[2016 俄羅斯．莫斯科馬拉松] Day 4-6 莫斯科紅場 x 金環古城

~Day 4~
26/9/2016 (Monday) 莫斯科 --- 晴

酒店 --> 莫斯科市區散策 --> 紅場 (Red Square) --> 聖瓦西里大教堂 (Saint Basil’s Cathedral) --> 克里姆林宮 (Moscow Kremlin) --> Seven Hills Brestskaya Hotel

8:45 am

終於有覺好訓, 訓醒感覺身體恢復左五六成... 而家最緊要係食早餐...

之後就去唱錢... 到步時由於要趕去 expo 攞號碼布, 焗住係機場唱錢, 黎到市區呢度先發覺機場個 rate 真係超差 >.<

9:45 am

繼昨晚既莫斯科大馬戲之後, 俄羅斯之旅確實正式開始喇... 今日會漫步俄羅斯首都以及第一大城市 - 莫斯科...

搭地鐵去睇紅場, 俄羅斯既地鐵都有一個特色, 就係個個站都挖到好深, 落地鐵站既電梯都係超級長... 初時覺得好得意, 到買飛同搭車時就知頭痕喇... 黎到呢啲英文並唔通行既國家真係好麻煩, 搭地鐵巴士啲站名全部都係外星文, 真係佢識我我唔識佢...

10:00 am
復活城門... 要去紅場就必須要經過呢度宏偉既復活城門...

10:40 am
紅場 (Red Square)... 一講到莫斯科, 必定會想起紅場, 其次就係克里姆林宮, 皆因佢地於1990年一齊被列為世界文化遺產...

紅場是位於俄羅斯首都莫斯科中央行政區特維爾區的公眾廣場, 為世界文化遺產之一。周圍有幾處世界著名建築, 包括列寧墓、聖瓦西里大教堂和克里姆林宮。紅場東邊是國家百貨商場, 其隔壁有國家歷史博物館。蘇聯時期, 常有大型軍隊在此舉行巡遊。紅場呈長方形, 南北長330米, 東西寬175米, 總面積 24 750 м²。(維基百科)

聖瓦西里大教堂 (Saint Basil’s Cathedral)... 除左紅場, 如果大家小時候都係俄羅斯方塊既 fans, 咁就一定認識呢座世界聞名既洋蔥頭大教堂喇...

聖瓦西里主教座堂, 位於俄羅斯首都莫斯科市中心紅場的東正教教堂南端, 緊鄰克里姆林宮。聖瓦西里主教座堂被視為俄羅斯的代表象徵之一, 也是「世界奇景」之一。現屬於俄羅斯歷史博物館的一部分。1990年, 該教堂被列入聯合國教科文組織世界遺產名錄。

聖瓦西里大教堂建於 16 世紀中期, 是由號稱「恐怖伊凡」的沙皇伊凡四世下令所建。據說在教堂建成後, 他弄瞎了負責設計的建築師, 以防止其他地方出現可以媲美的建築。教堂建築由色彩繽紛的 9 座塔樓所構成, 每座塔樓的大小、外型不盡相同, 洋蔥圓頂揉合了拜占庭風格, 從不同角度望去, 皆能看到變化多彩的樣貌。

12:30 pm
Lunch...

12:45 pm
克里姆林宮 (Moscow Kremlin)...

克里姆林宮是位於俄羅斯首都莫斯科市中央行政區特維爾區的一個建築群, 為俄羅斯聯邦政府行政總部所在地及象徵建築, 同時也是俄羅斯總統駐地。其南面俯瞰莫斯科河, 東臨聖巴西爾大教堂與紅場, 西接亞歷山大花園與無名烈士墓。四周由宮牆圍四座宮殿、四座大教堂、十九座塔樓而成, 是俄羅斯克里姆林式建築的代表之作。(維基百科)

1:45 pm
聖母升天大教堂 (The Assumption Cathedral)...

聖母安息主教座堂是一座東正教教堂, 位於俄羅斯莫斯科克里姆林宮內大教堂廣場的北側, 一條窄巷將其與北面的十二使徒教堂 (莫斯科) 分隔開。西南面是伊凡大帝鐘樓。在教堂的西南, 也有一個狹窄的通道, 隔開了多稜宮。此教堂被視為莫斯科大公國的母堂。

2:15 pm
聖母領報大教堂 (The Annunciation Cathedral)...

聖母領報主教座堂是一座東正教教堂, 位於俄羅斯莫斯科克里姆林宮內, 大教堂廣場西南側, 與大克里姆林宮相連, 毗鄰多棱宮。它最初是沙皇的個人小教堂, 其院長是俄羅斯王室的懺悔神師, 直到20世紀初。(維基百科)

3:40 pm
又食個 tea...

5:30 pm
回酒店休息一下...

6:40 pm
今晚我地要食好啲, 慶祝完成了莫斯科馬拉松...

8:00 pm
回酒店...

~Day 5~
27/9/2016 (Tuesday) 蘇茲達里 Suzdal -- 晴

莫斯科 --> 蘇茲達里 (Suzdal) --> 聖歐蒂米奧救世主修道院 (Saviour Monastery of St. Euthymius) --> 克里姆林宮 (Suzdal Kremlin) --> 聖母誔生大教堂 (Cathedral of the Nativity of the Virgin) --> 弗拉基米爾 (Vladimir) --> Vladimir Hotel

8:00 am
由於起程時飛機 delay, 搞到逗留在莫斯科的時間少了一天, 不過都趕得及看大馬戲同去哂所有莫斯科既著名景點... 今日要離開莫斯科, 向金環進發喇...

搭的士到莫斯科火車站 - 庫爾斯克站 Kursky Station...

9:30 am
乘火車到弗拉基米爾 Vladimir...

俄羅斯已經冇咩人會去, 仲話要去金環, 究竟金環係乜？就像提起莫斯科會即時想到俄羅斯方塊既聖瓦西里大教堂, 說起金環我就會想到洋蔥頭教堂 :p

俄羅斯金環又稱大金環線、金環古城, 是莫斯科東北方一條以首都莫斯科為基地, 以其周邊八個古老城鎮串聯起來的一條旅遊路線, 也是一條很受遊客歡迎的探訪俄羅斯古代建築和文化寶庫的環型旅遊路線, 很具歷史文化探索價值。金環幅蓋莫斯科州、弗拉基米爾州、伊萬諾沃州、科斯特羅馬州和雅羅斯拉夫爾州。金環上的都市, 基本上是這八個: 謝爾吉耶夫鎮 (Sergiev Posad)、佩列斯拉夫爾-扎列斯基 (Pereslavl-Zalessky)、羅斯托夫 (Rostov-Veliky)、雅羅斯拉夫爾 (Yaroslavl)、伊萬諾沃 (Ivanovo)、蘇茲達爾(Suzdal)、科斯特羅馬 (Kostroma) 和弗拉基米爾 (Vladimir)。

一般俄羅斯旅行團, 會去較近莫斯科既謝爾吉耶夫鎮、蘇茲達爾同弗拉基米爾。如果大家係自由行, 都可以一日來回呢三個較近莫斯科既金環古城。

我地唔係跟團, 由於時間有限, 係呢八個古老城鎮入面, 我又精挑細選左兩個鄰近既古城, 分別係蘇茲達爾同弗拉基米爾, 作為我地既金環之旅目的地。考慮時, 首要係睇下有咩景點, 其次就係交通喇。由莫斯科出發, 火車可以直達弗拉基米爾, 以弗拉基米爾為基地, 可以搭巴士去蘇茲達爾, 返回弗拉基米爾再搭夜火車到下一站聖彼得堡, 呢條路線都 ok 順路...

11:17 am
不用兩個鐘到了弗拉基米爾 Vladimir, 先到酒店 check in...

12:30 pm
今日我地會先去金環既另一個古城蘇茲達爾 Suzdal... 去蘇茲達爾係冇火車直達, 要坐巴士...

一張完全唔駛睇既車票...

1:15 pm
由於巴士司機唔識英文, 站名又係外星文, 為免坐過龍, 我地俾蘇茲達爾既俄文司機叔叔睇, 叫佢提示我地落車, 咁司機叔叔都好好人, 好快就黎到蘇茲達爾喇...

蘇茲達爾 Suzdal 是位於俄羅斯西部弗拉基米爾州的一座歷史悠久的城市, 人口為11,357。歷史上此地區曾是弗拉基米爾-蘇茲達爾公國的一部分。莫斯科的建立者多爾戈魯基 (Yuri Dolgorukiy) 於1125年將公國首都遷至蘇茲達爾, 開啟蘇茲達爾的黃金期。但1157年他的兒子博戈柳布斯基 (Andrey Bogolyubsky) 繼承大公後又遷至弗拉基米爾 (Vladimir)。十六世紀興建許多修道院成為宗教重鎮, 但後來被波蘭軍隊肆虐造成極大破壞, 隨後1654年瘟疫大爆發一半人口因病死去。所幸之後經濟逐漸復甦, 十八世紀成為鄰近商人聚集中心。1864年西伯利亞大鐵路修建時當地商人未能說服政府讓鐵路經過, 交通不便的蘇茲達爾被時代遺棄逐漸沒落。

儘管如此, 遍地教堂既蘇茲達爾一樣成為極受遊客歡迎既金環古城... 什至有人會說, 如果金環城鎮當中, 只能選一個去的話, 那麼選蘇茲達爾肯定錯不了... 事實上, 弗拉基米爾同蘇茲達爾既白色古蹟群於1992年一起被列為世界文化遺產, 可見它們確實有其吸引人之處... 呢兩日就等我去驗証一下呢句說話啦...

蘇茲達爾真是一座「童話之城」, 主街南北貫穿, 舊時代的建築就往兩邊延伸, 大大小小的修道院、教堂林立, 各式風格都有, 來到這裏, 彷彿跳入童話故事裏的世界！由巴士站沿住列寧街 Lenin Street 走, 一路走到最北端既聖歐蒂米奧救世主修道院...

2:30 pm
景點未到, 原來時候都不早, 有點餓, 都係坐低食個 lunch 先啦...

3:20 pm
聖歐蒂米奧救世主修道院 (Saviour Monastery of St. Euthymius)...

聖歐蒂米奧救世主修道院成立於1352年, 是位於俄羅斯城市蘇茲達爾的一座修道院。聖歐蒂米奧修道院修建於14世紀, 在16世紀至17世紀變得日益重要。修道院內還有一座監獄, 最初用來宗教上的異見者。監獄在蘇聯時期繼續得到使用。現在監獄被用作軍事博物館。聖歐蒂米奧修道院於1992年被列入世界遺產。

聖母領報門樓教堂 (The Gate Church of the Annunciation) 建於十六世紀末做為當時修道院的主要出入口。原先設計可能跟紅場復活之門同樣為兩個帳棚形尖頂, 1759年改換成現今單一圓頂模樣。

建於1352年的木造主顯聖容大教堂 (Cathedral of the Transfiguration) 毀於1501年大火, 瓦西里三世 (Vasili III) 統治時由於結婚多年未獲子嗣, 遂尋求上帝恩賜, 對修道院進行大量奉獻, 並以石頭重建大教堂。後來隨著貴族領主不斷捐獻財富與日俱增, 僧侶也越來越多, 遂於1590年著手建設更宏偉的新大教堂, 整個格局仿造莫斯科的聖母升天大教堂 (Assumption Cathedral), 原來舊教堂被改為新大教堂東南側的聖尤錫米烏斯禮拜堂 (Side-chapel of St Euthymius)。

離開修道院往西走, 街道旁紅色漂亮建築是聖母升天教堂 (Assumption church), 原本在蘇茲達爾克里姆林東邊公爵庭院內, 建造日期不詳, 自十七世紀即存在, 目前保留的是1719年大火後所重建的模樣。

5:00 pm
克里姆林宮 (Suzdal Kremlin)...

蘇茲達爾克里姆林可能建於十一世紀末, 卡緬卡河在城鎮南邊繞了個大彎, 克里姆林戰略性的建造在這個彎內僅有東面以護城河防護, 四周圍著長達1400公尺的木造圍牆。克里姆林內擁有五個壯觀藍色圓頂的是聖母聖誕大教堂 (Cathedral of the Nativity of the Virgin), 這座教堂最早建於1102年, 木造教堂腐壞後於1222年以石灰岩重建, 白色石灰岩外牆上雕滿各式各樣的漂亮花紋。

聖母誔生大教堂 (Cathedral of the Nativity of the Virgin)...

望住呢座教堂, 心裡很是動容, 亦知道選擇左黎蘇茲達爾真係一個正確既選擇...

時候都唔早了, 要離開蘇茲達爾返回弗拉基米爾喇...

7:30 pm
吃 dinner...

9:00 pm
休息喇...

~Day 6~
28/9/2016 (Wednesday) 弗拉基米爾 Vladmir -- 晴
酒店 --> 弗拉基米爾 (Vladimir) --> 聖母升天大教堂 (Holy Assumption Cathedral) --> 聖三一教堂 --> 黃金門 (Golden Gate) --> Over-night Train

8:00 am
吃頓豐富早餐...

10:00 am
今日係金環之旅第二天, 會慢慢欣賞弗拉基米爾呢個金環古城...

弗拉基米爾 Vladimir 是歐洲的十大博物館區之一, 是俄羅斯歐洲部分的主要旅遊城市, 被列入俄羅斯金環。這座古老城市的歷史可追溯至990年, 很多歷史古蹟保存完好。城市坐落在克利亞濟馬河左岸, 風景如畫。

途經歷史博物館...

10:30 am
弗拉基米爾建城850年的紀念碑...

位於聖母升天教堂前的自由廣場, 上面坐著工人、戰士、建築師文物雕像及浮雕數字, 象徵這個城市在歷史上每個重要的階段, 也代表俄羅斯三大戰爭: 打敗蒙古人, 拿破崙以及德國。

聖母升天大教堂 (Holy Assumption Cathedral)...

建於1158到1160年, 1185至1189年燒毀後重建, 是俄羅斯現存最古老的教堂, 在 12至15 世紀期間, 所有沙皇登基加冕儀式都需在此進行, 於1992 年被列為世界文化遺產。

在俄國的傳統裡, 金色屋頂代表聖母, 藍色代表上帝, 當時這座教堂除了是重要的宗教用途, 更是當時弗拉基米爾大公爵安德列．波戈流比斯基 (Andrei Bogoliubsky) 宣示期權力與地位象徵的主要指標。