[2016 台北．馬拉松] Day 2 繼續食食食．世界級得奬麵包吳寶春

~Day 2~
23/1/2016 (Saturday) 台北 --- 雨, 寒冷

酒店 --> 新光三越 (領取跑手包) --> 松山文創園區．吳寶春麥方店 --> 蒸煮烤涮四層鍋 @ 沪里弄堂 --> 中山區．KUMA Cafe --> 中山地下街 --> 台北地下街 --> 阿鑫麵線 --> Sheraton Grand Taipei Hotel

12:00 pm

今日仍然都係落雨天, 加上要預留體力明天參加半馬, 所以訓晏啲... 訓醒直接去新光三越領取跑手包...

報到處好簡單, 大會只是在新光三越同微風松高中間既香堤大道設置一排檔攤, 跑手根據自已既參賽號碼去番適當既位置, 出示參賽確認電郵, 工作人員好快就送上你既跑手包... 內有號碼布、跑手 T-shirt 同計時晶片...

同新加坡既渣馬唔同, 新加坡渣馬主辦單位在 Singapore Expo 安排左一個專為賽事而設既大型展館, 除左跑手報到處外, 仲有好多由不同贊助商投得的攤檔, 賣既野當然同跑步有關啦, 好似跑衫、跑鞋呀咁。。。（後來去日本跑仲正, 個場館大到好似行花市咁...) 至於呢個台北渣馬, 大會似乎係呢方面久缺左啲誠意, 拎完野就走人喇...

12:45 pm
之後向信義松山文創園區進發, 目標係現時人氣高企既 <<吳寶春麥方店>>。途中經過一間 Cafe, 見到有北海道牛乳雪糕, 反正未食野就買杯試下啦 :p

接近文創園區, 只見一個好大既公園, 問下人先知原來麵包店係誠品生活既地庫...

麵包店創辦人吳寶春出生於台灣屏東縣內埔鄉大武山下, 15歲走到台北當麵包學徒, 自2007年開始參加世界不同既麵包大賽... 於2008年烘焙出 "酒釀桂圓麵包" 而獲得世界盃亞軍, 又於2009年以 "荔枝玫瑰麵包" 奪得麵包大師賽冠軍...

成為世界級麵包大師之後, 於2010年11月在高雄開設第一間個人麵包店, 其後於2013年8月在台北松菸誠品設立第二間分店。

台北 <<吳寶春麥方店>>
地址﹕台北市信義區菸廠路88號 (誠品松菸店B2)
營業時間﹕11:00-22:00
電話﹕02-66365888#1902

可能時間尚早吧, 之前聽人說黎買個麵包都要大排長龍, 但今日就唔駛排隊, 直入店內... 一向被人稱為 "包怪" 既我, 即係好鬼鍾意食麵包, 見到眼前各式其式香氣撲鼻既麵包就真係好想試哂佢地呢...

招牌既 "酒釀桂圓麵包"... 勁大個, 一個要 TWD350... 講到咁巴閉, 係咪真係咁好食呢？呢個麵包係用台南東山古法煙燻龍眼, 加上法國紅酒烘焙出來... 食落有桂圓香味, 麵包口感好... 好行貨既形容, 哈哈, 不過真係幾好食既, 推薦！

話台灣人服務夠細心又體貼真係冇錯, 因為出面落緊雨, 店員在裝麵包既紙袋外再另加一個膠袋, 咁就唔怕啲麵包濕哂啦...

買完個世界級麵包, 時間都唔早, 又出發去下一站覓食...

2:00 pm
搭的士去位於中山區既 <<沪里弄堂創意火鍋>>, 沪里弄堂來自上海創意四層鍋, 最底部為湯鍋, 二層為烤鍋, 三層為乾鍋, 第四層為蒸鍋, 所以又叫蒸煮烤涮四層鍋。

<<沪里弄堂>>
地址﹕台北市中山區南京東路二段97號B1 (捷運松江南京站8號出口)
營業時間﹕16:00-24:00 (Mon-Fri), 11:30-24:00 (Sat), 11:30-22:00 (Sun)
電話﹕02-2521-6161

的士司機好好人, 黎到南京東路仲要見到沪里弄堂個招牌, 先叫我地落車... 不過呢間火鍋店係隱身係一棟商業大廈既B1, 如果唔仔細留意, 可能行過龍都唔知呢！

好典雅既裝修...

一坐低就趕快睇餐牌, 話哂都有四種食法, 諗食乜都要花啲時間...

首先要揀第一層湯鍋既湯底, 再自選火鍋配料... 打邊爐叫肥牛係常識吧... （以下 MENU 來自沪里弄堂 FB 專頁）

第二層係烤鍋, menu 有好多不同款式既烤肉... 叫左我既至愛燒牛舌...

第三層係乾鍋... 睇到呢度, 什麼花雕雞, 三杯雞, 就感受到 <<沪里弄堂>> 確實係來自上海既創意火鍋...

其實 <<沪里弄堂>> 中既 <<沪>>, 指的就是上海既簡稱 <<滬>>, 而沪里弄堂就是上海巷弄裡既美食咁解...

最上層係蒸鍋, 叫左蒸活蝦同蛤蜊...

野食黎到, 放到一枱都係, 仲要有四層鍋, 都唔知食唔食得哂 >.<

呢個創意火鍋係就係夠哂創意, 仲可以一次過滿足到鍾意打邊爐同燒烤既我, 不過得兩個人又真係唔食得幾多野, 多啲人一齊黎會比較好...

4:00 pm
食到好飽, 係時候要走動一下... 走到南京東路一段既 <<KUMA Cafe 台北店>>...

<<KUMA Cafe 台北店>>
地址﹕台北市中山區南京東路一段42號2樓
營業時間﹕12:00-20:00 (Mon-Fri), 11:00-20:00 (Sat), 11:00-19:00 (Sun)
電話﹕02-2541-5837

走在南京東路上, 心想應該就快到目的地, 就係呢個時候, 見到不遠處有個好大好得意既熊本熊同我揮手呀...

其實熊本熊係黎自日本既熊本縣, 係該縣既吉祥物, 於2011年3月誔生... 熊本熊本身是日本九州新幹線全線通車後, 用以推廣熊本縣而設計既吉祥物, 後來慢慢變成廣受歡迎既人氣熊本熊部長...

自從上年十月去左九州之後, 就認識左呢隻咁鬼可愛既熊本熊... 得知上年5月台北開左呢間以熊本熊為主題既咖啡廳, 所以今次特登走黎探下佢囉...

Cafe 位於一楝商業大廈既2樓, 面積不大, 但設有商品區同用餐區...

好多熊本熊商品...

就連食物都係 Kumamon，fans 又點捨得食呢...

4:30 pm
好快就睇完，之後去行下地下街... 我地由中山地下街作為起點, 一路行經過台北地下街, 最後去到台北火車站。

黎到台北車站, 其中一個目的係買手信, 其次係打算係度食埋 dinner, 然後就早啲番酒店休息, 準備明天既比賽...

"Amo 阿默蛋糕" 我諗冇人唔識啦, 阿默即是 "Amo", Amo 在拉丁文中有 "喜好、喜愛" 既意思, 意謂阿默蛋糕是經過用心既研發同準備而製作出來俾客人既, 亦都希望客人喜愛佢...

<<Amo 阿默蛋糕台北微風站前店>>
地址﹕台北市中正區北平西路3號1樓
營業時間﹕10:00-22:00 (Mon-Sun)
電話﹕02-2361-8099

貴精不貴多, 產品款色真係唔多, 大部分人黎到都係買呢隻長條形蛋糕既, 有五種口味﹕日本經典乳酪、荷蘭貴族手工、日本真咖啡、台灣蜂蜜千層、法國奎絲特香橙。之前已經食過蜂蜜, 所以我買左乳酪味...

之後再過隔離既順成蛋糕, 順成蛋糕售賣既蛋糕種類比較多, 不過論人氣始終不及阿默... 既然都一場黎到, 照樣買左歐式長條蛋糕... 淨係長條形蛋糕都有九種味呀, 最後揀左拿破崙... 後來番到香港品嘗過後, 覺得阿默同順成都一樣咁好食, 梗係啦, 逢麵包蛋糕我都岩既, 我都唔明台灣咁多美食, 但台灣啲女仔一啲都唔肥, 羨慕呀...

買完手信之後去食 dinner, 原本諗住去呢間係香港人氣爆哂燈既 Dazzling Cafe... 從來都冇排隊癮既我, 係香港就冇機會食喇, 諗住黎到台灣食啦, 點知黎到竟然話要等一個鐘先有位... >.< 黎之前仲成日聽人話, 唔知點解香港咩都要排, 係台灣食邊駛排隊咁話... 因為唔想咁夜先番去, 所以唔等喇, 嗚嗚...