[2017 德國．馬拉松六大滿貫] Day 6-7 奧地利隱世秘景．歐洲最美湖邊小鎮哈爾斯塔特 Hallstatt x 國王湖 Königssee

~Day 6~
28/9/2017 (Thursday) 晴

酒店 --> 哈爾斯塔特 (Hallstatt) --> 薩爾茲堡 (Salzburg) --> Easyapartments Central

8:00 am

住 apartment 冇早餐食, 走到火車站買早餐...

8:15 am
今日行程好輕鬆, 就是哈爾斯塔特 (Hallstatt) 一日遊... Hallstatt 其實只是一個小鎮, 離薩爾茲堡不遠, 但因為交通實在太不方便, 所以都要預一天既時間... 去 Hallstatt 有兩個方法, 第一是搭火車再搭船, 第二就係搭巴士, 不過要轉兩次車 >.<... 兩個方法都係咁煩架喇, 最後決定搭巴士, 因為 apartment 樓下就係巴士站, 而轉車都很簡單, 就在相同車站等車就可以了...

在 apartment 樓下的巴士站, 搭 150 號巴士...

10:15 am

到了 Bad Ischi Bahnhof 轉 542 號巴士...

10:58 am
在奧地利搭巴士, 沿途都係世外桃源般既景色... 到了 Hallstatt Gosaumuhle, 再轉 543 號巴士...

11:06 am
到了總站 Hallstatt Lahn... 差不多三個小時終於到了 Hallstatt 喇...

哈爾斯塔特 (Hallstatt) 是位於奧地利哈爾施塔特湖 (Hallstätter See) 湖邊的一個小鎮... Hallstatt 原是一個寧靜既歐洲湖邊小鎮, 而且面積細小, 預兩三小時遊覽已很足夠, 但佢既湖光山色, 竟然令呢個小鎮被聯合國教科文列為世界文化遺產... 近年更聲名大噪, 如仙景般既必影明信片靚景更在網絡上被人瘋傳, 令到這個隱世秘景被人稱為什麼全歐洲最美的湖邊小鎮、一人生必要到一次的湖邊小鎮等等...

說真的, 我自從在網上看到這個絕世靚景之後就好想黎, 但一直未有機會到奧地利旅行, 直至今次既德國柏林馬拉松之旅, 令我有機會順道短暫一遊鄰近德國既奧地利西部幾個地方, 而 Hallstatt 必然是行程其中之一啦...

落車就是 Hallstatt 碼頭, 可以坐觀光船遊湖, 我就選擇步行...

Hallstatt 很細, 只有一條街道, 沿著這條街道行就是了...

12:45 pm
坐在湖邊吃個熱狗 lunch...

其實一路沿著湖邊行, 每個位置都是絕世美景, 真係好靚呀...

見到前面好多人, 我就知道, 明信片美景就到了... 為左呢個靚景, 搭三個鐘巴士黎都抵呀...

一個原是寂寂無名既小鎮, 因1997年成為世界文化遺產, 以及網絡發達, 以致很多人都慕名而來, 絡繹不絕既遊客未致於破壞呢度既環境, 但唔多唔少都會影響到呢度既原居民, 希望大家黎到呢個咁靚地方, 都用心去體會呢度既美, 而不是用聲去打擾呢度既居民...

雖然遊客日漸增多, 但我所見既 Hallstatt 沒有因此而變得商業化, 它仍保持著原有既純樸風貌, 這是我更喜愛它的原因...

2:45 pm
要離開 Hallstatt 了, 走回巴士站搭 543 號巴士...

再轉 542 號巴士, 巴士遲來了, 所以又可以周圍影下相...

最後就是 150 號巴士...

6:10 pm
回到薩爾茲堡... 在商場吃了個雪糕, 德國同奧地利通街都係雪糕, 仲要超級好食...

走到超市買簡單晚餐回 apartment 吃...

8:30 pm
在 apartment 吃 dinner 就休息了。

~Day 7~
29/9/2017 (Friday) 晴

酒店 --> 國王湖 (Königssee) --> 薩爾茲堡 (Salzburg) --> 舊城區散策 --> 慕尼黑 (München) --> Hotel Luitpold

8:00 am
昨天去了一生人必要到一次既 Hallstatt, 很是滿足, 今日會到另一個也是網友極力推薦既秘景 - 國王湖... 其實國王湖是屬於德國境內的, 但位置非常近薩爾茲堡, 很多 local tour 都是由薩爾茲堡出發的...

8:15 am
同樣在 apartment 樓下的巴士站搭 840 號巴士, 非常方便...

9:17 am
大約一個鐘車程, 到了 Berchtesgaden, 再轉 841 號巴士, 只需 15 分鐘就到了國王湖 (Königssee)...

9:45 am
到步後未見湖已覺周圍環境好舒服, 買個 Pretzel 坐在公園慢慢嘆...

10:50 am
國王湖 (Königssee) 位於德國巴伐利亞州的東南端, 比鄰德國和奧地利的邊境小鎮貝希特斯加登 (Berchtesgaden), 在奧地利城市薩爾茲堡以南的德國阿爾卑斯山區內。國王湖的湖水呈現翡翠綠色, 清澈見底, 是著名的旅遊勝地。(維基百科)

要欣賞國王湖就要坐船, 國王湖面積很大, 遊覽船有兩個停泊站, 我先坐到較遠的 Salet...

船慢慢在碧綠的湖上行駛, 看到眼前的美景果真呆了...

遊船的過程中, 會經過一處回音牆, 這時船上的工作人員會拿出小號吹奏幾個音, 停頓一會, 你會聽到遠方傳來一模一樣的回音, 非常神奇。

到了 Salet, 跟隨步道的引領前進, 就能找到國王湖最著名的內湖 Obersee。Obersee 最為人稱道的便是它如同鏡像般的湖中倒影, 清澈寧靜的湖面上映照著群山綠樹, 使人醉心不已。

1:00 pm
之後再坐船到 St. Bartholomä... 一下船就看到這座有個紅色洋蔥狀屋頂既聖巴塔羅美教堂 (St. Bartholomä)...

在教堂下有一間坐滿遊客的餐廳, 看一看, 是專吃魚的餐廳, 我又點了個至愛三文魚多士做 lunch 啦, 另外加多兩條德國腸...

在教堂附近再逛逛, 望住個咁優美既國王湖, 真係好唔捨得走...

1:45 pm
坐船回程了...

2:30 pm
坐 841 號巴士到 Berchtesgaden, 再轉 840 巴士回薩爾茲堡...

4:00 pm
薩爾茲堡 (Salzburg) 是奧地利共和國薩爾茲堡邦的首府, 人口約15萬, 是繼維也納、格拉茲和林茲之後的奧地利第四大城市。薩爾茲堡位於奧地利的西部, 是阿爾卑斯山脈的門庭, 城市的建築風格以巴洛克為主, 城市的歷史相當悠久, 據史料記載, 薩爾茲堡是現今奧地利管轄地域內歷史最悠久的城市。(維基百科)

由於薩爾茲堡的地理位置, 正正就在德奧邊境, 所以我就以薩爾茲堡作為落腳點, 方便去哈爾斯塔特 (Hallstatt) 同國王湖 (Königssee) 呢兩個景點... 但薩爾茲堡本身景點不多, 所以我就襯離開薩爾茲堡前去看看舊城區...

雪糕 again...

這裡景點不太多, 但對於喜愛音樂的人來說, 這裡應是潮聖之地, 它在1996年更被列為世界文化遺產之一... 歐洲最偉大的古典主義音樂作曲家之一既莫札特 (Mozart) 就在薩爾茲堡出生, 舊城區內既莫札特故居更是遊人必到之處...

6:00 pm
逛完舊城區, 走回火車站, 買個 dinner 就搭火車回德國慕尼黑去...

8:00 pm
慕尼黑 (München) 是德國巴伐利亞邦的首府。2010年人口為130萬, 是德國南部第一大城, 全德國第三大城市, 都會區人口達到270萬。慕尼黑位於德國南部阿爾卑斯山北麓的伊薩爾河畔, 是德國主要的經濟、文化、科技和交通中心之一, 也是歐洲最繁榮的城市之一。(維基百科)

黎到德國南部第一大城市, 果然與中部既古堡大道有好明顯分別, 火車站人頭湧湧, 好不熱鬧... 拖著行理走到入住兩晚的酒店, 路上感到的是, 呢度治安似乎唔係幾好喎, 去到酒店樓下, 見到的都是一群群既醉酒佬, 應是十月的啤飲節效應吧 >.<...