[2018 印度．世界七大奇蹟泰姬陵] Day 1-3 鼓起勇氣踏上印度征途

~Day 1~
22/12/2018 (Saturday) 香港 --- 晴

香港 --> 英迪拉．甘地國際機場 (Indira Gandhi International Airport) --> 新德里 (New Delhi) --> 酒店

6:00 pm
到達香港國際機場, 先會合領隊 Eric... 在1號客運大樓的A區見到領隊, 第一個印象是... 咁後生既... 印度成日俾人話治安差, 呢個領隊得唔得架... anyway, 領隊幫我地 check in, 然後叫我地自已去寄倉, 之後就過關離境...

8:28 pm
國泰航空 CX 679 飛往印度德里既航班起飛喇... 估唔倒大家一聽到就怕怕既印度, 我都終於要黎喇...

(以下轉印度時間)

00:12 am
印度時間比香港慢兩個半小時, 大約六個鐘之後, 在印度時間凌晨十二點左右到達德里...

一向都話香港人做野快手, 工作效率高, 係印度入境真係冇啲耐性都唔得, 又係一個字﹕慢！

02:00 am
話哂都係聖誕旺季, 但我地整團都只有十一人, 連埋領隊十二人, 好處就係人少少, 唔怕團友遲到...

正因為人少, 一行十二人好快就辦好入境手續, 在機場唱左啲印度用既盧比, 然後就搭車去酒店...

一出機場, 嘩... 啲空氣真係差到...

好快就到左 Radisson Hotel, 由於已是夜深, 我地都快快手沖涼休息喇... 順帶一提, 因為出發前經常聽人講, 印度啲水都好污衊, 所以第一晚都用樽裝水黎刷牙...

~Day 2~
23/12/2018 (Sunday) 新德里 ---晴

酒店 --> 新德里市區遊 --> 印度門 (India Gate) --> 加德古塔 (Qutb Minar) --> 齋浦爾 (Jalpur) --> 酒店

7:45 am
食早餐...

9:00 am
訓左幾個鐘, 食左個自助早餐, 正式開始印度世界遺產之旅喇...

天色都是灰矇矇的...

今早係新德里 New Delhi 市區半日遊, 上車後領隊 Eric 例牌介紹一下我地呢幾日金三角行程既導遊同司機...

新德里是印度的首都, 位於印度西北部, 座落在恆河支流亞穆納河西岸, 東北緊連德里舊城, 是全國的政治、經濟和文化中心。雖說是首都, 但真的如傳聞所說, 雜亂無章既街道、充滿汽車喇叭聲既馬路... 好似好亂, 卻因聽了太多負面既評價, 感覺又比想像中好... 我覺得眼前既新德里只是很似昔日既大陸, 而家大陸已進步很多了, 印度作為人口僅次於中國既世界第三經濟體, 要進步就是欠缺了一點時間吧！

首先去看看總理官邸 Restrapati Bhavan 同國會大廈 Parliament House...

之後去到位於國王大道既印度門 India Gate...

印度門, 原名All India War Memorial, 又稱德里門, 建於1921年, 高42米, 由紅色砂岩和花崗岩建成。印度門是印度獨立的國家紀念碑, 為了紀念在第一次世界大戰與第三次英國-阿富汗戰爭中所死傷的九萬名將士。

很有趣, 黎到印度門有兩個印度的女仔想同我影相, 後來就知道原來印度人都很喜歡同外國人影相既...

10:10 am
接著係印度之旅既第一個世界文化遺產 - 加德古塔 Qutb Minar...

坐車途中, 見識到混亂的新德里馬路... 車多都唔緊要, 但我們看到有些印度的小朋友道然走到馬路中心跳起舞來, 原來佢地係想得到遊客既打賞... 大抵去這些發展中的國家, 必會看到這些令人心酸的片段...

加德古塔建築群位於德里市郊, 是印度最高的宣禮塔, 於 1192 年開始建造, 主要由紅砂石和大理石建成。加德古塔建築群於1993年被列入聯合國世界文化遺產。

加德古塔高 72.5 米, 塔共分五層, 頭一二層是圓的, 第三層是有角的, 由紅砂岩建成, 第四層是白色的大理石。塔的外牆繪上了可蘭經雕刻和經文。

除古塔外, 建築群還有一些神廟、墳墓遺址和一根用不銹鐵造成的千年鐵柱, 相傳如果背靠鐵柱成功用雙手環抱, 神明就會可以實現他的願望。

11:45 am
參觀完加德古塔就去食 Lunch... 其實黎印度之前, 受到新聞報導、網絡上的評論影響, 對印度的印象就是危險、治安差、衞生差、污衊等等... 亦因為咁, 去印度旅行都只好跟團... 黎到之後, 覺得這個決定絕對係明智的, 如果你同我一樣都係咁怕污衊... 旅行團安排我地住五星級酒店, 除左今日呢個午餐同最後一日既晚餐會在市區既餐廳食之外, 行程中其他既午餐同晚餐都係酒店食既... 至於呢間餐廳, 衞生程度十分好, 同香港餐廳無異, 就連洗手間都非常乾淨...

1:00 pm
完成新德里市區半日遊, 出發往齋浦爾 Jalpur, 車程約六小時 >.<...

3:30 pm
到了休息站, 司機可以稍作休息, 我地可以去個洗手間... 洗手間每人收10蚊盧比, ok 乾淨...

6:45 pm
終於到了齋浦爾既酒店 Hotel Radisson Blu...

7:00 pm
在酒店吃自助 Dinner...

~Day 3~
24/12/2018 (Monday) 齋浦爾 ---晴

酒店 --> 琥珀堡 (Amber Fort) --> 古天文台 (Jantar Mantar) --> 城市宮殿博物館 (City Palace --> 貝拉廟 (Birla Temple) --> 齋浦爾市集 --> 酒店

6:30 am
吃早餐...

7:30 am
今天開始齋浦爾 Jalpur 的行程...

齋浦爾, 是印度拉賈斯坦邦的首府, 1727年始建, 市街按棋盤方格式設計, 高大、古老粉紅色的建築表現出印度建築藝術的優美, 有「粉紅色城市」之稱。齋浦爾可以說是印度拉賈斯坦邦之中最受歡迎的旅遊大城, 和印度首都德里、泰姬瑪哈陵所在的阿格拉並列為印度旅遊金三角。

第一站係風之宮殿 Lake Palace...

風之宮是印度齋浦爾的一座宮殿, 興建於1799年, 由拉爾•昌德•烏斯塔德設計。其獨特的五層樓的外觀有953個小窗口, 類似於蜂箱。如此設計的初衷是為了讓妃嬪們觀看下面的街道, 而不被外面的人看見, 因為她們必須嚴格遵守蒙面的規定。風之宮使用紅色和粉色砂岩砌築, 位於齋浦爾商業中心的主幹道上。(維基百科)

8:00 am
之後就到達這座粉紅色城市既主角 - 琥珀堡 Amber Fort...

齋浦爾 Jaipur 四周有許多城堡, 其中以琥珀堡 Amber Fort 最值得一遊..

琥珀堡建於1592年, 依山而築, 周圍建有近40公里的城牆與護城河, 整座古堡環繞著的高大的城牆, 遠望還真的有點像中國的萬里長城。

我地騎大象到達城堡入口...

這座十六世紀的城堡, 位於齋浦爾北方山丘上, 居高臨下, 地勢險峻, 是王宮, 也是一座易守難攻的軍事要塞...

10:30 am
參觀完琥珀堡就去看水上宮殿 Lake Palace... 因為建於水中央, 所以稱之為「水上宮殿」... 由於冇太陽, 空氣又差, 所以看得不太清楚...

11:10 am
之後回到齋浦爾舊城區, 準備參觀古天文台 Jantar Mantar 同城市宮殿博物館 City Palace...

古天文台 Jantar Mantar...

古天文台於2010年被列為世界文化遺產, 是印度保存得最全面, 完好的古天文台。古天文台建於1738年, 總共有19座天文儀器, 以石或銅器製成。由古天文台可以窺見印度古代對天文的認識, 有些至今運作仍然準確。