2018 March 日本．海の京都．4 天櫻花自駕遊 - 行程規劃

~日本．海の京都 (姬路、城崎、伊根、天橋立、美山、京都、大阪)．四天櫻花自駕遊~

日期: 30/3/2018 - 2/4/2018

三月中剛跑完名古屋馬拉松, 咁快又飛？係咁既, 因為跑馬拉松之後少左啲純觀光既 trip, 次次都係為左跑步而出發, 仲要係趕頭趕命咁快閃... 跑完東馬同名馬之後, 真係好想休息下, 見三月尾有幾天復活節假期, 咁岩又同日本既櫻花期撞到正一正, 於是就黎個孝親團, 帶阿媽去賞櫻花啦！

由於同媽媽同行, 行程唔敢去得太盡, 希望以賞櫻花為主, 其次就係享受日本美食、浸下溫泉咁！又因為唔想媽媽辛苦, 所以選擇全程自駕遊。整個行程, 由大阪機場租車開始, 直駛去兵庫縣既姬路城同城崎溫泉, 之後向海の京都進發。看過伊根町船屋、日本三景天橋立同美山町既合掌村秘景之後, 返回京都、大阪再賞櫻花, 然後直駛回大阪機場結束行程。

後記
整個櫻花花見之旅, 原本是有一點點擔心的, 因為得我一個人駕駛, 驚攰啦, 其次係大阪京都這些地方都不太適合駕駛, 最後都同我預期差不多, 大阪京都非常塞車, 而京都搵泊車位亦唔方便, 幸好最後都非常順利, 所有安排好的景點都去哂, 仲要度度都櫻花滿開, 除左賞櫻名所姬路城, 京都既哲學の道同清水寺, 啲櫻花簡直多到茖雪咁·！除左櫻花, 唔少得既就梗係浸溫泉啦, 城崎溫泉確係一個好靚好特別既一個溫泉區, 值得推薦！至於大自然美景, 位於京都府北部既伊根町船屋、天橋立同美山絕對唔會令你失望, 不過確係幾遠, 時間預多點會比較好既！去完天橋立, 連同之前去過既宮城縣松島同廣島既嚴島神社, 日本三景都去齊了。有櫻花, 有靚景, 有溫泉, 仲要帶阿媽去食好野, 阿媽最鍾意食大阪既小丸子, 係道頓堀仲食左兩次 tim... 而我就去左 Gram & Pancake 朝聖, 食左個每日限定發售既人氣梳乎厘 pancake 囉！最後感恩的是, 4天天氣都好好, 每日都係藍天白雲, 阿媽玩得好開心, 番黎仲多左一輯個人櫻花寫真集！

➪ 相片集

地圖上看行程

在較大的地圖上查看2018 日本．海の京都．櫻花自駕遊

事前準備

準備	備註
申請日本旅遊簽証	免簽証
購買機票	購買樂桃航空 (Peach Airlines) 香港至大阪及香港快運航空 (HK Express) 大阪至香港單程機票各二張
購買旅遊保險	於美亞保險香港有限公司購買旅遊保險
訂酒店、車	於網上預約
買 Sim Card	於本港購買
換日元	於匯豐銀行換購

行程表

		住宿
Day 1	香港 --> 關西國際空港 --> (兵庫縣) 姬路城 --> 城崎溫泉	四季香る宿　いちだや
Day 2	城崎溫泉 --> (京都府) 伊根町．伊根の舟屋 --> 天橋立 --> 美山町	料理旅館　枕川楼
Day 3	美山町 --> かやぶきの里 (美山草屋之里) --> 京都．哲學之道 --> 清水寺 --> (大阪府) 道頓崛、心齋橋 --> 大阪	ホテルモントレ ラ・スール大阪
Day 4	大阪 --> 大阪城公園 --> 關西國際空港 --> 香港

整個旅程所需費用 (二人支出/一人付)

呢期日元好貴呀, HK$7.3 : JPY$100... 仲係請埋媽媽去... 

機票、酒店、交通	約 $27000
食	約 $1300
手信	約 $1100
娛樂	約 $250
其他	約 $150
總計	約 $29800

如果想知我地每日去左邊就要逐日睇喇. 仲有相睇 tim.