2016 Sept 俄羅斯．莫斯科馬拉松 x 金環古城世界遺產 10 天之旅 - 行程規劃

~俄羅斯．莫斯科馬拉松 x 金環古城世界遺產 10 天之旅~

日期: 23/9/2016 - 2/10/2016

有一日一個舊同事問我, 去唔去俄羅斯跑馬拉松, 雖然呢個係舊同事, 但佢係一位經驗豐富既好老師, 所以我叫佢做張老師... 佢搵我既目的, 當然係佢自已想去跑, 但又未跑過海外馬, 佢知道我經常自由行又會跑既, 自然就搵我啦... 暫時除左大賽同比較近既地方例如日本台灣, 好少話特登要走去跑, 但俄羅斯未去過喎, 順道來一趟俄羅斯之旅都 ok 喎, 考慮過之後決定應承張老師喇...

報名後, 就著手 plan 行程, 俄羅斯太大了, 想玩哂係冇可能, 但主要城市加世界遺產係少不免。最後決定左既路線係莫斯科入, 完成莫斯科馬拉松後向金環古城進發, 探索一下俄羅斯既世界遺產同欣賞洋蔥頭教堂, 最後於聖彼得堡結束行程﹕

香港 --> 莫斯科 Moscos --> (金環) 蘇茲達里 Suzdal --> 弗拉基米爾 Vladimir --> 聖彼得堡 St. Petersburg --> 香港

行程走訪了俄羅斯各著名景點, 其中莫斯科紅埸、克里姆林宮、金環古城蘇茲達里、弗拉基米爾的白色建築群以及聖彼得堡歷史古蹟群均是世界文化遺產。

後記
由於飛機嚴重 delay, 跑馬前兩晚都冇覺好訓, 令到今次首隻歐洲馬既成績十分之差... 不過都唔緊要, 始終只是第三隻全馬, 都係安全至上, 能夠完成已好叻叻, 對嗎？對香港人來說, 俄羅斯唔算係熱門旅行國家, 更遑論去跑馬拉松, 不過有點意外, 呢隻馬拉松規模並不少, 參賽者眾多, 跑馬氣氛非常好, 沿途可以欣賞到莫斯科所有著名景點, 呢隻歐洲馬值得推薦！

完成莫斯科馬拉松後, 順道遊覽俄羅斯兩大城市莫斯科同聖彼得堡, 中間再加插了兩個金環古城﹕蘇茲達里及弗拉基米爾。俄羅斯建築與歐洲其他國家相比不大相同, 前蘇聯解體後, 俄羅斯的憲法雖然確定俄國是一個世俗國家, 但有關宗教法律仍偏袒東正教, 所以大部分教堂都是東正教的洋蔥頭大教堂。看的大多是俄羅斯既歷史文化, 自然風景比較少。雖然言語不通, 但俄羅斯人普遍都好 nice, 治安不算差... 整體來說, 俄羅斯絕對是一個值得去既國家！

➪ 相片集

地圖上看行程

在較大的地圖上查看2016 俄羅斯．莫斯科馬拉松x金環古城世界遺產10天之旅

事前準備

準備	備註
馬拉松比賽	網上報名(全馬) 並付報名費
申請俄羅斯旅遊簽証	免簽証
購買機票	購買中國東方航空 (China Eastern) 香港至莫斯科, 聖彼得堡至香港來回機票一張
購買火車票	於網上購買並付款
訂酒店	於網上預約
購買旅遊保險	於美亞保險香港有限公司購買全年旅遊保險

行程表

		住宿
Day 1	香港 --> 上海浦東國際機場 (Shanghai Pudong International Airport)
Day 2	上海浦東國際機場 --> 西安咸陽國際機場 (Xi'an Xianyang International Airport) --> 謝列梅捷沃國際機場 (Sheremetyevo International Airport) --> 莫斯科 (Moscow) --> 盧日尼基體育場 (Luzhniki Stadium) (領取選手包) --> Seven Hills Brestskaya Hotel	Seven Hills Brestskaya Hotel
Day 3	酒店 --> 盧日尼基體育場 (Luzhniki Stadium) --> 莫斯科馬拉松 2016 (Moscow Marathon 2016) --> 莫斯科馬戲 (The Great Moscow Circus) --> Seven Hills Brestskaya Hotel	Seven Hills Brestskaya Hotel
Day 4	酒店 --> 莫斯科市區散策 --> 紅場 (Red Square) [文: 1990] --> 聖瓦西里大教堂 (Saint Basil’s Cathedral) --> 克里姆林宮 (Moscow Kremlin) [文: 1990] --> Seven Hills Brestskaya Hotel	Seven Hills Brestskaya Hotel
Day 5	莫斯科 --> 蘇茲達里 (Suzdal) [文: 1992]--> 聖歐蒂米奧救世主修道院 (Saviour Monastery of St. Euthymius) --> 克里姆林宮 (Suzdal Kremlin) --> 聖母誔生大教堂 (Cathedral of the Nativity of the Virgin) --> 弗拉基米爾 (Vladimir) --> Vladimir Hotel	Vladimir Hotel
Day 6	酒店 --> 弗拉基米爾 (Vladimir) [文: 1992]--> 聖母升天大教堂 (Holy Assumption Cathedral) --> 聖三一教堂 --> 黃金門 (Golden Gate) --> Over-night Train	Over-night Train
Day 7	聖彼得堡 (St. Petersburg) [文: 1990] --> 隱士廬博物館 (State Hermitage Museum) --> 聖以薩大教堂 (St Isaac's Cathedral) --> 滴血救世主教堂 (Church of the Savior on Spilled Blood) --> 涅夫斯基大街 (Nevsky Prospekt) --> Mikhailovsky Theatre: 天鵝湖 Swan Lake --> Bigland Hostel	Bigland Hostel
Day 8	酒店 --> 彼得宮城 (Peterhof) --> 彼得保羅要塞 (Peter and Paul Fortress) --> Bigland Hostel	Bigland Hostel
Day 9	酒店 --> 沙皇村 --> 凱薩琳宮 (Catherine Palace) --> 普爾科沃機場 (Pulkovo Airport) --> 上海浦東國際機場
Day 10	上海浦東國際機場 --> 香港

如果想知莫斯科馬拉松既實況就繼續睇落去啦, 仲有相睇架。。。