2019 Feb 日本．東北．三大溫泉 (山形﹕銀山、藏王；宮城﹕秋保) 4 天之旅

~日本．東北．三大温泉 (山形: 銀山、藏王; 宮城: 秋保) 4 天之旅~

日期: 2/2/2019 - 5/2/2019

閉關左3-4個月, 1月尾終於考完試, 好想去浸溫泉呀 :p... 每年既聖誕新年其實都有個念頭去日本東北既藏王睇樹冰既, 不過次次都去左第二度冇機會成行, 今年既農曆年由於要拜年, 都唔可以去長途旅行, 咁岩岩考完試確實想去輕鬆一下, 得幾日時間, 咁去日本睇樹冰就真係岩岩好喇...

決定左去睇樹冰就著手 plan 下行桯, 十足專業 travel planner 咁, 好快就鎖定日本東北兩大縣既三大人氣溫泉, 就係阿信的故鄉 - 山形既銀山溫泉、睇樹冰既藏王溫泉以及宮城既秋保溫泉... 阿妹聽到話銀山藏王? 咪網上雜誌成日介紹既？佢話自由行比較困難, 所以話要跟埋我去喎 :p 成個旅程就係以溫泉為主題, 係呢三個人氣溫泉區看看舖滿白雪既漂亮溫泉街、睇下壯觀既藏王樹冰、吃吃溫泉料理同浸下溫泉咁, 嘩, 諗起都想即刻出發呀！

地圖上看行程

在較大的地圖上查看2019 日本．東北．三大溫泉 (山形﹕銀山、藏王、宮城﹕秋保) 4 天之旅

~Day 1~

2/2/2019 (Saturday) 香港 --- 晴, 日本 ---

香港 --> 羽田空港 --> 山形駅--> 大石田駅 --> 銀山温泉 --> 味とまごころの宿昭和館

(1/2/2019)
11:50 pm
坐香港快運航空 UO 624 飛往東京...

(以下轉日本時間)
04:30 am
清晨到達東京羽田空港...

5:15 am
在機場食個早餐先...

由於要買 JR East Pass, 而羽田既 JR 東日本旅行服務中心要到 6:45 am 才開門, 咁我地就補下眠先啦...

6:45 am
等到夠鐘就諗住去買 JR East Pass 出市區, 點知一去到... 嘩, 大排長龍, 我地唯有跟住排, 但排到差不多 7:30 am 都冇乜點郁過... 就係呢個時候, 我決定放棄了, 先搭單軌火車出浜松町駅...

7:50 am
浜松町駅既 Ticket Office 開 8:00 am 既, 仲有10分鐘, 黎到排第三, 冇係羽田繼續等確係明智既決定呀, 唔係有排都去唔倒山形...

買左 2 張 JR East Pass 就搭 JR 去東京駅...

8:56 am
搭 JR 到山形駅...

11:37 am
終於到左山形喇, 對上一次黎山形已經係十年前, 真係人面全非... 一到步就落大雪, 阿妹超級興奮啊！

12:50 pm
走到山形駅隔離既食街吃山形牛 lunch...

2:44 pm
出發往大石田駅...

3:30 pm
冬天唔敢自駕遊, 加上去東北咁遠交通係有啲唔方便既, 不過東北的酒店很多都有免費接送... 出發前已預約了酒店的 shuttle bus, 坐 shuttle bus 好快就到了今晚入住的銀山溫泉酒店...

4:10 pm
到了酒店 - 味とまごころの宿昭和館 check in...

[銀山溫泉]
銀山溫泉是山形縣尾花澤市的溫泉, 因全球熱播人氣高企既電視劇《阿信》而廣為人知。《阿信》為1983年的年度熱門大戲, 創下了平均收視率52.6%, 最高收視率62.9%的紀錄。出身貧寒, 自幼便經歷各種苦難的劇中主角─阿信, 其經歷在日本令許多人為之落淚。之後《阿信》先後在世界約60個國家播出, 一經放送立即引起廣大共鳴, 成爲世界著名的電視劇之一。劇中阿信母親爲幫助家計而工作的溫泉街, 正正就是銀山溫泉的溫泉街, 而當時的阿信因思念母親曾到訪此地。即便至今, 銀山溫泉仍是全國著名的溫泉街。河川兩岸林立著歷史悠久的旅館, 令人感受到濃厚古樸的氣息。

與宮城縣鄰接的山形縣尾花澤市內有一座沿著銀山川溪谷的銀山溫泉, 銀山川清冽的河水冒著熱氣穿流其中, 這裏有成排的 3、4 層樓木結構的旅館, 氣氛寧靜, 宛如世外桃源。500 多年前這裏發現了銀礦, 所以這座溫泉村取名爲“銀山”, 人們來到這裏總會産生一種錯覺, 以爲到了拍攝日本古代戲的電影村。(撰自日本國家旅遊局)

逛逛這個仿似童話世界既溫泉街...

千與千尋既湯屋呀...

酒店門外寫左住客既名...

呢個在網上瘋傳既靚景就係我地既酒店門外, 方便到我由下午影到夜晚呢 :p

6:00 pm
好凍呀, 食飯喇...

7:40 pm
飽飽就梗係去浸溫泉啦...

~Day 2~

3/2/2019 (Sunday) 日本 ---

銀山温泉 --> 大石田駅 --> 山形駅 --> 藏王溫泉 --> 樹氷幻想回廊ツアー --> ホテル　喜らく

7:30 am
琴日凌晨機搞到個人好攰, 不過浸完溫泉訓左一覺即刻精神哂, 而家又去浸溫泉喇 :p...

8:00 am
食早餐...

9:00 am
又逛逛溫泉街...

10:00 am
搭酒店 shuttle bus 回大石田駅...

10:30 am
搭 JR 到山形駅...

11:50 am
又回到山形, 在山形駅吃 lunch, 昨天吃左山形牛, 今日就食豬扒飯啦...

1:20 pm
搭藏王溫泉 BT (山交バス）到藏王溫泉...

2:20 pm
拖著行理走到今晚入住的酒店 - ホテル　喜らく check in...

[藏王溫泉]
藏王溫泉是位於日本山形縣山形市東南部藏王連峰西麓的溫泉, 位置在海拔800公尺的山上。藏王溫泉和山形縣的白布溫泉及福島縣的高湯溫泉並稱為奧羽三高湯。據傳藏王溫泉在110年左右, 為跟從日本武尊東征的吉備多賀由所發現。(維基百科)

[藏王樹冰]
因日本東北地區特殊地形和氣候, 一般在冬季從12月末~2月左右, 藏王溫泉都會出現一個獨特的自然奇觀 - 藏王樹冰 (樹氷)。藏王樹冰是去到冬天的藏王絕對不能錯過的自然奇觀, 是山形縣冬季最特殊的冬季盛景。隨著冬日雪花紛飛, 奇特又美麗的樹冰便逐漸形成, 到一、二月間, 藏王山頂蒼翠的松樹便完全為白雪包覆, 就像是一個個矗立在冰原雪地上的雪怪, 蔚為奇觀, 模之大, 型態之怪, 景觀之詭異, 令見慣了冰封雪原的日本人都將「藏王樹冰」視為國寶, 無論看過多少雪景的人初次看到「藏王樹冰」都必定會嘆為觀止！在日本東北一共有三個地方可以看到樹冰, 其中藏王的樹冰原區擁有最佳的條件環境, 因此是當中最具規模的一處。從日本海吹來的溫暖水氣, 先在青森椴松樹梢結成霧冰, 接著大樹也凝結, 到1、2月氣溫低到攝氏10到12度、風速達每秒10至15公尺, 強風颳起地面積雪加速冰雪凝結, 遂造就龐大的樹冰, 每年2月會舉辦「藏王樹冰祭」, 吸引無數的滑雪客和觀光客前往欣賞。在旅遊旺季的夜晚 (特定日子), 山頂上將有投影燈 (light up) 的照射, 而我亦是刻意選有 light up 的日子去看 light up 的。

如果不是要看樹冰 light up, 只要走到藏王山麓駅乘纜車上山就可以了, 我因為想看 light up 所以參加了樹氷幻想回廊ツアー... 樹氷幻想回廊ツアー套票包藏王山麓駅至樹冰高原駅纜車往復車票同帶你去睇樹冰既雪上車... 每人4000 yen, 要預先預約... 由於我一月尾才預約, 當時回覆說只有7點出發的團有位子, 所以就只能參加7點的團...

下午我地自已先上藏王山一次, 看看白天的樹氷奇觀...

3:00 pm
在藏王山麓駅買纜車票, 由藏王山麓駅至地藏山頂駅的往復車票每人價格為2800 yen...

黎到見所有 tour 已 full 喇...

出發...

3:40 pm
樹氷高原駅...

4:00 pm
地藏山頂駅...

5:00 pm
回到藏王山麓駅...

5:30 pm
為了晚上去看樹冰, 夠鐘回酒店吃晚飯了...

6:40 pm
又出發喇, 走回藏王山麓駅集合, 準備出發上山囉...

搭纜車到樹冰高原駅...

之後大家一起乘坐這架雪上車去睇樹冰喇...

8:00 pm
Light up tour 大約一個鐘, 搭纜車回到藏王山麓駅...

8:30 pm
凍死人喇, 回酒店立刻飛奔去浸溫泉啦...

今天掃左好多...

~Day 3~

4/2/2019 (Monday) 日本 ---

藏王温泉 --> 山形駅 --> 仙台駅 --> 秋保溫泉 --> ホテル瑞鳯

7:30 am
一早又去浸溫泉, 再嘆個豐富早餐...

9:15 am
酒店送我地到巴士站...

9:40 am
搭藏王溫泉 BT (山交バス）回到山形駅...

10:52 am
搭 JR 到仙台駅...

1:15 pm
由山形縣到了宮城縣既仙台, 當然要吃仙台名物牛舌啦...

在仙台駅週邊逛街...

4:00 pm
搭酒店的接送車到秋保溫泉...

4:40 pm
到達今晚入住的酒店 - ホテル瑞鳯 check in...

[秋保溫泉]
宮城縣西部的秋保溫泉是沿著從仙台灣注入太平洋的名取川開闢出來的溫泉療養地, 歷史久遠, 據說其起源可追溯到 6 世紀。雖然離仙台市的鬧市區不遠, 但秋保地區的森林覆蓋率達90% 以上。這裏許多現代風格的旅館散落在層層綠蔭之中, 充滿了寧靜安祥的氣氛。(撰自日本國家旅遊局)

5:00 pm
check in 後本打算逛逛溫泉街, 但走了一段路, 見啲舖頭大都關了門, 街都冇咩人, 我地見唔多對路, 都係返回酒店浸溫泉囉...

7:00 pm
吃 dinner 喇, 銀山同藏王都係食溫泉料理, 而秋保呢度就係食 buffet, 好正啊！