[2015 九州．紅葉] Day 5 唐戶市場超正海鮮大餐

2015年11月1日星期日

[2015 九州．紅葉] Day 5 唐戶市場超正海鮮大餐

~Day 5~

1/11/2015 (Sunday) 晴

小倉 --> 門司港 --> 唐戶市場 --> 福岡空港 --> 香港

8:15 am

房間內望到的小倉市景色...

到酒店吃早餐...

9:45 am
食完早餐就要出發, 展開最後一天的行程了。

10:15 am
到了門司港, 為的是感受一下呢度既懷舊氣息, 又想去下關既唐戶市場嘆海鮮大餐。門司港曾為繁榮的對外港口, 到處都是西式建築。到了門司港, 真有一種回到過去的感覺。

先去參觀九州鐵道記念館... 九州鐵道記念館以鐵道為主題, 利用舊九州鐵道本社的建築物建立而成。在記念館內, 除展出了實物車卡及鐵路等有關資料, 也有模擬駕駛、模型列車等等。

11:30 am
走到港口碼頭搭關門連絡船到下關...

11:40 am
與門司港只有一海之隔,位於山口縣的唐戶市場, 是一個小漁港, 而且有「河豚天堂」的美譽, 原因是這裡一帶盛產河豚, 因此市場內不乏各種售賣河豚刺身和河豚相關食物的小店。唐戶市場平日是個只售賣漁民當日漁獲的普通漁市場, 到週五至週日及公眾假期, 唐戶市場就會舉行「活きいき馬関街　飲食イベント」, 市場1樓就會化身成海鮮屋台街, 售賣大量新鮮壽司、刺身、海鮮丼等。由於價格親民, 部份壽司不用100円就能買到一件, 性價比甚高, 因此市場總是人山人海。

真係好鬼平...

市場內真係多人到爆, 搵唔倒位坐, 最後走出海邊開餐...

實在好好食呀, 又新鮮又平, 尤其係果隻超巨大既炸蝦, 我地決定要 encore, 又走入唐戶市場再買過... :p

12:40 pm
買完就去搭船, 返回門司港...

在船上食左隻大蝦 (真係大到有點跨張), 此時已飽到想嘔, 壽司要留番晏啲再食 @@@...

12:50 pm
落船後就見到「BLUE WING門司」（ブルーウィングもじ）... 全日本最大型的行人專用索道橋, 橋身可打開和關閉, 每天在動人的音樂的伴隨之下開啟6次, 供人觀賞。

好舒服既門司港海峽廣場...

慢慢走回停車場取車...

2:30 pm
離開門司港, 意味著五天既九州之旅即將要結束喇, 直接駕車駛向空港附近的租車公司還車... 係途中遇到了一段小插曲, 大家都知日本啲車速好慢, 日本人亦好守規矩, 好少會超速的... 係駛向機場既高速公路上, 可能我又不自覺地發揮左香港人既渣車精神, 係快線以"高左少少"既車速行駛左一段距離...

突然間, 望一望倒後鏡, 咦, 後面架車閃下閃下既... OMG, 傳說中既隱形戰車... 即刻減速駛回中線... 但已太遲, 那架隱形戰車示意叫我停埋一面... 好啦, 唯有照做... 停車後, 車上走來一個人, 那當然是警察啦... 佢叫我拎個車牌出黎, 咁我咪拎個國際車牌俾佢睇囉... 佢應該是想抄我牌的, 但見到我係遊客, 仲聽到我話: Sorry, I am going to the airport (去機場大哂呀 :p)... 咁佢就有點不知所措喇, 哈哈... 個警察好搞笑, 係咁話: speed... slow... slow... 咁我表示明白, 之後佢就俾我走喇... 其實都算好彩, 有時日本人呢, 做事好講求原則的, 今次可能言語不通, 又或者呢個警察好人, 就俾次機會我囉, 我下次會遵守交通規則架喇！

4:00 pm
準時還車, 租車公司在福岡空港的附近, 還車後職員駕車送我們到機場。

4:15 pm
到達機場, 辦理 check in 手續。