[2016 俄羅斯．莫斯科馬拉松] Day 7-10 俄羅斯第二大城市．聖彼德堡

~Day 7~
29/9/2016 (Thursday) 聖彼德堡 St. Petersburg --- 雨

聖彼德堡 (St. Petersburg) --> 隱士廬博物館 (State Hermitage Museum) --> 聖以薩大教堂 (St Isaac's Cathedral) --> 滴血救世主教堂 (Church of the Savior on Spilled Blood) --> 涅夫斯基大街 (Nevsky Prospekt) --> Mikhailovsky Theatre: 天鵝湖 Swan Lake --> Bigland Hostel

5:57 am

清晨到達聖彼德堡 St. Petersburg 既 Ladozhsky Station... 落火車後搭的士到 Hostel...

6:25 am
黎到 Hostel 都未天光, 開門既 staff 應該仲訓緊覺 :p...

8:30 am
由金環古城黎到莫斯科第二大城市聖彼德堡, 有感由鄉下返回現代大城市, 即係好似由四國既高知返到東京咁囉...

聖彼得堡是俄羅斯的聯邦直轄市, 也是西北部聯邦管區和列寧格勒州的首府。位於俄羅斯西北部, 瀕臨芬蘭灣, 涅瓦河流經過市區, 為俄羅斯在波羅的海一帶的重要港口。全市人口約520萬, 是俄羅斯人口第二大城、以及世界上居民超過100萬人的最北端城市。(維基百科)

我地放低行理先去食早餐, 然後就開始遊覽聖彼得堡...

食完早餐就行去冬宮...

10:00 am
宮殿廣場 (Palace Square)...

廣場連接涅瓦大街與通往瓦西里島的宮廷橋, 是聖彼得堡的中心廣場。

隱士廬博物館 (State Hermitage Museum)...

位於聖彼得堡的涅瓦河邊, 共有6座主要建築﹕冬宮、小艾米塔吉、舊艾米塔吉、艾米塔吉劇院、冬宮儲備庫、新艾米塔吉。在這個建於18-19世紀的建築群中, 冬宮是一座主要建築, 也曾經是俄羅斯沙皇的宮邸, 由設計師拉斯特雷利設計並建於1754—1762年。(維基百科)

博物館於1852年開始對外開放, 是世上最早成立的博物館之一。隱士廬博物館號稱世界四大博物館之一 (另外三間是倫敦大英博物館、巴黎羅浮宮和紐約大都會博物館), 現時的藏品超過三百萬件, 據說若想走完博物館的四百間展室和看遍每件展品便得走 22 公里的路！

2:40 pm
呢個博物館真係超級大, 行到差不多3 點, 就在博物館內食個 lunch...

3:30 pm
聖以薩大教堂 (St Isaac's Cathedral)...

聖以撒主教座堂是聖彼得堡最大的教堂, 在興建時也是俄羅斯最大的主教座堂, 高101.5米。以彼得大帝的主保聖人——達爾馬提亞的聖以撒命名。聖以撒大教堂坐落在同名的廣場上, 由沙皇亞歷山大一世下令建造了這座巨大的新古典主義建築, 內飾相當華麗。其建造工程歷時40年, 從1818年至1858年。(維基百科)

藝術廣場...

涅夫斯基大街 (Nevsky Prospekt)...

一條東西橫亙俄羅斯聖彼得堡市中心的主要道路, 由彼得大帝設計, 熱鬧非常。

滴血救世主教堂 (Church of the Savior on Spilled Blood)...

滴血救世主教堂是俄羅斯聖彼得堡的一個主要景點, 正式名稱為「基督復活大教堂」。1881年3月13日, 亞歷山大二世的馬車通過格里博耶多夫運河河堤時, 一個無政府主義者扔進一枚手榴彈, 皇帝出血嚴重, 被送回到冬宮後幾小時後死亡。1883年, 其子亞歷山大三世為紀念亡父在此地點修建教堂。(維基百科)

6:30 pm
食 dinner...

7:30 pm
行左一整天, 看遍聖彼德堡既著名景點, 但重頭戲陸續有來... 之前提到黎俄羅斯除左教堂外, 必要看的就有大馬戲團同芭蕾舞團... 今晚我地就會去睇好出名既芭蕾舞團表演 - 天鵝湖喇, 好期待呀...

黎到俄羅斯歷史最古老既歌劇和芭蕾舞劇場之一既 Mikhailovsky Theatre...

由於比較遲買飛, 買到既都唔係最佳位置, 坐在舞台的側邊, 有機會俾人遮擋視線架...

開場喇...

10:30 pm
我都唔係一個音樂人, 當然係冇咩音樂同藝術細胞架啦, 不過... 真係好好睇呀, 值得推薦！

三小時好快就過去, 回 Hostel 休息喇...

~Day 8~
30/9/2016 (Friday) 聖彼德堡 St. Petersburg -- 雨

酒店 --> 彼得宮城 (Peterhof) --> 彼得保羅要塞 (Peter and Paul Fortress) --> Bigland Hostel

10:30 am
今日行程比較鬆動, 訓晏啲 10:30 am 先出發... 走到 subway 食早餐...

12:00 pm
今日要去彼得宮城, 走到波羅的海碼頭乘船...

12:45 pm
黎到彼得宮城碼頭時, 看到有個指示牌好像寫著: 由於今日天氣不穩, 最後一班開往聖彼得堡既船將於下午二時由彼得宮城開出... 我在想, 唔係掛, 而家都就黎一點, 二點就要走? 但如果真係既, 咁唔走咪返唔到聖彼得堡? 走去售票處問下, 佢真係話2點係最後一班船喎... 咁點好呢... 其實有咩點, 咁都要走架啦, 順手買埋回程船飛喇... 當時又諗, 最衰朝早訓到咁晏啦, 如果早啲黎到咪好囉...

咁都冇計, 唯有快快趣趣咁欣賞彼得宮城...

彼得宮城 (Peterhof) 是俄羅斯聖彼得堡的彼得宮城區下轄的一個城市, 在德語中意為「彼得的宮殿」。彼得宮城位於聖彼得堡市中心以西約29km, 北臨芬蘭灣, 以噴泉景觀著名的彼得霍夫宮位於本市。聖彼得堡國立大學兩個校區之一亦位於本市。(維基百科)

2:00 pm
夠鐘搭船走喇 >.< 坐船回程時, 感到有點奇怪, 因為有一些一同坐船去彼得宮城既人, 回程時唔見人喎, 唔通佢地唔駛走？後來我就知道喇, 怪就怪我冇做好準備, 到了第二天我地巧遇其中兩個一同坐船的人, 好奇問下佢地, 原來佢地係坐巴士走呀...

3:30 pm
回到聖彼得堡, 又在 Subway 吃 lunch...

5:00 pm
我地回酒店休息一下, 之後再出發去彼得保羅要塞... 搭地鐵, 又要學外星文...

彼得保羅要塞 (Peter and Paul Fortress) 是俄羅斯聖彼得堡一座昔日的城堡, 由彼得大帝創建於1703年, 由Domenico Trezzini 設計, 建於1706至1740年。 

7:00 pm
搭地鐵回 Hostel...

在酒店附近買 dinner 回 Hostel 吃...

8:30pm
今晚 Hostel 好熱鬧, 有啲旅客在煮飯, 有啲在看電視, 我地都一邊吃一邊同佢地傾計, 這就是住 Hostel 的特色嘛...

~Day 9~
1/10/2016 (Saturday) 聖彼德堡 St. Petersburg -- 晴

酒店 --> 沙皇村 --> 凱薩琳宮 (Catherine Palace) --> 普爾科沃機場 (Pulkovo Airport) --> 上海浦東國際機場

9:00 am
吃早餐...

9:45 am
今日係旅程既最後一天喇, 先 check out 寄行理...

10:00 am
搭地鐵到 Mockobckar Metro Station, 再轉巴士到沙皇村...

12:00 pm
終於來到沙皇村...

沙皇村是一個融合花園造景與宮殿建築的皇室度假勝地, 位在聖彼得堡市中心南邊的普希金市, 而沙皇村內最知名景點的就是洛可可式宮殿建築的凱薩琳宮...

1:10 pm
凱薩琳宮 (Catherine Palace)...

凱薩琳宮是1744-1756年由彼得大帝的女兒伊麗莎白女皇下令興建的宮殿和花園, 1768年時, 凱薩琳二世 (又名凱薩琳大帝、葉卡婕琳娜二世) 即位後, 又大肆整修, 並使用大量純金裝飾外觀和內部。直到現在, 凱薩琳宮依舊保持當時的模樣。

入場要咁樣, 好跨張...

出黎時仲有好多人排隊入宮殿...

凱薩花園... 其實整個沙皇村連同凱薩琳宮、凱薩花園真係超級大...

4:45 pm
離開沙皇村, 搭巴士回 Mockobckar Metro Station...

5:30 pm
再轉地鐵回 Hostel 附近食個 dinner 先...

今天買的手信...

7:20 pm
回 hostel 取行理, 我地請 Hostel 幫我地 call Uber, 直接駛到普爾科沃機場 (Pulkovo Airport)...

8:00 pm
到了機場, check in 後我去了 lounge... 張老師冇 lounge pass, 佢自已去找吃...

11:05 pm
去程時 delay 到飛起, 回程又準時喎, 俾佢激死... 東方航空 MU 260 航班準時於 11:05 pm 起飛飛往上海...

~Day 10~
2/10/2016 (Sunday)

上海浦東國際機場 --> 香港

(以下轉中國時間)
1:00 pm
到了上海浦東國際機場, 今次行理係直送到香港, 所以唔駛等行理, 但要再去香港航空櫃位辦理 check in 手續...

6:30 pm
香港航空 MU 8990 航班 delay 左個半鐘, 最後於 6:30 pm 起飛...

8:55 pm
搭長途機本身已是煎熬, 加上十程有九程都 delay 既, 下次仲經唔經大陸轉機？價錢與時間, 睇下大家認為邊樣重要啲喇...

終於抵達香港國際機場喇... 雖然係攰, 但總算完成左莫斯科馬拉松兼順利完成俄羅斯金環古城之旅, 諗住番屋企沖個涼訓一覺好, 咪繼續番工囉... 點知... 又有後續 >.<

去到行理輸送帶, 等呀等呀, 見到佢話行理已全部送達, 但自已既行理未見喎, 又心感不妙... 問下職員, OMG... 行理仲係上海, 哈哈... 今次呢, 係我第一次遇到處理行理出錯引致行理未能準時送到目的地, 睇黎呢趟莫斯科馬拉松暨俄羅斯金環古城之旅, 將會是我一生中一個頗難忘的旅程和經歷。