[2023 日本．關東富士箱根] Day 6-8 夏の東京 Part II

~Day 6~

2/8/2023 (Wednesday) 晴

酒店 --> Sanrio Puroland --> Shibuya Sky --> 東京ベイ潮見プリンスホテル

8:15 am

雖然離開左溫泉區, 但訓醒都可以浸溫泉 ^.^

[2023 日本．關東富士箱根] Day 3-5 富士河口湖 x 箱根溫泉

~Day 3~

30/7/2023 (Sunday) 晴

酒店 --> (山梨縣) 富士河口湖．新倉山淺間公園、忍野八海、天上山公園、大石公園 --> 湖楽おんやど　富士吟景

7:30 am

一早醒來, 浸溫泉...

8:30 am

執好行理就 check out...

8:45 am

拖住行理走到地下街 Lawson 買早餐...

[2023 日本．關東富士箱根] Day 1-2 家族旅行出發．夏の東京 Part I

~Day 1~

28/7/2023 (Friday) 香港 --- 晴, 東京 --- 晴

香港 --> 成田國際空港 --> 東京 --> スーパーホテルPremier東京駅八重洲中央口

12:00 pm

事隔 4 年既家族之旅出發喇, 由於正值暑假旺季, 加上岩岩通關無幾耐勁多人去旅行, 所以預早啲到機場...

大家於起飛前 3 小時在機場集合... 可能搭下午機, 冇朝早咁繁忙, check in 同過關都好快...

搭廉航冇飛機餐, 咁我地就去敏華食個 lunch 先...

2023 Aug 日本．關東、山梨 (富士河口湖)、靜岡 (三島)、神奈川 (箱根)．家族夏日 8 天自駕之旅 - 行程規劃

~日本．關東、山梨 (富士河口湖)、靜岡 (三島)、神奈川 (箱根)．家族夏日八天自駕之旅~

日期: 28/7/2023 - 4/8/2023

疫情過後, 大家都逐漸回復正常, 世界各地亦都陸續通關, 我都分別係 3 月同 4 月去左一轉日本同美國充充電... 除左自已, 亦都諗起家人, 對上一次同家人去旅行已經是 2019 年既關西和歌山家族慶生之旅, 黎緊就一於趁暑假同家人再出發啦 (除左細佬要返工去唔倒 >.<)... 不過去邊度好呢？事關暑假去邊都好鬼熱, 提議去北海道, 媽媽話唔想坐咁耐飛機 >.<  之前同姪女晴晴去過沖繩同大阪又唔想咁快重覆... 咁去東京啦, 但行程集中市區行太多路又怕媽媽辛苦... 就係咁諗左好耐都唔知去邊好... 思前想後, 最後決定飛東京, 中間租車去富士河口湖同箱根, 咁就可以體驗下繁華既東京鬧市, 又有不可缺少既東京近郊溫泉行程！

定左目的地就 book 機票, 話哂都係暑假旺季, 為左減低成本就揀左下午機去, 早機返... 整個行程 8 日, 唔計頭尾 2 日搭飛機, 中間玩足 6 日, 由關東既東京開始, 到步第 2 天先嘆個廚師發辦 おまかせ 午餐同逛下東京既必到景點東京鐵塔。第 3 天開始自駕遊, 渣車去山梨縣既富士河口湖睇下富士山, 第 4 天進發去靜岡縣既富士野生動物園餵下獅子。第 5 天遊神奈川縣既箱根, 景點包括強羅公園、大涌谷同箱根神社。完成富士箱根行程就回東京還車, 第 6-7 天再逛東京, 去左晴晴好鍾意既 Sanrio Puroland 、新興景點 Shibuya Sky 同台場一帶。

後記
整個關東富士箱根之旅, 結合左熱鬧既大城市、大自然美景、適合小朋友既動物園和主題樂園、溫泉美食同可以盡情購物既百貨公司。行程上我係滿意既, 但有些細節一如出發前所料, 令到今趟旅程有些唔美滿既地方。首先, 為左令大家舒服些, 尤其是媽媽, 行程上盡量安排自駕遊, 但東京作為一個十分繁忙既大都市, 交通亦都真係非常繁忙, 去程由東京去富士山同回程由箱根返回東京呢 2 程車都非常塞車, 每程都花了差不多3小時, 真誇張... 雖則話自駕遊方便, 但本人認為, 係東京搭火車到富士河口湖, 到左河口湖先租車玩富士箱根一帶, 咁樣免卻塞車之苦會比較好。其次就係天氣, 出發前都知暑假日本好熱, 但今次去呢 8 日真係極度炎熱, 熱到在街行 10 分鐘都差點中暑, 中途要不停買野飲降溫... 後來回到香港睇新聞, 報導話今年全球各地都錄得破紀錄既炎熱天氣 >.< 不過天氣既野, 就唔係我地可以控制既範圍, 夏天除左南半球, 其實度度都熱架喇, 最緊要係一家人開開心心一齊去玩姐。總結來說, 大家都玩得好開心, 最搞笑係晴晴晚晚返酒店都話要食杯麵宵夜, 超級開心啊！

[2023 美國西岸．三藩市] Day 6-10 閒遊舊金山 San Francisco

~Day 6~

6/4/2023 (Thursday) 三藩市 --- 晴

普萊森頓 --> 海角天涯 (Lands End Lookout) --> 三藩市 (San Francisco)

9:30 am

今早起床又有阿雨親手整既早餐食...

[2023 美國西岸．三藩市] Day 3-5 美國西岸．加州1號公路經典路線自駕遊

 ~Day 3~

3/4/2023 (Monday) 卡梅爾 --- 晴

普萊森頓 --> 蒙特雷 (Monterey) --> 罐頭街 (Cannery Row) --> 蒙特雷灣水族館 (Monterey Bay Aquarium) --> 卡梅爾 (Carmel)

10:30 am

行程第一天閒逛左 Pleasanton 同 San Jose 呢2個好舒服既城鎮, 又去左我好鍾意既大自然 Coyote Hills Regional Park, 今日開始我地會渣車去北加州西海岸既加州1號公路, 展開3日2夜既自駕遊行程。整條加州1號公路好長, 要玩哂沿路景點幾日時間係冇咩可能, 我地今次先黎個精華遊, 主要目的地包括蒙特雷 (Monterey)、大索爾 (Big Sur)、17英里景觀公路 (17-Mile Drive) 以及卡梅爾 (Carmel)。

[1號加利福尼亞州州道]

1號加利福尼亞州州道（California State Route 1）, 或簡稱1號公路、1號州道，是加利福尼亞州南北方向的一條州級公路。它主要沿着太平洋西海岸蜿蜒。該公路以其太平洋沿岸優美的風景聞名遐邇，是加州境內最有名的美國風景道路。除了沿線的多處景點，該公路還是大洛杉磯地區、三藩市灣區以及其他太平洋沿岸城市的重要運輸通道。(維基百科)

我地先出發往第一個目的地蒙特雷 (Monterey), 阿雨話車程都約需2小時, 建議去到先食野, 我話當然冇問題...

[2023 美國西岸．三藩市] Day 1-2 首次踏足美國西岸

 ~Day 1~

1/4/2023 (Saturday) 香港 --- 晴, 三藩市 --- 晴

香港 --> 舊金山國際機場 (San Francisco International Airport) --> 普萊森頓 (Pleasanton) --> 朋友家

6:00 pm

第二次去北美, 今次目的地係美國西岸既加利福尼亞洲... 行程會包括主要既城市舊金山同聖荷西... 同上次去加拿大一樣, 去得美加呢啲地方就唔少得探下老朋友啦... 今次襯復活節假期去美國西岸玩下, 順道探下好耐冇見既阿雨一家...

到左機場就辦理 check in 手續, 原來班機 delay 左...

2023 April 美國西岸．三藩市、普萊森頓、蒙特雷、大索爾 ．悠閒觀光 10 天之旅 - 行程規劃

~美國西岸．三藩市、普萊森頓、蒙特雷、大索爾．悠閒觀光 10 天之旅~

日期: 1/4/2023 - 10/4/2023

繼上個月頭去左一個日本既短 trip, 黎緊都冇咩計劃, 咁岩同個移左民既中學同學傾開計, 知道佢小朋友係4月頭都放假, 仲 plan 左假期尾果幾日會去 Death Valley 露營... 咁我話反正未去過美國西岸, 不如就趁復活節假去果面玩下, 順便探佢... 佢話當然歡迎, 不過淨去 Death Valley 都要4日3夜... 由於我都唔可以放太長既假, search 埋啲機票供應情況, 最後決定到步既頭幾日大家一齊集中玩西岸既景點, 之後佢地會出發往 Death Valley, 我就自已繼續遊覽三藩市內既景點。

有左個初步既框架之後, 我就上網買機票, 原本以為復活節係旺季, 點知 check check 下發覺竟然可以用里數兌換機票, 咁就唔諗咁多, 之前因為疫情3年冇得去旅行, 啲里數多到過期都唔知點用, 最後就換了一張香港至美國三藩市既來回機票。搞掂機票之後就同朋友一齊傾下行程, 朋友話佢地有車, 可以帶我去啲遠啲既地方, 而三藩市市內既景點相對交通方便, 我自已去都冇問題咁話... 由於時間都唔係太多, 最後決定去既城市同主要景點包括: 聖荷西 (San Jose)、蒙特雷 (Monterey)、卡梅爾 (Carmel)、大索爾 (Big Sur)、17英里景觀公路 (17-Mile Drive) 等等。

後記

去旅行有當地人帶路就真係非常好, 如果自已去都係睇下旅遊書, 再上網搵下有咩必去必食咁, 但今次有朋友提點, 係 plan 行程上確實係節省左好多時間... 其實整個行程既前半部分係朋友一家渣車帶我去到美國西岸既幾個沿海城市, 風景超正, 如果我自已去就冇咁方便了... 之後我按照朋友既建議, 遊覽三藩市內主要景點, 順利完成行程既下半部分。

如果大家有睇過2016年既台北．地道美食3天遊既 post, 就應該識得我呢個朋友了, 佢就係我既中學同學兼好朋友阿雨, 估唔到當年仲住在台北既佢, 現在一家人已移民到美國了。事隔7年, 佢地一家仲係咁好, 除左招呼我係佢地屋企住之外, 仲渣車陪我玩足5日, 阿雨仲親自下廚煮牛扒我食... 真係好多謝你地呀！

2023 March 日本．中部 (靜岡)．伊豆半島 (河津、伊東溫泉、修善寺溫泉、熱海)．桜花溫泉 4 天之旅

~日本．中部 (靜岡)．伊豆半島 (河津、伊東溫泉、修善寺溫泉、熱海)．桜花溫泉 4 天之旅~

日期: 3/3/2023 - 6/3/2023

回應返上一個2020年2月泉州國際馬拉松既 post, 估唔倒因為影響全球既 COVID-19, 令到大家足足3年冇得去旅行... 直至2022年尾, 世界各地陸續通關, 咁我就睇定啲先, 待情況真的穩定下來, 最後係2023年3月見工作冇咁忙, 都出關來一個日本溫泉之旅啦！

冇去旅行3年, 感覺連 plan 行程都好似有啲困難咁 :p 諗下日本3月有咩睇, 真正既櫻花期未到, 但靜岡縣既河津係全日本最早開花既地方, 每年既櫻花期係2月尾至3月頭... 另外, 之前都未去過伊豆半島, 咁今次就鎖定靜岡縣既伊豆半島為目的地... 但由於伊豆半島好大, 最理想就梗係環島自駕遊, 但我一個人去租車真的唔化算... 最後搜集過資料, 決定都係鐵道遊, 但去既景點就冇咁多喇... 

[伊豆半島]

靜岡縣的伊豆半島以海灘、溫泉及水上活動馳名，也是熱海、伊東及下田等知名濱海城市的所在之處。城崎海岸、石廊崎，以及位於半島南側和西側的小型城鎮，也越來越受歡迎。伊豆半島與富士山相鄰，也是富士箱根伊豆國家公園的一部分。(撰自日本國家旅遊局)

Day 1: 東京 --> 河津 --> 河津桜まつり --> 大室山 --> 伊東溫泉

Day 2: 伊東溫泉 --> 伊豆パノラマパーク (伊豆全景公園) --> 修善寺溫泉

Day 3: 修善寺溫泉 --> 熱海 --> 東京

Day 4: 東京 --> 香港

後記

相隔3年終於可以飛喇, 雖然我冇其他人覺得咁痛苦 (好多人一通關已急不及待即刻飛), 但可以出走幾天去日本浸個溫泉, 賞下櫻花, 對平時工作超級忙碌既我黎講確係興奮... 今次旅程首次踏足靜岡縣既伊豆半島, 正如 plan 行程時已估計到, 唔自駕的話真係花左好多時間係交通上, 尤其要去修善寺溫泉... 不過一個人揹住行理, 放慢腳步遊走伊豆半島, 欣賞下河津櫻、遠處觀望富士山、到訪伊豆出名既伊東同修善寺2個溫泉鄉、大嘆久違了既溫泉大餐, 真係非常享受。 

地圖上看行程

在較大的地圖上查看2023 日本．中部 (靜岡)．伊豆半島 (河津、伊東溫泉、修善寺溫泉、熱海)．桜花溫泉 4 天之旅