~Day 4~
1/6/2019 (Saturday) 阿根廷．伊瓜蘇 --- 天陰
Hotel --> Argentina's Iguazú National Park (阿根廷伊瓜蘇國家公園) --> Iguazú Falls (伊瓜蘇瀑布) (Argentina side) --> Viale Cataratas Hotel
6:15 am
今趟南美之旅既重點目標﹕伊瓜蘇、馬丘比丘同彩虹山。今日終於可以實現夢想, 一睹這個世界新七大自然奇景 - 伊瓜蘇瀑布。一早吃個豐盛早餐...
7:15 am
Local guide Marco 約了我 7:15 am 在酒店大堂等, 準時出發往阿根廷伊瓜蘇國家公園。
Iguazú Falls 伊瓜蘇瀑布是位於阿根廷跟巴西邊界的 “New 7 Wonders of Nature 世界新七大自然奇景”, 是一個來到南美洲大家最不能錯過的景點之一!。雖然這個瀑布是在兩國的邊界, 但是 80% 歸阿根廷, 剩下的才是巴西擁有。旅客們可以從巴西觀看阿根廷邊的瀑布或者是反過來, 兩邊看的角度不同, 感覺亦不同, 通常一場黎到兩邊都會去的。
今日我就會先進入阿根廷這邊的伊瓜蘇國家公園, 在阿根廷這邊看巴西的伊瓜蘇瀑布。
由酒店開車到阿根廷伊瓜蘇國家公園大約需要50分鐘, 中間需要辦理巴西既離境手續, 然後再進入阿根廷境內...
到了巴西離境關口, Marco 只係叫我俾本 passport 佢, 佢幫我搞掂哂, 真係好鬼方便...
咁就離開左巴西 :p 路上既石壆都由巴西變左阿根廷 :p
之後再進入阿根廷, 本 passport 就儲多左個印仔喇, hee hee...
8:00 am
到達阿根廷伊瓜蘇國家公園...
阿根廷伊瓜蘇國家公園的門票是每人 AR$800 (大約美金$18), 其實我跟住個 local guide 真係咩都唔駛理架, 個價錢都係特登寫番出黎俾大家參考一下 :p
Argentina's Iguazú National Park 阿根廷伊瓜蘇國家公園
伊瓜蘇國家公園是阿根廷的一座國家公園, 位於米西奧內斯省北部阿根廷和巴西的交界處, 面積 550km²。1984年, 聯合國教科文組織將其列入世界遺產。兩年後, 該地區的巴西部分也獨立列為世界遺產。(維基百科)
New 7 Wonders of Nature 世界新七大自然奇景 x 世界自然遺產 x 世界三大瀑布﹕Iguazú Falls 伊瓜蘇瀑布
Iguazú Falls 伊瓜蘇瀑布 是由位於巴西巴拉那州和阿根廷邊界上的伊瓜蘇河從巴西高原輝綠岩懸崖上落入巴拉那峽谷形成的瀑布。現時成為聯合國世界自然遺產的一部分。伊瓜蘇瀑布與東非 Victoria Falls 維多利亞瀑布及美加的 Niagara Falls 尼加拉瀑布是世界三大瀑布。(維基百科)
Iguazú Falls 伊瓜蘇瀑布確實是全世界最寬的瀑布 (2700米), 但它其實是由 275 個被中間小島分開的 “瀑布群” 組成。世界上真正最寬的瀑布其實是位於非洲尚比亞 & 辛巴威的 Victoria Falls 維多利亞瀑布, 總寬 1700米都沒有中斷。由於伊瓜蘇瀑布太寬, 光要看這些瀑布群, 就要在國家公園內搭船、搭火車並走一大堆步道繞來繞去, 真是花一整天都可能睇唔哂！再者, 伊瓜蘇瀑布的雄偉程度真的是需要自己親自體驗, 尤其每秒 6,500 立方公尺的容量, 發出的巨聲真的是不同凡響啊!
好喇, 要親身體驗就要出發喇... 進入園區第一時間去搭小火車, 到達 Devil’s Throat 魔鬼咽喉的入口... 雖然不是旺季, 但 Marco 說越晏就越多人搭小火車, 加上 Devil’s Throat 魔鬼咽喉是最大最重要的瀑布, 所以第一站就是去最遠的 Devil's Throat...
Marco 說之前下了很多天雨, 所以整個瀑布都變成啡色, 真係第一次見咁污濁既瀑布, haha...
Devil’s Throat 魔鬼咽喉
終於到了最壯觀的「Devil’s Throat 魔鬼咽喉」... 魔鬼咽喉真的是整個阿根廷伊瓜蘇國家公園內最令人驚嘆的景點, 它是整個伊瓜蘇瀑布中最大的瀑布, 也是分開阿根廷與巴西國界的峽谷。
之後搭小火車回到園區中心點, 開始走 Inferior Circuit 步道...
Inferior Circuit (Lower Circuit)
從低點的 Inferior Circuit 開始健行, 這個步道總長大約 1400米, 一開始很有在叢林散步的感覺, 畢竟這個地方算是熱帶雨林, 有許多蚊子跟蜘蛛...
經過兩個小瀑布: “Salta Lanusse” 跟 “Salta Alvar Nunez”...
San Martin 和 Mbigua 瀑布
Bossetti 瀑布
呢個直頭係淋浴瀑布, 行近少少都會濕哂...
Dos Hermanas 瀑布
Superior Circuit (Upper Circuit)
接下來就開始走總距離 1550米長的 Superior Circuit, 到達全世界最寬的伊瓜蘇瀑布的頂端。
其實一路走, 只是感到周圍都係瀑布, 數目真係多得緊要, 而水流亦都非常之急, 這個伊瓜蘇真係令人感到好震撼, 難怪入選為世界新七大自然奇景！
12:00 pm
整個國家公園面積很大, 如果鍾意影相慢慢行, 其實可以行足一日, 導遊仲話呢個國家公園既面積等同成個瑞士... 幸好今天遊客不多, 不用花時間排隊進場、搭小火車等, 所以半天就行完了...
12:45 pm
離開國家公園返回酒店...
我又離開阿根廷再次進入巴西喇...
吃個簡單的 lunch...
3:15 pm
下午係 free time, 走到附近的 Shopping Mall 逛逛...
6:45 pm
又回到酒店, 吃個簡單 dinner 又休息了...
~Day 5~
2/6/2019 (Sunday) 巴西．伊瓜蘇 --- 晴
Hotel --> Brazil's Iguaçu National Park (巴西伊瓜蘇國家公園) --> Iguaçu Falls (伊瓜蘇瀑布) (Brazil side) --> Foz Do Iguaçu International Airport (伊瓜蘇國際機場) --> Peru (秘魯) --> Jorge Chavez International Airport (豪爾赫•查韋斯國際機場) --> Lima (利馬) --> Wyndham Costa del Sol Lima Airport
6:15 am
今日既 pick up time 係 11:45 am, 即係上午係 free 既, 不過時差實在困擾, 半夜四五點已經醒左喇, 唯有一早落去餐廳食早餐... >.<
8:15 am
在酒店小店買了點手信...
之後就出外散散步...
11:45 am
執好行理 check out, Marco 已在酒店大堂等緊我了...
今日轉個角度, 進入巴西這邊的伊瓜蘇國家公園, 回望在阿根廷境內的伊瓜蘇瀑布。
到了公園正門, 嘩, 乜咁多人既, 其實 Marco 昨天有提過, 雖然80%既伊瓜蘇瀑布都在阿根廷國家公園內, 但巴西呢邊既遊客係多啲既, 當時唔太明, 今日參觀過巴西呢面既國家公園我就知點解喇...
Brazil's Iguacu National Park 伊瓜蘇國家公園
Iguacu National Park 伊瓜蘇國家公園是巴西的一處國家公園, 與保護區的阿根廷部分共同擁有伊瓜蘇瀑布群, 整個瀑布群寬約2700米。當地有5種生態系統, 1986年被聯合國教科文組織列入世界遺產, 1999年, 又一度被列入瀕危世界遺產。(維基百科)
巴西的伊瓜蘇國家公園門票是 REAL$70 (大約美金$18), 門票價錢與阿根廷的相若...
12:00 pm
進入園區, 第一站係先去玩全世界得呢度有得玩既瀑布激流 Rafting...
跟住 Marco 真係好, 唔駛自已排隊買飛之餘, 本身園區內係唔可以渣車既, 遊客要坐公園內安排既接駁車到觀賞瀑布既步道起點, 但係 Marco 又可以渣車喎, 佢真係好有江湖地位既一個 local guide...
到左 Rafting 入口, 跟著工作人員坐車進入熱帶雨林走一段路, 最後黎到登船既地方...
其實好耐之前在電視上看過一個旅遊節目介紹伊瓜蘇瀑布, 當時見到主持人坐船經過大瀑布好似好刺激好好玩咁, 今日我終於可以親身試下俾呢個伊瓜蘇照頭淋, 全身由外到內, 再由內到外都濕透既體驗, 哈哈...
上船喇, 好緊張呀...
船停左係度好耐, 我仲以為係衝埋去呢個瀑布群度丫...
那個太勁喇, 衝埋去反船都似, 哈... 呢個先真, 不過都好勁下...
衝喇, 真係一桶一桶水照頭淋咁既款, 好玩指數爆燈, 呢個體驗真係冇得輸, 好玩指數爆燈...
玩完激流就去睇瀑布... 今日係同琴日調轉, 望番過去阿根廷果邊既瀑布群...
在巴西這邊看瀑布比較簡單, 只要沿著 Circuito Brasilero 步道走一趟即可, 沿路設有數個觀景台。越接近「Devil’s Throat 魔鬼咽喉」, 隨風吹來既水點亦會越黎越多, 成個人都會濕哂的...
San Martin 與 Mbigua 瀑布
Mosqueteros
初時以為在阿根廷係近看瀑布, 在巴西是遠觀應該不會濕身啦, 點知... 黎到最震撼既瀑布群, 一條鐵橋讓遊人走到「魔鬼咽喉」的中央, 形勢跟阿根廷看到的一樣咁勁, 只是風更大、水更猛... 我唔止成身濕哂, 就連相機電話通通都濕... >.<
可能之前落了很多天雨, 瀑布水位比平時高, 置身於瀑布群內成身濕哂... 唔止個身, 就連電話相機通通都濕, 濕到唔想行咁濟 >.<
最後還有一個高空觀景台, 真係靚到難以形容, 而且很多時候都會見到彩虹出現在瀑布上...
剛才提到巴西呢邊係比較多遊客既, 我想原因係... 雖然80%瀑布都在阿根廷, 但由巴西望過去視野更寬闊, 容易看到整個瀑布群的佈局, 瀑布更靚更狀觀... (身為巴西人既 Marco 係好自豪咁講既 :p) 不過在阿根廷一方參觀則有讓人置身其中的感覺, 又可以近距離欣賞每一個細小瀑布... 所以, 兩個角度皆有其優點、獨特之處, 我相信兩者都會有捧場客呢！
4:45 pm
因為喜歡看世界遺產, 為了這個伊瓜蘇、馬丘比丘同彩虹山, 毅然決定遠征南美... 呢兩日參觀完這個世界新七大自然奇景伊瓜蘇大瀑布之後, 覺得呢個 trip 真係超正, 即使要飛廿幾個鐘飛機黎都係非常值得呀...
要離開伊瓜蘇喇, 還有點時間, 去買點手信...
買完手信 Marco 就車我去機場...
5:00 pm
好快到了伊瓜蘇機場, 又要與 Marco 道別喇, 真係好多謝佢, 呢兩日帶我遊覽這個咁偉大既伊瓜蘇瀑布, 仲有幫我安排玩激流俾伊瓜蘇照頭淋 :p
7:26 pm
乘坐 LATAM Airlines LA 2442 航班飛往 Peru 秘魯首都 Lima 利馬。
(以下轉秘魯時間)
9:48 pm
完成了巴西的旅程, 到達南美另一國度 Peru 秘魯繼續今趟旅程既下半部分。入境過程順利...
10:20 pm
今晚入住就在機場對面的 Wyndham Costa del Sol Lima Airport... 一出機場, 好多司機在找生意, 首都果然係雜啲, 不過治安都OK, 感覺不太差... 不過我為左避開啲麻煩司機, 搞到行多左冤枉路先搵到酒店既門口...
check in 後真係拿拿臨訓, 因為幾個鐘之後又要起身架喇...
沒有留言:
張貼留言