[2016 中部北陸．名古屋馬拉松] Day 4 金沢 x 越前．季節限定越前蟹宴

~Day 4~

15/3/2016 (Thursday) 晴

奥飛騨溫泉 --> (石川縣) 金沢 --> 近江町市場 --> (福井縣) 東尋坊 --> 越前海岸國定公園．料理旅館 平成

7:30 am

望住個深山雪景嘆早餐...

呢個亦係高山名物 - 朴葉味僧...

9:00 am
check out 後, 發覺我地架車變成咁 >.<...

正諗緊點樣鏟雪時, 有個伯伯走過來幫忙...

走喇, 新穗高我一定會再來架... 向石川縣進發...

離開群山環繞既奥飛騨溫泉同高山地區, 天氣又開始好起來...

11:50 am
到了金沢市, 泊好車後就殺去近江町市場。金沢市為石川縣的縣廳所在地, 屬中核市, 是北陸地方中次於新潟市的第二大城市。金沢亦係日本一個主要的旅遊景點, 是小京都之一, 日本三大名園之一既兼六園就是位於金沢。之前我已去過兼六園睇櫻花, 今次時間有限, 只帶朋友去近江町市場食海鮮啦。

人間極品... 朋友激讚啲魚生...

2:00 pm
為左美食真係可以去到咁盡, 快閃地逗留石川縣兩個鐘, 又要離開向福井縣進發 :p...

3:50 pm
今次唔係為左食喇, 黎福井縣既人氣景點東尋坊欣賞下大自然既景色先... 

泊好車後, 要先經過一段手信商店街...

近海當然就係食海鮮啦...

我又食番串...

雪糕都咁多種味...

東尋坊是一個地理景觀獨特的海崖,位於日本福井縣坂井市三國町安島, 屬於越前加賀海岸國定公園的一部份。此處的地質主要為安山岩，受經年累月的海蝕作用而形成懸崖峭壁。走到崖邊, 超大風...

完全沒有築建圍欄的「屏風岩」...

4:45 pm
好凍好凍, 要走人喇...

6:00 pm
今晚入住越前海岸國定公園旁既平成溫泉旅館。泊好車後, 未入酒店 check in 已被呢個海景吸引住了...

今晚係旅程既最後一晚了, 理應要住近一點名古屋, 方便明天往機場... 我地由東尋坊過來越前呢度作為今晚既住宿地, 唯一目的就係要品嚐季節限定既越前蟹。亦都唔知係咪因為正值越前蟹解禁期, 呢度既住宿都比較緊張, 一些心儀既酒店都冇哂房, 一係就超勁貴, 最後就選了這間平成...

等食飯時整理一下今天的戰利品...

6:30 pm

日本中部北面的沿海地區如富山、石川、福井、京都、兵庫、鳥取等地捕獲的長腳蟹，都跟北海道的松葉蟹一樣同屬楚蟹，但當中只有福井越前和丹後間人的出品被視為極品。由明治時代起福井越前蟹已是獻給天皇的貢品蟹，日本人以「蟹の王樣」形容，而京都丹後間人蟹也被冠以「幻の蟹」的美號。越前蟹其實係松葉蟹嘅一種, 雄蟹腳長肉厚, 雌蟹膏卵豐滿, 而由於福井縣對開嘅日本海域海底積聚大量食物, 而近岸位置已夠深度讓蟹栖息, 從越前港開船兩小時出海就可捕捉新鮮肥蟹, 所以蟹味最爲鮮甜美味！每年11月6日就係松葉蟹解禁日, 漁民淩晨12時落網開始捕蟹, 直到下年嘅3月下旬左右我地呢個時候黎就正正可以食到平靚正既越前蟹, 所以點都要黎呢度留宿一宵啦！

嘆世界之第三食... 溫泉旅館既越前蟹宴開始喇...

蟹刺身...

點拆好呢...

燒蟹肉...

食到好飽, 最後仲有個蟹粥冇影...

8:30 pm
嘆世界之第三浸, 之後就休息了。