[2015 九州．紅葉] Day 2 日本三大名城．熊本城

~Day 2~

29/10/2015 (Thursday) 晴

福岡 --> 熊本城 --> 上通町．下通町 --> 南阿蘇溫泉．白水温泉竹の倉山荘

8:00 am

今日開始自駕遊, 由福岡縣駛進熊本縣, 由於酒店冇包早餐, 時間又尚早, 索性 check out 後直接去租車先...

8:20 am
從酒店走了大約15-20分鐘, 終於見到租車公司 タイムズカーレンタル (Times Car Rental)...

8:50 am
辦理好租車手續之後就出發喇... 第一個目的地係熊本縣既熊本城...

10:00 am
渣左大約一個鐘車, 經過道之駅就小休一下, 順便係呢度買早餐食, 不過冇影相...

天氣勁好呀...

12:00 pm
同屋企人去旅行真係要預鬆啲時間, 去到熊本城已經是中午十二點 >.<

泊好車就買飛入城喇, 每人 500 yen...

熊本城位於日本熊本縣熊本市中央區, 又稱銀杏城, 為日本三大名城之一。

準備登上天守閣...

天守閣可欣賞熊本市既景色...

1:50 pm
走到熊本城旁既 "桜の馬場城彩苑"...

內有一條桜の小路, 有美食又有手信店...

阿妹食完呢杯雪糕之後, 不斷話: 日本啲雪糕真係好好食...

2:30 pm
行到二點幾, 要食 lunch 喇... 由於時間不多, 今晚就會離開熊本, 得一個午餐既 quota, 要食最出名最美味既... 我地放棄左熊本拉麵, 黎左呢間人氣餐廳 "勝烈亭" 食豬扒飯。雖然黎到時已過左 lunch time, 但竟然都要等位... 在日本吃飯, 連日本人都排隊的, 一定係好野黎架...

勝烈亭 新市街本店
地址﹕〒860-0803 熊本市中央区新市街8-18
電話﹕096-322-8771
營業時間﹕11:30-22:00

網址﹕http://hayashi-sangyo.jp/shop/shop-1

我地三個人點左兩個餐, 一個豬, 另一個係豬同吉列蝦雙併... 大家要留意, 係日本食飯普遍係每一需要點一個餐的, 但我地見份量頗大, 點餐前問左店員可唔可以點兩個餐三個人 share 食, 店員話冇問題, 實在太好了...

繼昨天既季樂佐賀牛之後, 呢餐既豬扒飯又係勁正...

3:40 pm
食到好飽, 係時候要散下步... 走到熊本城邊既商店街 "上通町．下通町"。呢條西日本規模最大既商店街, 全長超過1公里, 內有百貨公司、電器專賣店、藥妝店、服飾店, 餐廳同酒吧。

這間蜂樂饅頭是九州名物, 在福岡、熊本、宮崎同鹿児島縣都有很多分店, 而位於上通町既呢間分店, 已開業了６０多年。這裡賣的食物很簡單，就是蜂楽饅頭一種，口味也只有紅豆與綠豆兩款, 每個 100yen。屋企人冇興趣試, 我自已試左個紅豆, 都不錯的。

慢慢走回熊本城既停車場取車, 然後向南阿蘇溫泉進發...

7:00 pm
到左今晚入住既溫泉酒店 "白水温泉竹の倉山荘"...

一黎到酒店, reception 個日本女士隨即歡迎我地, 仲係咁話驚我地有咩事, 等極都唔見我地咁話... 計我話, 佢想話我地遲就真, 哈哈... 其實我地黎到只是七點, 都唔係話好夜, 但對於入住日本既溫泉酒店黎講, 我地算遲架喇, 唔係等我地佢應該收左工準備訓覺 :p... 雖然係咁, 但呢位女士仍然好熱情咁為我地介紹酒店既各項設施 (阿媽同細妹當然係唔知佢 up 乜...), 仲親自帶我去浸溫泉既地方...

之後回房間放低行理就去食飯喇...

8:00 pm
在獨立房間內享用溫泉晚餐... 超勁多野食, 第一次嘆溫泉晚餐既屋企人話多到有啲誇張...

9:15 pm
食飽飽之後就梗係去浸溫泉啦... 今次訂的是露天風呂付き特別室, 即係房間內都有得浸, 超正！不過最激死人既係, 阿媽話唔浸, 我話乜咁哂銀紙呀... >.<

今天的戰利品...