2016 April 台北．地道美食 3 天遊

~台北．地道美食 3 天遊~

日期: 30/4/2016 - 2/5/2016

香港人去台北冇咩特別, 話係美食之旅亦唔出奇, 但點解要特別註明係地道美食之旅？因為我有個中學同學兼好朋友, 佢去左台灣做野, 仲係果面結埋婚生左個好可愛既小朋友... 咁我見難得多左一日假期, 就打算過去探佢喇...

呢個好朋友真係唔話得, 除左招呼我係佢屋企住之外, 仲成家人陪足我2日, 佢老公 Alex 做埋司機車我去睇靚風景同帶我去食啲港人唔多識搵既美食, 真係超正又非一般旅遊書搵到架... 其實呢個朋友阿雨自中四開始認識, 但中五會考後大家又去左不同學校升讀中六, 佢之後仲去埋美國讀大學 tim... 咁多年冇見但仍有保持聯絡其實係好難得既, 而家仲要帶我周圍去玩, 真係好多謝你呀... 總好過那些每日在你身邊卻不懂珍惜你的人好得多...

~Day 1~

30/4/2016 (Saturday) 香港 --- 晴, 台北 --- 晴

香港 --> 桃園國際機場 --> 新北市 --> 三峽大同橋甕仔雞 --> 三峽老街 --> 朋友家

9:00 am
坐國泰航空 CX 530 飛往台北...

10:30 am
到達台北, 公眾假期關係, 入境超多(港)人...

12:00 pm
由於朋友住在新北市, 位置就在機場同台北車站之間的, 朋友叫我直接坐的士到她的家, 咁樣比較方便...

12:25 pm
到左朋友家, 嘩, 間屋超級大呀, 比香港的所謂豪宅大得多, 價錢仲係好平...

1:30 pm
太耐冇見, 同朋友傾左成個鐘, 係時候要去食 lunch... 朋友話要去食甕仔雞, 說相當好吃, 仲話要預先打電話去預留, 唔係 walk in 可能會冇得食架...

[三峽大同橋甕仔雞]
地址﹕237台灣新北市三峽區中正路二段22號
電話﹕+886 922 495 339

古法炮製既甕仔雞...

除左必吃既甕仔雞, 朋友另外叫了很多好好味既小菜... 隻甕仔雞烤到皮脆肉嫩, 真係超級好吃呀, 唔係朋友帶真係唔識黎食呀, 超級推薦！

3:15 pm
吃到好飽, 之後去逛新北市既三峽老街...  以往去台北真係只識去西門町, 原來新北市都有個好懷舊好有特色既三峽老街...

三峽老街的建築風韻猶存, 不僅為台灣北部最長的老街之一, 更為台灣少數完整且具歷史價值之傳統街區。老街上的商家匾額大多刻著堂號、店號或姓氏, 風味十足。每棟街屋建築上都有著不同造型之「山牆」樓面, 山牆上的每一個美麗圖騰都記載著當年的繁華榮景。即便後來曾因為建築老舊及人口外移等問題而逐漸凋零, 在拆與保留之間幾番拉扯之後, 終在政府與地方熱心人士的推波助瀾之下, 將這條曾經面臨拆除命運的老街完整保存下原有風貌, 讓民國96年初正式整建完成啟用的三峽民權老街, 成為全國172條老街中, 最長、且保存最完整的歷史街區。鳶山山腳下的三峽, 原名三角湧街的民權街, 不但是三峽早期的市集中心, 也同樣是現在新北市三峽區在地居民心裡的重心。你不僅可以在老街上同時發現新奇與復古的玩意, 若再仔細用心, 隨處可見令人眼花撩亂的早期文物, 更可欣賞古典英式建築與日風雅舍。老街上佇立許多古色古香老房樓, 外觀細緻雕刻, 充滿古早味, 觸動視覺與勾勒出思舊情懷。整體街道融合異國風味與他鄉情調, 是外地遊客不容錯過的景點。(撰自新北市觀光旅遊網)

4:15 pm
台灣夢之翼 Cafe... 行到攰攰地坐低飲杯野, 台灣的 Cafe 真的很文青啊...

6:00 pm
返回朋友家... lunch 食左地道美食甕仔雞, dinner 朋友話要食台灣另一名物滷味... 朋友說佢家附近有一間很出名很好吃, Alex 負責去買外賣, 我同阿雨在家一路傾計一路等外賣 :p...

8:20 pm
真係唔好意思呀, 麻煩 Alex 要去買外賣, 我地開餐喇...

平時我唔係特別鍾意食滷味, 但眼前既呢啲, 我食左超級多 @@@...

[林鴻鈞滷味專賣店]
地址﹕239台灣新北市鶯歌區建國路113號
電話﹕+886 928 282 290

~Day 2~

1/5/2016 (Sunday) 台北 --- 晴

新北市 --> 北海岸 --> 富基漁港 --> 老梅綠石槽 --> 朱銘美術館 --> 西門町 --> 清香沙茶火鍋 --> 朋友家

10:40 am
琴晚個晚餐太豐富, 今朝好似仲飽飽地咁, 早餐都唔駛食, 直接出發往北海岸...

12:15 pm
Alex 負責開車, 大約個半鐘到左北海岸國家風景區... 由於北海岸一帶交通不便, 以往去過既景點包括捷運可到既淡水、較出名既野柳地質公園、陽明山國家公園同基隆等... 今次多謝 Alex 開車可以黎到最北端既北海岸國家風景區...

12:40 pm
黎到海岸邊, 唔駛多講 lunch 梗係要食海鮮啦... 走到盛產花蟹既富基漁港...

富基漁港原本只是一處北海岸小漁港, 後來因為盛產蟹類海鮮, 才逐漸打開知名度, 再加上距離台北的車程不遠, 許多民眾利用假日前往購買, 於是變成一個熱鬧的漁獲集散地。漁港等級為第二類漁港。(維基百科)

呢度就好似流浮山咁, 遊客可以親自挑選新鮮、肥美的海鮮, 店家都貼心提供代客烹煮的服務, 絕對可以滿足挑剔的味蕾。

喂喂喂, 呢餐真的不得了...

2:00 pm
又食到好飽, 又要郁動一下... 去看季節限定的「老梅綠石槽」...

「老梅綠石槽」位於新北市的石門區內, 靠近全台灣最北端的富貴角, 沿著老梅社區的海岸線上即可看見。每到四、五月因為東北季風慢慢減弱, 當地的石槽 (地理學名為﹕潮溝與海蝕溝) 便會長滿一大片綠色的海藻, 壯闊而參差排列的綠石槽景觀綠意盎然, 成為令人驚呼連連的美景, 更是許多新人、專業攝影師捕捉精彩照片的新景點, 趁著夕陽西下, 藍色的海、橘色的天空與翠綠色的石槽相互呼應的景色讓人流連忘返, 而隨著六、七月陽光曝曬, 藻類便會死亡, 而這短暫的美景也會消失。

3:30 pm
朱銘美術館...

朱銘美術館由藝術家朱銘於1999年9月19日正式成立, 是台灣最大的戶外美術館, 座落在新北市金山區西勢湖2號。原址本是朱銘用來放置大型雕塑作品之地, 而後作品漸多, 朱銘乃萌生創建美術館的念頭。整座美術館的設計、建造共耗費12年。為大台北地區重要的美術館之一。(維基百科)

5:00 pm
行完美術館大家都好攰, 坐低休息下...

5:30 pm
開車回台北...

7:30 pm
最後都要去遊客必到既西門町, 因為我要買手信 :p...

8:00 pm
繼大同橋甕仔雞、林鴻鈞滷味同富基漁港海鮮餐之後, 黎到台北之旅最後一餐 dinner... 朋友都好有心思, 想起仲爭一餐黎台灣必吃既火鍋... 但佢唔係帶我去什麼充滿港人既馬辣、老四川, 佢帶左我黎呢間位於西門町一巷子內, 只有當地人幫襯但全場都滿座既清香沙茶火鍋...

[清香沙茶火鍋]
地址﹕台北市西寧南路82巷5號
電話﹕(02)2331-9561

果然係冇介紹錯, 啲牛肉同個湯底真係超級正呀, 呢間老字號就在西門町附近, 大家可以去試下呀...

9:20 pm
回朋友家...

~Day 3~

2/5/2016 (Monday) 台北 --- 晴

新北市 --> 桃園國際機場 --> 香港

10:40 am
玩左兩日, 亦都打搞左朋友一家兩日喇, 與朋友道別後, 搭的士到機場...

11:55 am
乘搭國泰航空 CX 421 航班飛往香港...

1:20 pm
台北之旅完滿結束, 呢2日真係食到好多平時唔識去搵既美食, 尤其係大同橋甕仔雞, 仲有之前冇去過既三峽老街同北海岸老梅綠石槽都超鍾意呀, 多謝哂雨同 Alex 既安排同照顧, 大滿足！