[2015 九州．紅葉] Day 4 大分人氣溫泉．由布院 x 別府地獄

2015年10月31日星期六

[2015 九州．紅葉] Day 4 大分人氣溫泉．由布院 x 別府地獄

~Day 4~

31/10/2015 (Saturday) 晴

由布院溫泉 --> 湯の坪街道 --> 別府地獄 --> 小倉 --> サンスカイホテル小倉

8:30 am

呢間溫泉酒店既早餐幾特別, 係半自助形式, 客人可以隨意享用一些前菜如野菜、玉子蛋卷同咖啡茶, 另加一個燒魚 set...

食完早餐之後, 阿妹話今晚冇得再住溫泉酒店, 所以要去浸多次溫泉, 哈哈...

10:30 am
check out 後, 開始閒逛由布院溫泉街 "湯の坪街道"...

湯の坪街道位於由布院溫泉鄉的中心地段, 街道以傳統舊式商店為招徠, 好有日式風味, 為購買手信的熱門地點。加上正值紅葉期, 街道不止坐擁山景, 街道旁邊還有好多楓樹, 係九州一個人氣極高既溫泉區。我地由酒店開始, 先去街道末端既金麟湖...

芝士控見到芝士餅, 結果就係... 肥...

11:00 am
金鱗湖是位於由布院溫泉旁的一個小湖, 面積0.8公頃, 週長約400公尺。湖的西邊湧出溫泉而東邊湧出的卻是清水, 形成了溫冷各站一半的湖, 是個不可思議的湖。溫泉和清水的溫度差使得湖面上發生濃霧因而產生晨霧彌漫的夢幻般景色, 是代表湯布院的景色之一。

繼續行溫泉街...

超級推薦這間 "チーズ工房湯布院" 賣既芝士蛋糕, 買左番香港做手信, 人人都話好食呀...

見到咁多人排我又試...

1:30 pm
行左成朝, 最後黎到呢間由布院超人氣既蛋糕店 "B-Speak"... 其實話係蛋糕店, 應該叫做蛋卷店比較貼切, 因為佢只係賣蛋卷...

黎到佈滿遊客既 B-Speak, 要排隊就唔駛特別講架啦, 仲要係得番一種蛋卷, 要就要, 再諗就冇埋 tim... 真係有啲誇張, 究竟有幾好食？我地又買左一盒當午餐...

包裝都咁鬼靚...

由於蛋糕店冇位置俾遊客係度食蛋卷, 所以我地打算返回酒店享用呢個人人都讚好既 B-Speak 蛋卷啦... 由於已經 check out 左, 返到酒店既庭園見到有個職員係度打掃, 咁我想同佢講, 我地係度食完個蛋卷就會走架喇, 真係唔好意思之類啦, 可能我既日文又唔係咁好, 個職員應該唔知我講乜, 但佢見到我地係度食蛋卷, 就竟然走去拎啲餐具俾我地... oh... 日本人實在太好喇...

個蛋卷好味, 但係咪非吃不可, 我又覺得唔係喎...

2:30 pm
離開由布院向別府進發...

3:10 pm
一提到別府, 除左溫泉之外, 最為人熟悉既景點一定係別府地獄喇。別府地獄總共有七個咁多,分別為海地獄、鬼石坊主地獄、かまど地獄、鬼山地獄、白池地獄、血の池地獄和龍卷地獄, 合稱別府地獄組合。每個地獄溫泉由於泉質成分不同, 分別呈現出藍、紅、白色等各種顏色,造就出恐怖卻又不可思議的景致, 仿佛親眼造訪真正的地獄一般。

由於呢七個地獄係分佈係不同地方, 交通有點不便, 幸好我地係自駕, 但又因為時間不足, 所以最後七個當中, 只夠時間去其中的五個。

我地先黎到鬼石坊主地獄既受付處, 買左七個地獄既共通遊覽卷, 每人2100yen, 順便係度醫下個肚, 試試呢度既特色蒸し寿司...

3:30 pm
由於唔夠時間, 係呢個時候就要作出決擇, 萬一去唔哂七個地獄, 咁去邊幾個先呢？國指定名勝既一定要去, 最後擬定左參觀次序﹕鬼石坊主地獄 -> 海地獄 (國指定名勝) -> 白池地獄 (國指定名勝)-> 血の池地獄 (國指定名勝) -> 龍卷地獄 (國指定名勝) -> かまど地獄 -> 鬼山地獄。

第一個地獄﹕鬼石坊主地獄。