2019 June 日本．九州 (長崎、佐世保、福岡)．軍艦島悠閒之旅

~日本．九州 (長崎、佐世保、福岡)．軍艦島悠閒之旅~

日期: 29/6/2019 - 1/7/2019

3天假期, 最適合就係去食去浸再配個世界遺產既快閃之旅, 今次既目標係位於日本九州長崎縣既軍艦島... 一個神秘既無人荒島... 睇下機票, 時間價錢都 ok 就決定成行。

既然目標已鎖定, plan 行程就十分容易了。坐零晨機往東京羽田, 轉內陸機到福岡, 再坐火車落長崎, 聽落係有點辛苦, 但要趕及參加星期六下午出發的軍艦島上陸 Tour 就只好如此... 之後往佐世保既九十九島, 最後回福岡逛街同參觀太宰府﹕

Day 1: 香港 --> 東京 --> 福岡 --> (長崎縣) 長崎 --> 軍艦島クルーズ --> 佐世保
Day 2: 佐世保 --> 九十九島パールシーリゾート --> (福岡縣) 福岡祗園
Day 3: 福岡祗園 --> 太宰府 --> 香港

地圖上看行程

在較大的地圖上查看2019 日本．九州 (長崎、佐世保、福岡)．軍艦島悠閒之旅

~Day 1~

29/6/2019 (Saturday) 香港 --- 晴, 日本 --- 雨

香港 --> 羽田空港 --> 福岡空港 --> (長崎縣) 長崎駅 --> 軍艦島クルーズ --> 佐世保駅 --> 弓張の丘ホテル‎

(28/6/2019)
10:30 pm
為左一早要到達長崎, 今次搭夜機飛東京再轉內陸機... 時間好鬆動, 放工後回家吃個晚飯, 再搭巴士到機場...

快閃遊例牌唔駛寄倉, 但因為轉機坐 JAL, 網上 check in 係攞唔倒 Boarding Pass, 所以就算網上 check in 左 都要去番 check in counter 印番張 Boarding Pass...

check in 時地勤人員竟然話因航班超賣 (真老實...), 問我轉唔轉坐遲一個鐘出發的 ANA... 嘩, 駛唔駛咁吸引呀, 只可惜我既目的地唔係東京喎, 本身都係得2個鐘轉機時間, 都係唔好博喇...

11:54 pm
乘搭港龍航空 KA 396 航班飛往東京羽田空港...

(29/6/2019)
(以下轉日本時間)
5:04 am
到達羽田空港...

入境超級多人, 好彩冇轉坐 ANA 咋, 真係會趕唔切轉機呢...

7:12 am
轉乘日本航空 JL 305 航班飛往九州福岡空港...

8:50 am
終於到左福岡, 趕快排隊入境...

因為唔駛等行理, 步出接機大堂就直接去搭市營地鐵到博多駅...

9:55 am
其實天氣預報係話呢幾日九州都會落雨, 我怕軍艦島既 Tour 會 cancel, 如果真係 cancel 就費事落長崎啦... 上網 check 一下, 佢話照常出船, 於是就按原地計劃出發往長崎喇...

在博多駅轉搭 JR 到長崎駅... 因為趕住上車, 怱忙地買幾個牛角包上車吃...

11:50 am
終於都到左長崎, 其實最好就係在東京轉飛長崎既內陸航班, 咁就唔駛咁辛苦... 鬼唔知咩, 機票太貴啦...

2017年跑鹿児島馬拉松時已玩過長崎, 很多市內既景點都去過了, 今次就不特別介紹長崎市喇...

在火車駅旁既商場買手信...

黎長崎冇理由唔買長崎蛋糕姐, 之後經過 Mary Quant 又買左個化裝袋...

掛住 shopping 又冇時間食 lunch, 買個包算喇...

1:20 pm
由長崎駅步行至軍艦島クルーズ既集合地點 - 元船町...

大約行左十分鐘就到達位於長崎港元船桟橋既軍艦島クルーズ事務所, 除左俾錢外, 每人還要簽一份 Declaration, 表示會遵守上島遊覽所定既規則...

軍艦島上陸 Tour 視乎天氣情況, 一般每日會有兩團, 上午一團, 下午一團, 料金為成人3600 yen, 另加上陸費 300 yen, 小童 1800 yen, 另加上陸費 150 yen。

辦理好手續就可以到元船桟橋等出發喇...

2:00 pm
下午團於2時正出發, 船航行大約40分鐘到達高島港, 大家會上陸參觀石炭資料館...

軍艦島模型...

端島礦工由1891年至1974年一直進行開採煤炭嘅工作, 直至能源需求被石油取代...

3:10 pm
繼續坐船向軍艦島進發...

到達神秘既軍艦島喇...

軍艦島 (Gunkanjima) 又稱端島 (Hashima), 端島是一個位在日本西部九州長崎縣海域的半人工島嶼, 因外形酷似軍艦而有「軍艦島」的別名。端島原本是西彼杵郡高島町的一部份, 但目前該町已併入長崎市, 因此端島現在由長崎市管轄。端島原本只是一處淺灘, 但自明治時代開始因在這裡發現煤礦而進行多次填海, 面積大幅擴大。(維基百科)

從明治23年 (1890) 起, 端島供應製鐵用的原料炭, 對日本近代化有十分大的貢獻。最盛期時的人口超過5000人, 人口密度據說為當時世界第一。狹隘的島上林立著高樓層公寓的樣子, 世界少有, 讓人以為是海上的要塞, 外觀跟「土佐」軍艦很像, 所以被稱為軍艦島。現時天氣好的時候可以登陸參觀。(節錄自長崎市官方觀光網站)

軍艦島煤礦於2015年與其他明治日本的產業革命遺產例如煉鐵、鋼鐵、造船、煤炭產業等一同被列為世界文化遺產。

船會圍住軍艦島慢慢駛, 可以360度咁欣賞呢個在海上嘅無人小島...

準備上陸喇... 好可惜, 因風浪太大船長最後宣布上陸失敗... 残念だった！

今次有點刻意為左軍艦島先促使呢個快閃遊, 點知黎到都上唔倒島... 無辦法啦, 天氣既野都係好難估計, 去旅行就係咁架啦...

無法上島, 本來在島上嘅見學就改在船上進行...

唔好睇個島細細, 島上建築有中小學校、醫院、電影院、體育館、郵局、理髮店等等, 島內生活娛樂都相當豐富。

4:10 pm
由於冇得上軍艦島, 比原定時間早左回程, 職員仲每人退回 300 yen 上陸費, 仲有一個軍艦島紀念品, 不過我估上唔上島都會送既...

4:50 pm
下船後我又走路回 JR 長崎駅, 買晚餐就搭 JR 到佐世保駅...

7:08 pm
天氣開始變壞, 到了佐世保一直下雨...

7:35 pm
搭酒店 shuttle bus 到達弓張の丘ホテル...

7:50 pm
到達酒店 check in, 問下職員咁夜又落緊雨行去弓張岳展望台有冇問題, 佢話可以去, 不過天氣差咩都睇唔倒 >.< 既然係咁我就直接去浸溫泉囉 ^.^

~Day 2~

30/6/2019 (Sunday) 雨

弓張の丘ホテル‎ --> 九十九島パールシーリゾート --> 佐世保駅 --> (福岡縣) 祗園駅 --> 三井ガーデンホテル福岡祗園

8:30 am
琴晚冇夜景睇, 今朝一早起身望出窗外, 又係白濛濛一片, 咁即係又冇野睇, 唉, 等我仲話為左個弓張岳展望台而住呢間酒店 tim...

冇風景睇就去浸溫泉啦...

9:15 am
嘆番個大早餐...

佐世保市是日本長崎縣北部地區的一座城市, 人口數量在長崎縣中排名第二, 僅次於長崎市。以日本的造船和國防工業之城為人所知, 設有駐日美軍的佐世保美國海軍基地, 也是九州最大的主題樂園「豪斯登堡」所在地, 因此也是著名的觀光都市。(維基百科)

今次時間不多, 唔會行佐世保市, 集中遊覽位於佐世保西面既溺灣群島 - 九十九島。

散落在長崎縣西部的北松浦半島西側的島嶼被稱爲九十九島 (擁有99個島嶼), 是西海國立公園的代表性景地。與大大小小200多個島嶼蜿蜒交錯的裏亞式海岸, 在從佐世保到平戶延綿約25公里的海面上形成了自然的造型美。由於九十九島的絕大多數島上沒有人居住, 依然留有很多未經人工修飾過的大自然風貌。在這裏, 可觀賞到有著錯綜複雜的地形卻風平浪靜的海灣及夕陽沈入大海等大自然的壯麗景觀。從佐世保觀看, 九十九島展現出如女性般優美的景觀, 而從平戶觀看, 九十九島則呈現出男性般博大的景觀。乘坐從佐世保市內的鹿子前棧橋始發的觀光船, 可以周遊島嶼, 遊程約50分鐘, 可從海上欣賞綠島與藍海的鮮明對照形成的美麗景觀。此外, 佐世保市郊外有座別稱爲佐世保富士的烏帽子嶽, 從山頂上眺望, 宏偉雄壯, 不僅九十九島, 天氣晴朗時, 就連雲仙嶽也可盡收眼底。(轉載自日本國家旅遊局網頁)

之前已提到, 揀這間酒店係因為, 佢既位置就正正在弓張岳展望台隔離, 從酒店行過去就是了, 在展望台就可以睇到好靚既九十九島景色架喇, 不過呢兩日落雨咩都睇唔倒 >.<

10:30 am
除左咁, 另一個原因係免費 shuttle bus, 雖然佢既位置較偏僻, 但酒店有 shuttle bus 往來佐世保駅同九十九島パールシーリゾート, 所以就揀左佢喇...

book 酒店時已 reserve 了 10:30 am 往九十九島パールシーリゾート既 shuttle bus...

10:45 am
其實九十九島パールシーリゾート (Pearl Sea Resort) 不大, 遊客大多會坐遊覽船遊九十九島... 遊覽船有兩隻, 一隻係九十九島遊覧船パールクィーン (Pearl Queen), 另一隻係九十九島海賊遊覽船みらい... 因為我想坐海賊船, 海賊船每日得3班, 分別係 11:30 am, 1:30 pm 同 2:30 pm 出發, 咁我就買飛坐 11:30 am 那班, 1400 yen...

等待期間就周圍行下先...

呢架係 Pearl Queen...

11:30 am
上船喇, 呢架九十九島海賊遊覽船みらい係咪吸引好多呢 :p

12:20 pm
落船後買個佐世保名物 Burger 食下先...

12:48 pm
除左坐船遊九十九島, 仲可以參觀水族館, 但我冇咩興趣所以就搭巴士離開喇...

1:42 pm
搭 JR 回福岡博多駅...

3:50 pm
回到繁華既博多, 身邊都係廣東話 :p 本來想直接在博多駅附近逛街, 但背包太重, 決定先到酒店 check in, 放下行理再出來慢慢行...

到達三井ガーデンホテル福岡祗園... 呢間酒店係新開的, 非常新淨...

4:40 pm
走回博多駅附近的阪急百貨逛逛...

6:40 pm
行到好肚餓, 在超市買 sushi 吃, 然後又繼續行...

8:45 pm
回酒店, 浸溫泉後休息...

~Day 3~

1/7/2019 (Monday) 晴

三井ガーデンホテル福岡祗園 --> 太宰府 --> 福岡空港 --> 香港

7:30 am
最後一天行程, 梗係要浸溫泉...

8:15 am
再去食早餐, 有啲驚喜, 酒店早餐好正, 竟然有魚生...

9:04 am
之後便 check out, 出發往太宰府天満宮...

10:10 am
到達太宰府駅...

太宰府市是位於日本福岡縣中部的城市, 位於福岡市東南方約16公里。它是九州古城大宰府的所在地, 擁有許多歷史遺跡, 包括著名觀光景點太宰府天滿宮, 因此每年有大量旅客到訪, 2006年的統計約有732萬名旅客到訪。(維基百科)

由太宰府駅走出來, 沿住表參道走, 基本上很快就會走到太宰府天満宮, 中途經過必影既 Starbucks...

太宰府天満宮

太宰府天滿宮是位於日本福岡縣太宰府市的神社。舊社格為官幣中社。和北野天滿宮同為日本全國天滿宮之總本社、天神信仰的中心。主祭神是學問之神菅原道真。太宰府天滿宮與北野天滿宮、防府天滿宮並稱為「三天神」, 三天神另有一說是太宰府天滿宮、北野天滿宮和大阪天滿宮。(維基百科)

因為太宰府供奉既係學問之神菅原道真, 所以我都祈求姪女晴晴學業進步...

在太宰府旁的九州國立博物館...

我自已都唔輸蝕, 買番樣野俾自已先, 哈...

11:40 am
離開太宰府, 在太宰府駅外就有直通巴士到福岡機場國際線大樓, 超級方便啊...

12:10 pm
到達福岡機場, 時間太早, check in counter 都未開, 因已網上 check in, 又唔駛寄倉, 所以直接過海關出境...

12:40 pm
食個 light lunch...

之後仲有樣好重要既任務...

3:12 pm
港龍航空 KA343 航班準時起飛...

上到機發覺冇電視, 又冇叉電, OMG... 咁食完個餐就只好訓覺, 點知臨落機去厠所時見啲人個個係手機睇戲既...? 原來架機冇電視, 但就提供 wifi 俾大家用手機或手提電腦睇港龍提供既電影電視, 嘩, 我真係第一次見, 真係 outdated... 不過比我早啲發現都冇用啦, 冇得叉電咪又係冇得睇戲...

(以下轉香港時間)
5:44 pm
安全抵達香港, 3天嘅長崎、佐世保、福岡之旅完滿結束。