23/11/2019 (Saturday) 香港 --- 晴, 日本 --- 雨
香港 --> 羽田國際空港 --> 河口湖 --> 梨川もみじ回廊 (河口湖紅葉まつり) --> 平浜駐車場 (領取選手包) --> ビジネス&リゾート 登り坂ホテル
10:30 pm
23號晚出發到機場...
冇寄倉行理又好快咁過左關...
11:50 pm
UO 624 航班準時起飛...
冇寄倉行理又好快咁過左關...
11:50 pm
UO 624 航班準時起飛...
(以下轉日本時間)
4:45 am
清晨到左東京既羽田國際空港, 此時既東京天未光又落雨, 好鬼凍呀...
5:18 am
過關後就搭單軌列車既頭班車出東京喇...
5:55 am
黎到東京都未夠六點, 發覺東京駅啲舖頭都未開, 咁就去巴士站探下路先...
知道出發往河口湖既巴士站係邊個心就定啲, 可以安心去嘆個早餐, 但真係太早了, 除左麥當勞好似冇咩選擇, 唯有逛下地下街, 其實啲舖頭都係未開 :p...
7:00 am
等到 Douter 開門就去食早餐...
7:20 am
走到東京駅八重洲南口既高速巴士站... 幸好出發前已在網上買了去河口湖既富士急行巴士車票, 黎到見到班班車都 full 哂呢...
9:55 am
好似訓左好耐, 終於到了河口湖喇...
其實今年四月既北關東之旅都去過河口湖睇芝櫻, 當時係搭 Fuji Excursion 特急電車「富士回遊」到河口湖既... 今次見啲網友話巴士都方便, 而且價錢平, 所以就選擇了搭巴士, 最後因為有少許塞車所以遲了點到達河口湖, 不過唔緊要啦, 反正今天只有兩個行程, 就是去看紅葉同取選手包。
10:08 am
其實在富士山附近唔止得一個河口湖, 只是河口湖距離富士山較近, 交通亦較方便, 如果自駕的話可以玩哂富士四湖: 河口湖、西湖、精進湖和本栖湖。今次因為快閃, 富士四湖要留待下次再安排, 今次去住河口湖睇紅葉先。
在河口湖駅出來就是巴士站, 要遊富士四湖可以搭乘河口湖周遊巴士... 要去河口湖睇紅葉回廊可以搭紅線, 想遊河口湖加西湖可以搭綠線, 如果想去埋最遠既精進湖同本栖湖就要搭藍線...
排隊搭河口湖周遊巴士紅色線, 到久保田一竹美術館駅下車即達紅葉祭會場...
10:40 am
2019 富士河口湖紅葉まつり
日期:11月1號 - 11月23號
時間:9:00 - 19:00 (點燈將由日落至 22:00)
地點:山梨縣南都留郡富士河口湖畔河口梨子河周邊
本身富士山都已經好靚, 秋天嘅富士山又係另一種感覺, 唔少人慕名參加河口湖紅葉祭, 尤其為咗一睹紅葉迴廊 (もみじ回廊) 嘅景色。紅葉迴廊全長約150米, 由楓樹同楓葉造就嘅紅葉隧道真係勁靚!
紅葉迴廊夜晚仲有點燈活動, 賞夜楓又有另一番風味。我原本是打算取了馬拉松選手包再返回紅葉迴廊睇夜楓的, 但很可惜, 天一直下雨, 在馬拉松會場已唔想行, 於是提早到酒店休息。
12:00 pm
走到河口湖畔, 天色很昏暗...
之後搭巴士到馬拉松報到會場... 因會場下午一點才開放, 加上落住雨, 所以去食個 lunch 先... 隨便找了一間餐廳坐下, 因為落雨好鬼凍, 叫左個烏冬鍋, 味道普通。
1:00 pm
食完野就出發往會場, 會場就設於河口湖畔既平浜駐車場內...
入場第一件事當然就係報到同攞跑手包啦, 但會場太細, 人又多, 又落雨, 啲人打哂蛇餅有點混亂, 初初仲排錯隊 tim...
之後就開始行 Expo, 但雨越落越大... 其實所謂既 Expo 就只得少數既檔仔, 但我都買左啲紀念品同明天跑馬用既 power gel...
行完 expo 都係三點幾, 原本打算搭 cable car 上山睇富士山, 但而家咁既天氣唔駛去啦 (上次4月黎時因人太多又冇上 >.<)... 除左睇富士山, 亦打算返回紅葉祭會場睇夜楓既, 但落左成日雨已經唔想再行, 只想快啲到酒店沖涼, 於是就提早離開, 向今晚入住既酒店進發。
4:00 pm
走到今晚入住的酒店 ビジネス&リゾート 登り坂ホテル, 酒店距離富士山馬拉松起點大約2公里, 步行20-30分鐘, 都可以接受, 而且房間很不錯, 仲有我至愛既溫泉。
4:45 pm
時間尚早, 走到附近既藥店同 lawson 買定雨褸同早餐先。
5:30 pm
由於落雨唔想行, 就在酒店樓下餐廳食 dinner...
6:15 pm
回到酒店, 又濕又凍, 拿拿聲去浸個溫泉先...
8:30 pm
浸完溫泉舒服哂, 然後就開始執野準備明天既比賽喇...
明天比賽前的早餐...
選手包加 Expo 戰利品...
明天出賽戰衣...
由跑東馬開始, 我就習慣貼定哂膠布以防起水泡, 希望今次都 work 啦...
10:00 pm
一切準備就緒, 最重要就係早啲休息, 訓覺喇...
~Day 2~
24/11/2019 (Sunday) 雨
酒店 --> 船津浜駐車場 --> 富士山マラソン2019 (Mt. Fuji International Marathon 2019) --> 河口湖溫泉街 --> 新宿 --> 新宿 ワシントンホテル
7:40 am
隔左一年冇跑馬拉松, 加上唔知自已能否順利完成, 心情難免有點緊張... 一起身望出窗外, 見個天仍然下著雨, 心情更加低落... 不過都係要出發啦...
8:15 am
雖然酒店離河口湖畔有段距離, 但出發後不久已見到很多跑手了, 跟著人潮好快就到達大會既起點, 即船津浜駐車場... 同昨天一樣, 會場太細, 人又多, 去寄存行理區既路都塞滿人...
雖然富士山馬拉松規模稱不上大型, 但我跑過咁多次日本馬, 都未見過寄存行理係自助的... 大會把行理寄放區劃分為 1, 2, 3... 數個區域, 跑手只需依照自已 bib number 既第一個數字, 自行放置行理在該數字既區域內, 即是話, 俾人攞左你件行李都冇人理...
寄完行理就去上線區, 又係超混亂, 我既起跑區係 C, 去到竟然發現 C 起跑區已企滿人 >.< 遲來到達既跑手只好企在欄杆外等候起跑...
9:00 am
第7屆富士山馬拉松, 由山梨陸上競技協会主辦。比賽分全程馬拉松和 Charity Fun Run 12km兩個項目。全程馬拉松參賽定員11,000人, 限時6小時。
富士山馬拉松路線圖
富士山馬相對其他名氣較高既東京、大阪馬, 參賽人數比較少, 我被安排在 C 區起步, 大約在 9:02 am 就走到起跑線, 比鳴槍時間只是遲了 2 分鐘。
(以下相片購自馬拉松大會) 起跑喇...
原本諗住跑富士山天氣會好凍, 點知今日既氣溫比昨天升高左好多, 一啲都唔凍, 跑左 10km 都已經出哂汗...
停跑左咁耐啲心肺跌哂 watt, 只能 keep 住六分半披... 幸好沿途風景真係好靚, 可以分散下注意力繼續跑落去...
好不容易捱左 20km, 就係呢個時候, 傳說中既魔鬼大斜坡就出現係眼前... 其實富士山馬整體不算難, 只要能捱過這條大斜路好快就到終點架喇, 加油呀!
我都唔記得跑到邊個位, 天氣好到竟然見到神聖既富士山在雲霧裡偷偷走了出來, 跑手們都紛紛小休一會, 爭相同富士山影番張合照, 不過我梗係例牌冇帶手機啦, 唯有用大會相頂住先 :p...
捱完大斜路真係唔多掂, 本身貧血的我好像有點缺氧, 冇咩力 tim...
反正不求成績, 只求無傷無痛順利完賽, 後半程都係以半行半跑既形式去完成 :p
2:40 pm
終於衝線喇, 在工作人員手上拿到了我一直很想擁有既富士山馬拉松完賽獎牌...
全馬獎牌
Fun Run 獎牌
真係退哂步, 東馬同名古屋馬既佳績唔知幾時先可以再出現... 不過非常值得開心既係, 今次跑完左腳完全冇痛, 跑完當日同翌日步行亦正常... 雖然完成時間很差, 但至少無傷完賽係告訴我, 之前停賽休養係正確的選擇, 而家腳冇痛了, 可以慢慢再練過, 總好過帶住傷患去跑, 跑完又痛循環不息啦...
取完獎牌, 大會還提供熱騰騰既味噌湯供跑手享用, 我都飲左一碗, 之後就去取行理同換衫...
4:00 pm
逛逛溫泉街...
5:08 pm
出發前已在網上買了由河口湖到新宿駅既高速巴士車票, 到了河口湖駅時發現等巴士的人非常多, 我想很多都是跑完馬拉松的人吧...
8:15 pm
一上車就訓, 諗住訓醒就到啦, 點知中途大塞車, 訓醒幾轉都未到東京... 我多數都會選擇搭 JR 既, 但今次見巴士都方便, 價錢又平, 冇特別行程又唔趕時間, 所以就選擇搭快速巴士啦, 點知去程遇著少塞車, 回程遇著大塞車, 最後成三個鐘先到達新宿高速巴士總站。
8:25 pm
坐左三個鐘巴士, 坐到又攰又餓, 在往酒店途中見到有間吃沾麵的店就走了進去, 但味道只是一般...
8:50 pm
到了今晚入住的酒店, 就在新宿駅附近的 新宿 ワシントンホテル...
check in 後回房間休息了。
~Day 3~
25/11/2019 (Monday) 晴
酒店 --> 成田國際空港 --> 香港
7:30 am
訓到自然醒, 正... 隔了一天起來, 發覺腳冇咩痛, 只是有點酸軟, 話哂完成了一個半行半跑既馬拉松, 都正常吧 :p
9:50 am
上房執埋野就 check out 喇...
走到新宿駅, 先到みどりの窓口買往成田機場既 Narita Express 車票, 然後在附近商場逛逛...
11:40 am
乘搭 Narita Express 到成田機場...
12:54 pm
好快就到左成田機場 Terminal 2, check in 後出境...
過海關時有新措施, 就係自助出境, 我記得好似有部機唔知叫你做啲咩, 之後諗住都要埋去櫃位俾關員貼番張貼紙啦, 點知佢話OK喇, 就咁直行直過... 方便係好方便, 不過我在想, 咁咪冇左個出境既貼紙囉, 又唔知自已邊日離開日本 >.<
上房執埋野就 check out 喇...
走到新宿駅, 先到みどりの窓口買往成田機場既 Narita Express 車票, 然後在附近商場逛逛...
11:40 am
乘搭 Narita Express 到成田機場...
12:54 pm
好快就到左成田機場 Terminal 2, check in 後出境...
過海關時有新措施, 就係自助出境, 我記得好似有部機唔知叫你做啲咩, 之後諗住都要埋去櫃位俾關員貼番張貼紙啦, 點知佢話OK喇, 就咁直行直過... 方便係好方便, 不過我在想, 咁咪冇左個出境既貼紙囉, 又唔知自已邊日離開日本 >.<
4:05 pm
(以下轉香港時間)
7:56 pm
安全到港, 3 天既快閃富士山馬拉松之旅順利完成喇。
安全到港, 3 天既快閃富士山馬拉松之旅順利完成喇。
沒有留言:
張貼留言