) 晴
棉花堡 --> 絲路駱駝商隊旅館 --> 地下城市遺跡 --> 加柏都斯亞
7:00 am
|
起身食早餐...
|
7:40 am
|
今日又要長征, 出發往土耳其東面既加柏都斯亞, 果度有一個好大既奇石林。出發不久, 我地又途經昨天到過既 Natural Park, 但今日天氣比昨天的好, 藍天白雲.... 有人話想再落車影相, 於是領隊又比時間我地係呢度再影過...
|
|
|
10:00 am
|
搭左兩個鐘頭車, 黎到休息站, 落車抖抖... 領隊介紹我地食呢個休息站至有既 Yogurt and Honey, 初時驚佢太甜, 食落又幾好味喎...！
|
|
|
12:00 pm
|
又搭左兩個鐘頭車, 到左食飯時間喇, 今餐有 pizza 同炸魚食, 唔錯！ 食完 Lunch 係繼續搭車 >.<
|
|
|
3:15 pm
|
途中經過一個 "絲路駱駝商隊旅館 (Caravanserai)"。
係古代時候, 長途跋涉進行商業活動既商人隊伍, 都為國家帶來重要稅收和收益, 所以很多國家都會免費為這些商隊於漫長旅途中, 提供一些安全而舒適既中途休息站。
|
|
|
3:45 pm
|
繼續長征。
|
5:50 pm
|
又搭左兩個鐘車後, 黎到一個 "地下城市遺跡 (Derinkuyu Underground City)"。
初時以為冇咩野睇, 點知去到發覺以前 D 人係幾咁勁。這個地下城市遺跡為基督徒所建造, 共有18 層深, 內有大廳、飯廳、廚房等遺跡。此外, 還有倉庫、教堂、換氣用的通風孔和逃避襲擊的逃生道, 簡直就是一個地下迷宮。地下城市入面既石級同通道都頗為狹窄, 人多時都只能單向行走, 有些更要彎低腰黎行。不過即使入面又窄又多人, 但又唔會話覺得好侷促, 這就證明呢度真係可以住到好多人呢！
|
 |
|
6:45 pm
|
繼續向加柏都斯亞進發...
|
8:45 pm
|
終於都到左加柏都斯亞 (Cappadocia) 入住既酒店, 放低行理就去食 dinner 喇... 酒店對面有一間 Supermarket, 食完野去行左一陣, 買左支護髮素...
|
 |
|
11:00 pm
|
聽朝一早就會去玩期待左好耐既奇石林熱汽球升空之旅, 所以要早 D 訓喇...
|
~Day
6~
7/4/2012
(Saturday) 晴
加柏都斯亞 --> 奇石林熱汽球升空之旅 (自費活動) --> 仙境煙窗 --> 居里默 - 石中教堂 --> 石洞土皮舞表演
5:30 am
|
為左係高空欣賞世界自然及文化雙遺產既奇石林壯觀自然景色, 我地都忍痛花上二千大元去參加這個熱汽球升空之旅。朝早五點半就 morning call, 六點鐘準時出發。
|
6:30 am
|
去到升空地見到好多個 balloons 呀, 有 D 已經升左上天空, 有 D 就準備緊, 邊個係我地升空既 balloon 呢, 此刻心情極度興奮呀, 哈哈！ 黎到我地要坐既 balloon, 駕駛員係度準備緊, 見佢係咁為個 balloon 加氣噴火, D 火好鬼熱... 當熱汽球都準備好, 我地就一個一個咁上去喇...
等待熱汽球升空, 大家都好興奮咁喎... 又難怪, 山長水遠長途跋涉黎到土耳其既 Cappadocia, 呢度有世界自然及文化雙遺產既奇石林, 而 Cappadocia 更是被公認為全世界最適合搭乘熱汽球既地點。再者, 熱汽球能否升空, 都要靠個天黎決定, 如果風太大就不能升空, 所以今日能夠參加這個熱汽球升空之旅, 都真是很幸運啊！
熱汽球升空喇, 不過上升既速度好慢, 加上個藤籃好高, 有畏高既人係絕對唔駛驚。我地係高空見到好多個 balloons 呀, 望番落去睇到成個奇石林, 壯觀得很。望見眼前這幅大自然奇景, 真的令人嘆為觀止, 土耳其, 真的值得一來。
|
 
|
|
8:00 am
|
歡樂既時光係特別快過, 話咁快我地就要降落喇。升空之旅完成後, tour guide 為我地準備香檳、蛋糕, 慶祝我地完成呢次旅程, 另外每人都有一張證書留念。
|
 
|
|
8:30 am
|
坐完熱汽球就番酒店食早餐。食完早餐, 見酒店外有個 Urgup Market, 當然要出去行下。土耳其人真係好 nice, 我地拎住部相機影相, 佢地就會俾 d 水果蔬菜你擺 pose...
|
 |
|
9:45 am
|
係高空欣賞完奇石林之後, 黎緊就再出發近距離接觸 d 奇形怪狀既石頭喇。
|
|
|
11:30 am
|
黎到一個叫 "仙境煙窗 (Fairy Chimney)" 既奇石區。
由於溶岩流過兩層不同硬度的地殼, 形成一個個頂部成金字塔形和圓錐形的岩石層, 有 d 岩石更被當地居民挖成蜂巢狀, 然後居住係巢內。第一次來到這裡, 看見奇石處處, 曾懷疑自己是否身處於地球, 難怪電影 『星球大戰』 也在這裡取景。
|
|
|
1:30 pm
|
行左成朝, 終於食 lunch 喇！
|
3:00 pm
|
到鴿子谷... 呢度仲有土耳其雪糕賣, 大家黎到一定要試, 好味！D 雪糕好有黏性, 將佢倒轉拎都唔會跌落黎 :P...
|
|
|
3:45 pm
|
再到居里默 - 石中教堂 (Rock Churches of Goreme)。
在公元七世紀阿拉伯人既統治下, 基督徒由於受到宗教迫害, 便逃到土耳其居里默興建岩窟教堂、修道院及房屋避難及堅守自己既信仰。石中教堂的建築規模和裝飾一絲不苟, 圓拱形頂部壁畫記載了大量聖經故事, 部份仍然保存良好, 教堂的拱門、方樑、方柱等也有秀麗的雕刻。用來傳教的講經台和聚會廳也一應俱全, 盡顯教堂莊嚴和神聖的一面。千多年前在洞內開鑿石中教堂需要很高的技術, 令人十分佩服教徒堅守自己信仰的精神。
|
|
|
5:45 pm
|
回酒店小休... 因為未夠鐘食飯, 所以我地又走左出去周圍行...
|
|
|
7:30 pm
|
回酒店吃晚餐...
|
8:30 pm
|
吃飽飽後再出動去睇土皮舞表演...
|
 
|
|
11:30 pm
|
回酒店休息。
|
~Day
7~
8/4/2012
(Sunday) 晴
加柏都斯亞 --> 鹽湖 --> 安哥拉 --> 國父紀念館
7:45 am
|
今日唔駛玩熱汽球, 可以晏 d 起身 :p
|
9:00 am
|
食完早餐就出發, 向土耳其首都安哥拉進發。
|
12:15 pm
|
途中經過鹽湖 (Salt Lake)。
|
 |
|
1:15 pm
|
食 Lunch 時間又到... |
 
 
|
|
2:00 pm
|
食飽飽後又出發... |
3:45 pm
|
終於都到左土耳其首都安哥拉 (Ankara), 我地會去參觀國父紀念館 (Antikabir Museum)。 鄂圖曼帝國 (Ottoman Empire) 經歷了數百年威赫四方的統治, 因為跟不上歐陸各國快速轉動前進的步伐, 逐漸衰落。二十世紀之初, 上位者昏庸無道, 訂下許多喪權辱國的條款。有志之士如凱末爾 (Mustafa Kemal), 在忍無可忍的情況下奮起救國。1919年5月15日, 土耳其獨立戰爭從黑海邊點燃, 1923年10月29日, 國民大會無異議通過由凱末爾任大總統, 土耳其正式以共和國身份走上國際舞台。凱末爾於 1938 年逝世, 「阿塔圖克 (Ataturk)」是 1934 年國會贈給凱末爾的尊稱, 是「土耳其人之父」的意思, 1953年紀念館完成, 凱末爾的遺體也遷移至此, 然後一直由衛兵守衛。 就連土耳其伊斯坦堡個機場都叫 Ataturk 國際機場, 可想而知土耳其人有多尊敬這位國父了, 而這個紀念館, 亦是我暫時看過最靚既一個國父紀念館呢！ |
|
|
5:50 pm
|
往入住既酒店... |
|
|
6:30 pm
|
放低行理後, 仲未夠鐘食飯, 我地就走左出去 city 周圍行... 我地既酒店都座落鬧市當中, 一行出去就非常熱鬧, 先走到 "革命廣場"。 |
|
|
| 再行下 d 商店, 每次我地舉起相機, 舖頭入面 d 人就會笑住咁擺晒 pose, 好搞笑... | |
 
|
|
7:30 pm
|
番酒店食飯... |
10:30 pm
|
明天又要長征返回伊斯坦堡, 所以早點休息。 |
~Day
8~
9/4/2012
(Monday) 雨
安哥拉 --> 伊斯坦堡 -->
博斯普魯斯海峽 (自費活動) --> 杜伯奇皇宮博物館 --> 地下儲水道 (自費活動) --> 大市集 --> 伊斯坦堡 Ataturk 國際機場
4:15 am
|
由安哥拉返回伊斯坦堡路途遙遠, 所以 4:15 am morning call >.<
5:00 am 落去食早餐, 團友笑說大家好似岩岩食完晚餐冇幾耐 :p
|
5:30 am
|
出發... 上車係時候補一補眠...
|
10:30 am
|
番到黎伊斯坦堡喇, 首先我地會去坐 cruise 暢遊博斯普魯斯海峽 (Bosphorus Cruise), 呢個係一個自費活動, 每人 60 美元。
博斯普魯斯海峽 ( Bosporus), 又叫伊斯坦堡海峽, 是歐洲與亞洲之界, 它以馬爾馬拉 (Marmara) 海與其相連的達達尼爾海峽再補上一刀, 徹底將土耳其的尾巴, 遺留在歐洲大陸。它長約 30 公里, 最寬處寬約 3700 米, 最窄處寬約 700 米。1973年, 土耳其政府修建了跨越海峽的博斯普魯斯大橋, 橋長1074米, 橋下可容各種船隻通過。
海峽兩岸分屬歐亞兩洲, 但景色十分相似。羅馬帝國和奧圖曼帝國遺留下來的巍峨王宮, 傍水聳立, 古堡殘垣, 矗立岸邊。在海峽的中段, 兩岸各有一個 14 至 15 世紀的古堡, 像一對威武的雄獅, 昂首挺立。海峽的自然風光與歷史古跡相映成輝, 博斯普魯斯海峽已成為土耳其的著名旅遊景區之一。
|
 
 |
|
12:30 pm
|
食 lunch 喇, 今餐食中餐, 間酒樓仲要叫香港大酒樓...唔知係咪太耐冇食過廣東菜, 真係覺得好好味！
|
|
|
2:00 pm
|
食完飯繼續行程, 參觀杜伯奇皇宮博物館 (Topkapi Palace)。
世界八大著名皇宮之一的杜伯奇皇宮 (Topkapi Palace) 始建於 1453 年, 為鄂圖曼帝國 (Ottoman Empire) 蘇丹王的宮殿, 經歷四個多世紀的持續擴展, 最終加上外城牆作保護, 興建至總佔地約700公頃。於馬爾馬拉海和金角灣的交匯點上, 畔鄰藍廟和聖蘇菲亞大教堂, 是當年鄂圖曼帝國的中心, 1924 年 4 月 3 日改建為博物館。
皇宮主要分為四個主庭園, 分別展示四個不同的主題。第一所庭園, 也是皇宮的御花園, 園中種滿了梧桐和柏樹。第二庭園是右方的長廊展覽館, 內藏不少銀器、銅器、爐具擺設和中國陶瓷製品。當中以元朝年代的幾十件青花瓷最令人目不暇給。宮殿中央是皇宮的第三庭園, 也是個綜合展覽廳, 展出當年鄂圖曼帝國蘇丹王接見外國元首的謁見室, 另有圖書館、武器、服裝、珠寶展示館和聖遺物室。珠寶館中收藏重達 86 卡的梨形鑽石, 是全球第二顆大的鑽石, 其刺眼程度很強烈, 為了保護眼睛, 鑑賞前請先帶上墨鏡。另外的擺設有蘇丹王的王座、匕首、權杖和首飾等, 也是令人歎為觀止的傑作。珠寶館旁的聖遺物室收藏了於伊斯蘭教先知穆罕默德遺下的腳印、寶劍和鬍鬚等寶物。第四庭園是蘇丹王的後宮, 也是蘇丹王家人生活的地方, 內有花園、噴水池等, 今天的博物館依然金碧輝煌, 可見當年蘇丹王的奢華生活, 也反映當年蘇丹王的權力和野心。
|
 
 |
|
4:00 pm
|
睇完全球第二顆大既鑽石後, 再去參觀一個地下儲水道 (Underground Cistern), 費用每人 40 美元。
這個地下儲水道是羅馬皇帝君士坦丁建城時興建的市政設施之一, 一直沿用到近代有了自來水系統後才停用轉為博物館。儲水道內由上百根巨石柱支撐著天花, 在射燈照明下昏黃色的柱陣倒影在平滑如鏡的地下湖面上, 宛如是一座懸浮在陰界冥湖上的地下宮殿, 隱隱地透著一股古老而陰森的氣氛, 成龍主演既電影 "突務迷城" 都係呢度取景架！
|
|
|
6:00 pm
|
這個旅程最後一個行程就是行伊斯坦堡大市集, 又係感受當地文化既一個好時候。
這個大市集位於舊城區,
有 500 多年的歷史。經過擴建後, 市集佔地達 30 萬平方米, 有接近 5000 間商店, 規模極大。市集內貨品一應俱全, 不論是充滿中東風情的擺設、手工精巧的地毯、地道的土耳其民族服飾或耀眼的黃金飾品, 都可以在這個滿有懷舊氣息的大市集內找到。
|
 
|
|
7:30 pm
|
行完大市集就去食 dinner, 呢餐亦係呢個 trip 最後一餐晚餐了。呢餐係食正宗土耳其餐, 有烤牛肉飯, 好味道！
|
|
|
9:45 pm
|
食飽飽後出發往機場, 與導遊司機道別後, 就 check in 寄行理喇。
|
|
|
10:30 pm
|
飛機要凌晨一點才起飛, 我地就到 lounge 沖涼同上網。
|
|
~Day
9~
10/4/2012
(Tuesday) 晴
伊斯坦堡 Ataturk 國際機場 --> 香港
00:55 am
|
土耳其航空 TK070 航班準時起飛了, 與去程一樣, 派完晚餐就每人派一 set 訓覺用品, 我又一覺訓到大天光。
|
|
|
(香港時間)
4:20 pm
|
終於到達香港了, 土耳其九天世界遺產之旅正式完滿結束。取行理後, 便乘巴士回家了。
|
沒有留言:
張貼留言