2025 June 日本．北海道．神威岬．洞爺湖溫泉 4 天悠閒之旅

~日本．北海道．神威岬．洞爺湖溫泉 4 天悠閒之旅~

日期: 5/6/2025 - 8/6/2025

3月頭跑完東京馬之後就重回工作上既軌道, 近年工作較忙去旅行都少左 >.< 直至最近收到消息, 黎緊我既工作安排會有變動, 咁係轉換工作崗位前一於放個短假, 真係旨在休息下, hea 下, 叉下電咁... 由於好怕熱, 記得2024年為左避暑去左西澳既珀斯, 今次冇咩時間 plan 野, 去唔到咁遠, 最後決定重遊我最喜愛既日本北海道！

6月既北海道係旅遊淡季, 因為櫻花季節已過, 又未到薰衣草花期 (其實都去過了), 而芝櫻都睇過了... 上網睇話6月可以遊道東一帶, 但我冇時間 plan 又趕唔切申請國際車牌, 所以都係 hea 遊算了... 最後鎖定左去每年夏季都有花火大會既洞爺湖溫泉, 再加多個積丹半島。小樽一日遊, 睇下大自然景觀神威岬...

Day 1: 香港 --> 札幌

Day 2: 札幌 --> 積丹半島．神威岬 --> 島武意海岸 --> 北海道工廠余市蒸餾所 --> 小樽 --> 札幌

Day 3: 札幌 --> 洞爺湖溫泉

Day 4: 洞爺湖溫泉 --> 札幌 --> 香港

後記

今次去北海道既決定可以話岩左一半, 岩係因為北海道既氣溫好清涼, 夜晚仲要有啲凍, 岩哂怕熱既我, 但由於6月正值日本既梅雨季節, 雖然梅雨對北海道既影響已算低, 但 Day 2 去神威岬都撞正落雨, 仲因為強風而去唔到神威岬既盡頭, 可惜... 不過天氣既野真係無得預計, 可以係忙碌既工作中出走幾天, 黎到咁靚咁舒服既地方, 嘆下溫泉大餐同浸溫泉, 真係好滿足同享受。

地圖上看行程

在較大的地圖上查看2025 日本．北海道．神威岬．洞爺湖溫泉 4 天悠閒之遊

~Day 1~

5/6/2025 (Thursday) 香港 --- 晴, 日本 --- 晴

香港 --> 中部国際空港 --> 新千歲空港 --> 札幌

10:08 am
乘坐國泰航空 CX 536 飛往名古屋既中部国際空港...

(以下轉日本時間)
2:43 pm
好快就到達中部国際空港...

到左名古屋機場要先辦入境手續, 取行李再到國內線既 JAL counter check in 同再次寄行李...

等上機時有啲肚餓, 買左個松板牛饅頭醫肚... 俾個名呃左, 其實只是一個很普通的蒸包...

4:52 pm
乘坐日本航空 JAL 3117 (CX 6350) 前往北海道札幌...

6:27 pm

好快就到達札幌新千歲空港...

7:06 pm

取行李後就乘 JR 到札幌駅...

8:00 pm

酒店位於 JR 札幌駅既北口, 就在北海道大學對面... 呢面比較靜, 食肆不多, 選呢間酒店係因為第二天一早就要參加 1-day tour 去神威岬, 集合地點就在 JR 車駅北口既巴士停車場... 而第三天會前往洞爺湖溫泉, 溫泉酒店提供既送迎バス亦都是在北口開出...

到達酒店 - 京王プレリアホテル札幌 check in...

8:45 pm

放低行李就出去搵食, 去了這間酒店推薦既拉麵店... 果然冇介紹錯 (證明唔係賣廣告 :p), 夜晚凍凍地, 食返碗熱騰騰既拉麵就 perfect 喇...

[又造]

地址﹕北海道札幌市北区北13条西3丁目
電話﹕011-707-1052
營業時間﹕11:00-14:30 (Lunch)、18:00-23:30 (Dinner) [日曜・月曜定休日(月曜祝日の場合は営業)]
網址﹕http://matazou.jp/

9:45 pm

食飽飽就回酒店浸溫泉喇...

~Day 2~

6/6/2025 (Friday) 雨

札幌 --> 積丹半島．神威岬 --> 島武意海岸 --> 北海道工廠余市蒸餾所 --> 小樽 --> 札幌

8:35 am
訓返一晚精神哂, 準備出發參加預先報左名既北海道小樽神威岬 1-day tour... 呢個一日團主要分開兩部分, 上午先到積丹半島睇睇大自然景觀神威岬同島武意海岸, 再到余市參觀余市蒸餾所, 下午就主要係遊覽小樽... 我既目標就當然係積丹半島, 但 local tour 好少只會去一兩個景點 (有都冇咩人會參加吧...), 而小樽係位於札幌同積丹半島中間, 基本上係必經之地, 所以大部分去積丹半島既 tour 都會去埋小樽既...

先到 Family Mart 買早餐...

8:45 am

準時到達札幌車駅北口既集合點, 呢個一日團有9個人參加, 領隊係一位女士, 識講國語、英語同日語, 好勁, 而司機係一位日本既男士... 等待人齊就出發去積丹半島．神威岬喇...

[積丹半島]

地處北海道西部、朝西北方向突出的積丹半島, 位於札幌市向西行約80公里處, 鄰近的觀光勝地包含了著名的海港都市「小樽」, 以及以威士忌蒸餾所出名的「余市」... 除了海岸線一帶通透湛藍、別名「積丹藍」的海景十分有名, 入海口處斷崖峭壁的連綿絕景更是必訪名勝之一...

[神威岬]

神威岬是位於日本北海道積丹郡積丹町大字神威岬的一座海岬。位於積丹半島西北部, 突入日本海。神威岬被劃入二世古積丹小樽海岸國定公園的範圍內。

要去神威岬交通確實不太方便, 基本上除了自駕, 最好既遊覽方式就係跟 local tour... 我地由札幌出發, 差不多2小時才到達神威岬...

10:30 am

天公不造美, 到達神威岬時強風突襲, 領隊話官網顯示通往神威岬岬角的山路處於封閉狀態 >.< 此時心想, 咁不幸, 山長水遠黎到竟然刮大風, 原本逗留在神威岬2小時既行程最後縮短為半小時 >.<...

由停車場慢慢走上觀光小徑... 真係超級大風...

好快到左神威岬入口處「女人禁制之地」... 傳說這裡曾被一位求愛不得, 最終投海自盡的女子下了詛咒, 凡是有女子乘坐的船隻要從這裡通過都必沉沒, 於是這裡就被列為了「女人禁制之地」... 雖然呢個只係傳說, 但而家我真係被禁制, 唔准通過去神威岬呀 >.<...

都唔緊要, 其實呢度都可以影到岬角盡頭同積丹藍既美景... ^.^...

11:00 am

出發往下一個景點 - 島武意海岸...

[島武意海岸]

島武意海岸是被評選爲 "日本百大海岸" 之一的絕美海岸。這裏的海水以極高的透明度聞名, 被稱爲 "積丹藍", 是一種令人心動的鈷藍色海洋, 宛如夢境一般。

穿越長達 30 米的黑暗隧道後, 就能看見一望無際的海岸、蔚藍的海水, 十分漂亮。

12:30 pm

黎到北海道工廠余市蒸餾所...

[北海道工廠余市蒸餾所]

Nikka 威士忌北海道工廠余市蒸餾所由竹鶴政孝於1934年建造, 他曾在威士忌的故鄉蘇格蘭學習生產技術。釀酒廠繼續使用傳統方法生產麥芽酒, 環境優美, 讓人聯想到它在蘇格蘭的故鄉, 紅色屋頂和柔軟的石頭工廠與綠色草地和樹木相映成趣。介紹 Nikka 威士忌歷史的 Nikka 博物館也非常值得參觀, 館內設有付費品嚐角。[撰自北海道旅遊官方網站]

1:00 pm

逛完博物館就到隔離既意大利餐廳吃 lunch, 味道不錯啊...

2:40 pm

過了一個上午, 基本上積丹半島既 3 個景點已經完成, 下午就係小樽散策...

見到 LeTAO 就忍唔住要食返杯雪糕, 真係超好味...

重遊小樽點少得去小樽運河...

4:30 pm

離開小樽, 返回札幌...

5:15 pm

到達 JR 札幌駅北口解散... 先去買今晚既晚餐...

6:10 pm

黎到北海道天氣實在太涼爽, 見時間尚早, 去北海道大學跑下步先...

竟然遇上第67屆北海道大學祭...

7:45 pm

回酒店浸溫泉...

8:45 pm

吃 dinner...

~Day 3~

7/6/2025 (Saturday) 晴

札幌 --> 洞爺湖温泉

9:30 am
今日訓到自然醒, 去旅行叉電就係要咁...

10:30 am

check out 後寄行李於酒店...

11:00 am

下午會出發往洞爺湖溫泉, 仲有少少時間就重遊札幌地標時計台同電視塔...

11:30 am

未食早餐, 選了這間吃丼物既餐廳食個 brunch... 我揀左個牛舌拼豚肉丼, 但啲豚肉唔好食 >.<...

12:15 pm

走回 JR 札幌駅買下手信...

12:40 pm

回酒店取行李...

1:00 pm

到達札幌駅北口既巴士停車場, 乘搭洞爺湖溫泉酒店既送迎バス (free shuttle bus)...

3:30 pm

到達洞爺湖万世閣ホテル check in...

洞爺湖万世閣ホテルレ可以說是非常有資歷的老字號洞爺湖溫泉飯店品牌，大部分酒店房間面向湖景, 可以俯瞰洞爺湖景色, 晚上仲可以安坐房間內直接欣賞洞爺湖花火大會...

4:00 pm

放下行李稍作休息, 逛逛溫泉街...

5:00 pm

一步出酒店已是洞爺湖畔既散步道, 加上清涼既天氣, 真係舒服到爆燈, 無理由唔去跑下步... 邊跑邊欣賞洞爺湖既景色同分佈係湖畔不同位置既雕像...

6:15 pm

回酒店浸返個溫泉...

7:15 pm

吃 buffet dinner... 食物款式好多, 味道亦好好...

8:45 pm

食飽飽就去睇煙花喇, 雖然安坐酒店房內就可以睇到煙花, 但因為酒店行出去就已經係湖邊, 就出去睇啦...

[第44回洞爺湖ロングラン花火大会]

1977年因受到有珠山火山爆發的影響, 導致洞爺湖溫泉區的觀光客來數下降, 為重新招攬遊客而於1982年舉辦「洞爺湖 Long Run 花火大會」, 自此成為當地極具代表性的人氣活動。這場花火大會從初春舉辦至秋末, 固定於每晚8點45分施放、長度約20分鐘, 可以欣賞到春、夏、秋三個季節不同特色的煙火景緻。

今年既洞爺湖溫泉花火大會已是第44屆, 由2025年4月28日開始, 至10月31日結束...