2019 April 日本．北關東 (茨城、栃木、群馬、崎玉、山梨)．粉蝶紫藤芝桜花見 5 天之旅

~日本．北關東 (茨城、栃木、群馬、崎玉、山梨)．粉蝶紫藤芝桜花見 5 天之旅~

日期: 18/4/2019 - 22/4/2019

又到左日本既花花季節, 兩年前去左北海道睇芝櫻、鬱金香同薰衣草, 上年就帶左媽媽去海の京都睇櫻花, 還未有機會欣賞又好想去既當然仲有好多好多... 適逢今年既復活節有幾日假期, 又剛巧係北關東既粉蝶紫藤同富士山既芝櫻開花季節, 但機票好貴, 我諗到放假前的最後一刻竟然等到 CX 放機票出黎, 但回程只有 Business Class 可以換, 雖然唔多抵, 但慳番張貴價機票都 ok, 於是就決定成行。

既然目標已鎖定, plan 行程就十分容易了。由東京出發, 向北關東進發, 之後回新宿再到富士山, 全個旅程走訪左分別位於5個不同縣既5大公園, 欣賞到好靚既粉蝶、紫藤同芝桜, 以下係睇花花既概括行程﹕

Day 1: 東京
Day 2: 東京 --> (茨城縣) 国営ひたち海浜公園 (粉蝶) --> (栃木縣) あしかがフラワーパーク (足利花卉公園) 【夜の部】(紫藤)
Day 3: (栃木縣) あしかがフラワーパーク (足利花卉公園) 【昼の部】(紫藤) --> (群馬縣) 東武トレジャーガーデン (Tobu Treasure Garden) (粉蝶) --> (崎玉縣) 芝桜の丘 (羊山公園) (芝桜) --> 東京
Day 4: 東京 --> (山梨縣) 富士山芝桜祭り (芝桜) --> 東京
Day 5: 東京

地圖上看行程

在較大的地圖上查看2019 日本．北關東 (茨城、栃木、群馬、崎玉、山梨)．粉蝶紫藤芝桜花見 5天之旅

~Day 1~

18/4/2019 (Thursday) 香港 --- 晴, 日本 --- 晴

香港 --> 成田空港 --> 人形町 --> ホテル日本橋サイボー

2:00 pm
請左半日假, 放工搭巴士到機場已是 2 點, 之前已做 online check in 又唔駛寄行理, 好快咁去印番張登機證就直接過關...

飯都未食好肚餓, 過關後又極速咁入 Lounge 食啲野, 然後就去登機閘口喇。

3:06 pm
CX 500 飛往東京的航班準時起飛...

(以下轉日本時間)
8:07 pm
比原定時間早左到達東京成田機場, 不過入境超多人, 排左約一個鐘才完成入境手續。

9:16 pm
由於臨出發先搵今晚酒店, 東京駅唔係 full 哂就超貴, 最後選擇左位於人形町駅嘅酒店。搭 Sky Access Line 到青砥駅, 再轉都營淺草線就到, 都算方便啦。

10:30 pm
話時話我係未去過人形町, 一出車站原來都幾熱鬧喎...

好快到左酒店ホテル日本橋サイボー喇，趕快沖涼休息了。

~Day 2~

19/4/2019 (Friday) 晴

人形町 --> (茨城縣) 勝田駅--> 国営ひたち海浜公園 --> (栃木縣) あしかがフラワーパーク (足利花卉公園) --> 足利駅 --> ホテルルートイン足利駅前

6:50 am
一早 check out, 原本諗住行番去東京站, 多口問下個酒店職員, 佢話搭火車只需15分鐘, 行就30分鐘... 嘩, 駛唔駛呀, google map 話行20分鐘姐... 最後諗諗下都係決定搭車, 事關行錯路就麻煩...

7:30 am
到左東京站即刻走到 JR 東日本服務中心, OMG... 黎到差不多 7:30 am 已大排長龍...

幸好呢度工作效率好高, 排左大約20分鐘就到我喇, 買左 JR Tokyo Wide Pass 同預約埋去勝田嘅火車...

買好 Wide Pass 就坐火車到上野, 然後買早餐就去坐 Limited Express...

8:30 am
上左車可以食早餐喇...

10:00 am
到左勝田駅, 走到東口2號茨城巴士站, 有個站務員係度但又唔覺有人賣飛嘅... 之前做左功課話有巴士加海濱公園入場卷套票賣, 於是問下個站務員, 原來今日冇賣, 我諗套票係假日先有...

10:30 am
好快到左国営ひたち海浜公園... 入場料金 450 yen...

說到賞粉蝶花的好去處, 位於東京近郊茨城縣的国営ひたち海浜公園 (國營常陸海濱公園) 一定榜上有名, 全因每年一到4月下旬至5月上旬, 公園就會有450萬朵粉蝶花盛開, 形成一大片粉藍花海！国営ひたち海浜公園一年四季開著不同既花花, 其中以春天的粉蝶花最為著名, 除了粉蝶花以外還有水仙、鬱金香, 夏天則是玫瑰與百日菊, 到秋天更可以看到藜花、大波斯菊和很可愛的掃帚草。

走上見晴らしの丘 (見晴之丘)... 粉蝶花滿開時, 整片山丘都染上藍色, 好靚呀！粉蝶花得以佈滿整個公園, 有賴公園每年11月在土地播種, 經過混入堆肥、除霜、除草等工序, 按時進行, 才能在4月看到夢幻花海。

粉蝶花花瓣呈天藍色和白色, 兩隻顏色拼湊一起, 有種螢光的感覺。

除左粉蝶, 呢度仲有好靚既鬱金香...

12:45 pm
行左成兩個鐘好攰呀, 加上又覺得肚餓, 臨離開公園前買左個 Toast 食...

離開国営ひたち海浜公園, 乘茨城巴士回勝田駅, 再轉 JR 到あしかがフラワーパーク駅...

在友部駅轉水戶線...

3:20 pm
到左小山駅, 等轉車出站行下...

4:02 pm
之後再轉両毛線到あしかがフラワーパーク駅...

4:50 pm
到達あしかがフラワーパーク駅, 很快就走到あしかがフラワーパーク (足利花卉公園)...

足利花卉公園位於栃木縣足利市, 約東京市區距離約 60 分里, 在春日部市北方。一年四季也有不同主題的花卉展示, 如冬天的足利花卉公園會有夜燈活動 ---「光の花の庭」, 是日本首屈一指的夜景, 其夜燈相當唯美, 不過暫以 4 月至 6 月盛開的藤花物語最為有名。園內種植了不同品種的藤花, 當中包括紫藤花、白藤花、八重黑龍藤花、大藤花、淡粉紅藤花、黃藤花等。不少人慕名而來, 就是為了拍下傳說中的藤花瀑布, 原因是足利花卉公園的藤花數量, 多得猶如連綿的藤花瀑布, 讓遊人驚豔非常。入園費的價錢會隨著花卉盛開時間而變化, 例如平日的入園費只需 300 日圓, 但當藤花開得最燦爛的時候, 也就是足利花卉公園入園費最昂貴之時, 其入園費會提升至 1700 日圓。

而當紫藤花開得最燦爛之時, 公園亦會延長開放時間至晚上... 今日日場入園料係1000 yen, 5:30 pm 後收夜場價 700 yen, 原本打算先睇夜場，明早再黎睇日場，既然早左黎到就費事等照入園啦...

入園後有啲失望, 園內嘅紫藤未見頃, 唯有等天黑待園內開燈飾後會有啲睇頭...

5:30 pm
食個簡單晚餐先...

今日行左咁多路, 獎下自已先...

食完野天開始黑, 岩岩睇嘅紫藤在燈飾照射下果然係好靚呀...

果然係大事...

6:45 pm
搭 free shuttle bus 到足利市駅...

走到今晚入住嘅ホテルルートイン足利駅前...

今日由茨城嘅国営ひたち海浜公園走到栃木既あしかがフラワーパーク , 行左好多路好攰呀, 今晚可以浸溫泉喇...

~Day 3~

20/4/2019 (Saturday) 晴

足利 --> あしかがフラワーパーク (足利花卉公園) --> (群馬縣) 茂林寺前駅 --> 東武トレジャーガーデン (Tobu Treasure Garden) --> (崎玉縣) 御花畑駅 --> 芝桜の丘 (羊山公園) --> 新宿 --> アパホテル＜新宿歌舞伎町タワー＞

7:00 am
一早起身望出窗外見天氣非常好, 雖然琴日啲紫藤仲未見頃, 但我決定照原來計劃再去過...

先去食早餐...

然後搭 JR 到あしかがフラワーパーク駅...

8:10 am
公園入園料係依開花情況而定, 今日日場入園料係1200 yen, 夜場係 900 yen，比琴日貴左 200 yen 啊... 不過再入園又有 200 yen discount...

9:11 am
離開あしかがフラワーパーク，出發往東武トレジャーガーデン (Tobu Treasure Garden)...

搭 JR 到佐野駅轉東武佐野線至館林駅...

再轉東武伊勢崎線至茂林寺前駅...

由茂林寺前駅大約行15分鐘就到左東武トレジャーガーデン...

離開公園回火車站途中經過茂林寺...

11:37 am
向下一個目的地進發, 坐東武伊勢崎線至羽生駅...

然後轉秩父鐵道到御花畑駅...

1:35 pm
到達御花畑駅已是 1:30 pm, 本來打算中途在便利店買野食, 點知行行下竟然去左回程才到嘅西武秩父駅, 於是就係呢度食 lunch 兼買埋回池袋嘅車票...

今日又要獎自已, 嘻嘻...

食飽飽就出發往羊山公園芝桜の丘喇...

3:00 pm
前年為左睇芝桜, 老遠走到北海道嘅網走東藻琴芝桜公園同紋別嘅芝ざくら滝上公園, 今次就去埋關東嘅兩大代表: 崎玉縣秩父嘅羊山公園芝桜の丘以及山梨縣嘅富士芝桜祭り...

由於芝桜種植在山坡上, 當芝桜盛開時, 就像地毯一樣滿地的粉紅色...

4:25 pm
回到西武秩父駅, 搭特急回池袋...

黎到繁華嘅池袋, 突然係度諗, 我成日黎日本但原來以經好多年冇黎池袋了, 仲記得第一次去日本, 第一個目的地就係池袋 Tim...

轉 JR 崎京線到新宿...

6:30 pm
今晚晚餐選左新宿人氣拉麵店麵屋武藏...

排左半個鐘就可以入座, 點左人氣角煮拉麵, 湯頭以豚骨、雞骨、魚乾、柴魚片等等熬製, 真係好好味啊！

8:30 pm
食飽飽逛逛歌舞伎町就走到今晚入住嘅アパホテル〈新宿歌舞伎町タワー〉...

~Day 4~

21/4/2019 (Sunday) 晴

新宿 --> (山梨縣) 河口湖駅 --> 富士芝桜祭り --> 河口湖畔 --> 新宿 --> 成田駅 --> アパホテル＜京成成田駅前＞

7:00 am
一早起身 check out 走路回新宿駅...

上車前買早餐...

7:35 am
話時話, 除左早兩日去嘅勝田同足利市, 原來我都係未去過富士山架喎... 而家去就岩喇, 因為從2019年 3 月 16 日開始, 前往河口湖的交通方式將會增加一種更便捷的選擇, 就係連結 JR 中央線和富士急行線嘅 Fuji Excursion 特急電車「富士回遊」, 唔駛轉車就可以從新宿直達河口湖...

「富士回遊」在平日有兩班列車來回新宿同河口湖, 星期六日則有三班, 今日我就搭最早出發嘅 Fuji Excursion #91...

上車食早餐...

訓醒覺望出車外見到好靚嘅富士山呀...

9:40 am
到站去買芝桜 Liner 套票, 2000 yen 包河口湖至富士芝桜祭り會場來回巴士同芝桜祭り入園卷...

坐車去會場途中見到有人比緊賽, 後來上網查看得知呢個係富士五湖超級馬拉松, 比賽項目分左 71km, 100km 同 118km, 跑手們你地要加油啊！

10:40 am
到左富士芝桜祭り會場, 未見頃, 相比之下羊山公園靚好多...

初時感覺富士芝櫻出名啲, 但原來呢個會場並不大, 芝櫻都種植在平地上, 唔似北海道同羊山公園咁一大個芝櫻山丘, 不過呢度重點應該係富士山, 咁仲衰, 今朝係河口湖明明見到個好靚嘅富士山, 而家竟然俾啲雲遮住左...

日本四大芝櫻名所都去過了, 個人依次喜歡: 北海道嘅網走東藻琴芝桜公園 > 紋別嘅芝ざくら滝上公園 = 關東崎玉縣秩父嘅羊山公園芝桜の丘 > 山梨縣嘅富士山芝桜祭り...

12:00 pm
搭芝桜 Liner 回河口湖駅...

1:00 pm
先去便利店買野食就走路到河口湖畔...

3:05 pm
搭 Fuji Excursion #16 回新宿喇...

5:00 pm
回到新宿, 琴晚食左人氣拉麵麵屋武藏, 今晚去試另一間龍の家, 5:15 pm 黎到諗住冇人啦, 嘩, 仲長龍過琴晚...

5:45 pm
排左25分鐘可以入座, 再等多10分鐘終於有得食喇, 琴晚食左湯麵, 今晚試下沾麵先...

雖然琴晚係食湯麵, 但我覺得麵屋武藏好似好食啲, 淨係佢果兩塊角煮都吸引啲, 呢兩塊叉燒細到...

6:39 pm
食完拉麵走回新宿駅, 搭 Narita Express 去成田駅, 個 JR wide pass 真係超值呀...

由於要用盡個 Wide Pass 加上明天早機走, 所以今晚入住成田駅附近嘅アパホテル〈京成成田駅前〉...

~Day 5~

22/4/2019 (Monday) 晴

京成成田駅 --> 成田空港 --> 香港

7:10 am
酒店本身有 free shuttle bus, 但 6:50 am 果班 full 左, 7:50 am 果班去到機場得番一個鐘驚太忟水, 所以都係搭京城電鐵去機場...

7 分鐘就到左成田 T2...

過左關例牌去買啲手信, 然後上機了...

9:15 am
今次用 Asia miles 換左 business class 番香港 (其實係冇得揀 >.<), 所以我都特登唔食早餐上機架 :p