[2016 中部北陸．名古屋馬拉松] Day 2 半馬 PB @ 名古屋城市馬拉松 2016

~Day 2~

13/3/2016 (Sunday) 晴

名古屋 --> 名古屋城市馬拉松 2016 (Nagoya City Marathon 2016) --> (歧阜縣) 下呂溫泉鄉．湯之島館

7:00 am

到酒店餐廳吃早餐, 然後 check out 同寄存行理...

7:30 am
出發往會場, 起點就在昨天 Expo 的名古屋ドーム。

8:00 am
由栄搭地鐵名城線到名古屋巨蛋前矢田駅, 到站後跟著人潮走到名古屋ドーム。

其實今日主要既賽事係名古屋女子馬拉松, 我報唔倒名唯有跑個半馬啦... 全馬先起步, 半馬就 10:20 am 先開始... 黎到起點見到參加全馬既女跑手已在起跑線等出發喇... 場面好壯觀呀...

到了會場就去換衫同寄行理喇... 寄行理後走到起跑區, 由於女子全馬仲未出發, 所以我地只能在起跑區外等候, 順便就做熱身同影下相咁啦...

9:40 am
待全馬出發後, 我地都可以去番自已既起跑區等出發喇...

名古屋城市馬拉松2016由名古屋市、名古屋市教育委員會、名古屋市教育體育協會、中日新聞社主辦, 愛知縣、愛知縣教育委員會協辦, 設有半程馬拉松同四分馬拉松即大約10.5km 兩個項目。半馬比賽時限為 3 小時, 參賽者費用為 8,000 yen (海外)。

半馬拉松以名古屋ドーム為起點, 至白川公園 (Shirakawa Park) 為終點。

10:20 am
起跑喇... 我被安排到 U 既起跑組別, 我想這個半馬參賽者不算太多, 由 10:20 am 鳴槍起計, 只花了 8 分鐘就走到起跑線...

12:30 pm
試過新加坡超熱超濕同台北凍到僵既半馬之後, 係正常天氣下, 終於叫做發揮番少少功架出黎, 真係少少架咋, 全程係咁跑, 仲要係冇停過水站, 最後以時間 2:06 完成左我既第四個半馬, PB 了囉, 好開心！

1:30 pm
由於我比朋友先到終點, 我先去拎行理同換衫... 同朋友匯合之後就走路回酒店, 我地行行下先發覺原來呢個半馬係冇完賽獎牌, 點解報名時冇留意, 真失策... >.<

2:10 pm
由終點既白川公園走到栄駅大約需時20分鐘, 途經三越超市順道買個便當午餐...

2:20 pm
回到酒店係 reception 偷食午餐, 要偷食係因為人地寫到明不准飲食囉, 哈... 偷食完, 休息夠就拎埋行理離開酒店... 名古屋半馬拉松到此完滿結束, 中部北陸既自駕遊行程就正式展開喇！

3:00 pm
走到酒店附近的 Toyota 租車公司, 辦理好租車手續之後就出發喇... 第一個目的地係今晚將會入住既下呂溫泉...

6:15 pm
渣左大約三個鐘車, 終於到左日本三大名泉之一﹕歧阜縣既下呂溫泉鄉... 在江戶時代, 儒學家林羅山將下呂、有馬與草津溫泉並稱為「天下三大名泉」, 呢三大溫泉, 我都去過喇, 嘩哈哈。記得之前黎下呂既時候為左慳錢, 只係住一啲比較經濟既酒店, 今次黎話明要嘆世界, 咁梗係要食好住好架啦... 下呂溫泉鄉最有名既溫泉酒店有兩間, 分別係湯之島館同水明館... 其實兩間都好吸引, 水明館比較新, 而湯之島館則比較日式, 裝修較有傳統日式風呂味道, 所以我揀左湯之島館...

十足十江戶時代既大宅咁...

好大既房間...

7:00 pm
嘆世界第一食...

8:45 pm
嘆世界第一浸... 食完大餐就梗係要浸番個日本三大名泉啦...

10:00 pm
由於今日跑完個半馬, 再渣左幾個鐘車黎到下呂, 大家都好攰喇, 浸完溫泉就訓覺了。