日期: 22/12/2007 - 26/12/2007
以往聖誕節很少出外旅遊, 今年心血來潮, 提議不如出外過一個白色聖誕, 加上一問就有兩個朋友話一起去, 於是就著手計劃今個聖誕既韓國之行喇。
因為沒時間計劃, 加上以前從未到過韓國, 於是決定跟團。
我地到旅行社搜集資料, 最後選了星晨旅遊一個五天滑雪豪華團, 團號為 AKSSW-5E, 行程可參考旅行章程。
旅行章程只供參考, 因當地導遊改變了行程, 想知我地玩過乜最好就係睇埋個遊記喇。
準備
|
備註
|
報團
|
參加星晨旅遊韓國滑雪五天豪華團, 團費 $5968。
|
購買保險
|
於保誠購買旅行保險。
|
行程表
住宿
|
||
香港 --> 首爾仁川機場 --> 首爾
|
Imperial Palace Hotel
|
|
首爾 --> 雪嶽山
|
雪嶽山韓華渡假村
|
|
雪嶽山 --> 鳳凰城
|
鳳凰城韓華渡假村
|
|
鳳凰城 --> 夢幻樂園 --> 首爾
|
Coex Intercontinental Seoul
|
|
首爾 --> 首爾仁川機場 --> 香港
|
~Day
1~
22/12/2007
(Saturday) 晴
香港 -->
首爾仁川機場 --> 新村女子大學街 --> 仁寺洞 --> 東大門 --> 酒店
10:00 pm
(21/12/2007) |
呢個韓國五天滑雪豪華團於 22/12/2007 (星期六) 展開, 但我地坐既係零晨機, 所以係星期五晚已經要出發到機場集合了。星期五都仲要番工架, 放工就要準備出發, 原本就好鬼興奮, 後來就知味道了。到左機場後, 到領隊處報到, 然後自已入閘等上機。領隊係一個比較成熟既女人, 後來同佢傾計知道, 佢平時好少帶團 (應該做左管理層吧), 今次可能係聖誕太多團, 所以要出動幫手。
|
2:30 am
(22/12/2007) |
我地乘搭韓亞航空 OZ 724 航班到首爾既仁川機場, 班機 delay 左, 最後於零晨二點半左右起飛。訓左一陣, 又俾人叫醒食飛機餐, 食完再訓, 訓得唔係咁好, 慘......
|
(以下轉韓國時間)
6:30 am |
韓國時間朝早六點半到達仁川機場, 此時係最熟睡既時候, 真係唔想落機......落機後取行理, 出境都好順利, 好快我地就見到個導遊, 佢叫 Jimmy, 係香港人來的, 娶左個韓國老婆, 住係韓國。因為旅遊車未到, 我地走左去麥當勞食早餐, 然後去換韓幣。
|
      |
|
8:15 am
|
大約朝早八點三, 我地乘旅遊車向首爾進發, 今次真係抵到爛, 玩足五天, 絕無花假, 不過我想講, 而家先係第一日既開始, 但我隻眼已經睜唔開。一上車, 導遊先介紹佢自已, 同行既仲有一個負責影相既攝影師, 佢叫 Andy, 好得意架。所有韓國團都會有攝影師, 食飯時又會 serve 你, Jimmy 話係國家俾果 d 當完兵既後生仔做, 驚佢地冇野做喎。仲有個司機, 後生時都係當兵架喎, 唔知真定假。
|
9:30 am
|
我地到左首爾既第一個目的地就係 7 Luck 賭場, 入去唔係為賭錢, 而係去漱口洗面, 兼飲免費汽水, 哈哈。
|
10:50 am
|
離開賭場, 我地就坐旅遊車去左新村女子大學街。我諗呢個名係香港 d 旅行社自已改的, 新村女子大學街位於新村區, 新村地區有韓國四大名校，即延世大學、梨花女子大學、西江大學及弘益大學。此地區極為繁華，各種大小商店密集。此外，這裡還有各種服飾及鞋帽專賣店，並且還有各種韓式、日式及西餐廳，以及麥當勞、必勝客、肯德基等速食連鎖店。再者, 沿著新村名品大街向梨花女大方向前進，在街道的兩旁，有各種美容美髮店、化妝品店、首飾店以及算命咖啡館等等。
|
      |
|
12:20 pm
|
跟旅行團有樣好, 就係唔駛練仙。我地跟住導遊去開飯喇, 呢餐食石頭窩飯, 麻麻地好食。
|
  |
|
1:50 pm
|
食飽飽後去仁寺洞, 它是一條購物大街, 售賣古代美術品、韓服、各種工藝品......我地當然係空手而回啦......
|
  |
|
3:35 pm
|
逛完仁寺洞去東大門, 呢個名香港人應該聽得多, 呢度有 d 似香港既旺角中心。Jimmy 叫我地唔好買野, 佢話呢度賣既都係假野。其實佢唔叫我地都唔會買野啦, 我地行左一陣直頭走左出去影相 tim......
|
    |
|
4:45 pm
|
行完東大門, 番上旅遊車, 唔知係咪各團友都好累咁款, Jimmy 提議今晚唔好食晚餐, 早 d 訓, 各人都舉腳贊成......
|
6:30 pm
|
番酒店 check in, 呢間係一間韓國既五星級酒店, 好靚......我地放低行理後, 到附近便利店買杯麵番酒店食, 食完就休息了。搭零晨機的確係玩足五天, 不過第一天都幾辛苦, 唔一定係好。
|
  |
~Day 2~
23/12/2007
(Sunday) 晴
首爾 -->
雪嶽山 --> 溫泉水世界 --> 雪嶽山韓華渡假村
9:15 am
|
訓醒一覺, 成個魂魄都番晒黎, 精神晒。酒店唔包早餐, 我地要出去食, 質素當然係麻麻啦。
|
  |
|
9:50 am
|
食完早餐就開車出發往雪嶽山喇, 車程都幾長, 導遊 Jimmy 就一路講韓國既歷史俾我地聽, 又講南北韓點解會分開左, 都幾好聽喎。
|
11:15 am
|
當車行左個幾鐘之際, Jimmy 又叫我地落車食飯, 跟團真係冇野好, 最好就係唔驚餓親你。呢餐食火鍋, 正確 d 黎講係一品窩。食完飯後我地去左買燒魷魚食, 好似仲好味......
|
      |
|
12:50 pm
|
繼續開車向雪嶽山進發。
|
2:30 pm
|
到達洛山寺。此時好失望, 因為冇落雪, Jimmy 話今年我地唔好彩, 以往呢個時候都有落雪架。
|
    |
|
3:50 pm
|
到達雪嶽山韓華渡假村, 放好行理後就執野去浸溫泉喇。
|
4:30 pm
|
黎到溫泉水世界, 有 d 似日本箱根既小涌園溫泉樂園, 有水上樂園, 又有真正既溫泉。我地玩足三個鐘, 係最遲果兩個上車, 哈哈。
|
8:00 pm
|
浸完溫泉都好累, 驅車去開飯喇, 呢餐食烤排骨, 味道算不錯。由去溫泉水世界到食飯都冇相機, 所以冇相睇 >.<
|
9:15 pm
|
買左韓國特產峰蜜番酒店嘆, 然後就休息了。
|
 |
~Day 3~
24/12/2007
(Monday) 晴
雪嶽山 --> 鳳凰城 --> 鳳凰城滑雪場 --> 鳳凰城韓華渡假村
8:15 am
|
於渡假村吃早餐, 味道算 ok。
|
 |
|
9:45 am
|
食完早餐出發往鳳凰城, 浸完溫泉就輪到滑雪了, 節目好似好豐富咁, 呵呵。途中經過北緯三八線, 三八線是一條橫跨亞洲、地中海和美國的緯線, 也指位於朝鮮半島上北緯 38 度附近的一條軍事分界線。三八線北部為朝鮮民主主義人民共和國, 南部為大韓民國。
|
   |
|
12:00 pm
|
約中午十二點到達鳳凰城滑雪場, 我們先去一間商舖租用滑雪用的服裝及工具, 然後便直往滑雪場。因為仲未食 Lunch, 我地係滑雪前買了一些小食, 便跟 Jimmy 到滑雪場了。 Jimmy 充當我地既滑雪教練, 佢教我地最基本既動作, 好似平衡、跌左點起身等等。唔知係年紀大定係我冇呢方面既天份呢, 我玩到最後都唔多掂......但係阿明就滑到有板有眼喎......
|
      |
|
4:45 pm
|
滑雪都消耗左唔少體力, Jimmy 先帶我地去鳳凰城韓華渡假村 check in, 順便休息一下。入房前, Jimmy 話我地正到暈, 每間房 (正確 d 黎講應該係一間屋) 有成千幾呎。聽到都冇為意, 一入房, 錯, 應該係一間屋至岩, 我地都嘩一聲叫左出黎, 四圍睇真 d, 眼前既係一間有四個房既屋黎囉。個所仲有按摩浴缸, 唔鍾意又有企缸, 基本上係香港呢間算得上係豪宅囉......
|
      |
|
6:15 pm
|
休息完就一齊去食飯喇, 呢餐食韓燒, 都算好好味。
|
  |
|
7:00 pm
|
食完飯都係七點鐘, 我地係渡假村附近周圍行行, 去過機舖, 行過 d 商舖, 最後係超級市場買左蜜瓜雪條食, 呢支蜜瓜雪條真係超好味。
|
我地又買左 d 辛辣麵番去煮, 諗住用下個豪宅廚房, 不過工人就冇喇, 食完要自已洗野既。
|
|
8:30 pm
|
番到酒店煮麵食, 然後再嘆下個按摩浴缸, 真係人生一樂也, 呵呵。
|
      |
~Day
4~
25/12/2007
(Tuesday) 晴
鳳凰城 --> 夢幻樂園 --> 戰爭紀念館 --> 酒店
8:15 am
|
今日係聖誕節, 祝大家聖誕快樂！好可惜, 黎到韓國諗住過一個白色聖誕, 點知到今日都係冇雪落。一早起來吃早餐, 這裡的早餐與雪嶽山渡假村的差不多。
|
 |
|
9:10 am
|
開車出發往夢幻樂園。
|
11:30 am
|
大概十一點半到達夢幻樂園, Jimmy 話玩到三點九集合。我地中途去左食炸醬麵, 呢個麵又係 Jimmy 介紹的, 唔係話勁好味, 我諗佢係恨食中國野恨到發燒吧。
|
            |
|
4:10 pm
|
離開夢幻樂園後去戰爭紀念館。
|
5:10 pm
|
此時天色已開始黑, 我地快快手影左相先, 免得天黑之後影唔倒。
|
    |
|
7:10 pm
|
又夠鐘食飯了, 呢餐食韓國既珍品人蔘燉雞, 整個行程裏, 唔計自已俾錢果 d, 呢餐係最好味既一餐, 每人都有一隻雞, 入面仲有一條人蔘仔。
|
    |
|
8:10 pm
|
食完飯就番今晚我地會入住既五星級酒店喇, 呢間酒店比第一晚果間仲要靚得多, 唔錯唔錯。因為時間尚早, 我地放低行理之後, 就落樓下既大型商場行下, 仲買左蜜瓜雪條食 tim。
|
10:00 pm
|
回酒店休息。
|
~Day
5~
26/12/2007
(Wednesday) 晴
酒店 --> 明洞 --> 首爾仁川機場 --> 香港
9:00 am
|
今天係行程既最後一天了, 突然間諗起, 我地咁多日都未駛過錢喎......原來跟團真係可以慳番唔少, 不過住就幾好, 食就麻麻囉。今朝一早又驅車往市內一間餐廳吃早餐, 食完就會去整泡菜。
|
10:00 am
|
黎到韓國文化體驗館, 有一個靚女教我地整韓國既傳統糕點, 又有得整泡菜, 整完 d 泡菜會即時作真空處理, 可以拎番香港的。 整完野食仲可以試穿韓服, 扮下大長今。
|
    |
|
11:30 am
|
體驗完韓國文化之後, 我地就去總統府。呢度守衛森嚴, 周圍都有守衛, 可能驚有北韓特工......小心！
|
  |
|
12:30 pm
|
黎左五日都冇乜買野, 就係最後呢一日, Jimmy 就一次過帶我地去盡情購物喇。我地買左人蔘粉, 阿明話佢阿爸要飲喎, 仲買左唔少 tim。另外買左粉底、保濕同磨砂呢 d 例牌野。最後就係手信喇, 小食呢 d 唔少得啦。我地都算買得少, d 人買到一箱一箱咁 pack 番去。
|
2:30 pm
|
買完手信去埋最後一個必到景點, 就係明洞購物區。唔知係咪岩岩買左好多野, Jimmy 應該抽左唔少佣啦, 去到明洞佢居然請我地食雪糕。食完雪糕就分頭行事喇, 大家都爭取最後既時間買野, 我地亦都係呢度食埋 Lunch, 最後係五點半集合。
|
        |
|
5:30 pm
|
出發往機場, 係車程中, 攝影師 Andy 就拎佢幫我地影果 d 相出黎, 你可以買亦可以唔買。我地都覺得佢 d 相影得好靚, 所以全部都買下, 都成七百幾蚊呀。最後 Jimmy 梗係唔會唔記得收導遊費啦, 仲派埋果張滑雪證書俾我地。學唔成都有證書, 你話而家 d 乜證書物證書幾咁兒戲。
|
7:00 pm
|
到達機場, 大家都好似有 d 唔捨得咁, 一黎個旅程就要結束, 二黎要同導遊 Jimmy 攝影師 Andy 分別喇, 希望我地再有機會見面啦。
|
8:20 pm
|
OZ 723 由首爾仁川飛往香港既班機起飛喇, 五天既韓國首爾、雪嶽山、鳳凰城滑雪之旅終於完滿結束了。
|
  |
沒有留言:
張貼留言