~日本．九州 (福岡、熊本、大分)．紅葉溫泉五天自駕遊~
日期: 28/10/2015 - 1/11/2015
話說上年聖誕同屋企人去完新加坡之後, 大家對我呢個領隊兼導遊非常滿意, 咁我又計劃一下同屋企人既第二次外遊啦。由於本人工作十分忙碌, 有假期都要去探索世界, 所以同屋企人既旅行, 我都唔想哂左啲 quota, 想盡量去啲我未去過既地方, 哈哈... 思前想後, 決定十月尾黎個北九州紅葉溫泉自駕遊。今次已是第十三次日本遊, 就是未去過九州同沖繩, 加上呢段時間有我最愛既紅葉睇, 真係 fit 到爆呀！
由於同屋企人同行, 行程唔敢去得太盡, 只想屋企人可以睇到大自然靚景、享受日本美食、浸下溫泉, 好好咁享受呢個自駕遊！整個行程, 由福岡縣開始, 行下福岡天神地下街, 去 outlet shopping 同參觀下中洲川端既地道屋台。感受完福岡城市既活力之後就開始自駕遊, 探索一下九州大自然既美景。首先駛進熊本縣既熊本城同阿蘇火山, 再向大分縣既九重"夢"大吊橋、由布院同別府地獄進發, 當中在南阿蘇、由布院住了兩晚溫泉酒店。最後駛回福岡縣既門司港同順道去埋只有一海之隔既唐戶市場嘆美味海鮮。
整個九州之旅, 唔止屋企人, 就連我自己都玩得非常開心, 皆因靚景、溫泉、美食樣樣有齊, 我仲愛上左九州呢個地方 tim, like x 100 呀！本身我都鍾意睇靚景, 九州呢個地方絕對滿足到鍾意大自然既你... 熊本城、阿蘇既景色正, 九重夢大吊橋同由布院既紅葉更加令人興奮... 除左靚景, 阿蘇同由布院既溫泉亦係值得一讚... 至於美食, 可能唔及大阪選擇多, 但福岡既一蘭、季樂佐賀牛、熊本勝烈亭豬扒飯同唐戶市場既壽司刺身大餐, 就連屋企人食完都讚不絕口！當然啦, 有我 plan 行程同做導遊喎, 梗係正！其實我能做到的, 我都會盡量做, 唯一比較辛苦的, 就是整個旅程得我一個人渣車, 渣足四日, 有時都幾攰架, 所以行程上編排得鬆動啲係無錯既！
在較大的地圖上查看2015 日本．九州紅葉溫泉自駕遊6天
事前準備
準備
|
備註
|
申請日本旅遊簽証
|
免簽証
|
購買機票
|
購買香港快運航空 (HK Express) 香港至福岡來回機票三張
|
購買旅遊保險
|
於美亞保險香港有限公司購買旅遊保險
|
訂酒店、車
|
於網上預約
|
國際駕駛執照
|
向運輸署申請國際車牌
|
換日元
|
於匯豐銀行換購
|
行程表
住宿
|
||
Day 1
|
香港 --> 福岡空港 --> (福岡縣) 天神 --> 中洲川端 --> 福岡
|
|
Day 2
|
福岡 --> (熊本縣) 熊本城 --> 上通町．下通町 --> 南阿蘇溫泉
|
|
Day 3
|
南阿蘇溫泉 --> 草千里 (阿蘇火山) --> (大分縣) 九重"夢"大吊橋 --> 由布院溫泉
|
|
Day 4
|
由布院溫泉 --> 湯の坪街道 --> 別府地獄 --> (福岡縣) 小倉
|
|
Day 5
|
小倉 --> 門司港 --> (山口縣) 唐戶市場 --> 福岡空港 --> 香港
|
整個旅程所需費用 (一人計)
呢期日元超抵呀, 請屋企人去日本就岩哂喇, HK$6.4 : JPY$100...
機票、酒店、交通
|
約 $6700
|
食
|
約 $1000
|
手信
|
約 $1000
|
娛樂
|
約 $200
|
其他
|
約 $100
|
總計
|
約 $9000
|
沒有留言:
張貼留言