[2014 日本．中國地區] Day 3 島根人氣出雲大社

2014年4月19日星期六

[2014 日本．中國地區] Day 3 島根人氣出雲大社

~Day 3~

19/4/2014 (Saturday) 晴

米子 --> (島根縣) 石見銀山 --> 出雲 --> 出雲大社 --> 松江 --> 松江城 --> 米子 --> 米子 Town Hotel

7:30 am

其實今天要去既地方全都在島根縣, 明天才會玩鳥取縣... 選擇住米子係因為米子市位於山陰地區既中部, 與島根縣相接, 係山陰區既主要都市之一, 也是人口最多既城市... 由呢度搭鐵路往返山陰其他城市, 交通都非常方便, 所以米子素有 "山陰之大阪" 既稱號... 以此為落腳處, 去兩邊既景點都方便而又可以搬少一日行理呢！

呢間酒店都不錯, 就在米子火車站旁, 房間算大, 包埋一個健康早餐 ^.^

8:00 am

今日首先會去睇睇島根縣既世界文化遺產石見銀山。島根縣, 南界廣島縣, 北臨日本海, 一個比較偏遠既山區縣份, 人口亦非常稀少。但這土地卻是日本古文化既發源地之一, 豐富既文化遺產和好多有關日本建國既神話故事, 使呢個縣成為一個令人嚮往既旅遊觀光縣。縣都設於松江市, 另有重要城市出雲市。

先由米子站搭 JR 到大田市站...

到左大田市站, 就在火車站前轉乘往石見銀山既巴士...

10:15 am

石見銀山位於島根縣既中部, 大田市既大森地區, 佔地非常廣闊, 係世界首屈一指生產高質量既銀礦山之一, 於 2007 年被列入世界文化遺產名錄之中, 亦係亞洲首個發錄世界遺產的礦山遺址。其範圍包括銀礦山遺跡、礦山小鎮、石見銀山街道以及一些被選定為重要傳統建築物群既保存地區。

在石見銀山世界遺產 Center 站下車, 然後開始漫遊呢個世界文化遺產。

石見銀山公園...

重要文化財...

11:30 am

因為唔係自駕遊, 又要趕巴士火車去下一站, 所以要走喇, 搭巴士回大田市。

12:00 pm

搭 JR 去出雲市站, 然後再轉一田電鐵到出雲大社前站。一田電鐵係島根縣東部既私營鐵路, 擁有北松江線與大社線兩條鐵路路線, 我都係搭佢去之後既兩個景點﹕出雲大社同松江架。

2:00 pm

中國地區既景點真係好分散, 一個人冇得自駕, 花係交通上既時間真係唔少, 不過亦係另一種體驗黎既...

終於黎到出雲大社, 食番個 lunch 先, 出雲呢度最出名既就蕎麥麵。

2:30 pm

食飽飽就向出雲大社進發...

出雲大社係一座具有神話色彩、年代久遠、地位崇高既古神社。日本人將農曆 10 月稱為「神無月」, 因為人們相信這個月全國諸神都奉大國主之命, 集結到出雲大社, 故只有出雲是「神在月」, 並在農曆 10 月11 日至 17 日這七天盛大舉行「神在祭」（又稱「御忌祭」）。當地人在這段時間必須過著齋戒、樸素既生活。據說神明聚會這說法, 是中世之後的御師為了鼓勵人們前往出雲大社參拜, 而在全國廣泛流傳。

另外又因出雲大社供奉的大國主命以結緣神及福神最為出名, 出雲大社成了日本求緣最靈驗既神社, 亦都成為島根縣最人氣既必訪景點, 如果大家想求姻緣都可以黎呢度參拜一下啦！

神樂殿上有長 13 米、腰圍 9 米, 重達 5 噸被稱為 “注連繩” 既巨大稻草繩。

3:15 pm

離開出雲大社, 走到神社前的商店街... 咁遠黎到呢個人氣月老神社, 臨走買番條靚靚手繩番去先...

好得意既魚仔燒餅...

4:00 pm

經過商店街, 走回出雲大社前電車站, 搭電鐵到松江, 約需一個鐘...

5:30 pm

到左松江就出發去松江城, 行行下好鬼凍, 又有 D 餓, 走入 Lawson 買野食先... 日本便利店既小食都得意過人...

5:45 pm

松江城位於島根縣既松江市, 始建於 1607 年, 至 1611 年結構性完工, 到 1622 年才全面完成, 由松江藩第一代藩主堀尾吉晴建造。由於松江城是在封建日本最後一場大規模戰爭後建造的, 所以它從未經歷過任何戰役, 是少數存留下來的日本古城堡之一, 更是少數用木製成而非水泥結構的城堡之一。不過目前僅存的也只有天守閣同部分石垣。