2017年5月27日 星期六

2017 May 日本.北海道 (道東、道北) 芝桜花見 6 天自駕遊 - 行程規劃

~日本.北海道 (滝川、網走、滝上、稚內、礼文、利尻).芝桜花見六天自駕遊~
日期: 27/5/2017 - 1/6/2017

今趟花見之旅原本不在本人既計劃內, 有留意小妹既 blog, 應該都知我4月岩岩去完倫敦跑左個六大馬, 亦都應該知道那次是快閃之旅, 原因係老細唔俾放長假... 去到五月, 老細可能知我4月個大假泡了湯, 突然同我講, 五月尾呢段時間好似冇咩特別野, 你想放假就放啦... 嘩, 老細竟然咁主動開口叫我放假, 咁我就梗係放啦... 由於一早已 plan 左7月同屋企人去北海道賞花, 咁我就諗下5月尾去邊好啦... 諗過去歐洲, 但又冇邊個國家特別想去, 又諗過去南澳, 但果面冬天又不太適合... 最後, 又係家鄉日本勝出:p 除左紅葉之外, 一直都想睇芝櫻, 而5-6月正正係芝櫻盛開既季節, 一於番鄉下, yeah!

唔止芝櫻, 5月尾出發仲可以趕得切睇到滝川既油菜花同滝上町既鬱金香... 花見之旅過後, 打算去道北既稚內, 同埋稚內兩個離島﹕礼文同利尻。呢個路線比較難搞, 因為賞花本身交通不便, 芝櫻公園同上湧別鬱金香公園都唔近火車站,  宗谷區域既稚內、礼文同利尻又係交通不便既... 自駕遊當然好啦, 但自已一個人租車成本高, 加上由道央去稚內實在太遠, 自已一個人渣車又驚太攰... 最初既方案係, 先租車去睇花, 然後還車搭火車上稚內, 但睇花尾站係滝上町, 搭火車上稚內要返回旭川, 咁又太轉折... 又諗過調轉, 先去睇芝櫻, 最後再去滝川睇油菜花, 但因為油菜花期到左5月尾已是尾聲, 所以一定要去睇油菜花先... 諗左好耐都搞唔掂, 好啦, 唔好煩, 自駕遊咁方便有咩好諗呢, 一於全程租車, 最後鐵定行程係旭川入, 稚內走。行程上半部係道東花見之旅, 下半部係道北探索之旅。飛抵旭川後租車去滝川、網走、滝上町, 然後渣車上稚內。至於礼文同利尻島, 連車坐船既票價實在貴得驚人, 所以會坐船, 最後在稚內空港還車。

後記
第三次去北海道, 但就有好多個第一次... 第一次係日本睇油菜花、芝櫻同鬱金香, 第一次踏上日本既宗谷地區, 第一次遠征日本最北端既礼文同利尻島, 第一次一個人完成日本自駕遊... 完成呢趟花見之旅後, 除左i能一償心願, 欣賞到好靚靚既花花同芝櫻之外, 仲欣賞到日本最北端礼文同利尻島既美麗景色... 至於美食方面, 當然冇東京大阪咁多選擇, 但旅程中吃過既宗谷和牛、礼文島既海鮮丼, 仲有北海道先有既三文魚飯團, 亦都令人大滿足!

➪ 相片集

地圖上看行程

事前準備
準備
備註
申請日本旅遊簽証
免簽証
購買機票
購買全日空航空 (ANA) 香港至旭川, 稚內至香港來回機票一張
購買旅遊保險
於美亞保險香港有限公司購買全年旅遊保險
訂酒店、車
於網上預約
國際駕駛執照
向運輸署申請國際車牌
換日元
於恆生銀行換購

行程表
住宿
Day 1
香港 --> 羽田空港 --> 旭川空港 --> 滝川菜の花 --> 北見 
Day 2
北見 --> 東藻琴芝桜公園 --> ひがしもこと 乳酪館 --> 網走湖 --> 能取岬 --> 能取湖 --> 佐呂間湖 --> 遠軽町
Day 3
遠軽町 --> 上湧別鬱金香公園 --> 芝ざくら滝上公園 --> 宗谷岬 --> 稚內駅 --> 稚內
Day 4
稚內 --> 礼文島 --> 西上泊.スカイ岬 --> スコトン岬 --> 桃台猫台 --> 北のカナリアパーク --> 稚內 --> 北防波堤 ドーム --> ノシャップ岬 --> 稚內
Day 5
稚內 --> 利尻島 --> 姫沼 --> 野塚展望台 --> オタドマリ沼 --> 仙法志御崎公園 --> 人面岩.寝熊の岩 --> 稚內
Day 6
稚內 --> 宗谷岬公園 --> 稚內空港--> 羽田空港 --> 成田空港 --> 香港

整個旅程所需費用 (一人計)
呢期日元唔算太貴又唔係話好抵, 整個 trip 開支最大就係機票, HK$6.48 : JPY$100...
機票、酒店、交通
約 $14000
約 $1000
手信
約 $1000
娛樂
約 $200
其他
約 $100
總計
約 $16300
如果想知我每日去左邊就要逐日睇喇. 仲有相睇 tim.

沒有留言:

張貼留言