~Day
5~
29/12/2013
(Sunday) 晴
金邊 --> 萬人塚 --> 國家博物館 --> 民族渡假村 --> 波布戰爭陳列館 --> 金邊國際機場 --> 香港
7:00 am
酒店食早餐...
8:00 am
今日係整個旅程既最後一天, 會參觀金邊幾個主要景點, 第一站係萬人塚 (The Killing Fields)。
2013年12月29日 星期日
2013年12月28日 星期六
[2013 柬埔寨．吳哥窟] Day 4 盜墓者羅拉拍攝地 - 塔普倫廟
~Day
4~
28/12/2013
(Saturday) 晴
吳哥窟．塔普倫廟 --> 洞里薩湖 --> 金邊
7:30 am
酒店食早餐...
8:30 am
吳哥既行程得番一個, 今日會去埋塔普倫廟 (Ta Prohm)...
塔普倫廟為柬埔寨吳哥古蹟內的一座古寺廟建築, 位於吳哥城東面約一公里處。塔普倫廟興建於 1186 年, 為加亞華爾曼七世 (Jayavarman VII) 為紀念其母而興建, 神殿內供奉著「智慧女神」Prajnaparamita...
2013年12月27日 星期五
[2013 柬埔寨．吳哥窟] Day 3 世界文化遺產吳哥窟
~Day
3~
27/12/2013
(Friday) 晴
暹粒 -->
吳哥窟．南大門 --> 吳哥古城 (大吳哥) --> 巴戎廟 (高棉微笑) --> 比粒塔 --> 女皇廟 --> 吳哥窟遺跡 (小吳哥)
7:00 am
酒店食早餐...
8:00 am
今日既行程算係整個 trip 既焦點, 因為會參觀古跡吳哥窟。係介紹吳哥窟之前, 先講下暹粒呢個城市先... 暹粒 (Siem Reap) 係柬埔寨暹粒省既省府, 位於金邊北方約 311 公里, 距離泰國邊界只有 152 公里。與金邊呢個大城市相比, 暹粒比較寧靜同安全, 近年因為世界文化遺產吳哥窟而熱鬧起來。
2013年12月26日 星期四
[2013 柬埔寨．吳哥窟] Day 2 首都金邊一日遊
~Day 2~
26/12/2013
(Thursday) 金邊 --- 晴, 暹粒 --- 晴
金邊 --> 獨立紀念碑 --> 西哈莫尼國王皇宮 --> 金銀閣寺 --> 金塔山 --> 白色河 --> 暹粒
6:00 am
6:00 am morning call... 如果唔想咁早起身最好都係自由行啦...
6:45 am
係洲際酒店嘆番個自助早餐先... 食物種類選擇多, 味道好, 服務一流...
[2013 柬埔寨．吳哥窟] Day 1 世界遺產之旅出發
~Day
1~
25/12/2013
(Wednesday) 香港 --- 晴, 金邊 --- 晴
香港 -->
金邊國際機場 --> 金邊
1:20 pm
期待已久既柬埔寨世界文化遺產之旅就係聖誕節呢日出發喇, 懷住興奮既心情到達香港國際機場。
到左機場就去會合朋友同領隊 Carmen, 領隊幫我地 check in, 我地就去寄行理, 扲埋登機證就出境等上機喇。
2013年12月25日 星期三
2013 Dec 柬埔寨．金邊、吳哥窟探秘之旅 5 天遊 - 行程規劃
~ 柬埔寨．金邊、吳哥窟探秘之旅五天遊 ~
日期: 25/12/2013 - 29/12/2013
想去柬埔寨好耐，目的梗係想去一睹世界文化遺產 "吳哥窟" 既風采啦。但一直都冇咩機會，因為唔係太多朋友想去呢 D 落後地方 >.< 正正係聖誕前有個朋友問有冇興趣去，嘩... 唔駛諗即刻話好啦！
由於柬埔寨既重點都係吳哥窟，就算係首都金邊都冇咩 shopping 既，加上時間倉促冇咩時間 Plan 行程，所以我地決定跟團。
我地到旅行社搜集資料，最後選了永安旅遊一個五天團，團號為 PNH05V，行程可參考永安旅行社的旅行章程。
旅行章程只供參考，因當地導遊改變了行程，想知我地玩過乜最好就係睇埋個遊記喇。
總括黎講，整個行程都 OK 滿意，其實去柬埔寨既目的都係為左睇吳哥遺跡，玩就冇咩好玩，買又冇咩好買架喇，就連導遊都話你地黎左一次應該唔會再黎架喇 :p 但係當你置身於吳哥窟，親身欣賞到那些精美細緻既雕刻藝術、吳哥窟既日落倒影，又感受到被巴戎廟內笑佛監視既詭異感覺同塔普倫廟那種廢墟既味道，你就會覺得呢個旅程絕對係值回票價。除左吳哥窟，另一個令我比較有興趣同印象深刻既行程就係參觀金邊既波布戰爭陳列館，可以俾我深入了解到 70 年代赤柬統治時期既實況。行程唯一唔好處就係金邊出入，因為由金邊到暹粒既車程成五至六個鐘，如果大家唔介意俾多 D 團費既話，報金邊入暹粒走呢類既團會比較舒服既。
2013年8月24日 星期六
2013 Aug 日本．四國 (香川、愛媛、高知、德島) 9 天環島自駕遊
~日本．四國 (香川、愛媛、高知、德島) 九天環島自駕遊~
日期: 24/8/2013 - 1/9/2013
復活節去完西班牙都有幾個月，心思思又想走番轉日本 XDDD... 係我地未踏足過既中國、四國、九洲 (大頭自已去過既) 同沖繩呢四個部份，我地最後選擇左比較冷門既四國。其實四國與關西神戶只是一橋之隔，話遠又唔係好遠，但四國旅遊都以欣賞自然景色為主，加上四國景點分散，交通不便，喜愛 Shopping 既香港人就相對比較少。
今次係我地既第十一次日本遊，目的地鎖定左四國之後就上網睇下 d 機票... 初時原本想乘 ANA 經東京或大阪轉內陸機直飛四國，諗住可以慳番 d 時間... 但睇過 d 航班之後，發覺 d 時間麻麻地囉... 去到東京/大阪要 Stay 一晚第二朝先再轉機咁... 最後決定坐樂桃航空直飛大阪，由關西國際空港開始租車，再到四國完成環島遊之後，駕車回到關西國際空港還車。
整個四國環島自駕遊行程，由大阪玩上有馬溫泉，經姬路港進入香川縣既小豆島、高松，再以逆時針方向經德島縣既祖谷溫泉、愛媛縣既東予地區、松山、南予地區、高知縣既四萬十川、足摺岬、室戶岬，再返回德島縣既德島同嗚門咁環繞四國一周，最後經淡路島返回大阪，全程駕駛了約 1500 km。
四國主要係睇自然風景，有名既景點都有好多架... 小淘特別喜愛既有香川縣既小豆島同栗林公園、愛媛縣既瀨戶內島波海道、高知縣既四萬十川沈下橋、足摺岬同室戶岬、德島縣既祖谷藤蔓橋、落合集落同嗚門旋渦等等。除左欣賞靚景之外，唔少得既梗係我地至愛既溫泉同美食啦... 全程去左四個溫泉﹕日本三大名泉有馬溫泉、日本三大秘境祖谷溫泉、日本最古老既道後溫泉同足摺岬溫泉。美食方面呢... 嘩哈哈... 唔好以為四國呢 d 鄉下地方冇啖好食... 由於四國近海，周圍既名產都係魚生魚生同魚生... 愛媛縣有鯛魚、高知縣有鰹魚同知名既皿缽料理... 另外值得推介既仲有高松名物骨付鳥同日本三大烏冬之一既贊歧烏冬。四國 - 一個充滿田園氣息、人情味同古日本風貌既地方，確實值得一去架！
2013年3月29日 星期五
2013 March 西班牙．小城古鎮西甲鬥牛 12 天遊
~ 西班牙小城古鎮西甲鬥牛十二天遊 ~
日期: 29/3/2013 - 9/4/2013
自從上年復活節去完土耳其之後, 覺得呢個時候去歐洲真係一個唔錯既選擇, 雖然都仲係凍凍地, 但價錢就比暑假旺季平得多。 加上今年復活節檔期只要請三日假就可以去到十日, 咁當然要黎個長線遊啦, 最後決定去南歐既西班牙。西班牙係一個位於歐洲西南面既國家, 西面連接葡萄牙, 東北面連接法國...
今次我地會深入西班牙呢個國家, 黎一次十二天既深度遊... 整個行程由西班牙首都馬德里 (Madrid) 開始, 加上馬德里附近兩個古城﹕托雷多 (Toledo) 同塞哥維亞 (Segovia)。然後向西班牙南部進發, 先到塞維亞 (Sevilla), 再沿住地中海自駕到 Ronda, Nerja 同 Frigiliana 呢三個小鎮, 最後係格拉納達 (Granada) 還車。然後再搭夜火車向巴塞隆拿 (Barcelona) 進發, 最後返回首都馬德里 (Madrid) 再回香港。
今次旅程走遍西班牙兩大城市馬德里、巴塞隆拿同南部既小城古鎮, 睇左六個世界文化遺產, 包括 1. 托雷多歷史城、2. 塞哥維亞老城鎮及其輸水道、3. 塞維亞的主教座堂、王宮和西印度群島檔案館、4. 格拉納達的阿爾罕布拉宮、納里斯王宮和阿爾拜辛、5. 巴塞隆拿的加泰羅尼亞音樂宮和聖保羅醫院、6. 安東尼．高第的作品﹕桂爾公園、桂爾宮和米拉之家、維森斯住宅、聖家堂的誕生立面及地下室、巴特由位宅和桂爾居住區教堂地下室。 又去左充滿地中海風情既 Nerja 同 Frigiliana 白色山城, 係呢度可以感受到西班牙既藍天白雲同當地人既熱情, 唔怪得有人話唔去西班牙南部就等同冇去過西班牙, 推薦！另外, 去得西班牙梗係唔少得睇波同西班牙既國粹鬥牛啦, 今次旅程睇左兩場波: 馬德里體育會 VS 華倫西亞、皇家馬德里 VS 利雲特... 因為就唔岩時間, 睇唔倒 FC 巴塞隆拿, 希望日後有機會... 至於鬥牛, 有一點點兒殘忍, 但都值得一看！
2013年2月7日 星期四
2013 Feb 日本．群馬 (草津、伊香保溫泉) + 櫪木 (日光、鬼怒川溫泉)．溫泉 7 天自駕遊
~日本．群馬 (草津、伊香保溫泉) + 櫪木 (日光、鬼怒川溫泉)．溫泉七天自駕遊~
日期: 7/2/2013 - 13/2/2013
農曆新年又到喇，原本冇諗住外遊既，因為呢個超級旺季 D 機票實在太貴喇。係大約新年既兩個月前，無意中睇到國航去日本既機票連稅都只係二千幾，仲係年廿七晚出發兼用盡五日公眾假期，所以諗左一陣就買左了。其實要諗 d 咩呢？皆因坐國航要係北京轉機，出發當日要係北京停留一晚既，機程亦比較長。但考慮到國航會送一晚免費既中轉酒店，同埋機程看似好長 (比經台灣、上海轉機長)，但其實以往試過經台灣去日本，頭尾一樣係冇左一日架啦，所以一於成行。
今次係我地既第十次日本遊，天氣凍凍地決定黎一個溫泉之旅。初步搜集過資料後，目的地鎖定左以溫泉盛名既群馬縣同櫪木縣。去得日本以外既近郊，因為交通唔係咁方便，我地一向都會選擇自駕遊，但今次正值日本最凍既二月份，為左安全起見，決定先預約附有雪呔同雪轋既車。慘啦... 問左好多間公司，係東京租既車都冇雪呔同雪鏈呀，咁點算呀？唔通要改行程去第二度...？最後日產公司回覆有雪呔車但都係冇雪鏈，又問左網友意見，最後決定預約呢架雪呔車。
整個溫泉自駕遊行程，由東京玩上群馬縣既草津溫泉、榛名山、水澤、伊香保溫泉，經過赤城山、明智平再到櫪木縣既日光、鬼怒川溫泉，最後經宇都宮返回東京。
今次旅程除左浸溫泉嘆懷石料理外，仲順道去埋伊香保溫泉町附近既榛名山朝聖，呢度就係頭文字 D 入面拓海同夏樹約會既地方，仲可以行下拓海同人比賽果條 "五連髮夾彎" 賽道 tim... 另外又參觀左日光既世界文化遺產 "東照宮"... 特色美食方面就品嚐左日本三大烏冬之一既水澤烏冬同餃子城宇都宮既餃子... 整個旅程非常順利，日元又跌左，玩得好開心！
訂閱：
文章 (Atom)