[2023 日本．關東富士箱根] Day 3-5 富士河口湖 x 箱根溫泉

~Day 3~

30/7/2023 (Sunday) 晴

酒店 --> (山梨縣) 富士河口湖．新倉山淺間公園、忍野八海、天上山公園、大石公園 --> 湖楽おんやど　富士吟景

7:30 am

一早醒來, 浸溫泉...

8:30 am

執好行理就 check out...

8:45 am

拖住行理走到地下街 Lawson 買早餐...

8:50 am

走到東京站八重洲南口既 Nippon Rent-A-Car 租車公司取車...

今次一行5人, 4大1小, 連埋行理租左架7人車, 主要由我負責渣車, 阿妹做副手幫手...

9:20 am

檢查好車輛就出發喇, 向山梨縣既富士山進發...

11:15 am

離開東京都就開始塞車, 渣左2個鐘車, 去休息駅休息一下... 之後阿妹接女渣車, 我就可以休息一下...

12:20 pm

渣左差唔多3個鐘車, 終於黎到第一個目的地新倉山淺間公園...

[新倉山淺間公園]

新倉山淺間公園是位於日本山梨縣富士吉田市新倉的一座公園，設立於1959年10月。

新倉山淺間公園是聞名於世的富士山觀賞地點之一。在春天，盛開的櫻花襯托著五重塔及富士山，創造出日本獨有的壯麗景致。公園不僅在各個季節都可以讓您欣賞到壯麗的山景，同時亦是富士吉田市美麗夜景的觀賞熱點。

新倉富士淺間神社

這座歷史悠久的神社建於 705 年。美麗的紅色鳥居位處新倉山半山，矗立在通往神社的小徑入口，吸引奪目。宏偉的大殿信眾雲集，向消災及家宅之神祈褔。

經過左新倉富士淺間神社, 沿山徑走上五重塔... 天氣好熱, 媽媽行得有少許吃力...

五重塔（忠靈塔）

忠靈塔是紀念戰爭死難者的和平紀念館，亦是舉世知名的觀賞富士山景點。在秋天，當櫻桃樹葉換上秋色時，景致令人嘆為觀止。除了春天，五重塔及富士山的秋色亦相當受歡迎。

再繼續向上走, 就可以欣賞到呢個由五重塔襯托住既富士山美景喇... 不過富士山唔係你想睇就可以睇到, 今日個富士山就俾啲白雲遮蓋住喇 >.<...

1:30 pm

出發往忍野八海...

1:50 pm

泊好車後, 沿住指示牌好快就到左忍野八海...

[忍野八海]

忍野八海是位於山梨縣忍野村的湧泉群，包括了出口池、御釜池、底抜池、銚子池、湧池、濁池、鏡池、菖蒲池，來源為富士山融化並經過80年過濾的雪水，為國家指定天然記念物、名水百選、新富岳百景之一。[維基百科]

忍野八海的八個池塘都是火山噴發以及密集火山運動後形成的美麗傑作。有多個池塘的水源是來自於地下湧泉，並以富含礦物質的泉水而聞名。湧池的池水極清澈乾淨，日本環境省在 1985 年已將其列為全國最優質泉水之一。

涌池

行到又熱又肚餓, 掃街...

銚子池

鏡池

菖蒲池

天氣真係好熱好熱...

3:20 pm

離開忍野八海, 出發去河口湖睇富士山喇...

3:50 pm

到達河口湖, 在停車場泊好車就去搭富士山全景纜車上天上山公園... 呢個停車場就係2019年富士山馬拉松攞選手包既地方, 當日既情景又浮現係腦海中...

4:40 pm

乘搭富士山全景纜車 (Mt. FUJI Panoramic Ropeway) 上山... 今日好多人坐纜車呀, 上到山已經差不多五點鐘...

[天上山公園]

其實有好多地方可以遠眺富士山既景色, 天上山公園就係其中一個好地方...

河口湖天上山公園是河口湖東岸的一座公園，可以搭乘天上山纜車直接上去然後下到半山腰看到這座公園。公園很空曠，這裡有極好的觀景台可以看到富士山和山下的小鎮。

嘩, 中午係新倉山淺間公園先話睇唔到富士山, 而家黎到天上山公園啲雲散開左, 富士山出黎喇, 呵呵...

5:35 pm

落山後見時間尚早, 往酒店前去另一個一樣可以遠眺富士山既好地方...

5:50 pm

到達河口湖大石公園...

[大石公園]

除左欣賞富士山，大石公園亦係體驗富士山四季變化最佳之處...

位於河口湖北岸的大石公園擁有絕佳的景色，是一個公園與購物結合的複合設施。可以從大石公園一覽湖泊和富士山與季節花卉的美景，深受喜愛拍攝富士山的攝影師歡迎，特別是在晴朗的日子裡會有大量攝影師從清晨開始湧入此地，以富士山作為背景拍攝湖泊和鮮花的照片。

6:25 pm

到達今晚入住既河口湖溫泉酒店 - 湖楽おんやど　富士吟景...

住得河口湖既溫泉酒店就梗係要 book 啲望到富士山既房啦...

7:30 pm

食溫泉大餐, 好好味... 酒店好細心, 晴晴有一個專為小朋友準備既溫泉餐啊...

兒童餐...

我地大人既正常餐...

8:30 pm

食到好飽行下酒店手信舖...

9:15 pm

去浸溫泉喇...

~Day 4~

31/7/2023 (Monday) 晴

酒店 --> (靜岡縣) 富士野生動物園 --> 三島 Skywalk --> (神奈川縣) 箱根．強羅 --> 季の湯雪月花（共立リゾート)

7:30 am

一早醒來, 見到非常靚既富士山... 再去浸溫泉, 超正呀, 望住個好靚既富士山浸溫泉啊...

8:15 am

然後去吃早餐...

9:45 am

執好行理就 check out... 向靜岡縣進發, 第一個目的地係富士野生動物園...

我自已去過咁多次日本, 印象中好似只係去過北海道既旭川動物園, 野生動物園就更加未去過... 今次家族旅行有小朋友就梗係要安排呢個動物園行程啦...

11:00 am

[富士野生動物園]

靜岡縣的「富士野生動物園」(富士サファリパーク) 是全日本最大的野生動物園之一，不但動物種類超多，而且就在富士山附近！另外動物園更提供叢林巴士等多種不同體驗活動，可讓遊客用前所未有的近距離接觸野生動物。

我地泊好車後, 第一時間就去預約 Jungle Bus Tour 坐叢林巴士遊野生動物區...

11:45 am

夠鐘坐 Jungle Bus 喇...

上車時職員會派發餵動物既肉同蔬果... 然後走上只有兩片金屬網窗作保護的巴士...

出發進入野生動物區...

一開始巴士會經過熊、獅子和老虎等猛獸區。當到達指定位置時，司機會指示大家準備好隨行程附送的肉和蔬果，動物們聞到氣味就會主動靠近，站起來趴在車身上等你餵佢食野架喇...

平時都是關在籠中只能遠觀的兇猛動物，在這裡竟然可以只隔約20厘米近距離欣賞，仲可以親自餵佢地食野, 對小朋友來說, 確實是一個畢生難忘的回憶！

離開猛獸區域後，大家還可以看到熟悉的斑馬、長頸鹿和大象，當然也有喜瑪拉雅塔爾羊和伊蘭羚羊等較不常見的動物...

12:45 pm

完成 Jungle Bus Tour 就在園區內食 lunch...

食飽飽再去動物村...

2:30 pm

離開動物園, 出發往下一個目的地...

3:40 pm

到達三島 Skywalk...

[三島 Skywalk]

箱根西麓．三島大吊橋 (三島 Skywalk) 簡稱為三島步行橋是一座位於日本靜岡縣三島市箱根山破火山口西南緣的一座人行橋，全長400公尺，超過了2006年開通的長390米的九重「夢」大吊橋，是2015至今的日本最長的人行橋。遊客站在橋上可看到富士山和駿河灣的全景。[維基百科]

站在橋上走時，忽然見右方有人從鋼索上滑過，是三島 Skywalk 的超長高空滑索設施，來回共560公尺。

三島大吊橋單程所需約10至15分的路程，走到另一端則有商店、咖啡館、森林與戶外娛樂設施。

4:30 pm

離開三島 Skywalk, 向神奈川縣既箱根強羅進發...

5:20 pm

到達今晚入住既溫泉酒店 - 季の湯雪月花 (共立リゾート)...

5:35 pm

check in 後就去食溫泉 dinner... 呢間酒店頗具人氣, 亦都因為遊客比較多, 餐廳環境比較嘈吵... 至於食物方面, 味道OK, 但感覺唔夠精緻... 整體而言, 昨晚入住河口湖既酒店較值得推薦...

食完飯時間尚早, 出去強羅駅行下, 點知係冇野睇...

7:50 pm

返酒店浸溫泉喇...

浸完溫泉仲有拉麵宵夜...

~Day 5~

1/8/2023 (Tuesday) 雨

酒店 --> 強羅公園 --> 大涌谷 --> 箱根神社 --> 東京 --> 銀座 --> 東京ベイ潮見プリンスホテル

7:30 am

訓醒就去浸溫泉, 然後食早餐...

10:00 am

今日開始箱根既行程, 第一個目的地係酒店隔離既強羅公園...

[強羅公園]

「強羅公園」是於1914年在箱根登山電車終點站「強羅」開園的西式庭園，原是上流社會人士們的休閒勝地，在1957年開始對外開放，讓一般民眾也能進入植物園和內部的體驗設施。在這裡有遼闊的天空與群山環繞，充滿開放感的園內，種有各式各樣的花卉，能夠同時欣賞庭園繽紛花卉與箱根的自然美景。

11:30 am

重遊舊地, 黎到好多年前黎過既大涌谷...

[大涌谷]

大涌谷是位於日本神奈川縣的一個由箱根火山的火山性滑坡形成的地形。大涌谷位於箱根火山中央火口丘冠岳的標高800米至1000米的北側斜面，是噴氣頻發的地熱地帶，其規模在箱根最大。[維基百科]

3,000 年前，火山爆發形成大湧穀，為這座火山谷帶來硫磺噴口和溫泉。火山活動和令人歎為觀止的景色，讓這裡成為了箱根最美的旅遊景點之一。

12:45 pm

食 lunch...

必食既箱根溫泉蛋...

食完 lunch 就逛逛另一邊既箱根伊豆國立公園...

箱根雪糕...

2:55 pm

最後一個目的地 - 箱根神社...

[箱根神社]

箱根神社是位在日本神奈川縣足柄下郡箱根町的神社。舊社格為國幣小社。過去也稱作箱根權現、三所大權現。2000年，神社境內新建了九頭龍神社的新宮。[維基百科]

遊覽箱根蘆之湖，大家都會看到蘆之湖岸邊水中的這座紅色鳥居，這就是箱根神社的象徵「平和鳥居（牌坊）」。唔知幾時開始, 呢度就成為左一個超人氣景點, 想同鳥居影相都要排隊...

排排下隊仲落起雨上黎, 但已經排左一半, 無理由而家先走, 唯有繼續排...

4:00 pm

到影完鳥居, 天仲越黎越黑, 咁我地就趕快起程回東京...

7:05 pm

返東京又係大塞車, 經歷左三個鐘, 終於到達東京既潮見... 媽媽同晴晴都覺得好辛苦, 訓又訓得唔舒服, 想落車郁下又唔得 >.< 早係後記都提及過, 玩完箱根搭火車返回東京可能會較好...

今次酒店揀左呢間位於潮見既東京ベイ潮見プリンスホテル... 位置上離東京心臟地帶較遠, 但我揀呢間酒店既原因係想屋企人住得舒服啲, 呢度啲房超大, 又有大浴場可以浸溫泉...

check in 後就去還車, 係呢度真係要分享一下, 還車過程真係好驚險... 租車公司位於豊洲, 係酒店附近既, 渣車應該唔駛十分鐘就到, 咁仲有大約半個鐘時間, 即係仲有大把時間啦... 好喇, 渣住架車望住個GPS, 見到應該差唔多到目的地, 咦... 當個GPS顯示已經到左目的地既時候, 好明顯係冇租車公司囉, 又好明顯係行錯路囉... 點算... 渣住架車唯有繼續行, 叫阿妹幫手再set個GPS, 佢search左幾個 map code 好似都唔岩, 望住隻錶, 就黎八點鐘, 點算... 唯有打電話去租車公司, 叫佢唔好走人住, 打極都冇人聽 >.< 就係最後關頭, 阿妹話好似搵岩個 map code, 即管開 turbo 飛去, 今次似樣喇, 係最後果1分鐘, 終於順利抵達還車公司, 總算有驚無險...