日期: 22/1/2012 - 31/1/2012
農曆新年又黎喇，今年決定去北歐既芬蘭，嘩哈哈！
其實今次呢個 trip 都有 d 即興架，以往去旅行好多時係一早諗左想去邊，但今次就冇。臨到新年前大約一個月，我話想去旅行，咁農曆新年去旅行不嬲都係超貴架嘛，睇黎睇去好似得歐洲相對抵去，因為天氣凍歐洲係淡季。不過亦都因為係淡季，去歐洲又好似唔係好岩季節咁喎，再上網睇下 d 人去邊啦，有人話去芬蘭睇北極光，我地就好似俾人 "叮" 醒左咁，呢個時候去芬蘭岩晒喎，一於去芬蘭。即刻 plan 行程同 book 野，又酒店又船又火車咁，我都覺得自已越黎越勁，定係越黎越求其？ >.< 不過客觀 d 講，plan 去歐洲係易過日本好多，淨係去東京大阪等大城市另計。
講番呢個芬蘭 trip，雖然天氣係凍 d (實際上唔係凍 d，係好好好凍先岩)，但呢個 trip 真係好精彩。
我地除左去到芬蘭北部既拉普蘭 (Lapland) 地區睇北極光、坐左全球唯一觀光破冰船三寶號 (Sampo)，仲去左聖誕老人村 (Santa Claus Village) 探聖誕老人同坐鹿車 (Reindeer Safaris) tim。除左芬蘭，我地亦有順道遊覽埋瑞典首都斯德哥爾摩 (stockholm) 同愛沙尼亞首都塔林 (Tallinn)。斯德哥爾摩有北方威尼斯之稱，亦有說是北歐最美麗既城市，我地只係短短逗留左兩日一夜，希望將來有機會可以再去慢慢欣賞呢個咁靚既城市。
今次係我地第一次踏足北歐既土地，俾我一個好好既印象。北歐治安好好，人民教育程度高，大都能講英語，仲肯熱心幫人。話說我地夜晚成九點鐘凍冰冰咁拖住行理去到赫爾辛基預先 book 左既 hostel，點知去到話冇我地紀錄又話已經冇晒房 >.< 我地當堂唔知點好，好彩最後有個芬蘭人幫我地，詳情容後再講。
在較大的地圖上查看北歐芬蘭極光之旅10天
事前準備
準備
|
備註
|
申請歐洲旅遊簽証
|
英國、芬蘭、瑞典以及愛沙尼亞都是免簽証
|
購買機票
|
用亞洲萬里通免費換取香港至斯德哥爾摩, 赫爾辛基至香港來回機票兩張, 另外換取赫爾辛基至羅凡尼米, 伊瓦洛至赫爾辛基來回內陸機票兩張
|
購買旅遊保險
|
於保誠購買旅遊保險
|
訂民宿, 酒店
|
於網上預約 (部分需先付款)
|
訂火車、郵船
|
於網上預約並付款
|
預約 Sampo 破冰船
|
於網上預約並付款
|
換歐羅
|
於 Citibank 花旗銀行換購
|
行程表
住宿
|
||
香港 --> 倫敦希斯路機場
|
航機上
|
|
倫敦希斯路機場 -> 倫敦(London) --> 倫敦希斯路機場 --> 瑞典阿蘭達機場 --> 斯德哥爾摩 (Stockholm)
|
2kronor Hotel City
|
|
斯德哥爾摩 --> 土庫 (Turku)
|
Viking Line 維京號郵船
|
|
土庫 --> 赫爾辛基萬塔機場 --> 羅凡尼米 (Rovaniemi)
|
B&B Kotitie 小木屋
|
|
羅凡尼米 --> 凱米 (Kemi) --> Sampo 破冰船 --> 羅凡尼米
|
B&B Kotitie 小木屋
|
|
羅凡尼米 --> 聖誕老人村(Santa Claus Village) --> 薩利色爾卡 (Saariselka)
|
Hotel Kakslauttanen 小木屋
|
|
薩利色爾卡 --> 拉普蘭伊瓦洛機場 --> 赫爾辛基萬塔機場 --> 赫爾辛基 (Helsinki)
|
Holiday Inn Helsinki City Centre
|
|
赫爾辛基 --> 塔林 (Tallinn) --> 赫爾辛基
|
Holiday Inn Helsinki City Centre
|
|
赫爾辛基 --> 赫爾辛基萬塔機場 -> 倫敦希斯路機場
|
航機上
|
|
倫敦希斯路機場 --> 香港
|
~Day
1~
22/1/2012
(Sunday) 香港 --- 晴
香港 -->
倫敦希斯路機場
9:30 pm
|
2012 年度第一個 trip 又黎喇, 今次主要係去北歐既芬蘭, 再加瑞典首都斯德哥爾摩同愛沙尼亞首都塔林。去程先飛往倫敦, 再轉機去瑞典。
年廿九晚既機場冇咩人喎, 只見兩個歐洲旅行團, check in 都唔駛排隊。
|
11:25 pm
|
今次會搭英航 BA026 班機飛往倫敦希斯路機場, 上機等食晚餐 (定係宵夜？), 然後刷牙訓覺... BA 既機唔錯, service ok, 坐位上都預先派發牙刷...
|
|
|
第一天就是搭飛機 :p。
|
~Day 2~
23/1/2012
(Monday) 倫敦 --- 晴, 斯德哥爾摩 --- 雪
倫敦希斯路機場 --> 倫敦 (London) --> 倫敦希斯路機場 --> 瑞典阿蘭達機場 --> 斯德哥爾摩 (Stockholm)
(以下轉英國時間)
4:50 am |
訓訓下俾 d 香味香醒左, 原來隔離條友係度食杯麵 >.< 見未派早餐都係訓多陣...
唔記得左幾多點, 全機 d 燈都著晒, 派早餐喇, 我食左英式早餐...
航班最後係好準時咁於 04:50 am 降落於倫敦既希斯路機場...
|
5:15 am
|
倫敦希斯路機場係全球最繁忙既機場之一, 淨係 terminal 都有五個咁多。 有好多遊客都需要經倫敦轉機, 好似我地咁都係經倫敦去斯德哥爾摩。因為旅客多, 所以係呢度出入境都最好預留多 d 時間, 轉機唔入境就冇呢個問題。今次我地轉機去瑞典要等九個鐘, 所以我地決定黎一個倫敦半日遊, 排隊入境都差唔多等左一個鐘...
|
6:15 am
|
因為行理係直掛到瑞典, 所以入左境唔駛等行理就直去地鐵站。先買張 Oyster card, 即係八達通, 搭地鐵同倫敦巴士都得, 然後就去換左少少英磅同拎左張俾遊客睇既地圖, 上面都有介紹 d 必去既景點。
搞掂晒就去搭地鐵, 第一站係 Tower Bridge。
|
|
|
7:30 am
|
去到 Tower Hill Station 都係岩岩天光, 一出站就見到 Tower of London, 經過佢走到 Tower Bridge。
|
|
|
8:40 am
|
走上 Tower Bridge, 行到橋既另一面, 經過 Imperial War Museum 同 London Bridge, 最後係 London Bridge Station 搭 metro 到 St. Paul's Station。
|
|
|
9:05 am
|
一出地鐵站就係 St. Paul's Cathedral 聖保祿大教堂, 我地以為唔駛錢入去, 黎到先知係要入場費的, 咁我地就冇入去參觀。
|
|
|
9:35 am
|
跟住搭倫敦巴士去 Buckingham Palace 白金漢宮, 今日冇 changing of the guards 睇, 想睇既朋友出發前最好睇定衛兵換班儀式既時間表。
|
|
|
10:35 am
|
跟住經過 St, James's Park 黎到 Westminster Abbey 西敏寺同 Big Ben 大笨鐘。係大笨鐘呢面仲可以遠望 London Eye, 不過唔夠時間, 唔可以過去睇真 d 喇 >.<
|
|
|
11:05 am
|
係白金漢宮冇得睇 change guards, 唯有最後趕埋去 Horse Guards Parade 睇啦, 呢度既換班儀式亦冇白金漢宮咁大型既。
|
|
|
11:20 am
|
短短幾個鐘就行左咁多景點, 勁過旅行團呀>.< 原本想坐低嘆番個 fish & chips 但冇時間啦, 唯有買外賣...
|
|
|
11:35 am
|
最後黎到 Trafalgar Square, 人稱白鴿廣場, 廣場中央的紀念柱 ( Nelson Memorial Statue) 是為紀念拿破崙戰爭中的海軍上將而建的。
|
|
|
11:40 am
|
真係要走喇, 再唔走趕唔倒飛機就大鑊 >.<
係倫敦短短逗留左四個鐘, 差唔多行晒地圖上推介既景點, 簡直勁過旅行團, 不過真係名符其實既走馬看花呢！我連一個地道既英式早餐同 fish & chips 都冇時間坐低慢慢食, 去到咁靚既西敏寺又冇時間入去參觀, 希望不久既將來我地會再黎英國旅遊啦！
|
|
|
12:40 pm
|
搭 metro 一個鐘就番到黎希斯路機場, 今次要去 Terminal 5, 呢座 Terminal 係英航的主場, 只有 BA 既機升降。
|
|
|
2:10 pm
|
乘搭 BA780 航班到瑞典首都斯德哥爾摩 (Stockholm), 機程二個幾鐘。
|
|
|
(以下轉瑞典時間)
5:40 pm
|
瑞典時間係快英國一個鐘, 黎到瑞典已經係下午五點幾喇。過關入境唔算多人, 不過唔知係咪呢度亞洲人少, 關員都問左幾個問題先俾我地過。拎埋行理就搵 information centre 問下野拎地圖同買巴士飛出市區。
|
|
|
6:40 pm
|
搭 Flygbussarna airport coaches 出 Stockholm city, 大約需時四十五分鐘, 如果搭 Arlanda Express 就只需二十分鐘, 不過當然係貴好多啦...
|
|
|
7:30 pm
|
到左 Stockholm Central Station, 一落車已經感覺寒風陣陣, 仲落緊雪 tim, 冷帽手襪要出動喇...
慢慢拖住行理 (落住雪想快都難 >.<) 去搵我地 book 左既 hostel 2kronor Hotel City... 歐洲既 hostel 夜晚未必有人係度, 呢間都唔例外, 佢會預先 send 個 password 俾你同留低條 key, 自已用 password 入去就 ok 架喇。
|
8:00 pm
|
我地諗住只係 stockholm 住一晚, 所以就想 book d 平 d 既房, 呢度要 share bathroom, 不過都好乾淨, 整體都好滿意！唯一一樣唔係咁開心既就係諗住係 kitchen 煮野食, 點知個爐等極都唔熱, 唔知係咪壞左...最後係食杯麵算數 >.<
|
 
 
|
|
11:30 pm
|
睡覺。
|
~Day
3~
24/1/2012
(Tuesday) 少雪
斯德哥爾摩 -->
市政廳 (City Hall) --> 舊城區 (Gamla Stan) --> 土庫 (Turku)
8:00 am
|
起身喇, 琴日講到佢個爐係壞既, 加上今日行程會好緊密, 所以今朝決定食餅乾當早餐... 然後就執好行理去辦理 check in + check out 手續, 哈哈... 去到 reception, 那些 staff 還在吃早餐, 真悠閒...
|
9:00 am
|
我地寄存行理係 hostel, 六點 reception 關門前要番黎拎番...
然後就出發往市政廳 (City Hall), 市政廳位於國王島上, 由 hostel 或中央車站步行就可到達。
|
 
|
|
10:00 am
|
要參觀市政廳必須跟 tour 的, 通常一個鐘一場, 想參加最好預先睇定時間表。 我地個 tour 十點鐘開始, 大約四十五分鐘, 由一個瑞典既靚女帶我地遊市政廳內部, 一入去個大廳就係每年諾貝爾獎頒獎禮後舉行晚宴既地方喇。
|
|
|
呢 d 就係諾貝爾頒獎禮後晚宴用既餐具...
|
|
|
|
11:00 am
|
遊完市政廳就係外面影下相, 眼前呢個景有北方威尼斯之稱, 不過睇睇下, 我地覺得呢度都幾似日本既釧路喎。
|
 
|
|
11:30 am
|
再行去舊城區 (Gamla Stan), 如果唔想行可以搭地鐵係 Gamla Stan 站落車。
|
 
|
|
11:50 am
|
黎到皇宮 (Kunglia Slottet), 十二點有衛兵換班儀式, 我地係度諗, 天氣咁凍, 可以落班休息果個駐守士兵應該好開心...
|
 
|
|
12:35 pm
|
再行出少少欣賞下斯德哥爾摩港既景色, 雖然唔係要行好遠, 但成地雪都行得好辛苦下。
|
|
|
1:25 pm
|
又係時候食 lunch 喇, 黎到瑞典梗係想食瑞典肉丸啦, 但舊城區呢度間間餐廳都係食意大利野 (因為呢度係北方威尼斯嘛 >.<), 咁就是但搵左一間叫 Sallys 既餐廳... 入到去睇下個餐牌, 都係冇瑞典肉丸, 選擇又少, 奇怪既係佢門口明明有 set lunch 既牌, 入到黎又冇, 於是我地就問佢係咪有 set lunch, 佢話有, 咁我乘機問埋佢有冇肉丸, 佢又話有喎, yeah...
最後叫左一個瑞典肉丸同一個 set lunch, yummy！
|
|
|
2:15 pm
|
食飽飽就繼續遊舊城區, 走到德意志教會 (Tyskakyrkan) 同大教堂 (Storkyrkan)。
|
|
|
2:45 pm
|
一路走到 Gamla Stan 地鐵站, 搭地鐵到 Skinnarviksberget hill, 黎呢個唔知叫乜鬼野既山都係因為睇左旅遊書介紹, 話呢度可以睇到成個 stockholm city 既美態... 但係黎到又唔覺有乜特別 >.<
個山就冇乜特別, 反而地鐵站入面既設計就幾特別...
|
|
|
4:00 pm
|
搭地鐵去 Hotorgshallen 魚市場, 入面全部都係賣魚的, 除左街市, 亦有好多餐廳仔, 好似 food court 咁...
我地去左一間叫 Kajsas Fisk Kopparberg 飲瑞典魚湯, 個魚湯真係落足料, 用左勁多海鮮黎煲, 除左個魚湯, 仲叫左一個 fish & chips, 好好味, d 魚好新鮮, 賣相當然係一流。
|
|
|
5:00 pm
|
食完野就再繼續周圍行, 最後去到賽格爾斯廣場 (Sergels Torg)...
|
|
|
5:45 pm
|
走回 hostel 取行理, 然後去搭巴士。今晚要搭 Viking Line 維京郵輪到芬蘭喇, 佢自已有架 shuttle bus 去碼頭, 但所謂既 shuttle bus 係要俾錢的, 仲要唔平, 咁我地自已就搭普通巴士, 一樣可以去到碼頭丫, 個巴士司機仲好好人, 提我地落車仲要教埋我地點行。
|
|
|
8:00 pm
|
黎到碼頭要辦理 check in 手續, 其實只需要俾個 booking number 佢, 好快就可以出到船飛俾我地。郵輪夜晚八點於瑞典斯德哥爾摩啟航, 第二朝七點半就會到達芬蘭既土庫 (Turku), 可以搭下郵輪, 又可以慳番晚酒店, 真係一個唔錯既選擇。
我地 book 左一間二人房, 係上下格床, 房內有洗手間浴室。放低行理就出去走走, 船上面有好多娛樂設施, 有賭場啦, 俾小朋友玩既遊戲室, Sauna 房, 仲有好多餐廳同免稅商店。 我地玩左一陣老虎機, 羸左 5 EUR, yeah...!
|
 
|
|
11:00 pm
|
之後返房沖涼, 原本十一點船上會有表演睇, 但我地實在太累, 最後決定早 d 訓...
|
~Day 4~
25/1/2012
(Wednesday) 少雪
土庫 --> 土庫城 (Turun linna) --> 土庫大教堂 (Tuomiokirkko) --> 赫爾辛基萬塔機場 --> 羅凡尼米 (Rovaniemi)
(以下轉芬蘭時間)
6:45 am |
雖然瑞典同芬蘭只係隔左一個波羅的海, 但芬蘭係快瑞典一小時的, 係芬蘭時間朝早六點幾, 船上既工作人員已經黎開你門叫你起身喇...
|
8:00 am
|
黎到土庫都係七點半, 天都未光 >.< 我地拖住行理走到距離碼頭不遠既土庫城 (Turun linna)...
土庫城是芬蘭最大既古城 (睇落去好細咋喎...>.<), 建於 1280 年, 入面有個博物館, 展出各個時代既文物, 不過要十點鐘先開門 >.< >.<
我地沿住古城外圍走, 去到正門見可以入去, 咪影埋城堡入面個樣...
|
 
|
|
8:30 am
|
土庫城隔離就有個巴士站, 我地搭巴士去土庫市中心。係市集廣場附近落車, 再走到土庫大教堂 (Tuomiokirkko)。
|
|
|
9:00 am
|
土庫大教堂係位於歐拉河 (Aure) 左岸的一座巨大紅磚建築物, 被認為是芬蘭最重要的大教堂, 尖高帽子形的尖塔最引人注目。
|
|
|
10:15 am
|
影完大教堂就走回市集廣場 (Kauppatori), 亦都趁機欣賞下呢個曾經為芬蘭首都既城市。見到有個商場, 諗住入去搵洗手間, 又見到有間 cafe, 順便食埋個 Brunch...
|
  
   |
|
11:00 am
|
走到土庫火車站, 我地會搭十一點開出既火車到赫爾辛基 (Helsinki)。第一次搭芬蘭火車, 感覺好先進, 火車有兩層, 座位都分好多種, 有普通座, 有 working compartment, 有張 table 俾你用電腦, 有 family compartment, 一家大細唔驚騷擾到人, 大家 book 火車時都可以要求某種座位既...
唔知係咪北歐治安真係咁好, 呢度搭火車係唔駛入閘既, 上左車之後會有人黎查飛, book 左飛既講個 booking number 俾佢聽都得架。
|
 
 
 |
|
12:58 pm
|
由土庫去赫爾辛基都要兩個鐘, 到左中央車站 (Railway Station) 一定要參觀下先。1914 年完工既中央車站是由建築師 - 伊利爾沙里寧設計的,
車站入口處用花崗岩砌成直牆, 屋頂用銅屈成彎曲既形狀, 一直一曲, 兩邊對稱, 形成正門入口的拱形, 同時入口兩側, 有四個直立的巨型雕像捧著四個圓球, 意味是文明的傳遞者。這設計融合了理性與創意, 堪稱是現代建築的傑作。
|
|
|
1:45 pm
|
欣賞完個中央車站原本想把握時間再行下車站周邊既景點, 但此時下著毛毛雪, 地上積雪又難行, 所以決定早 d 搭車去機場。去機場可以搭 615 號 local bus 或者 Finnair 機場巴士, 後者當然係快 d 同貴 d 啦, 我地有時間所以去搭 local bus, 巴士站就在中央車站前。
|
|
|
2:30 pm
|
好快就辦理好 check in 手續, 去 Lounge 食野。
|
|
|
4:15 pm
|
我地會搭芬蘭航空 AY429 由赫爾辛基飛往芬蘭北部拉普蘭地區 (Lapland) 既羅凡尼米 (Rovaniemi), 此時宣佈正式向北極圈進發 yeah！
機程好短, 只得個幾鐘, 但機上冇野食, 只得一杯野飲, 仲要限住飲咩... 個空姐話 finnair 既內陸機係咁, 我心諗, 內陸機唔駛錢咩, 香港搭去台灣都有野食啦, 好彩岩岩係 lounge 食左 >.<
|
|
|
|
|
5:35 pm
|
羅凡尼米機場係一個非常細既機場, 就連行理輸送帶都只有一條, 不過呢度雖然細, 但就佈置得好靚, 好有聖誕氣氛, 真不愧為聖誕老人既故鄉, 呵呵！
|
|
|
6:10 pm
|
呢度人口密度低, 飛機班次又唔多, 所以呢度係冇 public transportation 既。為左方便旅客, 機場除左有租車公司之外, 每逢有飛機到達就會有 d 黃色既 Airport Taxi 係度等人, 坐滿先開, 你話俾佢聽你要去邊佢就會車你去, 每人 7 EUR。
|
|
|
7:00 pm
|
到左預先 book 左既小木屋 B&B Kotitie, 一落車已經見到小木屋主人出黎迎接我地喇。嘩, 呢間小木屋好靚呀, 以 80 EUR 一晚既價錢黎計, 真係超值。小木屋主人就住係對面, 有咩事都可以過去搵佢既。
沖完涼就煮野食喇, 我今晚煮左白汁長通粉...
食完就等北極光, 但影出黎好暗 >.< ...
|
|
|
12:00 am
|
都係訓覺先...
|
~Day
5~
26/1/2012
(Thursday) 晴
羅凡尼米 --> 凱米 (Kemi) --> Sampo 破冰船 --> 羅凡尼米
8:15 am
|
起身後就煮左通粉做早餐, 原來我對煮野食都有 d 天份架 :p
|
|
|
9:15 am
|
今日要去坐全球唯一觀光破冰船三寶號 Sampo Arctic Icebreaker, 上網睇介紹佢話係唯一, 咁我係度諗, 上年去北海道網走坐果架係咩黎...？不過此船又真係不同彼船, 係芬蘭坐破冰船係真破冰, 唔係撞開 d 冰囉, 仲有就係坐 Sampo 要 250 EUR >.<, 係網走坐只需 3300 yen, haha...！除左個 tour 要收你 250 EUR 之外, 若果你想 book 埋佢個羅凡尼米來回接送, 請加多 100 EUR... (搶錢架...) 真係睇到都被佢嚇窒...我地決定自已搭火車去凱米 (Kemi), 再加 30 EUR Kemi 火車站接送算, 真係慳得一蚊得一蚊。
由於唔知要行幾耐, 所以我地都預早半個鐘去火車站。
|
9:58 am
|
坐火車去 Kemi, 今次 book 左個 working compartment 黎坐。
|
 |
|
11:14 am
|
因為約左 Sampo 十一點半係火車站送我地去碼頭, 但架火車就 11:14 am 先到, 我地都有 d 擔心架, 萬一架火車遲左我地咪冇左 250 EUR？好彩最後係準時到達... Kemi 係一個好細既站, 我地出左火車站就企係度等啦, 唔知幾時開始出現左一個黎自澳洲 (後來問佢既) 既靚女, 佢問我地係咪等緊 Sampo 架車, 原來佢係自已一個人去坐 Sampo...
|
 |
|
11:30 am
|
Sampo 架車到左喇, 其實去碼頭唔係好遠架咋, 來回咁就收你 30 EUR 架喇, 真係好過去搶呀...
到左碼頭喇, 架 Sampo 好大呀, 黎參加 tour 既差不多全是中國人 >.< 香港旅行團都見到兩個...唔知 d 歐洲佬係咪覺得香港人係好有錢既呢 :p
|
 
|
|
12:00 pm
|
四小時既破冰之旅出發喇, 上船後先食 lunch, 有三文魚湯任飲, 麵包任食, 仲有咖啡或茶。
|
|
|
1:00 pm
|
一點鐘有個 tour 帶我地參觀隻船, 仲可以見到船長 tim。
|
 
|
|
2:00 pm
|
今次破冰之旅既重頭戲到喇, 破冰船駛到波的尼亞灣 (Gulf Bothnia) 中心結晒冰既區域停低左, 我地會著住一件好似龍蝦衫既野落水, 真係好神奇, 著住呢件龍蝦衫落水係一 d 都唔凍架喎... 玩完之後再走到結晒冰既海面上行...
|
|
|
4:00 pm
|
差唔多四點破冰船要回程喇, 我地仲係不停咁影影影, 到落船既時候每人都可以拎番張 cert, 證明你玩過呢個價值 250 EUR 既難忘之旅。
|
|
|
離開碼頭, 返回火車站, 要等六點半既火車返羅凡尼米, 仲有成二個幾鐘, 唯有係 Kemi 行下先。我地走到仲未開既 Snow Castle, 見到個 Castle 仲係興建中... 跟住去左 Supermarket 買肉丸今晚番小木屋煮飯仔...
|
|
|
|
6:34 pm
|
返回 Kemi 火車站, 搭火車回羅凡尼米...
|
8:15 pm
|
又係我大顯身手既時候, 今晚煮肉丸長通粉加忌廉 chicken 湯, 阿明仲話 d 長通粉比昨晚既好食左, 哈哈... 不過又係冇影相 >.<
食完野又等北極光, 昨晚出現過, 今晚等唔倒 lu...
|
12:00 am
|
睡覺。
|
~Day
6~
27/1/2012
(Friday) 晴
羅凡尼米 --> 聖誕老人村 (Santa Claus Village) --> 薩利色爾卡 (Saariselka)
7:30 am
|
起身煮早餐... 然後執好行理 check out 喇... 我地要將 d 行理放係木屋主人住果間屋度先, 晏 d 再番黎拎...
|
8:20 am
|
今日我地要去聖誕老人村 (Santa Claus Village) 探聖誕老公公, 木屋主人話要帶我地去巴士站...
|
9:10 am
|
Lapland 呢度既天氣真係唔講得笑, 好好好凍呀, 基本上企係室外十分鐘等車已經變雪條, 我地等八號巴士等到僵左 >.<
|
|
|
9:40 am
|
到左聖誕老人村喇, 其實呢度既開放時間係十點, 咁我地就周圍走影下相先...
|
|
|
跟住去左探聖誕老人, 咁岩前面有一個香港旅行團 (例牌又係搞好耐...), 搞到排左半個鐘。聖誕老人同我地講恭喜發財 (今日係年初五), 又祝我地身體健康... 同聖誕老人傾完計就可以同佢影相, 不過你唔可以用自已相機的, 想要番張相就要同佢買, 盛惠 25 EUR。
|
|
|
|
之後去左玩 reindeer safaris, 不過呢度個 farm 好細, 只係坐 400 m 架咋, 對於只係想玩下同影下相既我地就岩晒啦...
|
|
|
|
最後去埋 post office 寫 post card 寄番香港, 佢有兩個郵筒, 一個係即時幫你寄出, 一個就係下一個聖誕先會寄出, 咁我地就揀左 2012 年既聖誕去收呢張 post card 喇。臨走前買埋張 cert, 證明我地黎過位於北極圈內既聖誕老人村啦, 哈哈！
|
|
|
|
11:40 am
|
搭巴士回羅凡尼米市中心, 咁岩遇著 Lapland Rally 賽車, 不過唔係有比賽睇, 呢度只係 set 左個起點, d 跑車係度玩起步, 我諗都係搞下氣氛既姐。
|
 
|
|
1:00 pm
|
去到位於全球最北既麥當勞, 我地決定要係度食番個 lunch 作為留念。
|
|
|
2:15 pm
|
食完野其實都仲有少少時間, 但天氣太凍唔想行, 唯有早 d 番去拎行理。去到木屋主人屋企, 佢叫我地入去飲咖啡, 嘩...佢地真係好好人呀！同木屋主人夫婦傾左好耐, 傾到唔捨得走, 住民宿就有呢度好, 感覺好 warm, 又可以同當地人交流下... 最後木屋主人太太還送我地去巴士站, 初時佢仲好人到幫我地拎行理............到後來梗係覺得重啦 >.< 我地都好唔好意思呢...
|
|
|
3:20 pm
|
我地要搭巴士向 Lapland 更北既薩利色爾卡 (Saariselka) 進發, 呢程巴士需時三個半鐘, 每人四十幾歐, 好貴... 上巴士喇, 係呢度同木屋主人太太道別。
|
|
|
6:55 pm
|
到左俾旅遊雜誌煲到勁"痕"既
Hotel & Igloo Village Kakslauttanen, 皆因 Saariselka 位於北極圈內, 睇到北極光既機會好高, 呢度又有好特別既玻璃屋, 可以訓係度等北極光... 其實成個 Village 有 Small Log Cabin (木屋), Glass Igloo (玻璃屋) 同 Snow Igloo (冰屋), 我地 book 最平既 log cabin 都要 121 EUR/Night/Per Person, 又燒銀紙了。
|
|
|
一入去就見到個 reception, reception 姐姐話我地會住六號小木屋, 佢仲話太黑驚我地搵唔倒, 要帶我地去...
呢度既木屋真係好木, 好似好有童話 feel 咁... 但入到去其實並唔係想像中咁正, 個 open kitchen 同 bathroom 都有 d 舊, 仲要唔知係咪間屋木多, bathroom 仲要有蟻既 tim... 唉, 仲要係貴到好過去搶既價錢... 我地覺得羅凡尼米果間木屋正好多囉... 不過咁, 幫佢講番句好話, 係 Saariselka 呢度睇北極光, 住木屋就會方便 d 既, 因為住酒店的話, 當你見到有北極光出現時, 你都好難話即刻出倒去影...
|
|
|
|
7:30 pm
|
我地經過佢地個 website send email 直接 book 房既, 又要侷你俾錢食埋佢個 dinner, 咁咪食囉, 反正都要食飯架啦... 今晚有前菜沙律, 主菜飯同甜品, 味道一般...
|
|
|
8:30 pm
|
食完飯又要等極光, 等呀等, 都係唔見, 最後係度影星軌...等左三晚都只係睇到一晚北極光, 希望下次仲有機會遇見！
|
|
|
12:30 am
|
睡覺了。
|
~Day
7~
28/1/2012
(Saturday) 晴
薩利色爾卡 --> 拉普蘭伊瓦洛機場 --> 赫爾辛基萬塔機場 --> 赫爾辛基 (Helsinki)
9:00 am
|
今日可以訓到九點鐘, 正！
|
10:00 am
|
執好行理去 check out, 放行理係 luggage room, 然後去食早餐... 歐洲野食真係一個字形容晒 - "咸"... 之後飲幾多水都唔夠...
|
|
|
12:00 pm
|
搭巴士去 Saarriselka 呢個小鎮行下, 其實都冇咩野睇架。冬天黎呢度主要活動都係 join 下 d reindeer safaris, husky safaris, northern light tour 咁啦...
|
 |
|
1:45 pm
|
搭巴士回 Kakslauttanen, 大家記緊搭巴士前要睇定時間表, 唔係等車等到你變雪條。
去 Igloo Village 睇下 d Snow Igloo 同 Glass Igloo 先... 之前上網睇過 d 人既 comment, 話住 Snow Igloo 係貼錢買難受, 因為一路訓一路震, 哈哈！至於 Glass Igloo 就好少少, 起碼入面有洗手間... 不過住 Igloo 都係唔方便, 冇得沖涼地方又細...
|
|
|
3:45 pm
|
回 hotel 取行理, 搭巴士去機場喇...
|
|
|
5:00 pm
|
芬蘭最北既 Ivalo Airport, 同羅凡尼米機場一樣, 係一個好細既內陸機場, 由 check in, 保安檢查到候機室都唔駛十五分鐘...
|
|
|
6:00 pm
|
乘搭 AY470 航班到赫爾辛基, 成架機差不多是吉的, 座位任坐。
|
|
|
8:00 pm
|
又黎到赫爾辛基 (Helsinki) 喇, 搭番 615 號 local bus 到中央車站。
|
|
|
9:00 pm
|
好喇, 精彩既事情就係呢度發生。到左中央車站我地就拖住行理去我地預先 book 左既 hostel, 你知人生路不熟例牌又係要搵一輪先搵到間 hostel, 拖住行理又凍都咪話唔辛苦...終於俾我見到間酒店喇, 跟住佢個 confirmation slip 上既 password 入密碼, 唔得...最慘呢間 hostel 係冇 reception 既, d 旅客都係用 password 入房既姐...
我地係呢個時候都唔知點好, 此時有一個男人黎問我地做咩, 我地咪話佢知我地 book 左呢間酒店, 佢都好好心咁幫我地打電話去問架喇, 點知呢個男人應該唔係芬蘭人, 佢話同個職員唔係幾溝通到, 咁都冇辦法啦, 個男人叫我地搵其他人幫下手...
阿明唯有去餐廳搵人幫手, 點知餐廳職員唔采佢...
又係呢個時候, 又有個女人準備入呢間 hostel, 佢又問我地做咩, 我地又由頭到尾講一次啦, 佢又好好人咁幫我地打去 hostel 負責人度問, 點知酒店回覆係: 信用卡過唔倒錢, booking 未完成... 真係勁嬲, 不嬲都係經呢個網訂酒店, 俾信用卡只係驚你唔黎, 放飛機先過數架嘛, 一向冇話要俾錢先, 再講你過唔倒數係咪應該 send 個 email 黎通知一下... 酒店跟住又話係電腦問題, 搞錯左... 不過算, 呢個時候講乜都冇用, 咁我地話而家點先... 酒店居然話呢晚冇晒房... 真係吹佢唔賬！個芬蘭女人真係好好人, 佢提議我地去 Holiday Inn, 佢仲主動打電話去問價錢 tim... Holiday Inn 就實有位啦, 但係我地要住兩晚, 比 hostel 貴左成一千蚊港紙, 唉, 呢舖真係硬食左 >.< >.<
|
10:00 pm
|
拖住行理走到車站隔離既 Holiday Inn, 呢度正呀, 地點超方便, 一出門口就有機場巴士搭喇...房又正...又有免費 Sauna 俾住客用...
|
|
|
11:00 pm
|
沖完涼嘆埋個 Sauna 就訓覺。
|
~Day
8~
29/1/2012
(Sunday) 晴
赫爾辛基 --> 艾斯布蘭那地 (Esplanadi) --> 烏斯佩斯基大教堂 (Uspenskin katedraali) --> 塔林 (Tallinn) --> 舊城區 (Old Town) --> 赫爾辛基
8:15 am
|
一早起來, 又要準備開始今日精彩既行程。
|
 
|
|
9:10 am
|
今朝到酒店附近既麥記食早餐, 原來呢度既早餐唔係早晨全餐黎, 食既野係同下午既一樣...
|
|
|
9:55 am
|
今日我地會坐船去愛沙尼亞首都塔林 (Tallinn) 既, 去碼頭途中會經過很多赫爾辛基既景點...首先係艾斯布蘭那地 (Esplanadi)...
艾斯布蘭那地係赫爾辛基既活動中心黎架, 夏天時呢度會有好多活動同表演, 而家冬天就相對冷清左 d...
|
|
|
10:35 am
|
跟住走到烏斯佩斯基大教堂 (Uspenskin katedraali), 此教堂乃是一座東正教堂, 由俄國建築師設計的。
|
 
|
|
10:55 am
|
教堂附近就是維京號碼頭, 我地就係呢度搭船去塔林喇。今日係星期日, 芬蘭人都會搭船去塔林買野, 又或者係船上買免稅既酒, 所以呢架船好多人... check in 都排左好耐啊！
|
|
|
11:30 am
|
其實 plan 今日既行程有 d 頭痛, 因為我地得番今日可以去塔林 (聽日要搭飛機走啦), 如果搭維京號 (Viking Line), 時間又唔多好, 只能在塔林逗留二個半鐘 (玩咩？點行呀...), 如果搭詩麗雅 (Silja Line) 呢, 價錢會貴好多 >.< ... 最後我地諗左好耐, 又想去又想慳錢, 決定搭番 Viking Line。
呢架船冇之前搭去土庫果架咁大, 船上設施都少 d, 因為大家都只係搭兩個幾鐘, 唔駛成晚係架船度嘛, 不過亦都因為唔係過夜, 所以你唔會 book 間房, 只能自已搵位坐... 開船冇幾耐就見到明天會去既芬蘭堡...
|
|
|
2:00 pm
|
落左船就拿拿臨走去舊城區 (Old Town), 開始徒步之旅... 由碼頭行去舊城區大約十至十五分鐘, 去到就會見到好大既瑪格麗特堡壘 (Fat Margaret's Tower)...
|
|
|
2:35 pm
|
跟住見到聖歐拉夫教堂 (St. Olva's Church)...
|
|
|
2:55 pm
|
聖靈教堂 (Puhavaimu Kirik)...
|
|
|
3:10 pm
|
再走到市政廣場 (Town Hall Square) 同聖尼古拉教堂 (St. Nicholas Church)。
|
|
|
3:35 pm
|
涅夫斯基教堂 (Alexander Nevsky Cathedral)...
|
|
|
4:30 pm
|
行到好累, 仲要快步行番去碼頭, 上唔倒船又係大鑊...
今次搭船番 Helsinki 我地係船上食埋個 buffet 當 dinner, 又係一個字形容 - "咸" >.< 仲諗住黎到可以狂食挪威三文魚, 但係咸到唔想食, 其實 d 歐洲佬知唔知咩叫美食架？
|
|
|
7:00 pm
|
回到赫爾辛基, 回酒店途中又可以影下夜景...
|
烏斯佩斯基大教堂 (Uspenskin katedraali)
|
|
|
|
赫爾辛基大教堂 (Tuomiokirkko)
|
|
|
|
8:25 pm
|
回到酒店, 今晚要執行理, 睇埋相就訓覺！
|
~Day
9~
30/1/2012
(Monday) 晴
赫爾辛基 --> 赫爾辛基萬塔機場 --> 倫敦希斯路機場
7:00 am
|
今日係行程最後一天, 我地當然會把握時間, 去多 d 景點, 所以都要好早起身, check out 之後將行理寄存係酒店。
|
8:20 am
|
今日首先會去被列為世界文化遺產既芬蘭堡 (Suomenlinna), 碼頭就在市集廣場旁。
|
|
|
芬蘭堡是瑞典人於 1748 年建在六座小島上的防禦工事, 用於防禦俄國人的侵略, 現在則成為芬蘭著名的旅遊景點。進入芬蘭堡不用買飛, 但入面有博物館同遊客中心, 要買飛但十點先開, 如果想去埋就唔好咁早去喇。
|
|
|
|
10:20 am
|
搭船回赫爾辛基市中心, 繼續遊...
|
|
|
赫爾辛基大教堂 (Tuomiokirkko)
|
|
|
|
11:30 am
|
奧林匹克運動場 (Olympiastadion)
|
 
|
|
12:00 pm
|
岩石教堂 (Temppeliaukion kirkko)
|
|
|
12:40 pm
|
芬蘭大廈 (Finlandia-talo)
|
|
|
12:55 pm
|
國立博物館 (Suomen kansallismuseo)
|
|
|
1:15 pm
|
國會大廈 (Eduskuntatalo)
|
|
|
1:20 pm
|
當代藝術美術館 (Kiasma, Nykytaiteen museo)
|
|
|
1:35 pm
|
國家劇院 (Finnish National Theatre)
|
|
|
1:45 pm
|
郵政博物館 (Postimuseo)
|
|
|
1:50 pm
|
不知不覺間我地已經係室外行左成六個鐘, 勁... 係勁凍同勁累, 仲要 lunch 都未食... 返酒店拎行理, 順便抖抖！
|
|
|
2:10 pm
|
因為太累同酒店實在太方便, 門口就有機場巴士, 所以今次唔慳一於搭 Finnair City Bus...
|
|
|
2:45 pm
|
黎到機場拿拿臨 check in, 然後走去 Finnair Lounge 食野... 去過咁多 Lounge 呢個算係幾大又多野食既一個, 唔錯...
|
|
|
5:10 pm
|
芬蘭之旅真係要結束喇, 我地搭 BA799 航班離開赫爾辛基飛往倫敦 >.<
|
|
|
6: 20 pm
|
倫敦真係一個好繁忙既機場, 黎到呢度好似係鄉下走番去大城市咁, 好多人呢！我地行下 d 商店, 忍唔住手係度買左個好得意既 bear bear 熊同少少手信... 最後又去 Lounge 沖番個涼, 準備搭長途機回香港喇。
|
|
|
8:45 pm
|
今次搭 CX256 回香港, 上機冇牙刷派, 要問佢拎先有 >.<
|
|
~Day
10~
31/1/2012
(Tuesday) 晴
倫敦希斯路機場 --> 香港
第十日其實就是在搭飛機啦...
|
|
係飛機上睇下相, 食埋野就刷牙訓覺 lu...
|
|
訓左唔知幾耐就俾人嘈醒左, 又係食 "早餐" 既時候...
|
|
4:55 pm
|
終於都到左香港國際機場喇... 以為旅程完滿結束之際, 拎行理時發覺個 "" 爆左 >.< 咪走去 CX 個 counter 問問, 個 staff 一望就話: 嘩, 乜爆得咁勁？之後俾左 d 資料佢, 好快就賠左錢俾我, 呢 d service 咪要讚囉...
|
6:00 pm
|
搭巴士回家, 十天既北歐．芬蘭、斯德哥爾摩、塔林之旅正式完滿結束了 ^.^
|
沒有留言:
張貼留言