[2015 新加坡．馬拉松] Day 2 環球影城

2015年12月5日星期六

[2015 新加坡．馬拉松] Day 2 環球影城

~Day 2~
5/12/2015 (Saturday) 雨

酒店 --> 環球影城 (Universal Studios) --> 魚尾獅公園 (Merlion Park) --> 老巴殺 (Lau Pa Sat) --> M Hotel Singapore

9:30 am

今日會去環球影城, 由酒店出發，先搭 MRT 去 Harbour Front Station，再轉搭 Sentosa Express。

10:15 am
到左 Harbour Front 先到 Food Court 食早餐，今次試下馬拉野先... 其實都係車仔麵咁姐...

10:40 am
食完早餐就去搭 Sentosa Express 喇... Sentosa 係新加坡既一個島嶼，原是一個小小既漁村，及後得到政府致力發展，係島上興建了七間酒店及聖淘沙名勝世界同環球影城兩個主題公園，至今成為一個極受歡迎既渡假勝地，

11:00 am
到左今日既主角 Universal Studios 喇，雖然上年已經黎過，不過今年多左 Minions 既阿 Bob, Kevin 同 Stuart 陪我地一齊玩呀，嘻嘻！

必玩既 Transformers... 不過朋友話太激...-_-

再去主題區域 Ancient Egypt 玩 Mummy... 一個唔駛排隊必會 encore 既 game... 朋友玩完又嘈：乜咁快架？乜原來係過山車黎架？-_-

進入 Lost World 侏羅紀世界 Jurassic Park...

經過未來水世界 WaterWorld... 見時間都唔早，Lunch 又未食，諗住去食左野先番黎睇... 點知...

2:30 pm
走番出去馬來西亞美食街搵食，話明馬來西亞，呢度梗係食馬拉野啦... 我叫左個椰漿飯，朋友叫左個薄餅，另加一碟菜... 睇相都知好食啦，啲醬多到唔駛錢咁 :p

好喇，食飽飽就諗住番去睇 WaterWorld，點知呢個時候落起雨上黎... 我好記得上年黎到環球影城，又係落大雨既，仲要係度買左三件雨褸，濕住身咁睇 WaterWorld... 估唔到今年又落雨，不過今次仲衰，落到連 show 都取消埋，朋友你真係唔好彩...

雨越落越大，乜都唔駛玩，最後決定買雨褸早啲走...

5:00 pm
離開 Universal Studios，走到 Sentosa 既 Casino 避下雨，順便玩左一陣咁啦 :p
新加坡生活指數高，酒店貴，食野貴，就連買舖大細都貴過人... >.<

7:00 pm
係 Casino 逗留左兩個鐘，都係時候走喇，唔係我驚連今晚晚餐都冇得食，哈哈！
搭的士去魚美獅公園 (Merlion Park)...

對面既濱海灣金沙娛樂城 (Marina Bay Sands)...

我都話左我朋友唔好彩架啦，繼因為落雨冇得睇 WaterWorld 之外，就連呢個必影既地標：魚美獅都維修緊，唔識噴水... @@@

8:00 pm
踏足過呢個新加坡地標之後，再帶朋友去老巴殺 (Lau Pa Sat) 食沙嗲。又回憶起上年同屋企人由魚美獅想走到老巴殺結果失敗，最後要搭的士過去... 不過今次又唔係同屋企人同行，兩個年青人（自認...) 行錯路都唔怕啦，一於提議走路去... （注意：我係冇同朋友講之前搵路失敗的，哈！）由魚美獅向住老巴殺方向一直走，好奇怪，行到啲分叉路又真係唔知點行... 最後問下啲當地人，記住係當地人，唔係應該都幫唔倒你，終於成功黎到喇！