2018 April 日本．沖縄悠閒 5 天自駕遊 - 行程規劃

~日本．沖縄 (那霸、恩納、名護)．悠閒五天自駕遊~

日期: 18/4/2018 - 22/4/2018

帶阿媽阿妹一齊去旅行都有好幾次 , 今次更係首次全家人一齊出動, 連埋細佬一家人, 黎個真正既家族旅行。其實係因為細佬個女, 即係我姪女晴晴好乖, 咁我呢個大姑姐就想係晴晴番學前同佢去旅行玩下咁啦... 但又要考慮到佢咁細個, 去得遠唔方便, 行程太豐富又唔太適合, 思前想後我就提議去日本沖繩... 大家一向對我呢個領隊兼導遊都非常滿意, 有我安排咁大家都唔會反對, 咁我就著手去計劃呢個家旅沖繩自駕遊。加埋踏上沖繩既領土, 我既旅遊足跡已遍佈日本全國既九大區域喇：北海道、東北、關東、中部、近畿、中國、四國、九州、沖繩。

由於同屋企人同行, 今次仲要有個歲半既 bb 同行, 行程唔敢去得太盡, 只想屋企人可以睇到大自然靚景、享受日本美食、浸下溫泉, 好好咁享受呢個自駕遊！整個行程, 由那霸機場開始租車, 直接駛向中部既恩納, 去人氣景點殘波岬同萬座毛睇下沿海既風景, 之後再上北部既名護, 除左必去既水族館, 仲去左古宇利島既心形岩... 之後再返回中部水中展望塔同坐海底玻璃船睇魚魚, 唔少得既仲有人氣景點 Aeon Mall 同美國村, 最後就返回那霸機場還車結束豐富既行程喇。

後記
整個自駕之旅, 大家都玩得非常開心, 皆因靚景、陽光與海灘、溫泉、美食樣樣有齊！沖縄係一個渡假勝地, 喜愛陽光與海灘同 relax 既你一定會喜歡。說真的, 我自已並不特別鍾意, 但黎過之後, 不得不承認, 呢度確係幾適合同小朋友黎既... 沖繩大部分既酒店都有私人既沙灘或泳池, 亦有好多兒童遊樂設施, 同小朋友留係酒店都可玩足一整天... 除此之外仲有水族館, 菠蘿園亦不錯, 晴晴最鍾意就係渣菠蘿車車... 另外亦感恩有好天氣, 只是去到第四天開始下雨, 迫住取消去蒲添大公園同國際通既行程...

之前未黎過沖縄, 偶爾會聽到人說沖縄唔係咁似日本, 今次親身踏足呢個地方, 係既, 呢度一啲都唔似日本本州... 去慣日本本州既我都有啲唔慣, 呢度既 service, 不論係大酒店定餐廳, 都不太好... 或者咁講, 根本唔係差, 只係我地去慣既日本實在太完美了... 除左 service, 食文化亦不大相同... 不過美食仍然係有既, 沖繩既阿古豬、石垣牛、全世界第二好味既雪糕菠蘿包, 仲有就係臨走都要 encore 既沖縄限定炸蝦飯團。總結整個旅程, 家人都玩得好開心, 雖然帶住小朋友同行, 但晴晴好乖, 完全冇影響我地既行程... 回來後一講菠蘿車車, 晴晴仲即刻指住幅相... 好啦, 等晴晴大個啲大姑姐再帶你去旅行啦！

➪ 相片集

地圖上看行程

在較大的地圖上查看2018 日本．沖縄悠閒自駕遊5天

事前準備

準備	備註
申請日本旅遊簽証	免簽証
購買機票	購買香港航空 (HK Airlines) 香港至沖縄來回機票六張 (5成人票, 1嬰兒票)
購買旅遊保險	於美亞保險香港有限公司購買旅遊保險
訂酒店、車	於網上預約
國際駕駛執照	向運輸署申請國際車牌
換日元	於匯豐銀行換購

行程表

		住宿
Day 1	香港 --> 那霸空港 --> 座喜味城跡 --> 殘波岬 --> 真榮田岬 --> 萬座毛 --> 酒店	Sheraton Okinawa Sunmarina Resort
Day 2	酒店 --> 古宇利島 --> 心形岩 --> 古宇利大橋 --> 沖縄美ら海水族館 --> 酒店	Hotel Mahaina Wellness Resorts Okinawa
Day 3	酒店 --> ナゴパイナップルパーク (名護菠蘿園) --> 海中展望塔 --> 美國村 --> 酒店	Loisir Spa Tower Naha
Day 4	酒店 --> おきなわワールド (文化王國．玉泉洞) --> Aeon Mall Okinawa Rycom --> 酒店	Loisir Spa Tower Naha
Day 5	酒店 --> スポーツデポ (Sports Depo) --> 那霸空港 --> 香港

整個旅程所需費用 (一人計)

呢期日元好貴呀, HK$7.5 : JPY$100...

機票、酒店、交通	約 $5700
食	約 $1200
手信	約 $1700
娛樂	約 $500
其他	約 $100
總計	約 $9200

如果想知我地每日去左邊就要逐日睇喇. 仲有相睇 tim.