[2019 日本．關西和歌山] 溫泉美食慶生之旅

~Day 1~

5/10/2019 (Saturday) 香港 --- 晴, 大阪 --- 晴

香港 --> 關西國際空港 --> (大阪府) 黑門市場 --> 難波千日前 --> 道頓堀 --> 心齋橋 --> 天然温泉夕霧の湯ドーミーイン PREMIUM なんば

4:40 am

期待左好耐既全家族生日之旅出發喇, 由於近日香港既交通比較不穩定, 為免入機場有咩延誤, 一早 call 定車去機場...

到了機場就去 check in 寄行理, 可能星期一係公眾假期, HK Express 既 check in 櫃位超多人排隊... 寄好哂行理就過海關, 出境...

7:04 am
HK Express UO 850 航班準時起飛...

(以下轉日本時間)

11:34 am
大約三個半鐘就到左關西國際空港, 排隊入境都算快...

1:05 pm
搭南海電鐵到難波... 為左多點時間逛街, 我地決定買 Lunch 上火車食...

到了難波轉地鐵到日本橋駅...

2:30 pm
到了今晚入住的酒店 "天然温泉夕霧の湯ドーミーイン PREMIUM なんば" check in...

3:30 pm
稍作休息後就正式出發... 第一站係黑門市場...

在這個近600米長的市場裏總共有170家店鋪, 主要經營新鮮和高品質的肉、蛋禽類和蔬菜水果以及海鮮等生鮮食品。

揀岩邊款就可以叫舖頭即燒即煮, 店舖內還有座位俾客人坐低慢慢食... 我地試左和牛、大蝦同蟹膏...

再 encore 吞拿魚刺身, 大家食到讚不絕口, 當然啦, 成 5000 yen 一份 :p...

之後走到難波千日前, 帶屋企人黎食呢個我一試難忘既小丸子...

[たこ焼き道樂わなか千日前總店]
地址﹕大阪府大阪市中央區難波千日前11-19
電話﹕06-6631-0127
營業時間﹕週一至週五﹕10:00-23:00 週六、日、法定假期﹕8:30-23:00
網址﹕http://takoyaki-wanaka.com/index.html

道樂既章魚燒外皮燒得酥脆, 內餡用高湯製成, 呈半液體狀態, 黏糊糊的口感, 真係好好味架！道樂提供 4 種不同口味既小丸子, 分別係 "醬汁與沙律醬"、"鰹醬油"、"蔥與鹽" 同 "每月不同口味"... 我叫左一個綜合套餐大家 share 食, 總共8粒, 每種口味有2粒, 2016年黎大阪跑馬時價錢只係 500 yen, 今次黎加左價要 600 yen。

食飽飽逛下驚安の殿堂...

之後走到道頓堀與心齋橋的交界, 亦係最熱鬧既打卡位...

7:00 pm
大阪的第一餐晚餐, 我地選了道頓堀的四天王拉麵...

道頓堀一帶聚集了超多有名的拉麵, 一蘭、金龍、四天王、神座在此都有店... 四天王拉麵就位在金龍拉麵旁邊, 招牌超顯眼超好認...

再 encore 一個大阪燒...

8:15 pm
晚餐後本想再行下心齋橋, 但由於大家昨晚只訓得幾個小時, 到步後又行左成日已經好攰了, 所以食飽飽後就回酒店浸溫泉喇...

浸完溫泉再嘆 Dormy Inn 附送既拉麵宵夜...

~Day 2~

6/10/2019 (Sunday) 奈良、神戶 --- 晴

酒店 --> (奈良縣) 奈良公園 --> 東大寺 --> (兵庫縣) 神戶三宮商店街 --> 元町南京町 --> 神戶和牛モーリヤ (生日晚餐) --> 天然温泉夕霧の湯ドーミーイン PREMIUM なんば

7:30 am
一早起身浸溫泉...

今日係晴晴的三歲生日, 祝你生日快樂、身體健康、快高長大！

8:40 am
今日上午會到奈良公園...

出發前在酒店樓下的 Family Mart 買早餐, 然後步行到日本橋近鉄駅乘搭近鉄電車...

9:40 am
到達奈良駅, 從「東3」出口出車站, 上樓梯後直達「東向通り商店街」, 再沿指示牌走很快就

10:00 am
到達奈良公園...

奈良公園 (ならこうえん) 係位於日本奈良縣奈良市若草山麓嘅都市公園, 佔地660公頃, 公園內有多個歷史文化遺產建築, 包括東大寺、興福寺、春日大社、奈良國立博物館、正倉院等。四季如畫的奈良公園內, 除了歷史古蹟, 吸引人一再前往的魅力, 就是1千多隻可愛的鹿。

買了餅乾餵鹿鹿...

之後走到東大寺... 因為要俾入場費, 大家興趣不大, 影左張相就走了...

12:00 pm
走回奈良駅, 於途中選了一間 cafe 吃午餐...

12:53 pm
搭近鉄電車直達神戶既三宮...

2:30 pm
我們先逛車站上的阪急百貨, 然後就沿 KOBE 三宮センター街 (神戶三宮中心街) 走到元町...

之後再逛逛南京町即唐人街...

南京町是位於神戶市中央區元町通與榮町通之間一個狹窄區域的俗稱, 也是南京町商店街振興組合的註冊商標。為一個充滿中國風味的唐人街。與橫濱中華街、長崎新地中華街並列為日本三大中華街。在東西寬約200m、南北長110m的範圍內, 集中了100個左右的店鋪。

最後走回三宮準備今晚的生日派對...

6:00 pm
話生日派對就跨張左, 不過今日係姪女晴晴的三歲生日, 而後天則是媽媽生日, 所以我特地 book 左モーリヤ的神戶牛晚餐作為慶祝晴晴同媽媽生日既生日大餐。回想上一次到來已經是十二年前既事了, 今次再來, 發覺這間在神戶頗具名氣既神戶牛餐廳已經開了好幾間分店, 我選了位在本店附近的ダイニングモーリヤ DINING MOURIYA, 貪佢有適合一家大細兼小朋友的沙發席, 不過就少了點鐵板燒味道了。

ダイニングモーリヤ DINING MOURIYA
地址﹕兵庫県神戸市中央区北長狭通1-9-10 カクテン屋ビル2F
電話﹕078-335-2421
營業時間﹕平日11:00-15:00/ 17:00-22:00 [21:00 L.O.]; 土日祝祭日 11:00-22:00 [21:00 L.O.]
定休日﹕不定休
網址﹕https://www.mouriya.co.jp/dsb

同一條街就開左幾間分店

呢間係我地今晚 book 左既 Dining Mouriya...

呢間係本店, 亦都是我十二年前初到神戶幫襯既本店...

上去喇, 餐廳環境非常好...

由於網絡發達, 呢間餐廳近年應該多了不少遊客光顧, 為免黎到吃閉門羹, 我預先在餐廳網站 book 位, 收到回覆時才知道 book 位要點埋菜兼付款 (原因不用說都應該知道吧...)... 所以到達後基本上不用點餐, 只需坐係度細心等待美食送來...

主角黎喇...

屋企人一路食一路讚, 我見大家食得咁開心我都好開心...

預先同餐廳講左家人生日, 餐廳送了兩份寫上生日祝福既甜品, 好有心思呀...！

8:23 pm
食飽飽就搭阪急電鐵回酒店喇...

9:15 pm
回到酒店當然少不了浸番個溫泉消除一日既疲勞啦...

~Day 3~

7/10/2019 (Monday) 和歌山、白濱 --- 晴

酒店 --> (和歌山縣) 和歌山城 --> 黑潮市場 --> 三段壁 --> 圓月島 --> ホテル三楽荘

7:30 am
又去浸一浸溫泉先...

今日開始自駕遊, 向和歌山縣進發...

日本通都有失手既時候, 話說大家在酒店 check out 後正準備出發往租車公司取車之際, 我突然醒起之前原本是 book 了在梅田附近的酒店, 後來為了個大浴場而改了 book 難波既ドーミーイン (Dormy Inn), 咁都冇特別丫, 問題係我唔記得轉埋租車公司既取車分店, 呢次真係失手喇...

8:30 am
由難波酒店要去梅田既租車公司話遠又唔係好遠, 但搭地鐵的話又要轉黎轉去, 仲要推埋晴晴既BB車再加幾件行理, 咁搞法有排都去唔倒... 最後我決定同阿妹搭的士去租車公司, 然後渣車回來接番其他人。

9:00 am
到了梅田既日產租車公司日產レンタカー...

辦好手續後, 即刻開車準備返回難波既酒店... 點知越心急就越慢, 雖然係日本都租過好多次車, 但每次一上車, 點都要啲時間適應個 GPS, 而今次呢個 GPS 就正正係比較難觸摸 >.< 短短幾公里既路程, 我行錯左幾次路, 每次都係過左龍轉唔切彎 >.<

10:20 am
係唔知浪費左幾多時間, 終於都順利到達難波既 Dormy Inn, 接回家人就趕快向和歌山進發喇...

12:00 pm
到達和歌山市既和歌山城...

和歌山城是一座位於日本和歌山縣和歌山市市中心的梯郭式平山城, 因為位於虎伏山上, 所以又稱為虎伏城。紀之川流經和歌山城的北部, 為城堡天然的護城河。它與松山城、姬路城合稱日本三大連立式平山城。(維基百科)

和歌山城亦是日本100名城之一。於昭和33年（1958年）重新修建, 以在2018年迎接重建60週年的天守閣為主, 還有各個時代的石牆與土壁保留至今。

和歌山城是德川御三家之一的紀州德川家之所居, 是承擔幕府西國重要的職務。以「暴坊將軍」出名的德川吉宗也曾經居住於此。

古城既主角必然係天守閣, 所以我地都買票入內參觀...

天守閣於弘化3年（1846年）因遭受雷擊而燒毀。雖然之後於嘉永3年（1850年）將所有大小城都重建了, 但因空襲又再度燒毀。現今存留的是第三代的天守。

進入需門票的區域後, 馬上就會看到天守二之門。和歌山城天守閣的建造方式是連立式天守, 在大天守與小天守之間用被稱為「多聞櫓」相連在一起, 這「多聞櫓」就是在石牆上的防禦箭樓。在姬路城或是松山城也有連立式天守。

從天守閣走到外面的觀景陽台, 遠望整個和歌山市街景, 景色非常優美, 還可以眺望360度全景。

1:10 pm
離開和歌山城, 向黑潮市場進發...

1:45 pm
黑潮市場位於 Marina City 內, 屬於觀光型海鮮市場, 隔離仲有一個主題樂園同紀州黑潮溫泉, 頗適合有小朋友的家庭來玩足一天...

其實黑潮市場的佔地並不大, 與其他魚市場一樣, 分開售賣新鮮海產、乾貨同食物幾部分... 我地先吃 lunch, 買了食物就走到進餐區開餐...

食飽飽後就逛逛魚市場內的商店, 周圍都見到和歌山最著名的紀州梅酒、柑橘果汁等著名土產品...

3:00 pm
時候不早, 繼續向白濱進發...

4:40 pm
又舊地重遊, 重臨闊別12年既白濱... 黎到白濱已差不多五點, 先趕往三段壁去參觀三段壁洞窟...

「三段壁洞窟」是第50代天皇桓武天皇在位時(781年~806年), 在三段壁附近航行的漁夫們所恐懼的海盜「多賀丸」, 就隱藏在這個洞窟裡。到了日本平安時代, 這裡就成了熊野水軍的水寨, 現在是白濱町的著名古跡。

洞窟入口處位於瞭望台前方。由地上到地下, 洞窟高度相差36公尺, 搭乘快速電梯需約14秒。在這自然的海蝕洞窟中, 紅咖啡色的洞窟內有1周約200公尺的通道, 展示著不少史料。包括重現的熊野水軍的崗哨小屋、祭拜著隨同第8代將軍德川吉宗奉獻的16童子的水神, 也是日本最大的「牟婁大弁財天」等。此外也保留著昔日挖掘鉛的遺跡, 以供後人追懷。來到這裡最不能錯過的, 就是可以在近處觀看浪濤由洞窟外往內劇烈衝擊激起的滔天巨浪, 魄力十足、令人震撼。但每逢波高浪大的時刻, 往往暫時關閉以策安全。此外也可飽覽十像岩等世界上難得一見的奇岩景觀。(節錄自日本見聞錄網頁)

其實洞窟範圍十分細, 好快就行完, 但入場費頗貴, 值唔值得真係見人見智...

高達50公尺~60公尺的懸崖峭壁, 整體看來有如突出海上的屏風, 十分壯觀。波濤洶湧的海浪拍打著千仞峭壁時, 氣勢磅礡、雄偉壯觀, 不論在聲音或視覺上都非常震撼, 正是「三段壁」最吸引人之處。(節錄自日本見聞錄網頁)

5:30 pm
時候真的不早, 趕到圓月島看日落... 很可惜, 趕是趕得切的, 但太陽伯伯突然被烏雲遮蓋了 >.<

圓月島位於臨海灣, 是個南北長130公尺、東西長35公尺、高25公尺的無人島, 正式名稱為「高島」。島中央有個圓型的海蝕洞, 所以稱為圓月島。以圓月島為背景的夕陽美景聞名全日本, 被挑選為「和歌山縣夕日百選」, 每年都吸引大批國內外觀光客, 成為白濱町觀賞夕陽的代表景點。(節錄自日本見聞錄網頁)

6:00 pm
睇完靚靚風景, 就到今晚入住的溫泉酒店 - ホテル三楽荘 check in...

為左慶祝晴晴同媽媽生日, 我特地 book 左兩間露天風呂付客室, 連部屋食既溫泉料理晚餐... 講真, 我自已去咁多次日本, 幾鍾意浸溫泉都好, 我都未住過咁豪既房... 今次為了家人玩得開心, 又住得開心, 食得開心, 同浸得開心, 就冇所謂啦...

6:30 pm
check in 後稍作休息, 換上靚靚既浴衣, 晚餐已準備好喇... 晴晴仲有一個好得意既兒童溫泉晚餐 :p...

8:50 pm
食到好鬼飽, 之後到酒店的手信店逛逛, 然後就去浸溫泉喇...

~Day 4~

8/10/2019 (Tuesday) 白濱、大阪 --- 晴

酒店 --> 千畳敷 --> (大阪府) Rinku Premium Outlet --> 關西國際空港 --> 香港

6:45 am
一早起來又浸個溫泉, 此時女湯與昨晚的男湯倒轉了...

回到房間又浸下房內既露天風呂, 俾左咁多錢冇理由唔浸下掛...

8:00 am
之後就去吃早餐, 原本 book 既房係包部屋食既日式早餐的, 但家人想吃 buffet, 所以主動放棄左日式早餐轉 buffet breakfast... 早餐的質素就普通一點...

9:55 am
check out 後往酒店附近的千畳敷...

由於昨天唔夠時間, 在離開白濱前去埋這個必看景點... 想親身觀看大自然的鬼斧神工, 來到距離三般壁不遠處的千畳敷就最適合不過... 離遠看的話, 就好似有千多塊的榻榻米不規則的疊在一起, 但是實際上, 這遍土地不過是一個面積較為廣闊的岩石帶。千畳敷的岩石, 是由較為柔軟的白色砂岩所構成, 因為受到海浪的長年衝擊、侵蝕, 而形成這壯麗景觀。特地來看這些岩石, 並不一定能滿足遊人, 如選擇在近黃昏時來遊覽, 連美麗、溫馨的日落都能進入眼簾。