[2016 信州關東．母の誕生日] Day 2 媽媽生日@立山黑部

~Day 2~

8/10/2016 (Saturday) 日本 --- 雨

大町溫泉鄉 --> 立山黑部 --> 淺間溫泉 --> ホテル おもと

7:30 pm

今日係媽媽生日, 生日大快樂呀！一齊食生日溫泉早餐...

9:00 am

check out 後出發去立山黑部... 渣車到扇沢停車場, 泊好車後準備登山之旅...

在標高1425m既扇沢駅買飛登山...

10:00 am
還記得2009年既立山之旅, 當時是由立山黑部既另一邊, 位於富山既立山駅作為起點, 走到室堂番轉頭。今次同樣地, 因為自駕遊既關係, 不能一次走全程, 但不同既係, 今次以扇沢為起點, 同樣走到室堂回程... 對家人來說就只走一半, 但我就每次各走一半, 上次立山至室堂, 今次扇沢至室堂, 剛剛好走了立山既全段路線呢！

首先搭旅遊車到標高1500m既黑部水庫... 在黑部水庫展望台上, 可以眺望以立山連峰為主的北阿爾卑斯山和底下的黑部水庫景觀。6月26日到10月15日之間, 可以近距離觀看水庫洩洪的景觀。

走到黑部湖駅, 搭無軌列車到黑部平...

再搭架空纜車到大觀峰... 纜車從標高1,828m的黑部平連接到2,316m的大觀峯, 約1.7km長, 可以從車窗360度眺望立山壯觀的自然景色。此段應是賞紅葉最精彩的一段, 不過... 啲霧大到睇唔倒野 >.<...

12:45 pm
上到黎室堂... 標高2450m的室堂, 為整段立山黑部阿爾卑斯路線景點最多既部分...

能見度非常低, 落雨又大霧, 我地見外面天氣咁差, 咁不如食啲野先...

上次係4月開山時黎睇雪の大谷即係雪牆, 今次黎就諗住睇紅葉啦... 嘩, 滿佈紅葉既立山黑部你話幾咁靚先... 不過好可惜, 今日天氣真係不太好, 無辦法啦, 旅行就是這樣嘛...

落山喇... 從室堂慢慢回到扇沢...

大觀峰...

黑部平...

黑部湖．黑部水庫...

3:50 pm
又回到扇沢駅...

4:20 pm
出發往淺間溫泉...

5:40 pm
到達今晚入住既溫泉酒店 ホテル おもと...

6:00 pm
未夠鐘食飯先去浸溫泉...

7:00 pm
雖然今日未能欣賞立山既紅葉美景, 但仍有一頓豐富既生日溫泉晚餐...

9:15 pm
又再浸溫泉...

今日既手信, 唔少得既係信州限定既蘋果 kit kat 同巨峰 pocky...