~日本.關東、山梨 (富士河口湖)、靜岡 (三島)、神奈川 (箱根).家族夏日八天自駕之旅~
日期: 28/7/2023 - 4/8/2023
疫情過後, 大家都逐漸回復正常, 世界各地亦都陸續通關, 我都分別係 3 月同 4 月去左一轉日本同美國充充電... 除左自已, 亦都諗起家人, 對上一次同家人去旅行已經是 2019 年既關西和歌山家族慶生之旅, 黎緊就一於趁暑假同家人再出發啦 (除左細佬要返工去唔倒 >.<)... 不過去邊度好呢?事關暑假去邊都好鬼熱, 提議去北海道, 媽媽話唔想坐咁耐飛機 >.< 之前同姪女晴晴去過沖繩同大阪又唔想咁快重覆... 咁去東京啦, 但行程集中市區行太多路又怕媽媽辛苦... 就係咁諗左好耐都唔知去邊好... 思前想後, 最後決定飛東京, 中間租車去富士河口湖同箱根, 咁就可以體驗下繁華既東京鬧市, 又有不可缺少既東京近郊溫泉行程!
定左目的地就 book 機票, 話哂都係暑假旺季, 為左減低成本就揀左下午機去, 早機返... 整個行程 8 日, 唔計頭尾 2 日搭飛機, 中間玩足 6 日, 由關東既東京開始, 到步第 2 天先嘆個廚師發辦 おまかせ 午餐同逛下東京既必到景點東京鐵塔。第 3 天開始自駕遊, 渣車去山梨縣既富士河口湖睇下富士山, 第 4 天進發去靜岡縣既富士野生動物園餵下獅子。第 5 天遊神奈川縣既箱根, 景點包括強羅公園、大涌谷同箱根神社。完成富士箱根行程就回東京還車, 第 6-7 天再逛東京, 去左晴晴好鍾意既 Sanrio Puroland 、新興景點 Shibuya Sky 同台場一帶。
後記
整個關東富士箱根之旅, 結合左熱鬧既大城市、大自然美景、適合小朋友既動物園和主題樂園、溫泉美食同可以盡情購物既百貨公司。行程上我係滿意既, 但有些細節一如出發前所料, 令到今趟旅程有些唔美滿既地方。首先, 為左令大家舒服些, 尤其是媽媽, 行程上盡量安排自駕遊, 但東京作為一個十分繁忙既大都市, 交通亦都真係非常繁忙, 去程由東京去富士山同回程由箱根返回東京呢 2 程車都非常塞車, 每程都花了差不多3小時, 真誇張... 雖則話自駕遊方便, 但本人認為, 係東京搭火車到富士河口湖, 到左河口湖先租車玩富士箱根一帶, 咁樣免卻塞車之苦會比較好。其次就係天氣, 出發前都知暑假日本好熱, 但今次去呢 8 日真係極度炎熱, 熱到在街行 10 分鐘都差點中暑, 中途要不停買野飲降溫... 後來回到香港睇新聞, 報導話今年全球各地都錄得破紀錄既炎熱天氣 >.< 不過天氣既野, 就唔係我地可以控制既範圍, 夏天除左南半球, 其實度度都熱架喇, 最緊要係一家人開開心心一齊去玩姐。總結來說, 大家都玩得好開心, 最搞笑係晴晴晚晚返酒店都話要食杯麵宵夜, 超級開心啊!
整個關東富士箱根之旅, 結合左熱鬧既大城市、大自然美景、適合小朋友既動物園和主題樂園、溫泉美食同可以盡情購物既百貨公司。行程上我係滿意既, 但有些細節一如出發前所料, 令到今趟旅程有些唔美滿既地方。首先, 為左令大家舒服些, 尤其是媽媽, 行程上盡量安排自駕遊, 但東京作為一個十分繁忙既大都市, 交通亦都真係非常繁忙, 去程由東京去富士山同回程由箱根返回東京呢 2 程車都非常塞車, 每程都花了差不多3小時, 真誇張... 雖則話自駕遊方便, 但本人認為, 係東京搭火車到富士河口湖, 到左河口湖先租車玩富士箱根一帶, 咁樣免卻塞車之苦會比較好。其次就係天氣, 出發前都知暑假日本好熱, 但今次去呢 8 日真係極度炎熱, 熱到在街行 10 分鐘都差點中暑, 中途要不停買野飲降溫... 後來回到香港睇新聞, 報導話今年全球各地都錄得破紀錄既炎熱天氣 >.< 不過天氣既野, 就唔係我地可以控制既範圍, 夏天除左南半球, 其實度度都熱架喇, 最緊要係一家人開開心心一齊去玩姐。總結來說, 大家都玩得好開心, 最搞笑係晴晴晚晚返酒店都話要食杯麵宵夜, 超級開心啊!
在較大的地圖上查看2023 日本.關東、山梨、靜岡、神奈川.家族夏日 8 天自駕之旅
事前準備
準備
|
備註
|
申請日本旅遊簽証
|
免簽証
|
購買機票
|
購買香港快運航空 (HK Express) 香港至東京來回機票五張
|
購買旅遊保險
|
於宏利香港購買旅遊保險
|
訂酒店、車
|
於網上預約
|
預約 Shibuya Sky、おまかせ午餐、しゃぶしゃぶ晚餐
|
於網上預約並付款
|
換日元
|
於匯豐銀行換購
|
行程表
住宿 | ||
Day 1 | 香港 --> 成田國際空港 --> 東京 --> 酒店 | |
Day 2 | 酒店 --> 東京鐵塔 --> 東京駅一番街 --> 酒店 | |
Day 3 | 酒店 --> (山梨縣) 富士河口湖.新倉山淺間公園、忍野八海、天上山公園、大石公園 --> 酒店 | |
Day 4 | 酒店 --> (靜岡縣) 富士野生動物園 --> 三島 Skywalk --> (神奈川縣) 箱根.強羅 --> 酒店 | |
Day 5 | 酒店 --> 強羅公園 --> 大涌谷 --> 箱根神社 --> 東京 --> 銀座 --> 酒店 | |
Day 6 | 酒店 --> Sanrio Puroland --> Shibuya Sky --> 酒店 | |
Day 7 | 酒店 --> 台場.お台場海浜公園、Diver City Tokyo Plaza --> 酒店 | |
Day 8 | 酒店 --> 羽田國際空港 --> 香港 |
沒有留言:
張貼留言