[2018 日本．馬拉松六大滿貫] PB@東京馬拉松 2018

~Day 1~
24/2/2018 (Saturday) 香港 --- 晴, 日本 --- 晴

香港 --> 羽田國際空港 --> 東京ビッグサイト (領取選手包) -->アパホテル＜新宿歌舞伎町タワー＞

10:30 pm

23號晚出發到機場...

冇寄倉行理又好快咁過左關, 到 lounge 加定碳先 :p...

11:44 pm

去到登機閘口, 好快就上機喇... 唔知係咪淡季少人, 定啲人準時上哂機呢？UO 624 航班竟然比原定時間早左起飛...

(以下轉日本時間)

4:10 am
好快到左東京既羽田國際空港, 過關又係好少人, 5 點未到就入左境喇喎...

5:00 am
清晨既羽田機場原來好搞笑, 好冷清... 周圍都係訓緊覺既人...

由於明天要跑馬, 補眠都要有質素, 走去 information 問下有冇 lounge 啦, 點知原來係冇既... 咁我又係機場搵番個靚位訓一訓先... 由於大家都訓緊覺, 機場既燈光都比較暗, 大家睇到嗎, 哈...

9:00 am
訓左幾個鐘即刻精神哂, 先在機場既 Tully's Coffee 嘆個早餐...

9:45 am
食完早餐, 出發去東馬 Expo 展館 - 東京ビッグサイト (Tokyo Big Sight) 報到喇。在羽田空港搭單軌列車到天王洲島駅, 再轉臨海線到國際展示場駅, 時間約需45分鐘。

10:25 am
到了國際展示場駅, 已看到清晰既指示, 指引跑手去報到既展館。

好柏林一樣, 東馬前一日都有 breakfast run, 不過東馬呢個叫 Friendship run... 我本身安排星期五晚出發, 所以冇參加啦... 去 Expo 途中剛巧經過 Friendship run 既會場, 好熱鬧啊！

10:45 am
到左 Expo 入口, 超多人, 入場都排哂長龍, 想影張冇乜人既相都難 >.<...

入場第一件事當然就係報到同攞跑手包啦... 攞完跑手包要去影相同戴手帶, 保安十分嚴格！

之後就開始行 Expo... 好大好大...

唔駛錢又去抽下...

東馬紀念品攤位, 唔駛錢嗎？

如果是慈善跑手, 慈善團體會另外送多個跑手包俾你, 又多件靚靚跑 tee ^.^...

又要同自已打下氣...

以為行完, 點知樓下果層仲大, OMG...

人人必掃既東馬限定版 t-shirts...

掃左件風褸俾細佬...

呢個 Expo 真係唔講得笑, 我已經買左好多紀念品, 幾件跑 tee, 兩件風褸... 心諗仲未行完既, 我已經好鬼攰... 明天會唔會冇力跑架...

望一望錶, 差不多3 點, 嘩, 一個 Expo 行左成四個鐘, 傳說中既東馬 Expo 真係堅呀...！

3:45 pm
真係未試過行一個馬拉松 expo 可以行四個鐘, 倫敦同柏林都冇咁跨張... lunch 都未食呀, 出去便利店買啲野食先...

4:15 pm
搭車回新宿...

4:45 pm
到了新宿駅, 經過一間麵包店, 包怪的我又唔放過佢... 買左個包仔醫下肚, 順便買埋明天的早餐... 然後就去酒店 check in...

5:30 pm
走到今晚入住的酒店, 位於歌舞伎町附近既 "アパホテル＜新宿歌舞伎町タワー＞", 近東馬起點, 樓下超多野食, 酒店頂層有大浴場, 推薦！

6:15 pm
check in 後就去搵食, 選擇困難既我行左好耐都唔知食乜好... 明天希望跑好啲, 以防萬一, 唔敢食生野, 要乖一點... 加碳最好就食飯, 本身想去松屋, 但又 hea 得濟, 好啦, 食烏冬... 都好好味！

最後選了這間烏冬店...

7:05 pm
再周圍行下... 最後去 7-eleven 買左個串燒, 同埋明天既補給... 日本馬水站咁多野食都要買補給？認真嘛, 今次要 pb 呀...

回到酒店, 食埋個串燒, 滿足哂... 拿拿聲去浸個溫泉先...

8:30 pm
浸完溫泉舒服哂, 然後就開始執野準備明天既比賽喇...

上面兩個麵包就是在新宿駅買的, 明天比賽前的早餐, 超級好食... 左面的是合桃包, 右面果個是法包, 中間有一片超好吃既朱古力... 可能 pb 都係靠佢 :p... 下面的朱古力同蛋糕就是在 7-eleven 買的補給...

選手包...

明天出賽戰衣...

Expo 戰利品... 今次真係大鑊, 冇喼, 買咁多野點算好 >.<...

好努力咁將個人行理同今日買既戰利品塞哂入去呢個俾跑手寄行理既行理袋度, 真係好勉強, 哈哈...

今次好認真對待呢個賽事, 亦希望 pb 突破自已, 除左賽前跑左兩個長課之外 (之前真係冇長課架 >.<), 仲不停咁諗, 點解之前跑馬次次都腳痛, 次次都起水泡既呢... 真正原因可能永遠唔會知道, 但練長課時嘗試著不同既鞋, 又在腳底貼膠布, 好似 ok 喎...

於是我就仿傚練長課時的模樣, 在腳底貼定哂膠布, 俾跑友見到以為我跑到受傷 :p

其次係跑鞋, 放棄之前幾次跑馬著佢都起哂水泡既 Asics Kayano 23, 改為呢對只係價值 $399 既 Mizuno, 事實証明, 鞋唔一定貴就好, 最緊要岩自已...

10:00 pm
一切準備就緒, 最重要就係早啲休息, 訓覺喇...

~Day 2~
25/2/2018 (Sunday) 晴

酒店 --> 東京都庁 --> 東京マラソン2018 (Tokyo Marathon 2018) --> 八重洲地下街 --> アパホテル＜新宿歌舞伎町タワー＞

7:30 am
期待已久既世界六大馬 - 東京馬拉松終於舉行了, 換上昨晚準備好既跑衣, 興奮地出發。

7:50 am
其實好多跑手都住同一間酒店, 離開酒店時跟住人行就好快去到大會既起點, 即東京都庁... 不過會場好大, 跑手要根據大會編排俾各跑手既入口進入起點區, 唔可以亂入架... 呢個位就有啲唔清晰, 我既起跑區係 Gate 3, 但沿途都冇咩指示牌, 搞到搵左一輪先搵到...